影片
营业时间
今日营业
07:00 - 17:30
星期一至六
07:00 - 17:30
星期日
全日休息
以上资料只供参考，请与餐厅确认详情
影片
相片
日式咖喱粟米忌廉汁蛋包饭配牛肋条
+465
+95
食家推介
琴日食咗人生中最难食嘅猪扒捞丁，个面完全系冇味冇落任何调味，咁都可以拎个客食，另外猪扒系鞋，另外我系嗌咗冻柠茶少甜，佢同我走甜，唯一要赞嘅系餐厅里面嘅冷气充足，但系呢间嘢我绝对以后都唔会再帮衬，食物真系好难食，连咁简单嘅猪扒捞丁都整到咁样！仲要$57！ 下次宁愿去大家乐食好过，第一次去食，亦都系最后一次帮衬！
继续阅读
呢间位于土瓜湾嘅一冰厅，主打每日以新鲜粟米即磨嘅粟米忌廉汤汤底，唔知系唔系有太多媒体报导，所以等位嘅人数都唔少，但餐厅整体嘅安排同员工嘅工作态度就麻麻。虽然嚟食茶餐厅唔系追求酒店级嘅服务，但漏单同送错餐嘅问题持续发生，咁唔知味道又点呢？等位嘅时候，以下系真实场景：食客A：2位，唔该。门口姐姐：哦……隔咗一阵……食客A：点解人哋有飞仔，我无嘅？门口姐姐：我以为你唔等啰！入到餐厅嘅时候，以下系真实场景：1. 餐厅啲位系极窄，而张枱又唔大张，虽然系疫情缓和期，不过由于人数太多，餐厅都安排搭枱。（唔系太大问题，我哋都体谅同接受安排。）2. 待应姐姐A：有无人叫咗炒蛋，系唔系你哋呀？（如是者，呢份炒蛋就游走咗好多张枱，真系唔太卫生）3. 待应姐姐B将碗通粉放低之后，我哋就攞嚟影相，再用匙羹舀起，突然间，佢行返嚟，将碗通粉攞走，话系隔离枱！（我哋话我哋食过喇，最后佢先无拎去隔离枱）4. 而我哋另一份西煎双蛋配厚多士就等咗20分钟，明明见到迟过我哋嘅食客都有西煎双蛋配厚多士。（但佢哋就等咗好耐碗通粉，而同我哋搭枱嘅食客亦等咗好耐炒蛋）希望啲嘢食好味啦！汤底标榜每日以新鲜粟米即磨，不含味精同面粉，我哋当日2点嚟到，唔知系未真系人太多，沟咗水呢？个粟米忌廉汤嘅味道比较淡，但尚算杰身，午餐肉就大概有8-9粒。呢碗出前一丁好硬！不过，沙嗲肥牛好浓郁，加番唔少分。西煎双蛋嘅蛋香味十足，只蛋黄爆晒汁，唔错。
继续阅读
星期六去开土瓜湾，咁就谂住食个午餐，Google下睇吓附近有咩餐厅，俾我search到呢间一冰厅！餐厅喺地铁站行需要大约5分钟，位置喺车房附近，门口望见入面地方吾大但坐满人! 入到去坐低后叫左芝士咖哩蛋包饭配日式炸鸡，咖喱汁系偏甜，而芝士汁就好滑身，炸鸡都大旧，有4件，咬落有肉汁，炒蛋够滑，另外跟餐杯冻奶茶都吾错，值得推荐，下次过黎会试埋好多人叫嘅粟米忌廉汤火腿通粉!!!不过舖太细，坐得唔算舒服，会坐得靠贴，另外要留意营业时间较短,冇晚市,星期日休息, 想去就要留意营业时间!!!一冰厅地址: 土瓜湾长宁街53号地舖
继续阅读
最出名一定系佢哋既粟米汤 同埋炒蛋🍳我分别去过两次 都无令我失望！餐厅食物种类多 绝对唔会闷 而且每人仲有3-4款每日限定😗 每个餐仲配一杯热饮☕～留意返佢哋只系开到下午5点👀日式咖哩汁🍛&粟米汁🌽牛肋条蛋包饭 ($67) 呢个蛋包饭想食好耐 佢果然无令我失望！个蛋超级重蛋味 而且炒得好滑+ fluffy🍳 牛肋条份量都几多 至少5-6大旧 好饱🤰🏻而且牛肉燘得好淋✌🏻唔会柴/ 干！再配埋d酱汁真系100份！性价比超级高！酱汁选择都有好几款 仲有芝士汁🧀️、番茄蓉🍅、同埋黑椒汁！鲜粟米忌廉汤通粉🫕($46) 呢个超级适合早餐 又有佢哋既招牌粟米汤 又可以食到佢哋既炒蛋😍 幸福！炒蛋重要拣埋葱花炒蛋 令到味道更加丰富👅就连面包佢哋都唔hea 有的选择丹麦吐司 或者厚吐司🙌🏻🍞 味道：🍳🍳🍳🍳.5/5 📍一冰厅 (土瓜湾)地址：土瓜湾长宁街53号地舖
继续阅读
📍一冰厅 (土瓜湾)土瓜湾长宁街53号地舖突然好想食港式茶餐厅，呢间店必食粟米汤通粉同埋炒蛋，炒蛋系用三款不同蛋整成，蛋味浓，加埋葱花，好高质☁️鲜粟米忌廉汤通粉$46午餐肉已经煎左面，好香口，食材足料，粟米汤好creamy，每日新鲜整，浓郁香口，好好食😋+$10奶油脆猪脆猪大约等5mins ，铺满炼奶，好邪恶，好脆口☁️沙嗲煎牛肉捞一丁$57葱花炒蛋丹麦多士好少见餐厅跟丹麦多士，丹麦多士松软，牛油味重，炒蛋半生熟，滑溜，好好食沙嗲面叫左多汁，沙嗲有粒粒花生，牛肉份粮都多，柔软不韧，出前一丁爽口。#土瓜湾#土瓜湾美食#香港#hongkong#hkfood#hkfoodie#食好西#相机食先#手机食先#香港好去处#周末好去处#情侣好去处#闺蜜好去处#港式#茶餐厅#茶记#沙嗲面#捞丁#粟米忌廉汤#奶油猪#炒蛋#eating_and_working_in_h_土瓜湾
继续阅读
您可能会有兴趣的...