一寿司 (已結業)

又一間排隊食店﹐上禮拜特登早D六點半前去﹐最後都只有吧臺坐﹔都好﹐起碼唔洗排隊。巨型魚缸同雀籠幾搶眼﹐但我都係關心服務同食物質量多D...先來隨手在回轉帶上取了三幾款壽司﹐魚就OK﹐但D飯就認真麻麻﹐入口乾硬。之後就索性ORDER﹐亦從MENU點左D特色壽司﹐例如標榜"一生一次"的牛壽司﹐BRAD PITT卷等。發覺配料OK﹐說不上一生一定要試一次﹐但飯都係唔得。不過﹐有兩樣野我就最看不過眼﹐亦係激發我寫呢篇食評的原因:1.其中一個壽司師傅﹐他不停撥打手機﹐搞帽﹐唔帶手套唔洗手但又一邊切魚做壽司﹐覺得非常不衛生。2.條壽司軌會經過後面一塊大布(裝飾用)﹐但見塊布飄飄下﹐而D壽司雖然有蓋﹐但個蓋上都有洞。我懷疑有不少塵埃從布掉進壽司裡...坦白講﹐價錢﹐地點﹐食物﹐裝修都只係OK水平啦。不過﹐服務員都幾落力﹐加分。始終﹐有強烈港式經營感覺同質素﹐真係"一生一次"就夠啦。