一冰廳

营业中

休息中

琴日係IG見到佢地個廣告好似幾吸引. 我好茶餐廳所以即時就想去試吓. 土瓜灣唔係好就腳,但今日放假就搭小巴去食吓. 叫左個粟米忌廉通粉常餐.價錢只係$34+$3凍飲. 抵食!湯低幾濃粟米味但係欠左d雞味, 但係拼煙肉一齊食有種窩心嘅感覺. 炒蛋加左鰹魚湯落去炒. 但可能無落糖所以出唔到日式蛋嘅味道. 多士正正常常.Overall d野食感覺幾有心. 同埋價錢非常合理. 餐排有其他野都幾吸引, 例如個沙嗲肥牛麵同手撕雞咖哩湯粉. 會再返黎試吓佢地其他野.

現在冰室開到成行成市，賣既野都五花八門，不過每間冰室都一定會有指定的炒蛋多士公仔麵等供應，這樣才能給予人是冰室的感覺。今天來到土瓜灣的這間冰室亦是一樣，不過比較特別的是餐牌有很多咖哩和蛋包飯的選擇。黎到冰室就一定要試下佢既常餐，另外我們點了一個招牌咖喱蛋包飯。常餐是炒蛋多士和一個粟米忌廉湯鹹牛肉通粉，這個忌廉粟米湯和我們小時候食的是一模一樣，都是罐頭開的。喜歡懷念小時候的味道嘅朋友就最啱，如果追求新鮮特別味道的就不要點了。粟米湯和咸牛肉通粉是幾好的配搭。炒蛋挺滑也很香配多士絕對是一個飽肚滿足的常餐蛋包飯在中央，咖哩烤雞和番茄汁分別在兩邊。雞烤得不錯，咖哩有微辣的口感，亦食得出加入好多不同的香料而成。唯獨是飯的話就比較乾少少，可能食開的大都使用日本珍珠米做。不過以這個價錢來說已經很不錯了。但係如果店家能夠用珍珠米就更好，即使價錢貴幾蚊亦值得的。總括來說都是一間用心製作的冰室，而且價錢相對便宜。不過地點比較隔涉，但係番工來蛇王都是一個不錯的地方

依家港式茶餐廳已買少見少了。聽朋友講土瓜灣有間茶餐廳開咗幾個月，話用料貴同好好食。今日就去試吓先💁‍♂️地點都容易揾，一坐低叫咗個招牌餐肉北海道粟米湯通粉配炒蛋牛油多士。個粟米湯好好味問侍應點解咁好味，原來佢哋話係用原條新鮮粟米剝粟米粒出嚟榨汁制成炒蛋超滑，可以同光速公司媲美連牛油多士都同普通茶記唔同成塊多士都搽滿牛油並非求其搽少少牛油嗰種。成個餐都食到用心嘅味道下次要試埋其他特式嘢先得

星期六去食下午茶，聽男朋友講Facebook見到有人介紹呢間新開嘅冰室，於是就黎試一試新野。冇諗過開喺d汽車維修店附近，行入長寧街都搵左一陣先搵到，店舖位置比較偏。不過亦因為咁，食物嘅價錢都幾公道，CP值唔錯。無論係常餐定下午茶都包左餐飲熱，就算要加紅豆冰都只係加多7蚊。一一猶豫緊下午茶叫A餐定B餐，最終都係敵唔過炸大脾嘅誘惑，點左個A餐; 而男朋友就點左個常餐B餐沙嗲肥牛一丁配招牌炒蛋厚多士。【沙嗲肥牛一丁】沙嗲味都算濃，肥牛就不過不失嘅亦唔會太少，難得嘅係唔洗加錢都可以食出前一丁公仔麵。【招牌炒蛋厚多士】多士仲熱嘅，夾埋個又滑又香嘅炒蛋，好好食！到左我期待嘅炸！大！脾！ 拼薯條！坦白講，呢個我有少少失望。炸脾唔會太油膩，整體都炸得夠乾身，但係唔係好入味，D雞肉仲有少少雪味咁，如果可以再掩入味D會更好。而薯條亦只係靠黑椒提味，對於唔係咁鐘意黑椒嘅我黎講係扣分嘅。最後埋單66蚊係幾抵食嘅，所以都會再去食，見到好多人叫常餐A，下次會想試下常餐A同西多士，希望唔會令我失望

放假早起，唔係唔嘆個靚靚早餐呀，適逢早幾日係Facebook 見到屋企附近有新野開，又好似唔錯喎，就去踩踩場。可能早，未算好多人，都唔駛等位，就等我會下你啦，究竟係咪真係好似Facebook 講到咁正先！叫左一個鳳凰手撕雞鮮茄湯咖哩通粉，配炒蛋厚多士，另外仲叫左鮮粟米忌廉湯通粉，同樣都係跟炒蛋厚多士。食物都幾快上，不過我就有少少失望，明明網上條片好大碟，點解實物咁細份既！唔緊要，試埋個味道先！鳳凰手撕雞鮮茄湯咖哩通粉，配炒蛋厚多士（$40)嗱，手撕雞個份量同圖片你見到既一樣，真係唔多，有兩條仲係雞皮添但係，雞係幾有雞味，有咬口，我幾鐘意，如果份量多少少就更加好。個湯都好濃，有少少似冬蔭公味，有蕃茄既酸同咖哩既辣，又幾夾幾好味，我最後係飲晒成個湯既鮮粟米忌廉湯通粉，配炒蛋厚多士 ($34)估唔到腸仔有兩條，算你啦個湯底唔錯，香濃夠味，似茶餐廳果d 白湯，但又有粒粒粟米，同樣，湯係飲晒，一滴不漏另外要講個炒蛋厚多士，個蛋係細份，但我覺得岩岩好，因為加左奶去炒，食太多會好膩，但真係幾香滑我都要讚下塊厚多士，烘得好均勻，牛油都搽得平均，正最後希望老闆可以睇到，食物水準係好好，但份量可以多少少，

我同朋友都係睇到介紹慕名而來的， 雖然地方比較難搵，但果真名不虛傳，確實好味。 正值午餐時間人比較多，普遍大部分都係比較粗曠嘅男士用餐，而餐廳附近都係維修車房為主，所以大概估計，大部分應該都是車房大哥過嚟方便用餐。唔好睇餐廳開喺街坊區就hea煮，佢啲野食確實係有質素，又大碟，味道又好。睇得出係用心經營嘅良心餐廳，侍應同啲大哥客有講有笑，應該都係做熟客多，但對我地呢啲生客都好客氣，收銀(估計是老闆)仲同我講招呼唔到，唔好介意。確實是難能可貴的小店，值得再去幫襯

喺Facebook睇咗介紹推介呢間茶餐廳 滑蛋的確好好食 喺出面嘅大型茶餐廳係食唔到嘅滑 只系無Facebook介紹嘅咁大份 沙嗲牛麵亦都比一般嘅沙嗲味濃 整體上系吾差嘅 只系facebook介紹得太好衛生就可能麻麻 啲叉同碗都有上一手食淨嘅汁跡

今曰係平曰而且四點，所以唔多人唔洗排隊一坐低就即係叫咗個出名嘅蕃茄咖哩手撕雞通,茄味濃，有D似羅宋湯，加上咖哩嘅辣辣地，好好味，而且雞絲唔嚡口，正不得不提呢杯港式奶茶，可以話夠正宗，香滑茶濃my favourite鍾愛清清地就一定要叫呢個忌廉粟米湯餐肉通店員好貼心建議我哋最好揀通粉，因為夠索味～可惜我都係揀咗麺，不過都好好味！😋套餐跟埋滑蛋多士，香脆多士配上香濃而不漏嘅滑蛋，無得頂為食嘅我哋嗌多咗份炸脾薯條，因為太出色，太juicy,夠香脆，夠薯味

沙爹牛面的確好味誠意推介粟米通粉湯底濃郁好味道咖喱牛筋飯正價錢公道低價錢食到高質茶餐廳好多野都想食蛋包飯夠特別煎蛋世界級咁滑仲有杯香濃嘅咖啡一定會同朋友再去真好味

今天中午起床差不多一點，本來想去附近茶記，不過可能已經午餐時間，全場爆滿，又不想迫，便來到這間開了不久的一冰廳。這裡以橙色為主，大約有四十個座位，都算坐得舒服。這裡提供三種常餐，我選了沙爹肥牛一丁配招牌炒蛋厚多士配餐飲$35。沙爹肥牛一丁用了火鍋配料的肥牛片，薄薄一幾片份量不多，沙爹味道濃郁，麻油另上，稍嫌麵質偏硬，有嚼勁。招牌炒蛋厚多士，炒蛋蛋味十足，帶點腥，要落胡椒粉。至於厚多士就香脆。餐飲是熱鴛鴦，茶味比咖啡味濃，可算合格。

位於土瓜灣長寧街的一間冰室，位置較為偏僻，幸好門口招牌也較為有色彩，如果唔係路過都冇乜為意⋯當天去的時候是下午茶時段，我和友人簡單點了兩個餐，再加多份炸雞🍗薯條🍟這裡的沙爹牛肉麵的確做得出色，沙爹味很濃，一個字正！個蕃茄咖哩通粉就相比較為失色 ，很像普通的羅宋湯通粉，炸雞🍗OK，但薯條一吃便知是翻炸，口感一般！飲品方面沖的熱飲普通、凍飲又有點偏甜，飲料做不到茶餐廳的風味特色！環境方面因為當日我們是坐卡位的，兩個人坐得也滿寬敞，不錯不錯！

睇左雅x係Facebook 既介紹 讚到所有野都好正好抵好食甘，所以星期六既下午就過黎試試佢餐廳比想像細間，雖然要撘枱，不過唔洗等就有位坐底左 想點餐 店員哥哥就話要自己寫一直都搵唔到個特餐餐牌，完來張枱冇左點好餐十分鐘左右就有野食特餐: 番茄咖喱湯通粉 配蟹腳湯通比想像中細兜因為冇唒手撕雞，所以轉左蟹腳其實係普通大條d既蟹柳 但仲比雞肉貴4蚊😑個湯辣辣地 蕃茄同咖喱味道好平衡 都幾惹味男友叫左 忌廉粟米湯配午餐肉個湯幾濃幾足料，後調有啖啖粟米味 唔錯個湯通粉食到一半 蛋同多士先黎又係好細份，隻碟個size同Facebook 雅x介紹個條影片 細三分一其實都夠食既，但有比人呃左既感覺講返味道蛋係夠滑 但完全冇味鹽都冇落甘個蛋又唔係好有蛋味 男朋友個碟都一樣冇調味餐廳比較吊腳，真係揸車先會黎但附近都係車房，所以都幾難泊車要撘枱比較迫 坐得唔係太舒服 服務可以啦個蕃茄咖喱湯通粉係幾特別而且味道唔錯 但炒蛋個part 真係完全唔合格，而且常餐份量少 男仔食真係唔夠飽，完全唔覺得抵食試完覺得同片段介紹係兩回事黎我諗我都唔會再食。。

睇完個youtuber介紹，見間野又係屋企附近，就同陳生黎食個早餐。餐廳比我預期中多人！9點鐘，接近full house ！叫左一個粟米湯通粉，一個鳳凰手斯雞鮮茄咖喱通粉，配炒蛋多士。炒蛋份量都多，食落好香蛋味(隻味同普通茶記有小小五同），但個人認為五夠滑，可以五好炒甘耐。多士就普普通通。票米湯通粉，如果個湯再濃d更好至於咖喱通，如果當早餐食，個人認為較重口味，味道好泰國feel，辣同重香料味！番茄味就蓋過左！但幾特別！陳生話好開胃。野飲有柚子蜜簡，仲要五洗加錢！正！整體黎講，餐廳食物質素對得起價錢！合理！都會再黎食既！

話說睇完個youtuber推介先去食。食到成肚氣，2個人叫完2個常餐 我fd食完,再等到隔離後黎既陌生客食完，我完粟米通仲係未到，好啦，催完一次，個侍應攞左碗粟米通比左另一台啱啱黎既客。O曬嘴個下之後陸陸續續有客入黎，d侍應真係夠膽逐台問有冇叫呢個，有冇叫呢個，你間鋪頭細就話可以逐台問，如果間鋪頭再大D係咪送一個餐要成半個鐘？ 新鋪頭仔做熟先賣廣告啦。做唔切咪慢慢黎。個youtuber叫雅軒，介紹左3樣，其中一樣係粟米湯餐肉通粉，話d粟米湯係鮮粟米磨d湯甜 又話「傑」到阿媽都唔認得，實際黎到係湯淡到阿媽都唔認得，仲好係稀既。好啦 第二樣youtuber介紹既係沙爹牛麵，介紹個陣就話係濕身營多咁既牛撈麵，黎到個陣係湯麵！！！！完全唔係個回事。（如果你唔係叫人賣廣告講到d食物咁吸引，我仲接受到d食物。）茶餐廳唔係食service但都唔係要等咁耐下話，慢慢做啦 唔使咁急住招攬生意既，有樣嘢叫口碑。

最近朋友介紹土瓜灣一間新開冰室, 據佢形容啲嘢食唔錯, 趁住星期六放假冇嘢做, 山長水遠約埋幾個為食兵團一於去試試, 舖頭位置唔係大街大巷, 位置都算偏, 成條街大部分都被車房包圍住, 一時唔為意隨時行過左都唔知, 去到時已經下午三點幾, 估唔到舖頭內都接近坐滿人, 好彩唔使等je, 一入去就第一時間揀左兩款招牌菜, 粟米湯通同咖哩湯烏冬, 兩款都配埋炒旦, 另外再叫左份公治同炸雞比, 因為朋友怕熱氣, 所以走薯條, 佢地上餐速度都幾快, 好快大家都有得食, 各款食品賣相吸引, 色香有, 試下味道, 朋友果然冇介紹錯, 的確好味, 兩款招牌菜唔在講, 令我地喜出望外係份公治非常出色, 個餡係吞拿魚加芝士火腿旦之外, 個沙律醬仲要唔係卡夫醬, 似乎係日本BB醬, 整體非常出色, 值得一題3件事, 而家99%餐廳唔會再提供紙巾比客人, 但佢地有, 另外外賣左兩碗粟米湯通, 佢地係用分隔式湯碗, 湯還湯通粉還通粉, 老闆話盡量確保外賣同堂食不會相差太遠, 個碗仲可以放入微波爐叮添, 前兩樣可以睇到佢地非常細心, 最後係埋單我地竟然聽到連聲多謝, 今時今日有幾多餐廳會咁好服務同有禮呀, 真的要