聖誕節當然要去食好的 ! 只係我比較少係正日出動

又黎返Vision 8 ~ 已經第二次過黎依間 , 保証唔會伏嘛 今次比較晏先到場 , 我們都要等左陣先有位.入到去已經好有聖誕Feel ♥除左Meun 上嘅野 , 都仲會有啲黑板係寫返啲特色野 或者新品返工返到好攰 , 結果差唔多全部野都由店員同我地發板白酒忌廉汁煮法國藍青口 $148全晚我最中意係佢 ♥♥♥♥本身對海鮮已經係無法拒絕 , 加埋滑一滑的忌廉海鮮配上白酒可以話係無得輸 , 吊一吊返個香味都出晒黎洋蔥都煮得十分正, 熟度啱啱好 , 仲係爽之如又唔生 到個青口 , 我真係好耐無食過我要LIKE 爆的青口點解? 味道我相信大家都幻想到, 而口感呢? 佢用左中細Size 的青口唔會好似大青口咁噤韌 , 一咬已經開 , 連邊都唔洗挑開又新鮮 ~ 亦唔會痴殼 ! 點埋忌廉汁好好味酥炸軟殼蟹配牛油果他他沙律 $138依個最Surprise 的係個牛油果 ~你無估錯 , 果舊綠色圓柱體就係牛油果 佢將左牛油果先切粒 (點解佢切完都唔會黑嘅?) 再撈埋他他醬, 加埋少少黑醋好開胃 (女仕們食得好開心, 男士們淨係食左個軟殼蟹 ==”)軟殼蟹係真係幾鬆軟嘅野菌 黑松露菓忌廉湯 $72我地前後叫左幾個唔同嘅湯 , 依碗係我最中意 ♥♥唔係開水忌廉湯 , 而真係用返菇菌去打到佢好滑好滑加埋忌廉一流 . 外硬內軟的小麥包都十分香 , 佢好香麥味 , 個面唔係硬 , 係煙煙韌韌果種 , 一路咬可以令麥味越咬越香.蜜汁燒德國咸豬手 $198

依道的德國咸豬手又幾抵食內鬆外脆 , 加上蜜糖係面再燒過更加鬆脆喇佢個分量都唔少 , 比平時係出面見到的更大隻小妹最中意係佢層皮 , 佢無懶, 除左搽麥糖燒之如好明顯佢都有同隻德國咸豬手做埋按摩同拎針同佢桔桔桔燒完特別入味同鬆脆 西班牙海鮮飯(2人份) $388
雖然2人份,  但海鮮料都好足! 個蜆反而係最出色 , 我都係食左2啖,因為實在太飽了 ~ 嘻嘻