樓下冰室 (Closed)

今日去開荃灣探朋友，順便喺荃灣路德圍果邊醫下個肚，間xx魚湯超多人排隊，小妹嘅目標唔係佢，係佢隔離間樓下冰室呢間冰室應該都好猛料下，因為完全座無虛席，咁岩有位梗係拿拿聲坐底睇下今晚食乜先聽講呢度出名蕃茄湯通同瑞士汁雞脾，梗係要試下啦小妹叫左個套餐，蕃茄濃湯螺絲粉，加8蚊可以加豬潤補下，另外跟餐有隻瑞士汁雞脾上枱速度好快，睇落好似平平無其，食落真係好香濃蕃茄味喎，滑蛋夠滑同厚身，豬潤薄切唔鞋口，呢個蕃茄通真係可以encore瑞士汁雞脾唔好睇佢厚肉就以為佢得個殼，表面佢比瑞士汁搞到黑炆炆咁，其實佢內裡都好入味，雞肉嫩滑無雪味，而且坐喺度食咁耐，見佢出菜位嘅雞脾無停過咁出，就知佢呢度嘅雞脾受歡迎程度超高，日賣幾百隻都有人信男人就叫左個冰室炒意粉，呢個就略為遜色咗小小，可能單太多，呢個意粉上嘅時間耐左小小，食落口感濕左小小，男人話佢唔算炒，因為唔夠乾身，所以變左燴意粉，味濃係醒胃嘅，但食得多就有啲"溜"，希望下次食會好啲同場加映，散叫三大隻瑞士汁雞翼，因為一隻雞脾两份分係完全滿足唔到小妹我嘅！同雞脾一樣，入晒味同嫩滑，係形態上唔同一個啖啖肉，一個要吐骨，两個都食得過！另外叫粉麵半價叫飲品