一冰廳

营业中

休息中

一冰廳不可不試既滑蛋叉燒飯滑蛋叉燒飯 連飲品$48 凍飲加$3淨係個賣相已經非常吸引滑蛋嘅火候啱啱好真係會覺得好滑叉燒亦都唔會太過肥而且夠晒大碟一定夠晒飽不過可能落得太多豉油食嘅時候有啲鹹食完之後又覺得口渴左全日不過都算得上係唔錯嘅暗然銷魂飯另外呢度嘅常餐望落都幾好味忌廉濃湯配通粉其他飯亦都有好多唔同嘅汁有粟米汁，咖喱汁，拿破崙芝士汁下次有機會都要試吓不過土瓜灣呢個地方唔係好就腳而且店舖面積唔算大晏晝嚟食好多人所以大家嚟嘅話要預咗等位

午飯時間，同事介紹在公司附近的這間茶餐廳這間餐廳在長寧街，附近大部分店舖都係車房，唔係同事帶路都唔知有間小店在這裡餐廳都幾環保，揀嘢食用一張張過咗膠嘅餐紙，用佢提供嘅marker剔嘢食，侍應哥哥入單後抺走啲剔就可以循環再用，十分環保。我揀咗個滑蛋蔥花叉燒飯。呢個飯嘅份量十足。叉燒就一般喇，食得出應該係啲燒味舖入嘅貨。滑蛋好好食，有蛋汁，可以厚切添跟埋杯餐飲（唔記得影餐飲）盛惠$46，價錢相宜公司附近，近近地都會再幫襯嘅～

今日試左土瓜灣既一冰廳，餐廳入面既裝修好似一般茶餐廳咁，簡簡單單，用黃色黎做主色，即刻聯想到蛋，果然係食蛋包飯架，岩哂我呀而餐廳既點餐就直接喺餐牌上面用雙頭筆寫既，唔會浪費紙張夠哂環保呀，要俾多幾個like佢呀食物方面今次我地就嗌左「咖哩烤雞蛋包飯」同「滑蛋芝士叉燒飯」，凍奶茶同熱奶茶「咖哩烤雞蛋包飯」可以點兩個汁，我就點左芝士同咖哩汁，芝士味就唔算好濃有啲似罐頭開出黎，而咖哩汁都夠香而且唔算太辣，至於蛋都幾滑而且做得唔錯，雞方面就就烤得唔會太過老，都滑口同有雞味既「滑蛋芝士叉燒飯」既芝士都係偏淡，而呢個飯嘅蛋落左蔥，所以蔥味較重，同偏咸叉燒方面份量都夠既，而且唔會好薄，口感都唔錯，對比黎講我就鍾意「咖哩烤雞蛋包飯」多一點奶茶凍熱各嗌左一杯，凍奶茶始終無熱奶茶咁好飲🤪🤪熱奶茶茶底好香濃整體黎講一冰廳係值得回頭既，因為啲蛋真係不錯！

屹立於車房街盛惠$36嘅常餐粟米忌廉湯午餐肉通粉、炒蛋、厚多士、熱奶茶係抵食又好食，冰廳地方有啲窄，平日晏晝兩點半仍然坐滿人, 幸好佢地好快走了，非繁忙時段一個人坐卡位冇被人趕，食物方面炒蛋係非常滑，多士普普通通，粟米忌廉湯我真係唔覺有味精，雖然淡咗啲但係食開濃味嘅客人可以加鹽，我自己食慣淡味所以不加鹽，午餐肉有煎過，午餐肉有些咸混入粟米湯一齊食就剛剛好，熱奶茶不過不失，同旺區或名牌茶餐廳比較，這個常餐cp值超高，總括來說，值得再來

碗麵係好食，但好多唔合理地方首先d位窄到一個點，識就話close d啫，唔識坐咁埋，坐多陣都唔想我原本想叫早餐B-沙嗲肥牛公仔麵配煎蛋厚多士$34，但想要炒蛋，竟然要加$4，唔緊要可能因為蛋量問題，加錢ok的，但竟然俾我發現佢個常餐$37仲要改做出前一丁，唔通係佢嘅銷售策略！d員工一個二個唔知自己係度做乜一．一時叫我唔洗畫order紙，一時叫我畫係紙二．我碗麵未食哂，話左我幾次要唔要，不停想收走凍飲用保溫杯，本來加分，但我叫左杯凍檸茶，隻杯同隻羹差不多高，點拮d檸檬呀，大佬

呢間茶記開業雖短，但己擁有一班熟客。自助點餐、只需按照自己喜好在餐將選擇后交給店員便即可下單……又環保减少紙張……一讚早餐有多款以供選擇……有自己特色招牌美食……㗎喱香而濃好啱香港人口味。早餐時段大多座無虚席……地方需小但食客都肯遷就、因為值得一讚、有heart 有水準嘅食店。

喺土瓜灣體育館附近係佢周圍都係車房 街道比較污糟同凌亂佢間鋪頭裝修反而十分整齊新淨！一冰廳用炒滑蛋做主題其實一望佢招牌 都可以發現一脈相承係蛋黃色 哈哈同一班同事去lunch都適合因為食物款式都幾多常餐粉麵配炒蛋多士招牌嘅芝士咖喱汁蛋包飯汁料仲可以隨意配撘不過地方淺窄 座位就唔算太多小弟一去就比個叉燒蝦仁炒蛋飯吸引住叉燒一黎就知有保證 唔會乾到柴 同時又唔係一大舊肥膏 蝦仁反而可以唔洗叫 因為好普通 可以話係質素比較差嘅蝦仁添🙈🙈重頭戲當然係個炒滑蛋啦🥚雞蛋應該唔係內地平價蛋 因為色水偏黃蛋味都會隨之較香炒蛋功力有保證首先 冇炒到散晒一嚿嚿另外 上碟時仲係七成熟有三成係蛋漿咁就唔使加奶都可以好夠滑Bonus嘅係嗰一杯茶走味道都合格 不過偏甜整體好滿意喺土瓜灣區算係舒適唔錯選擇🥚🥚🥚

今日尼到土瓜灣試尼間茶記，唔算好大，坐嘅位都算👌之前朋友推介過，今次就叫左芝士咖哩蛋包飯，一個係炸雞🍗一個係牛肋條個蛋睇落同食落去都好滑雖然其實唔係好算蛋包飯 因為係就咁po上去，而唔係包住，但係真係好滑個芝士汁唔係好heavy個種，咖哩汁少少🌶但你撈多啲芝士都無咩問題對比牛同雞，個牛做得出色啲，好易咬亦都好入味，個炸雞反而有啲乾 有啲overcooked 嘅感覺不過整體都好唔錯 兩個人都係食左$110 都合理同埋佢飯同送嘅比例都好足夠

常餐A😎$34午餐肉鮮粟米忌廉湯通粉配招牌炒蛋西多士😁最近有單新聞，令朕留意到屋企附近有呢間冰廳既存在😂今朝經過，叫左個常餐試下先🙃炒蛋呈現橙黃色，的確好滑丶好香，蛋味非常濃郁🍳忌廉湯夠濃，感覺似金寶湯😜午餐厚切粒，味道唔錯😋配埋一杯即磨咖啡☕️即刻醒神哂🙂

朋友話一冰廳既忌廉湯通粉好正，所以特登帶我黎試。我都幾中意飲忌廉湯既，而且我呢個朋友話好食既野，通常都係好好食既！所以我抱住勁大期望過黎食！！！但最後食到覺得個忌廉好鬼淡味，好似水咁浠，朋友試完都話以前既忌廉濃味d無咁浠既。可能個日星期六多人食又唔夠料掛，我都唔知啊。不過我朋友睇一睇個廚房，話佢之前食既時候個廚都係男人，今日換左係女人廚，可能咁岩換左個廚所以味道唔同啦～但係我只係知，我抱住極大希望食呢間餐廳，最後竟換來極大失望。就算之後換番以前個男廚，我都唔會想再黎食！

今天路過這裏，發覺人不是很多就入來一試。叫了常餐粟米餐廳肉出前一丁公仔麵餐$38。粟米餐廳肉出前一丁公仔麵，粟米忌廉是即打的，所以要等五至十分鐘。可惜一粒粟米都沒，只有粟米味，我最愛吃粟米，這個就麻麻，其他食物一般

之前食過幾次粟米濃湯通粉，覺得味道不錯，於是久唔久都有幫襯一次，但係今日真係有啲失望。今日下午茶叫咗個生炸雞髀沙律，黎到發現個沙律融緊雪，成碟都水汪汪咁，食左一啖，裡面係結哂冰，對於有敏感牙齒的我來說，完全食唔到落去。之後向店員反映，佢話沙律係咁，雪唔夠凍就會壞，完全無意跟進就打發了我。其實我都明白呢個道理，但係除了要求食物唔變壞外，作為一間餐廳，其實食物質素都好重要，沙律結冰而融雪融到成隻碟都係，仲浸到隻炸髀......

一冰廳係我睇其他人食評見幾好而嚟今次叫左新鮮粟米忌廉湯通粉餐同埋沙嗲牛肉一丁餐🌽新鮮粟米忌廉湯通粉真係好有驚喜！餐牌寫到明係湯底冇味精而且無加麵粉烹調每一啖嘅湯都係食到新鮮粟米蓉，味道唔似罐頭，亦都唔似罐頭忌廉粟米湯，感覺好濃好Rich有驚喜 好大機會會再返嚟食🍜而沙嗲牛肉一丁，一睇個名就知道佢個麵底係出前一丁，再加上沙嗲牛肉！沙嗲醬幾香花生味，食落都係好濃😋而配嘅都係炒蛋同多士至於飲品今次我選擇左茶走雖然我見餐廳花奶係用黑白淡奶但係今次叫茶走都係幾滑整體餐廳係幾好 我幾鍾意唯一有少少唔方便嘅就係地鐵站可以行嚟要一段時間

今日早左起身，於是同屋企人去左一間唔起眼嘅新茶餐廳食早餐點解話佢平凡中帶點特別？！因為佢d早餐同一般茶餐廳相類似，但又加左一d特別元素我地叫左早餐A同早餐B各一，早餐A的火腿通粉不同其實茶餐廳用雞湯，而是用忌廉湯，這點比較特別，而佢個忌廉湯湯底係稀身嘅與通粉很夾早餐B的沙嗲牛肉公仔麵，則改用肥牛，比一般茶餐廳用滑牛更有牛味和油香，而且佢個湯底很濃，特別適合重口味嘅我不過鋪面很細，客坐得很散，令人感到環境一般

又到了下午茶時間，係舊區＂覓食＂要更花心機，篩選過好幾間餐廳，最後在車房臨立的街道找到它…突出的＂芒果黃色＂招牌，推開大門，餐廳老闆非常有禮地安排座位，餐牌有多款特色菜，花多眼亂，最後點選了＂常餐＂，沙嗲肥牛一丁配招牌炒蛋厚多士＂，不消一會，沙嗲牛麵到，深啡色的湯底賣相吸引，咬一口肥牛，完全吸收沙嗲汁的濃郁芳香，我終於明白為什麼不選用滑牛而是肥牛，丁麵夾雜著肥牛一起來吃，再加入丁麵必備的原味麻油，甚是滋味；炒蛋沒有過熟，但是不算滑，不是坊間加入牛乳的製法，反而蛋味更踏實，吃得出的蛋香，厚多士，厚度一般，兩片塗滿了流質的牛油，將一半炒蛋放上多士面，就成了蛋治，一於趕快趁熱吃。就是這樣，享受著如此有心思的下午茶，好讓腦袋暫時放空一下。