一寿司 (已結業)

都唔係大家講得咁差，幾好呀。我同女友預祝情人節，星期一晚六點幾去，唔係等o左好耐就有位喇。( 仲係坐雀籠位添！)等得耐會令人心情差，連帶對食物同staff 都有偏見。如果峰壽司唔使等兩個鐘，*感覺上* 肯定會仲好食、o的staff 肯定仲好service ！*感覺上* ...我就覺得呢度o的食物真係算唔錯。軟殼蟹的確唔得，因為成隻o野冇咬口，好明顯隻蟹唔靚。不過其他魚生壽司o既質素都屬於令人滿意o既水平。起碼我覺得海膽甚至比峰壽司略勝一籌。三文魚都唔差。如果同我一樣咁奇怪鍾意食玉子壽司o既話，呢間都唔錯o架！仲有好多原創o既新派壽司，例如芒果三文魚花之卷，淨係創意已經值得支持啦。點解冇人讚o下呢？服務就正常，唔係特別好亦冇話太差。特色係佢o的企堂好多都係「媽媽輩」。肯用上o左年紀o既人而唔迷信後生仔( 但完全冇禮貌可言) ，我好欣賞。o係同級o既壽司店o黎計，佢未必係最好o個間( 我都仲係鍾意峰壽司多o的) ，但都一定唔會係最差o個間。起碼點都唔會差過元綠！

上星期, 下晝去Sushi One食, 之前都經過過呢間野, 夜晚排晒隊咁, 我地成兩點先去, 食左好多野呀~~ 有軟殼蟹壽司, 炸蝦壽司,天婦羅, 牛油果, 魚子,等等等等. 因為過左lunch hour, 無乜人, d野都黎得ok快, d野好好味喎.. 最好味係35蚊一件既和牛, 果個口感, 搞到我想扮袁彩雲添... "um.. 好味呀~ 好有口感呀.. um... 蹈蹈, 你d介紹勁正喎" 不過果個蜆湯, 好咸..我係坐背住街既位, 望d果個大魚缸d魚... 好靚呀埋單都唔係好貴. 2個人埋單300蚊食到攬住個肚走呀..

壽司同間舖個樣一樣-幾靚wo!可惜味道就差d啦...d魚生好似幾新鮮, 但就無咩魚味lor...呢度有好幾款創新壽司, d配搭好似幾特別咁...試個芒果配三文魚...點知件壽司到, 見唔到d芒果!?同menu張相差好遠!!仲有, 壽司size比較細而價錢就差唔多...好似無咁抵lor不過個魚缸同d魚就真係好靚...睇怕都用唔少錢去整同保養PS 鐘意佢wasabi, 少少就好辣了

成日行過亞士里道都勁多人排隊既sushi one，尋日諗住去試下啦! 點知食到火滾!一早預左要等位(因為冇得book位)，我地一行3人拎左19號飛，叫到11號。一於去行下街先，(1個鐘後)行完番黎，叫到13號(12號補飛)。嘩！肯定有排等，我地都等落去。個接待員不斷叫2人飛，叫左over20張(當然有人入座)。朋友開始覺得唔對路，冇理由only叫2人飛, 我地3個以上咪有排等。朋友A去問reception(細聲+有禮貌地): 點解only叫2人飛. 你地會唔會hold台比3-4個人呢?我等左一個鐘零九個字, 可唔可以話我地知大概要等多幾耐?我地得到既回應(大聲兼態度差):時間呢樣野我真係答你唔到，冇人埋單，我都冇辦法架!咩野叫做冇辦法?你會唔會態度好d講句唔好意思, 我暫時答唔到你要等幾耐呢?呢個reception好似佢地個招牌咁,一樣咁黑。態度就好似佢地個魚缸咁,一樣咁cool!!!入到去坐低(total等左2個鐘), 好想知佢地野係咪咁好食!令到我地好失望!個天婦羅硬架, 一d都唔鬆化。叫左三文魚刺身，赤貝同甜蝦，三文魚算ok,個赤貝就唔食得喇!冇雪味, 不過連赤貝本身既海水鮮味

個魚缶真係好大,靚... 但係D 壽司就麻麻la...d湯太淡...手卷d紫菜出到離都淋曬...重有soft shell crab有d怪怪地...得d小食(南瓜天婦羅,豆豆)好食d....不過d 待應的確好有禮貌..

等3點鐘tea time 時間黎會少人d2個人食左$250好細碟又唔新鮮或者呢個price 係要平衡反裝潢成本？個人認為格局未至於靚到"嘩嘩"聲但係如果長期靠格局吸引人一定做唔住軟殼蟹差過元氣d 刺身又唔夠峰壽司好(以同級壽司店評論)有樣野等左好耐未到我地吹單點知佢地話一早上左幸好最後擾攘一陣都係上返比我地證明左落單system 唔好我覺得試下就夠

我同黃同學各自做完自己嘢之後,相約在這裡食飯.服務態度真係好到加零一,食物味道都幾好,值得一試

N個月前, 雜誌見到有新壽司店開張, 仲有靚靚的魚缸, 當然去試... 夜晚等左好耐先有位, 壽司樣樣叫D, 都唔記得食左咩啦! 淨係記得什麼一生一次, 都叫左幾款, 都OK咁啦.印象中, 食完都幾滿意, 因為我係一個勁貪新鮮的人, 鐘意試新野! 所以, 計埋新鮮感, 環境, 心情, 整體上都幾好呀! 但你問我食過咩, 點好味法, 又唔多記得LU~ HEHE..細妹在美國返黎, 佢鐘意食日本野, 就帶佢黎試..今次我地食LUNCH坐BAR抬.. 又係樣樣都叫D啦... 又幾好啦.. 又唔記得食過D咩囉... 呀, 係, 最記得我食果件一生一次的海腥壽司有陣怪味, 仲等我一野O拍落口添.. >.<細妹就覺得和花亭好味D喎!

繼上次去壽司]等左1個鐘之後，另一間壽司]都唔弱，都等左9個字，壽司]裡面裝修都幾好，有一個好大個既魚缸同好大個既雀籠，食物種類都算特別，味道唔錯，幾好食，但都係壽司為主，小食就少左少少選擇，侍應態度好好，好有禮貌！

近排想食壽司, 既然人在老尖要搵地方食飯, 就醒起可以試試呢間.接近晚上九點, 依然有人響門外等位, 不過只係板前的三分之一, 單拖更加唔駛等, 即刻有位.裝修係唔錯, 但無傳媒吹得咁正, 個大魚缸背對著大部分坐位, 其實唔見得幾多眼. 散檯擺得幾迫下, 我坐壽司檯前, 椅子太高, 起身坐低都有點麻煩. 迴轉帶又只得一半對著客人, 有點浪費資源.先響迴轉帶上拎左一碟唔知咩貝類壽司, 超韌, 飯粒就又乾又硬, 完全無黏性, 亦都太實. 初時以為係果碟擺耐左, 但之後order果d, 壽司飯都唔好得幾多, 以手握壽司黎講, 真係好唔掂.見隔離位order既赤貝刺身幾靚仔咁, 一於整番碟, 都算唔錯. 牡丹蝦刺身就唔多新鮮. 食番壽司, 個什麼一生應該食一次的拖羅, 片到好薄, 感覺孤寒. 海膽軍艦上檯時, 紫菜已腍晒, 海膽本身都ok. 火炙海膽帆立貝就無論口感同味道都幾好.其實呢度款式唔算少, 但果d創作壽司真係吸引唔到我, 加上d壽司飯難食, 所以睇左幾次menu都放棄再叫壽司. 見汁燒玉子好平, 又叫左一客, 一分錢一分貨, 預左唔鬆化, 但加左個汁都幾香甜.負責落單同斟茶的侍應,

好有情調! 我同北極熊先生坐轉轉台, d lighting 打得好prefect, 碟sushi轉到面前個時由暗站到光站時, 好似d star 出台light up gum, 好吸引! 手握sushi, 飯量適中; 好幾款都有生果, hai幾特色, 可惜本人唔多好. 魚生好新鮮, 特別hai 帶子, 真hai 好好好鮮!!!最好應該hai軍艦, 因為次次去轉轉sushi shop, d 軍艦都hai放到d紫菜林晒... 呀北極熊先生一定要“趣趣”紫菜先得開心, 而sushi one所有軍艦都hai 即叫即整, wow 北極熊開心到…服務200%熱情, 杯水一飲就fill, 一飲就fill…仲次次都要“我幫你加d水呀”, “小心熱呀”…都幾破壞情調ga, and then 唔hai 個個都鐘意比人當小朋友gum ho ga ma LOL因為個豪裝+大魚缸, 以為好貴la, 點知個只o係比元氣貴o左1成到! 超值!

24/12去食架...個日有minium charge>>$120都唔算好貴...又見之前都幾好人排隊...就入左黎啦..叫左好多野食,,,叫埋一樽sake...樽sake唔算好濃...一般..壽司飯的確係唔夠實...每次都散...但係料都算新鮮...服務唔錯..好有禮貌同自動自覺湛水...同埋後面個魚缸好靚啊!!

尋日考完試去左號稱有海洋公園以外，全港最大珊瑚魚缸，位於尖沙咀亞士利道既『一壽司』，睇過好多雜誌有報導佢地。自從銅鑼灣『豐壽司』成功了之後，坊間出現左好多同類型既中價壽司店，不過尋日去左尼間『一壽司』之後覺得幾失望，因為壽司的飯很乾，有不新鮮的感覺，而壽司入面既材料都唔係好新鮮，海膽帶黑色。坐係壽司吧既我，親眼目標佢地製作壽司既過程，非常恐怖。壽司吧後的壽司櫃是開放式，可以見到師傅的製作，佢地既枱面有一部電腦出票機，票會自動從機中出來，師傅就憑當中既資料去整壽司，不過睇住佢地整真係觸目驚心，每當佢地搓好一件壽司之後，就會用手去取票，在沒有洗水的情況下做新的order，當做好order後又繼續相同既動作..............咁你唸下佢隻手又幾乾淨之後整好一大堆壽司之後，只會沒遮掩情況下，放在吧枱尾等待服務員分發給客人，而最要命的時，之前提到的電腦order單會跟隨每一個order貼在壽司上，你冇睇錯你貼張單係壽司上面..........我睇左佢地15分鐘都係咁，好彩我只係食左幾碟，馬上埋單走人﹗有個好靚既魚缸，不等於有好的食物質數，至於值唔值得去排隊等食，我唸你地心中有數﹗﹗﹗

都差唔多10pm,去sushi one應該唔洗排隊卦,就試下呢間啦前址係星加坡餐廳,樓底幾高,裝修比較moderate,我地坐bar檯,唔知係咪因為時間不早,迴轉帶上面竟然係無咩野食.....所以我地都係order多,拎左碟鱆紅魚壽司食住先,第一眼就覺得...乜咁細件,放入口....心感不妙,d 飯好唔掂下,無醋味,仲幾硬下....唔係幾食得出係日本米....全晚食左咁多碟壽司,d飯全部唔掂....峰壽司,板前,元氣會好過佢,而且呢度d 飯真係好細舊至於魚生就一般(even toro 都係),最好食係左口魚,唯一讚o既係個雞軟骨幾好味!!...不過就算唔洗排,都唔會再黎了

The foods are really good quality and with reasonable price. The environment is pretty good maybe because we like those coral fish. There are more different kind of sushi for us to choose when compare to 元祿or元氣. I like most the 牛油果軟殼蟹捲, Boy friend like most the live shrimp!!! However, the service is just ok...especially you want someone to re-fill your green tea....Nevertheless, it is still a good choice~~~@w@