どストライク軒 (已結業)

今曰拉麵癮發作，雖然天氣炎熱，仍然想一試雞白湯拉麵作午餐。這一間來自大阪梅田的過江龍拉麵店位於尖沙咀，在理工大學附近。店內空間比較狹小，是一貫日式拉麵店風格，滿有地道的感覺。這兒有五款拉麵或沾麵供應，選擇唔多，價錢88-$98, 而且不設加一。白湯鹽味松露拉麵$98先呷一口湯，是鮮美的雞白湯風味，味道帶有雞湯和蜆的鮮味，還有松露的幽香淡雅，口感沒有豚骨湯咁油膩，不錯。大蜆肉質十分嫩滑，而那溏心旦更是頂呱呱！溏心旦旦王流心，而且無論旦王或旦白都相當入味，正！雞肉採用雞胸部分，雖然無骨，但肉質唔係太嫩，口感比較帶嚼勁。麵條是幼身麵，但口感Q彈，掛湯力不錯。整體而言，是一碗幾唔錯的拉麵，而且湯底的味道比較獨特，可以一試。

經過幾次都想試，這次終於來了。新假期也有介紹這間拉麵店呢。自問沒這個食量，但大胃王又吃得快可以挑戰一下。得簡單的餐牌，只有5款麵吃，幾款配料和小吃。店面小小的，也很有日式拉麵店的風味。炸雞 (跟麵食加$48連飲品）炸得很香脆的炸雞，上桌熱騰騰的，雞肉保持嫩滑juicy ，配上秘製香甜醬汁加蛋黃醬很好吃。白湯野菜醬油拉麵 $88白湯味道濃郁，鮮味中帶醬油香，叉燒肥瘦剛好，口感軟嫩油潤而不膩。拉麵質地有彈性，口感爽滑。特製鹽味湯沾麵 $98湯的質地更濃稠，味道濃郁又不會過鹹，還有幾粒蜆肉。溏心蛋夠溏心又入味，蛋白口感也很嫩滑。小明太子飯 (跟麵食加$48連飲品）附上温泉蛋，均勻攪拌後，入口啖啖鹹香帶微辛，還夾著蛋香和蔥香。價錢相宜，整體來說也不錯，可以再去試試今次沒點到的。

同朋友一行二人去咗尖沙咀同埋佐敦交界附近嘅一間日本餐廳食拉麵。我自己本身唔係一個好鍾意食拉麵嘅人，因為覺得好多餐廳嘅拉麵都係大同小異冇乜分別。不過今次去呢間總算都另外印象幾深刻。。。。。。。。。。。。。。。。。。。。。。。餐廳環境圍繞日式裝修，食物種類而拉麵為主，有套餐可以追加唔同小食。叫咗一個白湯野菜叉燒醬油拉麵🍜一個白湯硯肉雞肉鹽味拉麵。🌻白湯野菜叉燒醬油拉麵叉燒好大塊，湯底濃郁，好抵食🌻白湯硯肉雞肉鹽味拉麵我自己就真係好鍾意呢個拉麵，蜆肉夠大粒，湯底比醬油拉麵淡少少，但係同樣都係以雞湯做湯底，個人認為雞湯比豬骨湯底更加好味另外，餐廳嘅拉麵同一般餐廳嘅拉麵有啲唔同，佢哋選用比較幼身容易沾湯汁嘅拉麵，所以感覺軟熟又入味

どストライク軒Strike noodles, 又一間來自日本的拉麵店, 呢間有乜特別呢? 一般香港都係食豬骨湯為主, 呢間就特別在係食雞白湯的。店內採用舊式拉麵店為主設計, 也是一樣開放式廚房。而點餐方面係同店員直接下單, 而非一般拉麵店寫紙下單。今次我地點了白湯野菜醬油拉麵, 白湯蜆松露鹽味拉麵。白湯野菜醬油拉麵是店舖的招牌拉麵, 聽說是用上了日本鮮雞煲煮而成, 先試一口, 果然充滿雞的鮮味, 亦有不輸豬骨的濃厚味道, 比起豬骨的油膩, 我更喜愛雞白湯的鮮濃。叉燒方面, 是爽口, 雖不算彈牙, 但亦有保持肉的質感。蛋是流心蛋,也很滑溜。而另一碗白湯蜆松露鹽味拉麵有加入蜆同松露, 比剛剛的純白雞湯味道更濃厚,比起鮮, 更多的是濃厚的味道, 竟然有正在食豬骨湯的錯覺, 因為有蜆, 我以為會更加鮮, 點知反而係濃厚, 有驚喜。而上面的雞肉, 也和剛剛的爽口叉燒不同, 係嫩滑的。此外, 拉麵還可以加錢配套餐, 連飲品, 可選炸雞, 豬肉飯, 明太子飯等等。作為炸雞愛好者, 我當然選炸雞。雞肉外脆內嫩, 應該是日本雞, 保持在日本食到的炸雞味道, 很不錯。

26/6同老公黎食晚餐，因為想試下新野，就黎呢間食拉麵。入到去，都幾日本feel既.... 但個侍應就一獲啲。成身紋身，仲要係咁賭馬。不過黎食野，佢又無收加一就唔止望有咩service 叫左一碗白湯野菜醬油拉麵同特製鹽味湯沾麵，啲沾麵又凍又硬，好似生咁，個湯啖過師姑尿。啲蜆肉係無味既！最成功就係多蔥。鹽味拉麵湯底OK，不過好油，啲麵係幼拉麵黎，麵好食，可能自己鐘意食啦。兩碗既叉燒都係又「鞋」又乾，所以都無食落去～～不推介

放工同對食要求好高嘅母親大人黎到哩度食拉麵，連佢都食都讚不絕口，真係有水準！下次一定再黎！哩度主打食拉麵，亦有沾麵嘅，仲有各式各樣特別嘅日式飲品，小食，定價亦好合理，份量亦好足！小食嗌左三款，叉燒，炸雞同炒野菜。不過如果食量細的話，基本上淨係嗌拉麵，加一個小食就很足夠了。炸雞一客有四件，炸得好脆之餘，雞肉亦好嫩！加埋有蛋黃醬或者特別嘅鹽可以點，正！叉燒有兩大塊，仲要好厚切得黎好軟熟一啲都唔 “鞋”！好抵食！主食黎了，我嗌左沾麵，佢個湯底中等稠身，唔會太稀亦唔會太濃，味道有雞味亦好creamy。沾麵就半身跟好多蜆，大量叉燒條，仲有成隻嘅溏心蛋，好足料！蛋有調過味，好味道！沾麵亦係粗身麵條，煙煙韌韌非常彈牙！母親大人嗌左湯拉麵，湯底嘅味道完全唔一樣，一樣特別，而且好香蒜味，一樣咁多嘅份量同配菜，麵底軟硬度煮得啱啱好，滿分！

Happy Friday, 有人群、排隊恐懼症的我，當然唔會去大型商場喇。地舖拉麵店 (大阪梅田拉麵店)，人又唔多，價錢合理，WHY NOT??豚肉醬汁燒豬肉肥瘦比例剛剛好，油脂香味充足。廚師完全將洋蔥煮至焦糖化，洋蔥甜味被完全煮出。配合甜醬汁同煮，非常出色。特製鹽味湯沾麵麵是圓粗身的，非常有咬口。湯汁味道濃郁，入口香醇，充滿油香。糖心蛋入味又流心，很好。白湯蜆松露鹽味拉麵味道濃厚，雞肉肉質富彈性，麵條柔軟。

今日又喺尖沙咀開飯，發現呢間新開嘅舖頭喺OpenRice評價幾好，於是諗住去試吓最終，我揀咗白湯野菜醬油拉麵同白湯蜆松露鹽味拉麵+小吞拿魚飯set白湯椰菜醬油拉麵，湯底好creamy、好濃郁但鹹味剛剛好，當中有2片叉燒，叉燒好厚身、很冧、很入味🤤唐心蛋也好入味，但略微有點過熟，不夠流心白湯蜆松露鹽味拉麵，湯底好creamy、味道剛好唔會太鹹，松露嘅香味同湯底好夾，一般拉麵店都只是2片雞肉，但這碗拉麵卻有好多片雞肉，而且很嫩滑😋蜆很大隻，是連殼的、很鮮味的，味道並不是雪藏、急凍的那些能比的，黑松露的份量也滿多😋我另外加了碗小吞拿魚飯，簡簡單單的幾片，十足十置身在日本的傳統拉麵店😆😆

網上見到呢間新開嘅日本過江龍拉麵，聲稱係用特色雞湯湯底，好似幾唔錯，咁就同朋友放工來試試。佢嘅拉麵種類唔算多，其實得幾款，我同朋友就每人揀一款試下佢，佢第一位應該係招牌嘅白湯野菜醬油拉麵（$88），其實即係叉燒拉麵，份量都算幾大，上面除咗有野菜同糖心蛋，叉燒有2大塊，仲有一大塊嘅紫菜。雞湯顏色呈白色，味道甘香濃郁，相信除雞之外應該都放咗唔少豬骨，因為同豬骨濃湯味道都幾似，拉麵底有咬口，份量都幾多 ，係其他拉麵店嘅1.5倍，啱晒我呢啲大食嘅人，不過佢嘅叉燒我就覺得一般，厚得來唔算好入味，亦唔係話好嫩，少少鞋。但我最愛佢嘅糖心蛋，所以另外再叫多一個，都係加多$12。另外朋友點左佢嘅白湯蜆松露鹽味拉麵（$98）顧名思義佢雞湯底額外再加蜆肉入去，我覺得湯底比我既鮮甜，蜆肉都有六七隻大大隻夠肥美，拉麵名稱係唔會注名有啲乜嘢肉喺度，原來佢呢個拉麵係配慢煮雞肉，大概有三四片朋友俾咗一片我，嫩到呢，感覺比叉燒好味多了，正所謂冇比較冇傷害，所以我覺得佢嘅拉麵比我嗰個好食啲XD另外佢仲有拉麵套餐，加咗$42就多咗一個迷你吞拿魚飯同嘢飲，吞拿魚飯都算ok la，不過始終唔係話好鮮甜，不過不失咁，睇吓自己覺得

尖沙咀既拉麵店真係多不勝數，どストライク軒係其中一間我好中意同成日去既拉麵店。どストライク軒來自大坂梅田，店長黎自日本店。佢地既座位唔太多，不過我次次去都咁啱唔使等就有位😁佢地既拉麵既款式唔太多，得5款，所以未去過既朋友仔可以好快可以揀到食咩。如果得5款都舉旗不定？咁等我介紹俾你，我最中意既白湯蜆松露鹽味拉麵。首先賣相已經唔錯，濃濃既白雞湯，加上松露既香味，好快就滿足左視、味、嗅三覺。加埋雞肉叉燒，幾隻大蜆，同埋隻味玉，身體同心靈都大滿足。😄

同朋友仔食拉麵，佢話想試下依間，我就冇所謂既，就去左啦，發現唔錯喎。我就嗌左個白湯蜆松露鹽味拉麵，賣相我比滿分，淨係望已經好吸引，仲靚過menu 張相。雖然係鹽味拉麵，但都唔會太咸，反而松露有少少提鮮，蜆既size 都唔細，講係色香味俱全都唔算過分。我朋友就嗌咗個地獄湯拉麵，佢就話雖然個樣睇落好辣，但佢都仲頂到，我就試都唔敢試啦。我哋仲嗌咗個炸雞小食，炸雞就好味囉。首先佢啲雞肉仲保存有好多水份，炸粉不厚，上枱時熱呼呼的。餐廳提供左檸檬，鹽，沙律醬三樣俾你揀，我自己就比較鍾意食檸檬，因為比較refreshing一啲。另外，依間餐廳仲有好多日式野飲，大家不妨一試。總結：平時少食拉麵，唔敢話依家係最好嗰間，但係我就覺得係唔錯嘅。

去開尖沙咀行過見到呢間裝修好日本既拉麵店，好耐冇食過拉麵，所以就入左去試下。入到去先發現原來呢間係來自大板既拉麵選擇不算多，岩哂我呢d有選擇困難症既人豚骨湯蜆松露鹽味拉麵🍜食拉麵我非常注重湯底，呢個湯底非常唔錯，味道雖然不太濃，但非常香豬骨同黑松露味，食哂成碗都唔會口渴。蜆肉非常多又大粒，仲有雞肉同半熟蛋，好足料拉麵麵身岩岩好，唔會太硬或者太淋，因為我好怕d麵太淋特製鹽味湯沾麵呢個沾麵我叫左走蔥沾麵湯底好濃雞味又唔會太咸，用黎點沾味真係一流。第一次食雞湯沾麵，估唔到咁好食包埋叉燒，蜆同半熟蛋，全部都好好食炸雞呢個炸雞驚喜地好食，好多雞肉唔會好多炸粉啖啖肉，配沙律醬同鹽超好食呀！一定要叫呢個小食我地仲叫左梅酒同葡萄酒🍷两款酒都好好飲，都係3%酒精，配拉麵食有身在日本既感覺呢間餐廳拉麵同小食都好好食，果然係大板過江龍，超級值得推介

來自大阪嘅Strike Noodles裝修好日式，食物質素非常高。我同朋友一共嗌咗兩款拉麵，白湯野菜醬油拉麵同白湯硯松露鹽味拉麵，兩款拉麵嘅份量都好多，啲麵唔會過林或者過硬，重點係湯底真係好正。白湯野菜醬油拉麵嘅湯底有好香嘅蒜味，有幾片好大片嘅叉燒，肥瘦適中，好林好有肉味，仲有一大片紫菜，好特別。白湯硯松露鹽味拉麵嘅湯底比醬油拉麵更加濃味，有雞肉同硯肉，所有餸都好入味。值得一提嘅係佢個半熟蛋做得好出色，蛋黃香得黎有醬油味，真係好好食。我地另外加咗個小明太子飯，雖然叫小但係其實份量都幾多，啲明太子唔會太鹹，撈埋佢嘅溫泉蛋、蔥同埋紫菜一齊食，真係好正。炸雞一共有四件，熱辣辣脆卜卜，炸粉一啲都唔厚，雞肉超級嫩滑，點埋佢嘅沙律醬同埋椒鹽，好好食。佢個白提子梳打好好飲，有好香果汁味，又唔會太甜，一邊食拉麵一邊飲梳打，超級嘆。希望下次可以試下佢嘅地獄湯拉麵啦。

今晚和朋友吃拉麵，走進店內彷彿去了日本，麵店設有吧台和雙人座位，吧台上掛滿了黃色燈籠，富有日本風味。這裏主要吃雞湯拉麵，我們點了兩碗拉麵，還點了一些小食。⭐️信州蘋果梳打$28蘋果味道很突出，非常清涼好喝。⭐️豚肉醬汁燒$38豬肉薄薄一片，非常入味，吃起來有甜甜的醬料味，肉質軟嫩，很有彈性，味道甘醇香濃。⭐️野菜$12炒野菜價錢便宜，加入木耳增加口感，很爽口。⭐️半熟蛋$12⭐️溫泉蛋溫泉蛋一放入碗中已經融化，為拉麵加了味道，不錯。⭐️叉燒$15⭐️白湯蜆松露鹽味拉麵$98味道很清淡，喝起來沒有負擔。淡淡的松露配上蜆肉，值得一提是蜆肉飽滿美味，為拉麵添加了鮮度。麵條偏軟，雞肉入口嫩滑，味道偏淡，不過溏心蛋就不錯，入口香醇。⭐️白湯野菜醬油拉麵$88這個拉麵的湯底更為清淡，配上兩塊豚肉和蔬菜，整體很清淡。▫️這家麵店的拉麵偏向健康清淡，我最喜歡豚肉醬汁燒，很美味。

自從上個月喺大阪🇯🇵食過白雞湯拉麵，一直都念念不忘，因為真係好好食，雞湯非常香濃，好想再食！🤤 早排見到網上介紹呢間餐廳，話係來自大阪嘅拉麵店，出名食白雞湯拉麵，評價相當唔錯📝，於是搵埋朋友一齊去試下！🥢·呢度嘅裝潢樸實企理，充滿地道日式拉麵店嘅感覺，可以選擇坐bar枱、2人或4人枱。Bar枱附近掛咗一行燈籠🏮，公仔嘅表情好得意！🤪 可能我哋比較夜先嚟食，坐附近嘅客人都埋單走咗，令我有機會影到完整嘅餐廳環境相，好靚！☺️·🔸 白湯蜆松露鹽味拉麵（$98）見到好多人推薦呢款拉麵，我同朋友都唔執輸試下，果然冇介紹錯！一上枱，第一個感覺係「好豐富」，所有配料（雞肉、蜆、溫泉蛋）都排得井井有條，份量一d都唔少，仲配埋蔥、蒜等，令到味道更香濃。雞肉🐔肉質嫩滑，清清淡淡嘅味道，令人想食完再食！蜆好鮮味，而流心蛋🥚嘅火喉控制得好好，半流心架，好正！😋·🔸 小吞拿魚飯 + 飲品（$42）拉麵套餐可以追加小型飯/小食加飲品，我揀咗小吞拿魚飯🐟🍚加檸檬茶🍋，4大片吞拿魚，吸引！·🔸 小明太子飯 + 飲品（$48）朋友叫咗小明太子飯加可樂🥤，滿滿嘅明太子，仲有蛋加紫菜，細細碗但好足料。·呢度免收加一💰，我覺得