影片
更多
2018-08-15
223 浏览
星期六去食下午茶，聽男朋友講Facebook見到有人介紹呢間新開嘅冰室，於是就黎試一試新野。冇諗過開喺d汽車維修店附近，行入長寧街都搵左一陣先搵到，店舖位置比較偏。不過亦因為咁，食物嘅價錢都幾公道，CP值唔錯。無論係常餐定下午茶都包左餐飲熱，就算要加紅豆冰都只係加多7蚊。一一猶豫緊下午茶叫A餐定B餐，最終都係敵唔過炸大脾嘅誘惑，點左個A餐; 而男朋友就點左個常餐B餐沙嗲肥牛一丁配招牌炒蛋厚多士。【沙嗲肥牛一丁】沙嗲味都算濃，肥牛就不過不失嘅亦唔會太少，難得嘅係唔洗加錢都可以食出前一丁公仔麵。【招牌炒蛋厚多士】多士仲熱嘅，夾埋個又滑又香嘅炒蛋，好好食！到左我期待嘅炸！大！脾！ 拼薯條！坦白講，呢個我有少少失望。炸脾唔會太油膩，整體都炸得夠乾身，但係唔係好入味，D雞肉仲有少少雪味咁，如果可以再掩入味D會更好。而薯條亦只係靠黑椒提味，對於唔係咁鐘意黑椒嘅我黎講係扣分嘅。最後埋單66蚊係幾抵食嘅，所以都會再去食，見到好多人叫常餐A，下次會想試下常餐A同西多士，希望唔會令我失望
冇諗過開喺d汽車維修店附近，行入長寧街都搵左一陣先搵到，店舖位置比較偏。不過亦因為咁，食物嘅價錢都幾公道，CP值唔錯。無論係常餐定下午茶都包左餐飲熱，就算要加紅豆冰都只係加多7蚊。
一一猶豫緊下午茶叫A餐定B餐，最終都係敵唔過炸大脾嘅誘惑，點左個A餐; 而男朋友就點左個常餐B餐沙嗲肥牛一丁配招牌炒蛋厚多士。
【沙嗲肥牛一丁】
沙嗲味都算濃，肥牛就不過不失嘅亦唔會太少，難得嘅係唔洗加錢都可以食出前一丁公仔麵。
【招牌炒蛋厚多士】
多士仲熱嘅，夾埋個又滑又香嘅炒蛋，好好食！
到左我期待嘅炸！大！脾！ 拼薯條！坦白講，呢個我有少少失望。炸脾唔會太油膩，整體都炸得夠乾身，但係唔係好入味，D雞肉仲有少少雪味咁，如果可以再掩入味D會更好。而薯條亦只係靠黑椒提味，對於唔係咁鐘意黑椒嘅我黎講係扣分嘅。
最後埋單66蚊係幾抵食嘅，所以都會再去食，見到好多人叫常餐A，下次會想試下常餐A同西多士，希望唔會令我失望
张贴
