樓下冰室 (Closed)

間中都會去荃灣搵食 所以大河道 路德圍一帶既食店都食過唔少間 但就一直無留意到有呢間樓下冰室 如果唔係睇open rice都未必知冰室以招牌蕃茄湯同瑞士雞脾/雞翼做主打超級愛食蕃茄既我又點可以放過?! 拿拿聲星期六晚去試下估唔到都幾多人等位 等左差唔多15分鐘先到我地而等緊位時已經畀門外大餐牌上既蕃茄湯炒蛋圖片吸引住冰室既裝飾好有格調 好鐘意牆上既復古鐵杯同朔膠餐牌 連裝胡椒粉同鹽既器皿都係彷可樂樽 好精緻點左48蚊既 蕃茄湯通粉炒蛋 配瑞士雞翼招牌蕃茄湯底果然無令我失望好多茄肉, 好濃 唔會過甜 仲夠晒熱辣辣炒蛋香滑 有蛋味, 瑞士雞翼都好滑好入味 忍唔住一邊食一邊嗌好味芝士焗肉醬意粉其實我同小胖男友真係好鐘意食肉醬意 但簡單既肉醬意要好食實在唔易, 好多時其他茶記都會煮到肉醬過甜/過杰 所以我地每次都抱住一試既心態 但樓下冰室都整得恰到好處 有西餐廳水準 $50既價錢 仲好大兜為食既我地仲點左薯角 炸得香脆 一d都唔油膩就連懷舊紅豆冰都好好味 冰室標榜無味精 我真係覺得蕃茄湯底好好味 最後飲晒 一滴不留兩個人食到超飽超滿足 真心推介