樓下冰室 (Closed)

懶得落廚的我經常有好友陪我四圍食，今次我們選擇在荃灣美食集中地的海霸街食晚餐，見到呢間樓下冰室感覺幾特別，所以就決定試吓食晚餐~~~呢度的環境不錯，而且有懷舊照片，好友最喜歡就是看老香港的照片，看到64K單層巴士的照片，大家都想起小時候曾經搭過紅色車身的老巴士~~~看著上面的牆身就想起曾經去過元朗的老馮，依家香港越來越多有懷舊特色的食肆，如果香港好似澳門咁可以有多D地方保留傳統建築就好了~~~大家細心留意沙糖樽也用了傳統可樂樽設計~~~呢間冰室的食物價錢尚算OK，晚餐時間叫飯加凍飲人均$55~~~冰室經典豉油西餐飯($50)，幾大份，我們二人share食，感覺不錯~~~香煎蓮藕餅雞扒飯($45)，雞扒夠軟和好味，藕餅感覺咸咗D，叫呢個餐其實係懷念好耐冇去過的榮式，始終榮式係我食藕餅飯的開始~~~我地兩個人食真係感覺飽飽地，不過上飲品時有小插曲，一向不喜歡多冰的我見到凍檸樂個杯太多冰，叫職員幫忙時，有位阿姐勁好人咁用碗裝走多餘的冰，好在可樂係罐上，否則我沒可能有減冰服務~~~

今日去荃灣搵食，好想食樓下冰室既雞脾䬦，去到就已經好多人排隊，等左10分鐘已經入得，都算幾快，要撘枱就預左，反正食完就走，唔介意叫左雞脾飯兩碟，一杯涷奶茶雞脾色澤深，好大隻好入味，肉質唔太差，汁甜甜地，不會過鹹，啖啖肉，食得小小狠狽個飯都幾多，我仲比多左D飯比隔離既佢，佢都食得津津有味涷奶茶不過不失，正常吧，甜左D，D冰粒溶左就平衡番個甜，反正主角是雞脾嘛

作為半個荃灣友，每次都係夜媽媽去路德圍「掃街」同食糖水，經過呢間樓下冰室已不下N次，今次終於正正式式入去幫襯下。冰室主打懷舊路線，店內裝修顏色鮮明，走復古風格，一邊牆上掛著些招牌菜水牌、六七十年代的海報畫、更有不少復古的裝飾品和小擺設，另一面牆身更標誌著“ i love tomato” （我愛蕃茄），可想而知冰室必然是主打蕃茄的菜式。此時隨手翻閱餐牌，已知道餐廳的主打食物乃蕃茄通和瑞士雞髀。我們點的蕃茄濃湯通粉配搭牛乳炒蛋$40，除了配搭炒蛋外，也可配搭其他食材，如牛肉、豬潤、叉燒和午餐肉等…蕃茄湯底濃郁，有陣陣鮮味，味道帶甜又帶微微的果酸，非常開胃，通粉是小顆小顆的那種，吸收了香濃的蕃茄湯，每口都混合著蕃茄蓉，再配上嫰滑的牛乳炒蛋，口感香濃滑溜。加$8配搭的吉列豬扒，即$48就可有一碗招牌蕃茄通+一份吉列豬扒，份量絕不欺場喔~吉列豬扒表面炸得金黃香脆，切開的時候可見到內裏還是粉粉嫩嫩的，肉質口感非常嫩滑， very juicy~朋友點的招牌瑞士雞髀 配蒜蓉牛油脆豬仔包 及粟米雜果沙律 $52瑞士汁乃係香港豉油西餐中的代表作，用薑蔥、豉油和冰糖而調製，味道甘甜。這裡的招牌瑞士雞髀，雞皮

如果以往冰室一定係懷舊咁就唔岩啦，,大壹冰室除左個門口似冰室之外，內裡完全係一間Cafe，無吊扇亦無瓷磚牆。價錢方面就四五十蚊，中上，都岩一家大細假日外出用膳既選擇。叫左個茄汁焗豬扒飯同牛扒飯，上菜好快。有人話香港最好食既焗豬係個間大字頭既快餐店，食完呢個焗豬扒飯真係信晒。唔知大家係佢蕃茄醬加得太多定啲糖落得太少，個汁好酸，最慘既係我個塊扒咁不幸好似豬肋骨，一頭一尾係條長骨，得中間一塊肉，兩啖就食完。。。剩低要不斷用飯撈d蕃茄醬黎食，不過都難掩個d酸味。屋企人個個牛扒飯就不過不失，煎得都幾嫩，要七成熟，中間少少紅無血水。飲品就有好多童年回憶，有黑牛白牛紅牛黃牛，亦有雪糕咖啡，呢杯就好味好多啦，雪糕既甜味岩岩補到佢咖啡d苦味，唔錯。

難得星期日有得瞓耐少少，一起身就已經成點鐘，唯有出荃灣食個下午茶。講到荃灣覓食嘅好地方，唔使問都知道，一定係路德圍。喺路德圍兜左個圈，發現呢間餐廳有好多人排隊，心諗咁多人排都應該唔會太伏，於是就等左一陣位。 入到去被安排坐卡位，比一般茶餐廳舒服，樓底算高，夠光猛又夠冷氣！  蕃茄濃湯通粉配牛乳炒蛋 $48。雖然下午餐時段有$42嘅茄牛通，但係被吉列豬扒同招牌瑞士雞脾吸引著，於是選擇一個貴啲啲嘅套餐。首先講下個蕃茄濃湯，蕃茄味係濃，不過係茄膏味濃多d，感覺好人工，無左蕃茄嘅鮮味。通粉就不過不失，唔會太淋或太硬；如果選用老麥的凹凸紋通粉，口感會更佳。牛乳炒蛋香、滑、嫩，但食唔出有香濃嘅牛奶味。 吉列豬扒。呢到嘅吉列豬扒係原塊上，所以可以肯定佢無偷工減料。豬扒炸得香脆，不過覺得麵包糠落得有啲多；豬扒口感尚算鬆化。味道方面有點淡，而且偏乾，要靠沙律醬搭救。 招牌瑞士雞脾。話明係樓下冰室嘅招牌，又點可以唔食佢嘅瑞士雞脾呢？果然，呢到嘅瑞士雞脾無令我失望！雞脾size算大，所以啖啖肉；瑞士汁好入味，但唔會過鹹或過甜，味道適中；食物溫度夠熱之餘，仲會俾多少少瑞士汁食客，方便雞肉蘸上瑞士汁。 熱奶

小妹睇完戲夜一夜，係附近尋覓茶餐廳，好在比我搵到間開到零晨既茶記，真係好少會有茶餐廳仲會開到噤夜，完全岩哂住附近會食宵夜既人，店內係以新派格局裝修，卡位座設計，食野自然都坐得舒服D因為都夜啦，所以入座都唔洗等位。依度原來招牌主打係瑞士雞脾，餐牌上都有好幾款以雞脾作主菜既飯餐、小食餐、麵餐，我就叫左個蕃茄湯公仔麵配炒牛奶滑蛋配瑞士雞脾，我朋友就叫蕃茄湯通粉配炸魚柳。上菜都幾快，全隻雞脾都係滿滿既瑞士汁，雞脾大大隻，肉質好冧，瑞士汁味道甜得黎超入味炸魚柳炸得好脆又薄粉，入口脆得黎魚肉入口即溶，再點少少沙律醬好好食蕃茄湯底好濃郁，一D都唔求其，仲有少少蕃茄碎係湯入面，原汁原味既蕃茄湯🍅 完全真材實料，配埋公仔麵或通粉一齊食好味道炒牛奶滑蛋雖然唔算好滑，但都有蛋香味。整體上味道唔錯，平平無奇既麵餐，每樣食物既味道會令你一直食唔停口，份量多且值回票價

很久沒去樓下冰室吃鮮茄湯粉同瑞士雞脾,這天返外家前便去重溫美食喔！這天選了一份午餐和一份瑞士雞髀餐。我當然飲例牌嘅凍檸茶啦套餐+$3！寂寞嘅凍檸茶梗係要搵枝可愛的胡椒粉可樂樽配親一下啦(^_-)車爸爸例牌嘅熱奶茶，據聞質素比以前差咗啲啲冇當初咁香滑喎!!午餐$42要咗叉燒蕃茄通粉，今次真係有啲失望因為鮮茄湯底已經冇當初咁濃香了！而叉燒亦也沒甚特別呢~ 午餐還會配一個蒜蓉脆豬仔烘得香脆又好吃，而牛奶炒蛋就夠晒都香滑可口喎。最後呢碟招牌瑞士雞髀飯$44可幸保持到水準，瑞士汁照舊香甜沒苦澀味，雞髀肉嫩滑無比,最妙嘅係配埋薑蔥 一同吃起的化學作用 十分特別^_^

今天晚上放工後，約了朋友吃飯，但不知道吃什麼好既時候，看見一間用蕃茄做主題的冰室，都幾特別所以就入了去試下，我們叫了一個瑞士雞翼和一個，蕃茄牛通粉，仲有叫了個炒飯等等，發覺瑞士雞翼雖然價錢有點貴但很入味好好吃，而蕃茄牛通粉番茄湯就好足料好重蕃茄味道，但炒飯等其他扒飯就不有什麼特別！

黎到荃灣,最好去路德圍搵食, 一個地方已經有各樣菜式! 今日就黎食下呢間新式冰室! 其實已經食過幾次, 每次黎都係叫蕃茄湯通粉, 真係唔錯架! 佢個炒蛋都炒得好好好滑架!!!除左出名既蕃茄湯,其實佢其他都做得唔錯架!!瑞士汁雞脾, 好入味! 雞肉都唔會"鞋"口~我地仲食過咖喱牛腩飯, 都唔錯wor!咖喱好香, 牛腩亦都好淋!!不過唯一唔好就係d位都有點迫呢~~

樓下冰室叫左最多人食嘅蕃茄湯通粉。其實都係蕃茄蓉加茄汁煮成嘅湯。湯上面果舊炒蛋太熟啦，一Ｄ都唔滑唔ＣＲＥＡＭＹ！不過蕃茄愛好者對於個通粉同個湯都好滿意，因為好夠味，雖然Ｄ味有少少人造..

星期日兩點嚟到，唔洗等。雞脾配薯角 下午茶餐雞脾：都幾大隻！味道嚟講都算好入味！！肉質算滑薯角：外脆內淋仲熱辣辣添飲品凍華田味道要濃返好多先夠喎題外話：我枱餐具櫃桶唔夠匙羹不過店員都好快攞嚟

今日有好鍾意食雞脾既男朋友黎試下，我食蕃茄濃湯通粉+牛乳炒蛋配瑞士雞脾($48)，雞脾先上枱，超大隻呀! 男朋友見到好開心好入味，連雞肉都有足夠瑞士汁，甜甜地，唔會過咸，雞肉仲係滑既，好厚肉，依家真係好難得食到咁有heart既雞脾呀!蕃茄通粉個湯帶酸味，唔係溝好多糖落去減酸味，i like it，本身驚食完隻雞脾會好膩食唔落通粉，但帶酸味既蕃茄湯令我好開胃，不知不覺食曬喇!而牛乳炒蛋放入個通粉度就扣分喇，完全遮蓋左牛乳既香味，亦都俾熱湯浸到蛋"嚡"左******************************男朋友叫瑞士雞脾配薯角($37) ，掛住食無影相雞脾都係咁大隻，加一小籃既連皮薯角，新鮮炸，好味道!

好耐未黎過~之前係到食過佢既雞脾唔錯~荃灣又就腳, 所以反兜再食下!今日食招牌雞脾飯~雞脾都幾好味呀！好入味！甜甜既瑞士汁...最正係佢飯有埋瑞士汁同埋薑蓉撈黎食！Yummy😋 如果佢再比多啲瑞士汁撈飯就好啦！😆另外仲叫左吉列豬扒蕃茄濃湯通粉配牛乳炒蛋蕃茄湯真係好濃呀! 好好味! 蛋夠滑!而佢既吉列豬扒炸得都算脆!美中不足既係好似炸耐左小小啦! 

星期日，老公特登上open rice 睇下有乜好brunch 食，佢知我鍾意食蕃茄湯嘅野，就帶我黎呢度試下。最後叫左個40蚊嘅通粉炒旦餐同埋一個焗豬扒飯。個通粉餐好快就到了。旦幾滑，但唔夠澳洲牛奶公司果d好味。 火腿幾好，最失敗就係個包。唔脆，牛油入面加左香草，但又唔夠多又唔夠香，不如唔好加了，味道好怪。到個蕃茄湯通粉。叉燒無乜特別，個湯底好好味，通粉都算爽口。但呢杯熱Horlick 就真係唔該哂！搞左90個圈都唔溶仲係一舊舊。淡到我都唔知自己飲緊乜。等多2-3個字就到呢碟焗豬扒飯。平時老公食完個飯都唔覺飽嘅佢，今次竟然俾呢碟飯上面嘅蕃茄汁ko 左！ 好甜好漏，佢怕食甜野，所以唔OK. 而我覺得係可以嘅，不過豬扒乾左d. 埋完單就出事了！ 我地買左2支水飲完都仲係好口渴，原來頭先咁好味都係因為味精作怪，無下次。

小妹超鐘意食蕃茄湯既粉麵，食過好多間都覺得蕃茄味唔夠濃，直到我幫襯過呢間樓下冰室每次嚟我都必食蕃茄濃湯同瑞士汁雞翼味道超水準蕃茄濃湯米線配牛乳炒蛋蕃茄濃湯唔係得過顏色同名，蕃茄味道超濃，雖然食得岀係有用茄膏但食落一啲都唔流又唔咸湯裏面有蕃茄肉再配牛乳炒蛋，絕配推！瑞士汁雞翼蕃茄濃湯粉套歺仲可配小食，小食有好多選擇，但我此終鐘情於瑞士汁全隻雞翼。你仲可以叫碎上，廚房會將雞全翼分成3節，咁就更方便食，食都食得絲文啲雞翼完全吸收哂啲瑞士汁既味，入味得嚟雞翼一啲都唔老，皮同肉仲好滑推推推！除咗蕃茄处，仲有好多選擇，焗飯焗意粉，台灣肉燥飯，三文治。。。下午餐都好抵食，份量大又多。不妨試試