更多
2024-05-02
93 瀏覽
今日同朋友去咗尖沙咀食嘢啦!我地揀咗間台式餐廳!喺出邊睇餐牌有啲似台灣夜市嘅小食同主食,價錢又親民,好彩6點幾到仲有位,開始七點就滿晒啦! 先講下前菜啦,我地叫咗個皮蛋豆腐,皮蛋香濃,豆腐滑滑嫩嫩,入口即化,兩個食物都好夾,皮蛋心係非常流心,仲有佢加咗啲自己嘅醬汁,鹹鹹地,一啲都唔膩口,好開胃!然後啲主食就更加驚喜啦!牛肉麵啲湯底濃郁,牛肉又唔會太老,麵條超級Q彈,側邊有一個辣椒醬,唔食辣可以唔撈埋佢。 個湯底食得出好少味精,少少中藥味,正!麻辣乾拌麵亦都好唔錯,辣辣地啲醬汁配埋麵條,朋友食得辣,所以嗌咗中辣,佢嘅中辣都真係幾辣。 所以唔食得辣嘅可以嗌少辣。 而佢嘅辣味麻味偏重,鍾意麻辣人士一定啱。滷肉飯滷肉滑嫩,滷汁香濃,仲要啲肥瘦均勻,配埋啲白飯,滷肉味嘅肥膏好香口,配白飯一流。 上面仲有隻滷水蛋。最後就係飲品啦,我地飲咗杯冬瓜檸檬茶,清新解渴,佢呢一間唔係沖定嘅,有得揀少甜少冰。叫咗少甜係真係少甜,好適合想健康啲嘅我好!朋友就叫左台灣啤酒,夏天同埋解辣啱晒。總括嚟講,台式料理好地道,服務態度又好,環境ok 價錢又親民。 尖沙咀地段食到咁親民嘅價錢好難得。
先講下前菜啦,我地叫咗個皮蛋豆腐,皮蛋香濃,豆腐滑滑嫩嫩,入口即化,兩個食物都好夾,皮蛋心係非常流心,仲有佢加咗啲自己嘅醬汁,鹹鹹地,一啲都唔膩口,好開胃!
然後啲主食就更加驚喜啦!牛肉麵啲湯底濃郁,牛肉又唔會太老,麵條超級Q彈,側邊有一個辣椒醬,唔食辣可以唔撈埋佢。 個湯底食得出好少味精,少少中藥味,正!
麻辣乾拌麵亦都好唔錯,辣辣地啲醬汁配埋麵條,朋友食得辣,所以嗌咗中辣,佢嘅中辣都真係幾辣。 所以唔食得辣嘅可以嗌少辣。 而佢嘅辣味麻味偏重,鍾意麻辣人士一定啱。
滷肉飯
滷肉滑嫩,滷汁香濃,仲要啲肥瘦均勻,配埋啲白飯,滷肉味嘅肥膏好香口,配白飯一流。 上面仲有隻滷水蛋。
最後就係飲品啦,我地飲咗杯冬瓜檸檬茶,清新解渴,佢呢一間唔係沖定嘅,有得揀少甜少冰。叫咗少甜係真係少甜,好適合想健康啲嘅我好!朋友就叫左台灣啤酒,夏天同埋解辣啱晒。
總括嚟講,台式料理好地道,服務態度又好,環境ok 價錢又親民。 尖沙咀地段食到咁親民嘅價錢好難得。
張貼