一冰廳

营业中

休息中

有日經過土瓜灣，見到呢間食店新開張，就抱住嚐鮮嘅心態去試試，試咗真係令我喜出望外，我試咗佢嘅粟米湯通粉配多士同炒蛋，個粟米湯非常濃郁鮮甜，完全唔係出面一般茶記嗰啲罐頭粟米湯嗰種味，據老闆講佢個湯係用新鮮粟米磨嘅，所以入口有好濃粟米嘅甜味，另外佢嘅炒蛋非常嫩滑，而且蛋味十足。更令人驚喜嘅係，如此高水準嘅出品同價錢完全唔成正比，只係收34蚊連飲品咋！所以食完之後都忍唔住上嚟寫返個食評推薦俾各位老饕們呢！