一寿司 (已結業)

環境：好大個魚缸，好靚。不過bar枱好迫，張椅好大好重，坐左上去完全郁唔到，好唔方便。味道：魚生好新鮮，但d飯唔係好得，推介：(1)藍鰭吞拿─雖然唔似toro咁肥美，但都好香魚味。(2)油甘魚─好肥美(3)帶子─唔係好大隻，但好鮮甜。(4)蟹棒─好大條，有蟹味。(5)海膽─好鮮甜，可惜有時d紫菜唔脆。(6)秘製汁燒玉子─有三大舊都係$9，好抵。(7)炸雞軟骨─好香脆，送酒一流。服務：ok啦！但壽司師傅太慢喇！其實係唔夠人手，得一個師傅整軍艦，一個整貝類，兩個整魚，仲要即叫即切，d order不停出，我見d單一出就十幾廿張，主要得兩個人整，太慢。