樓下冰室 (Closed)

每次到荃灣，都必定會去路德圍搵食，因為這裡餐廳街頭小食林立，真是花多眼亂。而突然很想去吃冰室的通粉，又想起朋友介紹過樓下冰室的瑞土雞脾很出色，決定一試。在星期日的晚飯時間，冰室坐滿食客，幸好我們不用等位，侍應姨姨很快便安排卡位，但要搭抬。冰室環境OK，只是坐得有點逼。冰室食物款式不算很多，主要以蕃茄濃湯為主打，一心來試，我便叫了蕃茄濃湯通粉配牛乳炒滑蛋＋瑞士雞脾 ($48)。  冰室上菜速度 "快" 是特色，落單不到十分鐘，通粉便來了，先嚐蕃茄湯底，茄味濃郁，有粒粒新鮮茄肉，不像其他餐廳只是用罐頭湯，這裡相當足料，湯底味道酸酸甜甜，合我口味，因為我喜歡較酸的，很開胃，美中不足的是通粉過熟，太淋沒有咬口。 牛乳炒滑蛋也十分香滑，啖啖充滿牛奶香，真是想來多隻蛋。瑞士雞脾的賣相很好，大大隻，色水又好，忍不住熱辣辣便咬下去。雞脾結實但有點鞋口，不是平時很容易拆肉的那一種，而雖然入味，但我覺得瑞士汁略咸，欠缺甜味，拿捏不到瑞士汁的精髓，有點失望。而男友點了蕃茄濃湯配牛乳炒滑蛋＋吉列豬扒 ($48)公仔麵麵質有咬口，比通粉好吃。 吉列豬扒炸得香脆，每口都是邪惡的卡路里，豬扒不會炸得很乾，肉汁依舊能

60年代的香港, 最多的是米鋪; 而近年代最多是什麼店鋪? 除了便利店之外, 我相信是茶餐廳，總有一間系附近近的。為什麼會有這麼多茶餐廳還可以生存? 原因很簡單, 茶餐廳的款式選擇多, 價錢便宜, 上桌時間快, 可配合到香港人急速的生活節奏。近年來茶餐廳多了其他類別, 有豪裝的, 有集團的, 有懷舊式,不像以往只是平民化的口味。今天相約了好友於荃灣聚舊, 荃灣近年開設了很多小店舖, 尤其是靠近路德圍附近, 食店林立, 我們都很喜歡嘗試新食店, 於是上了OpenRice搵食. 看過開飯的食評後， 搵到了這間懷舊冰室，決定今晚到這懷舊冰室試一下。我們於6.00PM已到達食店門口, 招牌上有個紅色的番茄, 番茄營養豐富，含大量的維他命C，對身體好處多，食店應該是想標榜其選用健康的材料和烹調方式(不含味精)，這裡是健康一族不錯的選擇。雖然時間尚早, 但食店已沒有太多剩餘可選擇的位置，唯有選擇坐近門口的卡位因覺得卡位會比較舒適。這裡用充滿時代感的色調去演繹舊式冰室的裝修概念, 右面一幅牆油上蛋黃色并掛上其招牌菜牌, 一方面可以標榜其招牌菜, 另一方面有舊式冰室的感覺; 而左面那幅牆塗上粉藍色,

首先叫最吸引我的瑞士雞比飯，隻雞比肉好林好入味，脂肪不多，瑞士汁又甜又香，飯有薑蔥及瑞士汁，撈飯一流好味到再encore 多隻瑞士汁雞比，分開叫多左d瑞士汁，好味另外的蕃茄濃湯通粉加牛肉，湯底重蕃茄口味，杰身，好濃味。通粉爽口不糊口，吸左蕃茄味好入味，牛肉又林又重牛味，吸埋蕃茄味好配合配通粉的吉列朱扒，炸得好香口好脆身，朱扒好大件，肉幾厚身，鬆軟juicy食下叫左杯菠蘿冰，好新鮮的菠蘿肉，鮮甜不酸，飲落甜香，菠蘿味好濃另一杯綠椰冰，椰汁味香滑，配細細粒的豆蓉，有得飲又有囗感而忌廉紅豆冰係我最喜歡，紅豆林身又甜，椰汁加忌廉又滑又香椰子味，好解渴食完飯仲餓，所以叫d小食，焗芝士西蘭花不錯，中和油脂，西蘭花新鮮，配焗溶了的軟芝士，熱熱地食曬佢最後抵受不住，叫埋瑞士雞翼，三隻原隻上，入味多汁肉嫰滑，食完飽飽好快活

不時會到同一餐廳用膳，在於是否就啱時間和是否願意到去過餐廳再翻兜。今晚所到的餐廳，正正是曾經去過的，原因就是想食個蕃茄湯為主的晚餐。樓下冰室是食蕃茄湯的其中一間冰室，雖然餐廳環境不是從前般的冰室，但是仍有一份懷舊的感覺。亦是在下食蕃茄湯的其中一個選擇。打開餐牌，就見到一個蕃茄濃湯配其他食材，還有瑞士雞脾或瑞士雞翼，兩者都可配飯，加上其他食物，如炒意粉金牌咖哩，焗飯和沙律等，選擇還是多的。而今晚晚餐的主題是蕃茄湯，故點來一客牛肉蕃茄濃湯通粉，當中的湯底濃郁鮮甜，牛肉亦具鮮嫰軟腍，加上通粉已泡浸在濃湯裡面，不我亦有蕃茄的味道。上次食過瑞士雞翼，今次則點來瑞士雞脾。雞脾給那那甜甜的醬油，弄得甜甜的，不過當中亦有濃厚的味覺，而且肉質是嫰嫰的。餐飲是奶茶紅豆冰。平常會較少飲這個飲品，今次則可飲番一杯。整杯餐飲不單只有奶茶的順滑有茶味，還可以有軟腍的紅豆食，一杯可滿足兩個願望。想食番餐蕃茄醬湯，在荃也多一個選擇吧。

下午茶時間，最簡單就係食瑞士汁雞脾配沙律，可以食下野但唔會太飽，就唔使擔心食唔落dinner。綠豆椰汁冰好香椰汁奶香，綠豆蓉又可以比我咬下，唔會淨飲野咁悶，當然要杯野夠fresh好飲先得啦~ 朋友就叫紅豆冰，佢話啲紅豆夠大粒同甜，味道唔錯。

荃灣真係幾多好野食，同元朗一樣，緊係要踏下場啦!起網上搵左間食落唔會太有負擔既食店，慰藉下想食好東西的肚子!!!成日都話自己唔想食得太有負擔，是因為覺得食物係要好吃才擺入口，最近既經驗都覺得好食的往往是小食!!正好就起網上見到個瑞士雞脾非常吸引了!廚師會將瑞士汁加入碟上，令食到沒有瑞士覆蓋的部分也可以點個瑞士汁再入肚!顏色係好深，以為會好咸，但係瑞士汁係取色，甜甜的瑞士汁咁深入肉質!食客往往都會怕隻雞脾擺左入去瑞士汁入面煲會令到個肉質更為粗糙!反而呢個又無，大概佢地烹調都會有一定的時間控制，上次食元朗既WHATEVER個陣就見佢地用個錶去計時!蕃茄超濃，每一下都盛著蕃茄肉，真的落左本用好多蕃茄煮成的!廚師同餐廳都好用心咁維持仍地招牌菜的聲威，見到之前無數個食評都對此有讚無彈就知啦!蕃茄湯都比左好多我，好滿的一碗，其實食食下都好似飲湯!! 實在太甜啦!咁多新鮮蕃茄!個蛋係加左牛奶煎架! 其實好明顯分別得出，因為軟滑度有好多大的分別!平時起茶餐廳都只係用牛油炒滑蛋，其實食到牛油的脂肪味架!而落牛奶就唔會有那個油膩感!

係荃灣收工，想快快食完飯就番屋企抖下。冰室炒意粉茄汁甜味較酸味重，好開胃！意粉好幼好彈牙，配料有腸仔、煙肉、火腿、仲有少少雞絲，味道好夾！意粉非常有鑊氣！要有鑊氣得黎又維持到意粉口感，唔簡單綠椰冰唸左好耐飲綠椰冰定菠蘿冰好！綠椰冰d綠豆超林！！椰汁味濃～不過甜左少少。店鋪d裝潢都幾有心思！見到好多新鮮菠蘿！下次一定要飲菠蘿冰！呢間茶記全部都係梳化位！好舒服，收工都冇咁攰。

樓下冰室呢日山長水遠黎到荃灣展開覓食一日遊，先嚟到位於路德圍嘅樓下冰室，聽聞呢度食瑞士雞髀好出名，所以就同朋友一齊來試試係咪真係咁正。我哋大概三點嚟到，都要等三個字，估唔到咁多人，似乎真係好好味。雞髀都算大隻，瑞士汁香甜濃郁，但又唔會過甜，好入味，啖啖肉，肉質鮮美嫩滑，加埋金黃香脆嘅薯角，確是不錯。

近排個個星期都去冰室食,好彩間間都算有D新意思平時我就唔係特別好雞脾,不過見係照牌就試下啦我叫左個蕃茄通粉+瑞士汁雞脾$48, 幾豐富, 如果包埋野飲就更好啦, 如果唔係食個高級少少既常餐要成60蚊其實有d貴囉,猶其係荃灣咁多好野食。先講個脾先, 大大隻, 好入味, 入味得黎就唔會太重口味。之前食過紅磡冰室係瑞士雞翼真係好鹹。蕃茄通粉, 湯底濃郁, 唔會過酸過鹹, 我好鍾意, 所以2飲哂d湯。同埋有埋炒蛋, 滿足哂我對常餐既熱忱(某程度係因為有蛋食)。只可惜炒蛋o係個濃湯入面少左自己既味道,覺得分開上會好d。

其實，一間餐廳的菜單款式不需要特別多；太多，反而難以兼顧，難以把食物做好。這間茶記的選擇種類恰到好處，食物質素佳，自然吸引顧客。近日主要是沿地鐵的「紅色線」搵食！平日晚上8時半，和男友光顧餐廳，仍有不少人呢！我是穩陣派，只會叫店舖的招牌！就是番茄濃湯通粉（配牛乳炒蛋） ，配瑞士雞髀。男友堅持想食咖喱（明明大家都推介蕃茄類的食物）不過，這兩個餐也沒有令我們失望！番茄濃湯通粉（唔好意思，掛住食唔記得影）好熱！是燙口的熱！不知為何，吃到熱辣辣的食物，總會對餐廳特別有好感呢！欣賞番茄湯底不是一味死鹹， 酸甜度剛剛好。湯底好thick ,好好飲！牛乳炒蛋，真的不得了！牛奶味香濃，非常幼滑，拍得上澳牛呢！瑞士汁雞脾（掙扎左好耐，食雞髀定雞翼好）不過想啖啖肉，就一於食雞髀啦！雞髀厚身，內裡嫩滑。瑞士汁甜甜濃濃的，好滿足呢！至於金牌咖喱牛腩飯，是令人驚喜之作！咖喱汁比較稠身，因為有許多香料的關係，帶點起沙。椰汁味不算重，微辣。又幾好味（係咁偷吃男友的份）牛腩分量好多，肉質不會韌。$48真係好抵！（唯獨配菜不夠新鮮，有待改善）綠椰冰？又幾特別個人不太好紅豆冰，因為不太喜歡紅豆有渣、起沙的感覺。這次換上了

有行開荃灣既朋友都知想開餐就一定去路德圍附近,個到大街小巷,上上下下都係食店餐廳,今次同大家分享呢間樓下冰室,聽個名好hea,好求其咁,實情係非常高質既餐廳黎到門口時都非常多人圍住門口,有等緊位既,有叫左外賣等緊既朋友,等左大約10幾分鐘就到我同小女胖,一坐底即刻就點餐,裝完人地食咩同睇左餐牌後就落左一個肉醬意粉,一個炸薯角,一個蕃茄濃湯通粉跟餐配瑞士雞翼飲品就落左鮮菠蘿冰同一杯紅豆冰首先出場係炸薯角,外皮炸到卜卜脆,非常香口,之後就黎左今日主菜,肉醬意粉同蕃茄濃湯通粉餐,先講肉醬意粉,非常大碗醬汁配埋芝士非常之好食,醬汁帶小小甜甜地,壓軸係蕃茄湯通粉餐,首先係蕃茄湯好鮮甜,配埋個炒多係面,最後我地係將所有係配入面既物體住部食哂落肚,而全部野食最有驚喜我相信係隻瑞士雞翼啦雞肉完全係又軟又夠瑞士汁之餘,聞落去又香噴噴,個汁亦都做得非常夠味,唔咸,由於太多野食好飽,無試到雞脾如果黎到荃灣想簡簡單單,又想食又平又好味既港式味道的話,樓下冰室真屬首選

最鍾意食有香港情懷嘅地方，呢間樓下冰室都算幾正宗。叫嘢飲方面呢個真係用新鮮菠蘿整新鮮菠蘿冰底部有好多一粒粒新鮮切出嚟嘅菠蘿粒，甜味適中。朋友杯紅豆冰比較重椰味，甜甜地，不過又唔會太甜。蕃茄濃湯通粉配牛乳炒蛋＄48本身通粉＄40，加多＄8就可以多一個餸，個小食都幾抵。牛乳炒蛋真係名不虛傳特別好味，口感夠滑之餘，真係特別香！番茄湯雖然濃郁但係唔會好假，加上大量的通粉真係食到好飽。招牌瑞士雞髀，瑞士雞翼整得超入味，仲好味過我阿媽招牌瑞士雞翼，味道濃郁好多。雞肉雞皮都好香濃，雞髀同埋雞翼都係大大隻！西多士＄23本身提供牛油同埋蜜糖，之後我哋再要求加練奶。裏面有啲花生醬，個西多士好厚好有成就感，炸得都幾脆呀！雖然朋友好大食，但係咁多嘢食都食到佢飽晒，埋單都係＄141，邊個話平嘢冇好嘢？

間中都會去荃灣搵食 所以大河道 路德圍一帶既食店都食過唔少間 但就一直無留意到有呢間樓下冰室 如果唔係睇open rice都未必知冰室以招牌蕃茄湯同瑞士雞脾/雞翼做主打超級愛食蕃茄既我又點可以放過?! 拿拿聲星期六晚去試下估唔到都幾多人等位 等左差唔多15分鐘先到我地而等緊位時已經畀門外大餐牌上既蕃茄湯炒蛋圖片吸引住冰室既裝飾好有格調 好鐘意牆上既復古鐵杯同朔膠餐牌 連裝胡椒粉同鹽既器皿都係彷可樂樽 好精緻點左48蚊既 蕃茄湯通粉炒蛋 配瑞士雞翼招牌蕃茄湯底果然無令我失望好多茄肉, 好濃 唔會過甜 仲夠晒熱辣辣炒蛋香滑 有蛋味, 瑞士雞翼都好滑好入味 忍唔住一邊食一邊嗌好味芝士焗肉醬意粉其實我同小胖男友真係好鐘意食肉醬意 但簡單既肉醬意要好食實在唔易, 好多時其他茶記都會煮到肉醬過甜/過杰 所以我地每次都抱住一試既心態 但樓下冰室都整得恰到好處 有西餐廳水準 $50既價錢 仲好大兜為食既我地仲點左薯角 炸得香脆 一d都唔油膩就連懷舊紅豆冰都好好味 冰室標榜無味精 我真係覺得蕃茄湯底好好味 最後飲晒 一滴不留兩個人食到超飽超滿足 真心推介

今日去開荃灣探朋友，順便喺荃灣路德圍果邊醫下個肚，間xx魚湯超多人排隊，小妹嘅目標唔係佢，係佢隔離間樓下冰室呢間冰室應該都好猛料下，因為完全座無虛席，咁岩有位梗係拿拿聲坐底睇下今晚食乜先聽講呢度出名蕃茄湯通同瑞士汁雞脾，梗係要試下啦小妹叫左個套餐，蕃茄濃湯螺絲粉，加8蚊可以加豬潤補下，另外跟餐有隻瑞士汁雞脾上枱速度好快，睇落好似平平無其，食落真係好香濃蕃茄味喎，滑蛋夠滑同厚身，豬潤薄切唔鞋口，呢個蕃茄通真係可以encore瑞士汁雞脾唔好睇佢厚肉就以為佢得個殼，表面佢比瑞士汁搞到黑炆炆咁，其實佢內裡都好入味，雞肉嫩滑無雪味，而且坐喺度食咁耐，見佢出菜位嘅雞脾無停過咁出，就知佢呢度嘅雞脾受歡迎程度超高，日賣幾百隻都有人信男人就叫左個冰室炒意粉，呢個就略為遜色咗小小，可能單太多，呢個意粉上嘅時間耐左小小，食落口感濕左小小，男人話佢唔算炒，因為唔夠乾身，所以變左燴意粉，味濃係醒胃嘅，但食得多就有啲"溜"，希望下次食會好啲同場加映，散叫三大隻瑞士汁雞翼，因為一隻雞脾两份分係完全滿足唔到小妹我嘅！同雞脾一樣，入晒味同嫩滑，係形態上唔同一個啖啖肉，一個要吐骨，两個都食得過！另外叫粉麵半價叫飲品

打風又點? 馬照跑, 工照返 咁食野就一定係簡啲就腳點. 所以就走左去路德圍 , 食肆多 , 又方便~ 不過落雨都唔簡得太多, 門口士士正正就照入 Meun 上飯飯麵麵咩都齊 一向都唔湊米氣嘅我見到有通粉就簡直係我嘅天堂就通粉 ! 加多少仲可以試埋個招牌雞翼喎 ! 就咁 認真再睇下佢地個meun , 原來標住不含味精 清清楚楚的Slogan : 原味主意 , 用心製作 一面就係舊式茶記Design , 一面就係西式 Design ,個感覺幾得意 樓上仲有雅座 ~ 不過當日可能因為落雨所以人唔多 , 無開樓上 , 無緣睇睇 枱面上嘅野唔會lum 痴痴 , 好乾淨企理(個可樂胡椒粉樽好靚 ♥) 樓下冰室推介:蕃茄濃湯通粉 配 牛乳炒蛋 配 瑞士雞翼 $48梅子柑桔檸檬 + $11 熱辣辣當然黎左個野飲先喇 梅子柑桔檸檬 , 酸酸地特別開胃, 味道都好大路 , 係唔錯嘅 , 但最特別的梅子唔夠出 , 加多粒梅就正 通粉黎喇! 個蛋睇落已經好正 ~ 食落口真係好滑 ! 老老實實 , 佢比咩咩咩牧場餐廳來的好味好多 , 可能蕃茄味都好濃 , 所以我唔太覺牛乳香 , 但個口感好 rich