樓下冰室 (Closed)

一田大減價，立刻到荃灣走一趟。大出血過後，又是醫肚的時候。今曰我地試下樓下冰室。炒旦蕃茄螺絲粉加豉油雞脾（$48）炒旦旦味濃郁，質地滑溜有旦香。蕃茄湯超濃，又又軟稔的蕃茄，每一口都是天然的蕃茄味，酸酸甜甜的勁好味，比北海道牛奶公司或澳門冰室的蕃茄湯更好。螺絲粉粒粒索囇D湯汁，口感爽口，好味！豉油雞脾：厚厚的雞脾肉完全入味，肉質一D都唔鞋。豉油汁好正，甜味同鹵味的平衡恰到好處。這雞脾變成我倆爭食之選。差D想叫多隻。冰室炒意粉：意粉是中等粗幼的那一種。配料一D都唔少，有火腿、雞肉同香腸。食落味道有蒜香、茄汁味濃，酸酸地好開胃。條條意粉都均勻地掛汁，囗感又彈牙，軟硬適中，真的不錯。紅豆冰：是傳統的紅豆冰，紅豆軟綿綿，粒粒起沙，混合花奶同𣲙⋯⋯紅豆的甜味加上奶滑，好味道。這一夜只消百元兩人便一嚐港式地道冰室風味，一飽口福，推介！

企鵝哥之前同老死去荃灣買野，行到咁上下見肚餓想是但周圍去一間茶記食野。見裝修靚靚仔仔，就入左去食個tea，而依間樓下冰室就成為左企鵝哥遊歷香港美食第十一站。依家香港既冰室已經慢慢開始轉型，佈置上面落左心思，可以話係「新式冰室」。餐廳一睇就知搵人設計過，唔再係以前舊式果款得一堆字，要憑空想像，依家有圖有真相，但都唔代表圖片會同實物相符，都係參考下就夠。什果沙律($42)份量好大，沙律甜甜地，亞洲人多數中意有好多配料，食完會有飽肚嘅感覺，同西方人當做前菜嘅習慣好唔同，有啲似家鄉整嘅什果沙律，好懷念。評分味道：7/10賣相：6/10抵食：6/10蕃茄濃湯飯配牛乳炒蛋($48)哥較少食嘅蕃茄濃湯，湯底味道幾香濃，食上去覺得酸酸地幾開胃，茄味夠晒香，而且份炒蛋都幾滑同柔軟，另配自選一款小食，下午茶黎講係好豐富。評分味道：7/10賣相：6/10抵食：7/10招牌瑞士雞脾(配)見周邊啲人都食豉油脾，又見係招牌菜，哥本身又幾想食，叫佢招牌菜真係當之無愧，因為瑞士汁入味非常，已經達至爐火純青既境界，雞肉軟稔又唔會好咸，雞脾加瑞士汁＝絕配，極推薦依間嘅瑞士雞脾！評分味道：9/10賣相：5/10抵食：7/1

我住荃灣既，哩間餐廳我成日幫襯，但今次激到我直接走人。事源我同朋友兩個人食飯，待應見我地得兩個人就要我地坐邊，由於我朋友好大隻我地又去超市買完野好唔方便就要求坐4人枱，明明有兩大張吉枱佢要我地出去等單人位，等左10分鐘之後有2個人賣單走人，搞笑在佢地居然坐4人枱，我再問個待應佢居然要我地繼續等，話驚有客，大佬夜晚10:30啦種驚乜？有冇搞錯，當下我就即刻走人。啲待應有問題唔係第一次，而且唔係淨係一個有問題對上一次有個女待應同我地落單，我地要啲麵硬身啲佢居然話冇，我地食10幾次都係咁叫佢種係到死駁，最後都係死死地氣落比我但又眼超超啤住哂，我比錢入黎食野要受你氣？又有一次我落凍檸茶走甜又落左有甜，要佢換係到死同我駁我地冇叫走甜，到最後換比我都種要加多句「你地冇叫㗎」比你駁贏又點？最後咪又係要換，邊有待應會又話個客錯。我住荃灣咁耐我認佢啲野食數一數二地好食，但佢啲待應既態度都係全香港數一數二咁差。唔明白點解比錢去食飯要受佢氣好似求佢比我食咁？

今日工作太忙，無哂時間食飯，直到下午約3點才有空去醫肚。係荃灣食野，我就梗係去路德圍搵下有無好野食。我見呢間有下午茶所以試試。點左蕃茄豬扒飯，先講蕃茄汁，味道好濃，都幾有蕃茄味，感覺似幾足料，可能落左好多茄醬調味。豬扒就炸得幾香脆，味道吾錯，下午茶來講幾ok。

偷得浮生到了樓下冰室試吃了個午餐；店內擺設頗有心思：美侖美奐的小小可樂樽，好容易吸引坐上客注意因是平日下午茶時間，不用等位，但都有8成滿座，証明茶餐廳在路德圍大有需求，座位很擠，桌面很窄，座椅背板是很直身的，吃食活動都易踫到鄰座客人。點了午餐有火腿+炒蛋+牛油脆豬、蕃茄湯义燒公仔麵，熱檸水，食物上桌時間很快，大約5-6分鐘完成炒蛋有點乾硬身，牛油脆豬就比較對口味，外皮超鬆脆，包身軟心，焗得剛好，蕃茄湯就有點失望，因為雖有粒粒蕃茄粒，味道很假吃不出蕃茄的鮮味，可能糖的比例太重迎合年青一點食客吧⋯⋯ 價錢只可說是一般茶餐廳價位，以茶餐廳而論，味道也只是一般，試過就可以了。

次次都一定係食咖哩牛腩同瑞士雞脾配茄蛋通。好入味既瑞士汁。雞脾又滑又大隻。食埋雞皮都唔覺得肥。雞脾無雪味。牛乳滑蛋好香滑。蕃茄湯酸酸甜甜，夠濃結。通粉都沾滿湯！鮮牛肉最正 因為好鮮嫩。咖哩牛腩真係好好味！次次都一定食！牛腩軟腍就一定。但係個咖哩香得黎唔會太辣。偏港式口味，成個汁用黎撈飯無得彈！

近呢幾個月，個個星期都陪我家大少去荃灣，次次下午茶時間都唔知食咩好，咁岩今日經過路德圍，見到呢間餐廳，個裝修都幾特別，於是就入去試下平日下午茶時間唔太多人，而我地兩個又唔係好肚餓，於是只係叫咗一個餐兩份食，個份量都幾多蕃茄蛋通粉~ 大大碗，蕃茄味濃，炒蛋半熟，好味睇返食評先知原來佢地出名瑞士雞翼，下午茶餐都有跟兩隻雞全翼，好大隻，不過略為咸咗少少，但呢個價錢都已經唔錯，仲聽到個侍應姐姐話係即叫即整，新鮮！不過個碟就細咗少少，因為我想將隻雞翼拆骨嘅時候有少少論盡跟餐加錢可以飲特飲，叫咗話梅冰，不過就得好少冰，有待改善

曾經係荃灣住過一段時間，今日做完野就重遊舊地，發現路德圍有呢間樓下冰室，下午茶時間人也蠻多人，就入去試一試這裡裝修也蠻別緻，睇到牆上推介瑞士雞翼，又見下午茶set好抵就試下蕃茄濃湯通粉配牛乳炒蛋超濃郁蕃茄湯底，而炒蛋十分香滑， 配上通粉口感十足，而且份量超足招牌瑞士雞脾如果計呢個係下午茶set, 呢隻雞脾真係好大隻，一d都唔係tea set size, 好香既瑞士汁，脾位啖啖肉，肉質嫩滑，自中學畢業就已經很久沒吃過原隻雞脾菠蘿冰是新鮮菠蘿，並不是用罐頭的，味道清新鮮甜，而菠蘿亦十分足量，十分解渴超足的份量 超滿足的一個下午茶 

行完山無食下午，把下午和晚餐一起食，去到這餐廳，有一些懷舊的感覺，昔日的玩具和相片裝飾，餐牌上有寫着懷舊的飲品和食品，還有餐上的擺設也是舊式的玻璃汽水樽。食物也是十分多種類，中式，西式，德式都有，以下午茶也去到六時，平日去到六時半，附近放工放六時還有時間去食下午茶。上菜也十分有茶餐廳的快速度。我們叫了一個蕃茄濃湯牛乳炒蛋螺絲粉餐，瑞士雞脾下午茶餐，芝士西蘭花和德國腸。蕃茄濃湯牛乳炒蛋螺絲粉餐，我覺得值得一試，好香濃蕃茄味加半熟牛乳炒蛋，如有飯一起吃也可。還可以加瑞士雞翼或其他小食。還加了一個紅豆咖啡冰。瑞士雞脾下午茶餐，雞脾都不少，我選了薯角，上菜時十分香脆和熱辣。加話梅柑桔蜜，味道十分香濃。芝士西蘭花，好熱和香濃的芝士味，义起西蘭花時煙不住的飄出來。德國腸，有着不同味道和種類的腸子，份量不多，但食到由不辣到小辣和十分辣的腸好特別。全程都好享受，只是有一個服務員的說話態度令人有些反感。可能因佢壓力太大。

聽說這間新派冰室的「招牌瑞士雞髀」水準不俗，趁著這天要到荃灣出席活動，特地前去試試。 因為這天晚上還有飯局，所以來到這間陳設頗有懷舊味道的冰室時，只是吃了下午茶而已，沒吃午餐或晚餐。 這天我吃的，是下午茶餐中的「招牌瑞士雞髀配粟米雜果沙律」。「粟米雜果沙律」小小的一兜，滿是濃濃的兒時港式茶餐廳風味，未必是很好的味道，但酸滋滋的沙律醬配以爽脆的蘋果、菠蘿和粟米，卻充滿小時候的溫暖回憶。 「瑞士雞髀」是「太平館餐廳」的招牌菜之一，一向有名，想不到這間後起之秀的「招牌瑞士雞髀」的水準，也不遑多讓，瑞士汁味道甚佳，而且全部滲透進雞髀之用，加上雞髀肉嫩而不嚡，確是甚為美味，可惜雞髀不是太大隻，要是能大隻些，就更好了。這間新派冰室的「招牌瑞士雞髀」的確不錯，不枉我在晚飯之前，先來幫襯它。

老公一直嚷著要食茶餐廳，在路德圍見到一間新式茶餐廳⋯ 入去試一試。幸好早點來到，不用等位就可以入坐。店員都很年輕，餐牌上的食物都很有創意⋯ 感覺很有活力！點了1個蕃茄蛋通粉配吉列魚柳，1個藕餅雞排飯（令我想起榮式雞排），加1件雞脾⋯ 及1杯凍鹹檸七。點了餐後加飲品半價。試試雞脾，生抽味很濃⋯ 甜度可以加重⋯ 不似瑞士汁⋯ 就是豉油皇雞脾的味道。蕃茄湯味道很鮮濃，真的似真材實料的蕃茄煲成。炒蛋ok.... 可以再嫩一些。魚柳厚實，不會乾巴巴的。沾沙律醬吃，才發現似是他們特調的海鮮他他汁。點這個藕餅雞排飯，就讓我想起榮式的味道。不知2定店有沒有關係⋯ 當然雞排和藕餅的外形不太似。這裡的藕餅很大的一個⋯ 雞排也是長長的。最後來一杯鹹檸七結尾Yeah.... 可以再encore呢～

『樓下冰室』是一間位於荃灣路德圍的茶餐廳，每到晚年都幾乎滿座。餐廳不大，座位也頗擠迫的，這次7:30pm左右來到也要搭枱。餐廳的招牌菜可說是「滑蛋蕃茄湯通粉」，所以今次也點了這款，不過我將通粉轉了做螺絲粉，因為我覺得螺絲粉能吸更多蕃茄湯！蕃茄湯一如以往十分香濃足料，炒蛋略嫌不夠滑，炒蛋也很嫩滑，與蕃茄湯非常搭配！另外，還點了一份「豉油雞腿」，跟「蕃茄湯螺絲粉」作為一個餐來叫共$48，雞腿很大隻也很入味，雖然肉與不算嫩滑，但有豉油味搭夠，吃起來也頗滋味。整體來說，食物不俗，雖然價錢不算很平宜，但也是不錯的茶餐廳選擇。------------------------------

招牌蕃茄湯底夠濃 啖啖都有茄肉 唔酸剛剛好 通粉份量又多 絕對夠飽 仲叫左招牌瑞士雞肶 整體唔錯 飲品普通但紅豆冰抵飲 阿姐態度又好 細心仲反應快 叫左兩個餐 兩個女仔食到超飽都係百二蚊

第二次去樓雨冰室，對佢個蕃茄湯通粉依然念念不忘。雖然是下午茶時間，但也忍不住點個午餐（$42），入面包括鮮茄濃湯叉燒通粉、配火腿牛乳炒蛋、香草蒜蓉牛油脆豬仔包。鮮茄濃湯湯底鮮甜足料，叉燒入味好吃！香草蒜蓉牛油脆豬仔包香草味濃郁，豬仔包卜卜脆旁邊還有香濃軟滑的牛乳炒蛋。另外點了份下午茶餐，入面有瑞士雞翼2隻，仲配埋粟米什果沙律（$37）瑞士雞翼黑黑的，鹵得非常入味。粟米什果沙律清新爽脆，酸甜開胃！另外套餐轉特飲加$10我選了綠椰冰，是綠豆加椰汁，椰汁味香，綠豆蓉腍香。另外菠蘿冰清甜解渴！最後點了一個雞湯浸什菇娃娃菜（$32）娃娃菜煮得腍腍的，非常入味！雞湯清甜可口，最岩叫一個清清腸胃！

剛過了重陽節，搵左平日放假，相約老爸到荃灣，拜山去。我們先醫肚再出發，選了樓下冰室，傳統食物款式，應該穩陣。下午兩點都仲係咁多人，雖然唔駛等，但就坐幾迫的兩人位，張枱好細，後尾等少人點轉去較大的枱，舒服好多，香真是寸金尺土。冰室裝修用色幾鮮明，好醒神！老爸飲熱奶茶，跟餐免費，奶和茶比例剛好，好滑好香，水準不錯。我叫的紅豆冰+$10，勁多紅豆粒，煮到好淋出晒味，和椰奶搞勻可以融為一體。焗鮮茄豬扒飯$53- 份量嚇人一跳，超多飯和豬扒，飯是蛋炒過的，正宗又好味，蕃茄汁料好夠，加上芝士融化了，惹味又濃香，豬扒煮到好嫩滑，蕃茄數量就不算多，這個飯兩個人食都夠了！下午茶招牌瑞士雞脾配沙律$40- 雞脾瑞士汁好入味甜甜地，肉好嫩滑，雞皮好有脂香，沙律份量不少，有薯仔粒粟米等。焗芝士西蘭花$36-芝味不太濃，多是忌廉汁，志在吃點蔬菜比較健康，西蘭花煮到頗淋，仍翠綠。