一寿司 (已結業)

今天是復活節的最後一天,見門口沒有初開業般多人,而且路經該店時總被那大魚缸吸引著,即使要等半個多小時也堅持要光顧.不過壽司的種類及質素便不及預期的好.雖然材料也算新鮮,但是份量較小.與峰壽司比較,款式與味道也較遜.沒花巧的壽司比較合口味,例如帆立貝壽司.有火燒的就不是太理想,例如火燒的海膽蟹肉(忘了正確名字),小小的海膽有點苦,蟹肉較咸.手卷尚算ok.小食方面,炸雞軟骨很咸,味道竟有點似午餐肉!服務也可以.但是,有時侍應會很殷勤地添茶,有時叫了數遍也沒人理會...總括而言,個人覺得這店水準一般但價錢較貴.遺憾地不是很多座位能讓食客邊吃邊欣賞那敞大的魚缸,較懷念在門外冀望光顧這店的感覺.

味道一般新鮮, 我個人認為味道都係蜂壽司最好蜂壽司(白沙道) > 板前壽司(尖咀) > 一壽司另外, 一壽司既款式好多都同蜂壽司一樣, 有抄襲既感覺, 所謂創作壽司, 唉...最好味係火炙和牛壽司Size壽司好瘦削, 海膽軍艦卷好細隻, 唔係軍艦係砲艇。服務態度某個阿姐幾唔好語氣

此間鋪有個gimmick"一生一次"，試了其中幾款：1.極品鮑魚配秘製特濃鮑魚膽汁壽司；2.俄羅斯貝魯嘉魚子+牡丹蝦壽司；3.Bikin煙燻三文魚刺身。鮑魚個件由小肥負責，上到枱原來只有正常Size一半，食完佢話無乜特別。輪到我件魚子+牡丹蝦，老實說一小撮魚子同大大隻蝦一齊食，着實啖不出個味來，若下次應先試一小撮感受真味，當然蝦是絕對厚肉鮮味非常。煙三文刺身上枱，表面看上並不很肥美，跟着餐牌指示，試將半件不咀嚼，雖沒耐性等他慢慢自家溶化，但就這樣含着，果真那鹹香的煙燻味充斥口腔，再將餘下嚼之，更是滿口油脂，另外半件夾雜些紫蘇葉及蘿蔔苗，不出所料味道都給搶去，建議就算要咀嚼，也只宜淨吃才不浪費那美味。其餘我們點了的壽司：蟹肉牛油果，火舞黑蜘蛛卷(軟殼蟹&三色魚籽)，火炙海膽帆立貝，帆立貝x2，極級藍鯨吞拿魚，還有火炙玉子，蟹肉清湯。帆立貝極鮮味厚肉有彈性；牛油果配蟹肉一creamy一鮮味，絕對是很好的化學作用；軟殼蟹卷香脆啖啖肉兼夾魚籽脆卜卜；藍鯨吞拿連平時不太喜歡也覺得魚味濃郁很好味；不知是否禽流關係玉子略為過熟，若如此也不用試；清湯端上枱聞到很香蟹味，但啖之卻不太見踪影，蟹肉也已出味

9:30pm 都等o左十分鐘位. 五毎人叫o左好多款食物, 但係我覺得質素一般.要相比o既話,我覺得蟹柳,劍魚,卷物,海胆都冇峰壽司咁好. 軟殼蟹,油甘魚就差唔多. 其他d壽司都係so so.. 冇咩特別值得mention.要等位o既話,都係算吧啦.

同朋友仔慶祝生日，佢想食壽司，就試哩間"一"。一入去俾個大魚缸吸引，珊瑚熱帶魚好靚。好肚餓樣樣都想試，火炙魷魚、劍魚、露筍天婦羅、蘇格蘭三文魚、黑椒三文魚、火炙三文魚、初吻、辣汁加州卷、蜘蛛卷、象牙貝、車海老、凡立貝、海鮮魚生飯、炸雞軟骨、汁燒玉子...(仲有，不過唔記得)，全部都普普通通，冇乜特別，比較好味係極品吞拿魚，平時唔鍾意食吞拿魚0既我都覺得好味，不過第二碟冇咁好味lu...碟碟size好細，食極都唔飽咁...HSBC咭食滿$200送雪糕，再加多個個蘋果雪芭，ok但越食越甜。環境靚，坐得舒服，服務又好，但食物普通size細，而且比較貴，食好多都唔覺飽咁，四人埋單$545，試一次就夠lu

大病初癒, 同友人話好恨食久違了的壽司, 咁岩又行過尖沙咀, 所以就去"一壽司"坐坐了.除左叫左至愛的三文魚,吞拿魚, 旦壽司, 同極品黑和牛壽司, 仲點左佢的新出品"金鎗魚腩露筍壽司", 飯團以外卷著的白色部份為白蘿蔔, 感覺份外清新. 另又試食了清酒煮蜆, 清酒內加左幾種菇類, 食湯除左酒香, 仲有一份清甜味, 但我還是比較喜歡蜆仔味噌湯(先入為主???!!!).店內有一個大大的魚缸, 本人雖然唔係一個愛魚之人, 但係游來游去的魚令人感覺心情愉快

抱著好奇的心態來試一試．．．蟹柳：失望。跟超級市場的假蟹柳沒有分別!軟shell crab：真的很軟...辣汁吞拿魚：下?辣的嗎??火炎蟹棒：為何會有很多水流出來呢??海膽：不錯。不過整舊壽司的體積超迷你蟹子：平凡之中的平凡帶子：十分新鮮!海膽雞軟骨：吃下去的味道好像KFC的炸雞。還有,那裡來的海膽?? 如果你說來這裡是吃環境的(那些魚)，我寧願買吉之島的壽司回家看著魚樂無窮來吃! 用這個價錢到"峰"吃,可以得到大大的享受..這間壽司店....?可真是"一生一次"

Went to this place few weeks ago, the deco is warm and the fish tank is beautiful. Sushi is really fresh... just one no good- I have to wait almost one hr, so I don't know if I will go back...Here's what we have:Raw beef sushi... you must try... it tastes so good. We ordered almost 8pcs with my friends.Sweet shrimp... really big and freshUni... very freshSome kind of clam sushi... don't remember... average...Tuna, salmon are above average...and don't forget to use HSBC credit card, you get som

久聞佢既大名,終於有機會黎試:－１）食物方面，可能食開和花亨，板前，峰等，唔覺得呢度好食過佢地，但sushi既size就仲細過佢地，與其要等，寧願去"板前"同"峰"２）環境方面，幾好坐，不過地方細，好嘈，傾唔到偈，(雖然個魚缸好靘，但比唔上坐響店內一邊食一邊望住出面等緊既人群，個場面仲壯觀仲好睇)３）服務方面，服務態度好好，但唔代表服務素質高- 朋友遲大到，因我地係兩位，人唔齊唔俾入，即使我早到佢地亦有好多位都唔俾我入，要響門口等人齊先入得，（相信呢個係佢地成日好多人響門口等位既原因），在場好多人都係因為咁而被迫響門口一邊"罰企"，一邊伸長條頸不斷向裡面ｄ吉檯張望- 朋友唔舒服要食藥，但佢地杯茶太熱，於是問個侍應有無暖水或凍水，只獲回覆"呢度係按日本既傳統，只有熱茶供應，想要凍水可以order礦泉水"- 坐order檯，一食完碟sushi，佢地就即刻收左隻吉碟，若然埋單佢地收多左你錢，你都唔知啦，食sushi既野，兩個人食十幾廿碟都好閒，點記得order左ｄ乜，有無上漏架？如果去開呢頭，又唔駛等既話，或者會再黎，否則唔會專登黎食lor　　

見到屋企附近有間新既一sushi裝修中，又標榜全港最豪華既迴轉sushi。今日咁岩係尖沙咀見到呢到有一間，所以就睇都無睇就入咗去。裝修真係比平時既迴轉sushi靚好多，又有個大熱帶珊瑚魚缸，望住都幾舒服。座位多以枱為主，sushi bar既座位大概有20個，唔多。由於我今日去既時候係午市，係"轉"緊既sushi好少，所以就坐枱既座位。sushi既種類都好多，價錢同禾花亭一類既差唔多，唔係突別貴，食物都感覺新鮮，其中比較鐘意佢個牡丹蝦sushi，雖然係$20一件，但係就好大件，好肥美，值得一試。帶子都好厚肉，但係就唔係特別大隻，不過都可以一試。服務都唔錯，有笑容而且見隔離枱改單，佢地改完都會通知個客一聲，係其他地方少見。我地兩個人食咗10碟sushi，兩個刺身，加個雞軟骨，埋單獨$285。

之前都覺得d壽司唔錯，於是再去，點知非常失望。服務：本來想坐bar枱，不過冇位，要坐table，侍應話有位就幫我地轉bar枱，到有位又話出面有人等緊，其實就轉左俾遲過我地入去嘅情侶，非常過份。環境及乾淨：有個大魚缸都幾靚，不過枱面d設備就唔掂，盒wasabi俾人搞到好核突，入面有豉油，又濕，一pet pet，都冇人換過，真係唔掂。食物：最衰係d食物唔掂。藍鰭吞拿魚：本來好香魚味，好鮮，但係今次完全冇味。海膽雞軟骨：本來個醬黃黃地色，都幾香，我估/當佢都加左差少海膽。點知今次全白色，同普通沙律醬冇分別，絕對有欺騙成份。價錢：以中上嘅價錢食d中下嘅壽司，梗係唔抵啦！

同幾位朋友食飯, 有位朋友提議黎呢度食, 係雜誌見過廣告, 覺得幾特別, 咪去試下。朋友六點四十五分已經到左, 以為呢個時間唔駛點等位啦! 點知最後都等左個半鐘。一入到去, 我坐個位係對住個大魚缸, 真係好靚! 對住個魚缸食壽司係幾賞心樂事。講返野食先, 其實壽司質素普通啦! 最好味係個炸雞軟骨。好野味!我地坐左兩個鐘到, 大約十點幾走, 走個時都仲有好多人係度等位, 個侍應就同我地講, 通常大約去到十一點都仲有人等位, 間舖十二點打烊, 客人食一個鐘就怱怱走人。如果下次唔駛等位, 我都會再試。但又要等咁耐, 就怕怕啦~~

$35 既雜錦天婦羅,又平又好味,又熱騰騰, 簡直一讚! 一碟有三隻蝦,一冬菇,一矮瓜,一蕃薯,一"戶"頭。(好過果次去魚二丁$80一碟,份量又少又散晒!)壽司水準中上, 食左5次左右...第一次既壽司最大塊最好味...之後唔知點解...細塊左...佢既帆立貝壽司$20 , 一碟兩舊, 塊帆立貝好大好鮮, 絕對要試!海膽醬雞軟骨($25)又係要一定要食,果度熟食比較少, 叫下呢d小熟食咬下做緩衝作用, 幾好架!坐order檯其實好坐過迴轉吧檯, 對住個大魚缸食食生...哇哈...p.s有個侍小姐一晚連sell我地三次,食佢地既日本空運帶子...$60 / 4塊....最後我地都試左...比較普通,但位小姐態度好好, 仲問我地好唔好味,又話俾多左兩塊我地潻...埋單每人$140...不過食到翻左

久仰Sushi One芳名，周末晚終於得嚐一面。和許多新式迴轉壽司店一樣，妳也喜歡被擁戴的感覺，看妳那張等位清單，真是比等候移民美國的名單還長，不禁令人心驚。幸好，時間愈晚，受妳青睞的機會愈大，否則，我倆可能永無相聚之日。看妳為客人精心打扮，主調黑得有型，間格合情理，坐得夠舒服，一個闊銀幕熱帶魚缸，盡顯氣派。近洗手間的鳥籠雅座，彌漫陣陣禁室中被人另眼相看的微妙快感，品味果真獨特。妳為我預備晚饍，我也不敢怠慢﹕前菜﹕枝豆；壽司﹕三文魚、燒汁魷魚、海膽、蟹子、軟殼蟹、帶子；小菜﹕煎蛋、雞軟骨、雜錦天婦羅、炸豆腐；還有南瓜雪糕當甜品。壽司平均來說，肉的比例大，飯的比例少，容易一口一啖。新鮮度可以，美味度略遜“峰”一籌。煎蛋感覺良好，$9益食家，食的時候我都忘了禽流感。天婦羅賣相十足十，味道差些少，既然價錢實惠，我亦無話可說。結賬$238，中環裝修、旺角價錢、銅鑼灣味道，最少都贏哂元X。如果妳質素不變，又不會令人肚疴，我還想再見多妳幾面。但我知道，前面那100張枱，將會考驗我們的感情，可惜的是，我從來不是一個堅強的人，還是有緣再會吧。

同朋友仔前兩日黎食,下晝5點幾唔駛等位,服務好好!叫左差唔多20碟sushi,最正係帶子同海膽,好正!鍾意d飯唔大舊,可以一啖食晒件sushi!好正!