7月份好评餐厅十强
2017-08-07

天气绝对会影响食慾,今个月好似特别热呀,梗系要食返啲好嘢刺激吓胃口!今个夏天推出咗咁多特色雪糕,所以7月份排行榜,都见到有唔少消暑食品喎,除咗透心凉嘅雪糕,当然亦唔少得今个月突然爆红嘅海胆啦。你今日食咗未呀?


第10位 阿利水韩国料理 (*新上榜)

虽然唔系新餐厅,但由韩国人亲自主理,食物唔走新派路线,都系传统嘅烧肉同小菜,少有拉芝、炸鸡等花巧菜式小碟更加系唔食客大赞正宗。难得质素稳定,价钱亦唔算贵,所以得到米芝莲推介。

图:Lemon See Seeeat_eat_everyday


第9位 Smokey Ice (*新上榜)

咁多款新雪糕,呢间甜品店嘅出品一定系相机食先嘅代表!新开冇耐已经有好多人专登去试(或者影),有牛扒、炸猪扒、肠粉雪糕,造型超神似!而且唔系得个样,雪糕味道自然,配料亦丰富,咁有心思抵你上榜嘅。

图:hiuytsang8foodsharingnana


第8位 百味堂 (*新上榜)

来自韩国嘅软雪糕,系老字号南阳乳业嘅出品,开张第一日有过千人排队!雪糕用韩国农场直送嘅有机牛奶制作,奶香浓厚质感香滑,亦有唔同口味、配咖啡嘅affogato等不同款式,只做pop-up都打到入十大,劲呀!

图:lokyanyansiumaigor


第7位 十下 (*新上榜)

打边炉系冇分季节嘅!呢间火锅店装修有80年代feel,有大量影相位同埋怀旧道具,座位阔落加高楼底,打得舒服。配料有港式风味,好似 腊肠鲮鱼滑、鲜打咸蛋黄虾滑、果皮鱼蛋、老少平安同猪肠粉,好有创意。

图:joycexlicious=架架面=


第6位 芝乐坊餐厅

开业咗一排,虽然人气回落咗少少,但都仍然有支持者嘅,入座都要等两个钟以上。如果已经食过招牌芝士蛋糕,不妨试试其他生果系列,好似芒果青柠、柠檬马令芝士蛋糕、香蕉忌廉芝士蛋糕等,酸酸甜甜更加适合夏天食呀。



第5位 炊豕店 (*新上榜)

天气热,特别想食香口浓味嘢!呢间以猪扒驰名嘅小店,煎猪排饭大大件又够厚身,煎得香脆juicy,仲有炸芝麻鸡翼、酥炸凤尾虾等小食都系必吃。虽然位於铜锣湾边缘,不过好多人帮衬,座位唔多想食就要等吓位喇。

图:elaine20326JeffTCN


第4位 咖啡湾 (*新上榜)

呢间café总店喺大埔,最出名系画上唔同卡通人物同拉花嘅咖啡。荃湾分店装修系公主主题,啱晒少女们打卡。食物有特色,好似有原只软壳蟹嘅黑松露忌廉意大利粉、黑松露杂菌蘑菇屋、鹅肝和牛巨人汉堡,价钱亦抵食,难怪成日排长龙啦。

图:bonbon妮plutoinn


第3位 Meat King

上星期首位回落两级,呢间日式汉堡扒专门店继续受一众食肉兽垂青。除咗一系列汉堡扒同牛扒,任食嘅沙律吧都好受人欢迎,每人只系加$58,就可以任拎蔬菜、沙律、汤、甜品同饮品,大胃王就最啱喇!

图:子言张waterqq


第2位 风云丸

拉面不时都会上榜,但气势可以保持到咁强劲,又真系冇乜边几间,呢度人潮似乎一直都冇减少嘅意思,即使天气咁热都仍然有捧场客!除咗招牌作石烧豚骨鱼介味玉沾面,亦可以试试石烧咖哩豚骨鱼介味同石烧辛辣豚骨鱼介味。

图:vinccicHelenbobo39


第1位 手卷野村 (*新上榜)

今个月嘅主角,一定系海胆莫属。呢间手卷店嘅海胆杯同手卷,卖相超澎湃,食豪啲梗系要拣海胆两板手卷,份量成座山咁高,每啖都系甘香鲜甜味。想多啲配料可以拣有三文鱼子、拖罗蓉同蟹脚嘅激满海胆杯,够晒满足!

图:Voraciousfefefefep



文:Perrins

关键字
十强
排行榜
沾面
旺角
荃湾
铜锣湾
湾仔
尖沙咀
韩国菜
汉堡扒
甜品
雪糕
海胆
火锅
西菜
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
5天前
【特约分享】超抵外卖陪你抗疫 即睇将军澳饮食地图!
2020-03-10
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【随时更新】最後倒数!即将结业的老字号及人气小店
1天前
2月份好评餐厅十强
2020-03-05