494
78
10
6-min walk from Exit A1, Tsuen Wan MTR Station continue reading
All Branches (3)
Telephone
35654599
Introduction
Retro Hong Kong style cafe, signature dishes are macaroni in tomato soup with scrambled eggs and sweet soy sauce-flavored chicken legs. continue reading
Opening Hours
Today
11:00 - 00:00
Mon - Sun
11:00 - 00:00
Payment Methods
Cash
Other Info
Wi-Fi
Review (635)
Level4 2021-06-22
479 views
收工後同朋友去荃灣行街,晚飯想食蕃茄濃湯通粉,路德圍嗰邊有一間蕃茄濃湯通粉之前食過唔錯,所以就去左。.除咗招牌蕃茄濃湯通粉同瑞士雞髀之外,餐廳都仲有好多其他選擇,例如泡飯、口水雞、經典常餐,連三寶飯都有。.蕃茄濃湯粉 - 三拼 $58 可以揀粉麵種類、辣度和湯底,幾貼心,而且份量都唔細。蕃茄濃湯一如以往有水準,用新鮮蕃茄煮成,冇味精夠濃味,好足料。而個牛乳炒蛋都好出色,又滑又香;螺絲粉軟硬適中。配料好多選擇,真係選擇困難。我最後揀了牛餐肉、特級墨丸、素食(鮮菌、時菜、粟米、腐皮)。午餐肉有好多件,煎得夠香;墨丸都有四大粒,食落彈牙有墨魚味;配埋多款素菜好健康。.自家製蔥花叉燒滑蛋飯 $52叉燒多到幾乎佈滿整個表面,叉燒肥瘦適中,外微焦又香口,入口肉質爽嫩,燒得剛剛好,不會乾爭爭。牛奶炒滑蛋熟度剛剛好,又香又滑。配埋豉油撈飯一齊食,好滿足。.炸韭菜餃子(8隻)$35餃子好大隻又足料,外皮炸得香脆,入邊餡料豐富,如果個皮薄啲就更好。而且伴碟仲有啲新鮮蔬菜同沙律醬,可以減低油膩感。.焗芝士西蘭花 $38西蘭花食落爽口,上邊滿佈濃濃嘅芝士,重有d粟米,係一個不錯的健康選擇。.飲品跟餐有半價,好抵!鹹檸七 $11好啱家下悶熱嘅天氣飲,生津解渴,又可消暑。華田爆脆 $11好濃嘅華田味,上面仲有好多華田脆脆,口感豐富。 continue reading
(The above review is the personal opinion of a user which does not represent OpenRice's point of view.)
Level4 2021-04-28
1435 views
今日約左朋友食飯,佢家陣響荃灣做嘢,佢話附近有間冰室d嘢食抵食夾大件,所以就帶左我去。呢度都幾大,响橫樑上面仲見到d懷舊擺設。座位差唔多全部都係卡位,座位寬闊,坐得舒服仲好乾淨添。餐牌有好多嘢食,見到個樣好吸引,樣樣都想食。今晚由朋友發辦,叫左一個飯,一個小食,一隻雞肶,另外兩杯特色飲品。焗鮮茄豬扒飯先到,比餐牌張相更加多。豬扒夠厚實,好有咬感,飯底嘅雞蛋比例都幾多,飯唔硬,茄汁味濃,味道酸咪咪,都幾開胃。小食係焗芝士肉醬薯角,呢個小食份量多,夠晒大碟。肉醬味道香濃,芝士份量正常,唔會過份地多,食到好漏。薯角比較粗身,薯仔味濃,焗得香脆。瑞士雞肶比出面食開嘅大隻,聞到好香,入口味道甜甜地,肉厚得黎都唔算鞋,都整得唔錯。呢度啲飲品都幾特別,喺外面都未見過,好多都好想飲。朋友就揀咗華田脆脆,佢話甜味十足,加埋上面d朱古力脆脆,有口感之餘啱曬佢口味,正。我就叫左杯紅豆奶茶,因為出面都未聽過,覺得好特別。我無諗過原來奶茶加紅豆係咁夾,紅豆起晒沙,加埋奶茶又唔會太甜,將單調嘅奶茶變得有層次,真係好好飲。 continue reading
(The above review is the personal opinion of a user which does not represent OpenRice's point of view.)
Level4 2021-03-31
402 views
3月31日 特色甶番茄濃湯螺絲粉配牛乳炒蛋 $50樓下冰室招牌有Tomtato隻字,番茄🍅做主打,係OK好食嘅。濃密度、黐稠度都調得ok 唔係果種太「潔」食完濟住個胃嘅。炒蛋都真係幾滑,雖然份量就唔係超級大隻,但係都幾滋味!另外選擇都幾多,仲可以揀意粉,米線,公仔麵,湯飯都有lol跟配德國腸拼盤要食得完碗意粉,都真係需要有啲肉先得。有芝士腸,紐倫堡豬肉腸、私話力腸,仲有一隻少少辣辣地,呢隻我特別鍾意,過癮紅豆奶茶☕️ +$10如果平時好鍾意飲奶茶嘅茶味,我估可能要小甜同埋少奶先至可以突出到茶味。因為,紅豆同埋凍飲都應該係偏甜嘅🤔 但兩樣嘢夾埋都係幾OK,有啲趣。杯底都真係有好多紅豆嘅!😍鮮濃茄豬扒飯 $46我個friend叫嘅。應該有成三塊豬扒咁多,就咁望佢外觀又好我就覺得都應該係好食嘅😂 不過份量就拖到佢冇食早餐都食唔晒😂 所以對餓鬼嚟講就啱炸海鮮芝士豆腐餅 $35$35其實就真係有啲貴,因為佢啲材料就似係打邊爐嘅嗰一隻芝士豆腐餅。雖然咬開就冇留心嘅嗰種程度,但係其實係幾好味嘅🙂 continue reading
(The above review is the personal opinion of a user which does not represent OpenRice's point of view.)
Level4 2021-03-21
1496 views
平時經過荃灣路德圍都見到樓下冰室經常大排長龍,今日因為OT 8點才到餐廳發現不用排隊馬上入座。餐廳懷舊裝修,港式茶餐廳食物,價錢親民,而且選擇甚多。招牌特色蕃茄濃湯意粉配牛乳炒蛋蕃茄湯超濃郁,湯底偏向稠身,蕃茄味道甜酸適中,而且有不少蕃茄蓉,加上嫩滑的牛乳炒蛋,絕配。這個餐可以選其中一款小食,當然選招牌瑞士雞髀。大大隻雞髀嫰滑入味,加上甜甜的瑞士汁滲透在雞髀內,只是$50好抵食。鮮茄焗豬扒飯份量十足的焗豬扒飯,使用新鮮蕃茄,醬汁酸酸甜甜的和芝士融化在一起,鋪在豬扒上,豬扒厚身肉質嫩腍,而且細心地為客人切好,最驚喜是炒飯底炒得乾身,粒粒分明,充滿蛋香,比好多餐廳都做得好,超級推介。華田脆脆 可以半價點飲品,點了濃郁的華田脆脆,脆脆的非常有口感。話梅柑桔蜜話梅和柑桔蜜,味道很濃郁,而且好潤喉。整體食物質數非常滿意,性價比超高,這個價錢真的超值,而且服務態度非常好,難怪經常大排長龍,以後一定會常來。 continue reading
(The above review is the personal opinion of a user which does not represent OpenRice's point of view.)
香港人最鍾意食冰室,食物選擇唔算多但勝在夠專門,這家 樓下冰室 就主打自家熬煮無味精番茄濃湯。素食選擇雖然唔多,蛋奶素都有款超厚滑蛋三文治,仲有個紅豆奶茶都幾有驚喜!樓下冰室在荃灣有兩間分店,一間在路德圍,近荃灣站A出口,另一間在荃薈商場近大窩口站。路德圍這間開早上11點,原來是沒有早餐吃的冰室。店內全部是卡位座位,紅色背靠又幾搶眼,牆上有懷舊掛牌,裝修都有少少心思。這天一早來到,我拍完照不久就開始陸續有街坊來吃早餐或早午餐。午餐有番茄湯粉、飯和意粉等各種選擇,全部都有配飲品,價錢算實惠。散叫選擇也有多款,必點的當然是招牌番茄濃湯通粉,另外也有菠蘿包、西多士、瑞士汁雞脾和奶油豬等等,下午茶也有套餐。餐具拉開桌子底部的抽屜就找到。紅豆奶茶 HK$26這邊有多款好有吸引力的特色飲品,包括冰室必備的紅豆冰和菠蘿冰等,仲有個華田脆脆我都覺得幾吸引,應該係美祿恐龍的朋友。我因為想飲奶茶又想食紅豆就揀左紅豆奶茶,個奶茶好夠香濃非常驚喜,紅豆唔算太甜但煮到軟爛幾好食,整體來說很有誠意的特飲!這個只有凍飲,唔想飲太凍可以少冰。厚切牛乳炒蛋治 HK$22唔好以為去日本先有好靚的厚蛋治食,在香港的冰室也找到,這個厚度實在令人見到都開心!炒蛋除了厚也夠香夠滑,喜歡吃厚蛋治的絕對不能錯過。番茄濃湯通粉配牛乳炒蛋 (+芝士片 +素食) HK$50這裡必須提醒大家,大部分在香港冰室吃到的番茄濃湯都並非素食,尤其係自家熬製無加味精那些,因為都會加豬骨和雞骨等熬煮,素食者要留意了!不過如果你只係想吃多點蔬菜和吸引點茄紅素,當然無妨。這碗選了素食就有腐皮、粟米粒、杏鮑菇和蘿蔔,再加上湯底的番茄和洋蔥,我望到都覺得好吸引,個湯真係好濃厚香氣十足。入面有腐皮真係超療癒!好大片好足料架。然後我發現調味架上的胡椒和鹽樽好可愛,所以特別幫它們拍照留念。番茄濃湯通粉和蛋治都係香港必吃名物,但不是每一間冰室都做得有水準,樓下冰室就兩樣都好靠得住,經過記得進去試試看。 continue reading
(The above review is the personal opinion of a user which does not represent OpenRice's point of view.)