一冰廳

营业中

休息中

話說睇完個youtuber推介先去食。食到成肚氣，2個人叫完2個常餐 我fd食完,再等到隔離後黎既陌生客食完，我完粟米通仲係未到，好啦，催完一次，個侍應攞左碗粟米通比左另一台啱啱黎既客。O曬嘴個下之後陸陸續續有客入黎，d侍應真係夠膽逐台問有冇叫呢個，有冇叫呢個，你間鋪頭細就話可以逐台問，如果間鋪頭再大D係咪送一個餐要成半個鐘？ 新鋪頭仔做熟先賣廣告啦。做唔切咪慢慢黎。個youtuber叫雅軒，介紹左3樣，其中一樣係粟米湯餐肉通粉，話d粟米湯係鮮粟米磨d湯甜 又話「傑」到阿媽都唔認得，實際黎到係湯淡到阿媽都唔認得，仲好係稀既。好啦 第二樣youtuber介紹既係沙爹牛麵，介紹個陣就話係濕身營多咁既牛撈麵，黎到個陣係湯麵！！！！完全唔係個回事。（如果你唔係叫人賣廣告講到d食物咁吸引，我仲接受到d食物。）茶餐廳唔係食service但都唔係要等咁耐下話，慢慢做啦 唔使咁急住招攬生意既，有樣嘢叫口碑。

最近朋友介紹土瓜灣一間新開冰室, 據佢形容啲嘢食唔錯, 趁住星期六放假冇嘢做, 山長水遠約埋幾個為食兵團一於去試試, 舖頭位置唔係大街大巷, 位置都算偏, 成條街大部分都被車房包圍住, 一時唔為意隨時行過左都唔知, 去到時已經下午三點幾, 估唔到舖頭內都接近坐滿人, 好彩唔使等je, 一入去就第一時間揀左兩款招牌菜, 粟米湯通同咖哩湯烏冬, 兩款都配埋炒旦, 另外再叫左份公治同炸雞比, 因為朋友怕熱氣, 所以走薯條, 佢地上餐速度都幾快, 好快大家都有得食, 各款食品賣相吸引, 色香有, 試下味道, 朋友果然冇介紹錯, 的確好味, 兩款招牌菜唔在講, 令我地喜出望外係份公治非常出色, 個餡係吞拿魚加芝士火腿旦之外, 個沙律醬仲要唔係卡夫醬, 似乎係日本BB醬, 整體非常出色, 值得一題3件事, 而家99%餐廳唔會再提供紙巾比客人, 但佢地有, 另外外賣左兩碗粟米湯通, 佢地係用分隔式湯碗, 湯還湯通粉還通粉, 老闆話盡量確保外賣同堂食不會相差太遠, 個碗仲可以放入微波爐叮添, 前兩樣可以睇到佢地非常細心, 最後係埋單我地竟然聽到連聲多謝, 今時今日有幾多餐廳會咁好服務同有禮呀, 真的要

土瓜灣有新美食地標了，住係附近幾年時間，中午時間想食飯，基本上合埋雙眼行埋去是但一間都係一樣味道，而且來來去去都係果幾種食物，唔係肉片飯就係干牛河，加埋碗咸到死既味精湯，四十蚊其實重想點，問題係食得多有時都要對自己好D，今日經過附近一間新開冰室，餐牌都幾特別，好日式，但係價錢就相對唔貴，於是入去試下，首先叫左份鳳凰湯咖哩通粉，所謂鳯凰，其實即係手撕雞肉，至於個湯，真係好飲到X線，酸酸辣辣，非常開胃，值得一提的是，佢哋柚子蜜係唔需要加錢的。另外一份芝士咖哩日式炸雞蛋包飯，芝士＋咖哩汁，一個飯兩種口味，炸雞非常脆口，再加份炒蛋鋪飯面，CP值超高，以後唔使煩食乜了，可以成為飯堂

我一向同老公都鍾意試新野，今日去開土瓜灣就即刻試呢一間新開嘅餐廳。一入門口，雖然鋪面不是十分大，環境相當寬敞舒適，感覺好新淨。我同老公揀咗喺收銀後面的卡位坐下，雖然佢嘅下午茶餐炸雞比薯條相當吸引，但一場來到當然試他的招牌菜式。老公叫了招牌的忌廉粟米午餐肉粒湯通粉餐,而我就叫了我一向的最愛沙嗲牛出前一丁餐。兩個餐都會配上炒蛋同多士好味個忌廉粟米湯好濃，午餐肉粒好厚身架。會會不知不覺飲晒成個湯炒蛋好大份而且係好滑嘅炒蛋個沙嗲牛好多汁好夠味,同埋用上肥牛唔同平時的沙嗲牛肉片,感覺好新鮮同滿足。另外絕對需要一提的是他免費跟餐的熱飲，有比起平時更多更多的選擇。我揀咗柚子蜜，味道濃郁。價錢相當抵，係土瓜灣絕對是一個超值又好味的選擇其實我有好幾年無寫食評,今次都要寫返篇好好介紹一下

依度食早餐 簡直係一流 肥牛沙嗲出前一丁麵 麵嘅韌度剛剛好還有個炒蛋 非常滑好好味，好耐未試過食個早餐係全部食曬餐廳環境整潔 光亮 落單嘅時候係自己✔ 落嗰張 過咗膠嘅餐牌 好環保下次會試食午餐

今朝去車房整車，等驗車之際走咗去隔離間餐廳食早餐先。哈！今日真係行運！竟然喜出望外！真係諗都冇諗過！我坐低叫咗個常餐～沙爹肥牛出前一丁配炒蛋多士，侍應先送上炒蛋多士，發現炒蛋份量十足並且非常嫩滑，多士外脆內軟兼牛油覆蓋整塊多士。我將滑滑炒蛋放上牛油多士上進食，口感一流同一般茶餐廳比較有好大分別平時一般茶記啲炒蛋薄如紙兼肥淋淋，牛油多士冇牛油。由此可見此餐廳製作十分認真同細緻侍應再端上沙爹牛出前一丁來嘩！超多汁啲汁仲掛哂响牛肉上面，唔係平時稀溜溜嗰種沙爹牛。我見咁多汁唔好嘥吖，於是我將啲掛汁沙爹牛放上剩低嗰半塊牛油多士上品嘗，堅好味呀啲肥牛鋪滿多士後仲剩好多沙爹牛用嚟餸麵喎一牛兩食喱個真係非一般嘅常餐！冇諗過响土瓜灣嘅街仔會食到咁用心又好味嘅常餐。下次要再試埋佢個招牌拿破崙雞扒蛋包飯先

我平時好少寫食評，除非係好值得推介的，今日同行四個人幫襯依間小店，試左店舖推介嘅常餐A，頂級餐肉粟米忌廉湯通粉配炒蛋厚多士，當份餐嚟到時，試左一啖，我就發覺餐肉係用上長城牌豬仔嘜餐肉，個湯比一般餐廳要比錢嘅齋忌廉湯更好飲，食左常餐N咁多年，今次係我人生第一次會將成碗通粉湯一滴不留咁飲曬我另外兩位朋友都同我一樣，真係好好味，另一份係炸大髀薯條，隻雞髀真係好大隻，重炸得好靚添，最衰食完個餐已經好飽，如果唔係一定叫來食，下次都要試一下

有日經過土瓜灣，見到呢間食店新開張，就抱住嚐鮮嘅心態去試試，試咗真係令我喜出望外，我試咗佢嘅粟米湯通粉配多士同炒蛋，個粟米湯非常濃郁鮮甜，完全唔係出面一般茶記嗰啲罐頭粟米湯嗰種味，據老闆講佢個湯係用新鮮粟米磨嘅，所以入口有好濃粟米嘅甜味，另外佢嘅炒蛋非常嫩滑，而且蛋味十足。更令人驚喜嘅係，如此高水準嘅出品同價錢完全唔成正比，只係收34蚊連飲品咋！所以食完之後都忍唔住上嚟寫返個食評推薦俾各位老饕們呢！

係土瓜灣做野都有一段時間，老實講有時寧願幾個同事夾錢坐的士落黃埔食，不過最近附近新開一間冰室，見門面唔錯，就試下啱唔啱食啦，我地叫左份常餐A同午餐，常A唔係一般嘅金寶湯底，老闆聲稱係即磨粟米湯底，試飲第一啖，的確好鮮好creamy再配上餐肉，咸甜適中，炒蛋多士好好味，好有澳牛feel美中不足係杯奶茶，只屬普通水準。至於另一份午餐，有驚喜，係茶記來講屬於超班，一邊係邪惡芝士汁，另一邊係類似日式咖哩汁，但係微辣中帶酸甜，再配上炸雞同炒蛋，非常豐富，最後埋單唔使一百，係現世代來講可以話係超値，以後唔使山長水遠過黃埔揾食了，會再來支持！

今日經過土瓜灣洗車，發現左一間新開餐廳，見佢門面裝飾幾得意，即管入去幫襯下，依間餐廳雖然個名叫冰室，但係啲食物幾特別，好有日式feel，正當思考一下想食乜，老闆好熱情，推介佢地個常餐同特餐，不過今日胃口麻麻，所以求其叫左份蛋治食，正常早餐無乜好講，來來去去都係嗰啲嘢，不過今日食完件蛋治後，發現此間小店用料實在太好，無論方飽或炒蛋，都屬於區內頂級水準，再加上特別的凍飲杯同有包裝的飲管，比人感覺衞生，以後又多一間飯堂了

近日網上見到呢間新開既餐廳，初初諗吙普通一間餐廳，咪去試下有幾特別...第一次去食早餐，叫左個沙嗲肥牛一丁，炒旦有件多士賣$32，都無太大既期望，誰不知一食落去，唔係平時早餐A個啲沙牛面，而係似夜晚打邊爐個啲唔係$88任食個啲肥牛，估唔到呢間餐廳收呢個價錢比呢啲食材！再睇下啲細節位，凍飲個隻杯，同埋好細微既飲管有套，衛生方面值得一！第二次去食，叫左個滑旦叉燒飯同埋忌廉粟米通粉，真係一絕，旦滑叉燒惹咪又林，個粟米據店主所講係新鮮磨制，唔係平時飲開既餐湯，但收費比一般既餐廳相近甚至仲平，真係值得推介..