麻辣派對 (金百利廣場)

營業中

休息中

好少見烤魚地方咁有情調，環境充滿古典味，天花掛滿一個個彩色繡花球，印象特別深刻！六點鐘時間尚早 ，客人唔多可以慢慢影下相😬銅盤烤石斑魚 （ 紅燒蒜香味）原身配料實在太豐富！！有芽菜、萵筍 、金菇 、布豆腐 、魔芋、水晶粉等配菜！鍋底本身都有水晶粉但我地決定額外加一份水晶粉，煙煙韌韌好正🤭 布豆腐係我預料之外會有嘅配菜，記憶中有三件定四件，大件又厚身，裡面係蜂巢狀，完全吸收晒湯汁🤩蒜香味濃郁程度適中，加上我地叫走辣，味道唔會過濃或者過淡，食完唔覺得頸渴，個人最怕愈食愈咸的汁底，呢個口味挺適合我哋！原條石班魚炸過令魚皮部份食起來酥脆香口👍👍肉質軟綿綿且彈牙，基本上只有少少細骨，但食時依然要小心咀嚼！除咗烤魚同水煮魚之外，留意到餐牌上仲有好多唔同種類野食，海鮮糸列有蟹 、大小龍蝦、 蟶子 ，有幾款唔同煮法選擇，就算唔想大魚大肉都有米線、酸辣粉或者家常小炒…。

麻辣是一樣神奇的東西，一係唔食，一係就上癮！早２日食完麻辣，隔日唔食，成個腦都諗住佢！放工就去左麻辣派對過麻辣癮！先叫２杯野飲，凍檸茶大大杯幾抵飲，友人要左冰雪鮮檸Ｃ飲，檸香十足！黃燜豬手鍋份量很足，豬手鍋燜得軟糯，很入味，筋位帶點爽口，肥而不膩！友人唔食得辣，我要左走辣都好惹味！古法咕嚕肉酸甜醬汁均勻地包裹每一塊肉，脆漿厚薄適中，十分脆口。川北涼粉味道麻辣酸香，白嫩滑爽，入口極其舒爽，夏天唔想食飯，食呢個一流！

平日晚去嘅時候，成間餐廳都唔避，又多空位坐，但係個員工決定安排我哋坐喺全餐廳最嘈張枱隔離。班東南亞男人成晚講野勁大聲，又笑到勁嘈，成個經驗都好差，唔知經理係咪想特登串人。 唔好黎呢間。

銅鑼灣Shopping後去補充體力！🌶️麻辣派對的Lunch set選擇好多~ 款款都好吸引啊！2個人點了2個set 🥘🌶️麻辣水煮牛 & 毛血旺2款川味菜式🥢滿滿嘅辣椒真係好有食慾啊！🍜辣度有四個層次，第一次食點了小辣，味道正宗。🥩麻辣水煮牛 牛肉片分量好多食極都有肉質嫩滑多汁搭配芽菜香辣浓郁湯底 好惹味啊！🥘毛血旺 裡面一樣香辣開胃 裡面有魷魚🦑 百葉 鴨血 🥓厚切午餐肉 配搭十分豐富！🍜招牌酸辣水晶粉酸辣湯底好開胃，水晶粉口感煙韌 好過癮啊！最後 居然仲送糖水啊（濃濃綠豆沙）店內佈置都好特色啊！✨有種夜上海feel~~ 色彩搭配 好特色啊！氛圍非常舒適，坐得幾舒服，慢慢食都得啊！！

今天為慶祝眾人生日，來到銅鑼灣的麻辣派對午膳。餐廳西式裝修，卡位寬敞舒適，沒有壓迫感，牆上掛有壁畫，天花射燈，平添幾分浪漫氣氛。餐牌上午市套餐的特色川菜式選擇很多，可以自選辣度，而且價錢還相當實惠。午市套餐：包括主菜、老火湯/飲品、白飯、糖水。「酸菜江團魚」，魚肉的份量多，肉質鮮甜，配上爽口的酸菜及芽菜，味道調校得宜的湯底，微酸微辣，非常醒胃。「紅燒牛筋腩津白」，牛筋腩炆得腍軟入味，配上津白和川味醬汁，特別香辣惹味。入口不覺辣，但食後全身滾燙的，爽！「土豆黃炆雞」，這個菜選了不材料有雞塊、土豆、秀珍菇，炆得非常入味，尤其是土豆，味道完全滲透，越食越好味。「老火湯」，足料老火湯，材料有蓮藕、紅蘿蔔、雞腳、陳皮、眉豆......等，濃郁美味，有家的感覺。「糖水」，綠豆喳喳，又大碗，又足料。這裏的特色川菜味美而實惠，環境不俗，是高性價比之選。

天氣又突然轉涼，剛走到銅鑼灣一帶，自然就想起了麻辣派對我們點了辣子系列的麻辣味窩的單點組合，5餸起，每款都不同價錢，有海蝦$78、茄子$28、肥腸$68、剝皮魚$78、金針菇$38。選了小辣，滿滿大紅袍辣椒，香氣逼人！肥腸先酥炸過，吃起來油香可口。海蝦也不少，份量相當多，新鮮度一半半，一些比較爽口彈牙。茄子先泡油，再放入窩盡吸麻辣香剝皮魚也先泡油，啖啖肉，不乏魚香。金針菇不用多講，也是吸收鍋底醬汁精華，味道香濃，配白飯就最適合不過蜜語水果茶啖啖雜果的大大杯水果茶，有橙、西瓜、火龍果、奇亞籽等陣容，甜度適中，是解辣的好幫手。冰雪鮮檸C飲同樣大大杯，主要是鮮檸青檸，酸甜醒胃，也是解辣的好幫手很窩心，吃飽後有綠豆糖水附送

今日好凍，想食啲辣嘢亂一亂過身。嚟到麻辣派對，見到每一台都食唔同嘅辣嘢，入到餐廳已經聞到好香嘅味道。每樣嘢食都可以揀大中細辣。我哋叫咗前菜口水雞，啲肉好鮮嫩，有花生，香菜，好醒胃！另外叫咗幾樣小菜，有涼粉，乾扁四季豆，京蔥炒羊肉。每樣食物，都好有鑊氣，好入味，完全對得起個價錢。配飯一流。另外想讚一讚佢嘅水果茶， $38 ，好大杯，生果好足料。入邊有西瓜，橙，檸檬，火龍果，呢度食辣嘢，一路飲水果茶，好解渴。見到好多人都食水煮魚，或者海鮮，下一次一定要試吓。價錢亦都唔係太貴。一家大細來啱晒！

間野喺我樓下但一直都冇食過今日自己一個去左食lunch 成2:30 都好多人咁應該都係好食啦本來想食辣野但見有咕嚕肉實在太吸引所以叫左個set嘩！黎到份量超多= 茶餐廳既1.5倍份量仲要個皮好脆好好食杯野飲又大杯仲有糖水送一定會再黎食下次會叫炒回鍋肉見到人地枱面碟野好似炒得好惹味又好大碟我諗一家四口叫三個餐都未必食得曬推介👍🏼

餐廳評論：麻辣派對我最近造訪了麻辣派對餐廳，試了他們的幾道招牌菜，包括麻辣水煮魚、泡椒肥腸和萵筍炒牛肉。以下是我對於這些菜式的評價：麻辣水煮魚：這道菜絕對是辣味愛好者的天堂！魚肉鮮嫩多汁，搭配豆芽、蔥段和辣椒等配料，整道菜色彩豐富。湯汁麻辣鮮香，讓人垂涎欲滴。雖然辣度較高，但麻辣的滋味令人回味無窮。泡椒肥腸：這道菜以肥腸為主角，搭配泡椒和各種香料炒製而成。肥腸口感彈牙，泡椒的酸辣味為整道菜帶來了一種獨特的風味。這道菜既有辣味刺激又有豐富的口感，絕對是喜歡挑戰的食客的首選。萵筍炒牛肉：這道菜結合了新鮮的萵筍和嫩牛肉，經過快炒後呈現出鮮嫩的口感。牛肉的鮮香與萵筍的清甜相融合，帶來了一道平衡而美味的菜式。配料的選擇和火候的掌握都非常到位，讓整道菜散發出誘人的香氣。麻辣派對餐廳以其正宗的川菜風味和辣味特色吸引了許多食客。除了上述的菜式外，他們的菜單還包括許多其他令人垂涎的選擇，如麻辣火鍋和口水雞等。此外，餐廳的服務態度也值得一讚，服務員熱情友好，讓用餐體驗更加愉快。總的來說，我對麻辣派對餐廳的評價非常正面。無論是菜式的味道還是服務品質，都能夠讓人滿意。如果你喜歡辣味，我強烈推薦你來這家餐廳品嚐

近排天氣又開始轉凍，就想起麻辣派對嘅酸菜魚，暖笠笠。這次選了普通的江團魚，魚肉爽滑，切件後完全不留魚骨，可以安心大口大口。酸菜及魚肉份量比一般餐廳多，鍋底材料有大豆芽、蒟蒻，這次額外加配水晶粉及萵荀，二個人食的話份量真係足夠有餘湯底色澤呈金黃色，酸度調較得恰到好處，濃淡適中，BB辣的辣度完全適合唔食得辣的人，大豆芽清甜爽嫩，水晶粉口感煙靭彈牙，吸滿湯汁精華，越食越過癮，每次吃都感到非常滿意涼拌爽脆魚皮，魚皮完全不腥，每片都晶莹剔透，冰凉爽脆，入口Q彈，跟青瓜絲一併吃，格外開胃！必點的口水雞是例牌份量，雞肉嫩滑有雞味，雞皮Q彈滑口，即是雞胸位置肉質亦同樣嫩口，質素不錯！冰凍的冬瓜茶，解辣一流！整體來說性格比極高，值得推介👍🏾

過來食晚飯，想點返之前吃過的 古法咕嚕肉。等左一陣，食物到了。我的天，甜椒、肉 都是凍的。咕嚕肉的皮和肉都是凍。跟店面一位男經理講，佢態度很不忿，話碟餸菜是同另一枱一齊上，都係咁。甚至想同我解釋製作過程⋯⋯⋯大哥，我已經夜食飯，想食熱食，點知咁凍，你同我解釋點解咁凍。我答不用了，叫廚房再整，男經理企在枱邊，呆左定格咁望住我，唔願意拿走。隔3-4 分鐘後，佢擺企另一碟淋滿紅色汁的咕嚕肉，我再吃 汁是熱，但甜椒、 肉都是凍。男經理隔一會走過來，拿走我價值$12 白飯， 換一碗白飯，很大聲放回我枱上面，話： 碗飯都凍架，換一碗比你！ 今時今日，香港、全球經濟咁差，餐飲業只懂怨香港人北上消費，害他們結業，生意難做⋯⋯⋯但餐廳服務、食物水準 咁差你叫香港人點支持？ 是否貼錢買難受？

之前都幫襯過好多次都算常客今日一食酸菜魚腥到想嘔感覺仲有陣排水沟味啲芽菜又半生熟咁加咗水晶粉都係半生熟咁我仲未講佢啲湯稀到得辣 冇酸味啲料好似比之前食越嚟越少咁大佬 我係食酸菜魚唔係食腥辣魚呀同經理反映咗都係冇下文仲要係度話翻我哋話咩我哋叫得唔夠辣點點點我之前食過咁多次 次次都叫同一樣野態度差到咁 話翻個客轉頭都有既好失望 不會再有下次了感覺換咗老細咁都不禁懷疑係我養大咗個胃口定佢哋真係差咗咁多又痛失一間愛店

未試過堂食人生中第一次食毛血旺係咁少料…份量驚人，外賣拎上手勁重！滿心歡喜咁彈下彈下拎翻公司食，結果一打開，全部花椒辣椒，我理解嘅（中辣）撈下啲食材…午餐肉 豆芽 豬紅 牛柏葉…？冇了…？午餐肉都叫大舊嘅，豬紅都算ok多…？？豆芽…emmmmm 我expect可以多啲菜囉💀牛柏葉真係大癲，碎到連我手指公嘅指甲咁闊都冇，碎到爆炸搞到我好悽慘咁好似不停撈碎片食…差唔多價錢 遠少少嘅x婆婆真係好大對比…😔之前食水煮魚又係…啲配菜少到令我懷疑係咪歧視我外賣…好crazy

日本百貨公司優惠週，好多人排隊等住入去濕平，附近金百利《麻辣派對》是不二之選。銅盤烤石斑魚(麻辣味)~揀咗bb辣，味道啱啱好，銅盤用爐熱住食，熱辣辣香噴噴，石斑魚好新鮮，啖啖肉，配料相當豐富，包括魔芋片、高纖維芽菜、煙韌蜂巢布包豆腐，仲有爽口萵筍。家常豆腐~汁料調得好好，輕輕炸過嘅豆腐，軟滑可口，掛滿美味醬汁，木耳爽口，仲有秀珍菇。大刀牛肉小麵(bb辣)~採用牛展，大量脆花生，麻辣風味，麵條夠爽口，bb辣度剛剛好。檸檬C & 水果茶~例牌要點嘅特色凍飲，味道清新，最啱解辣。食到尾聲餐廳送上紅豆沙，唔會太甜正合我心意。

餐厅评价：一次糟糕的用餐体验在我最近的一次用餐中，我不得不对这个餐厅提出一些严厉的批评。这家餐厅的食物非常辣，服务态度也相当差劲，环境也让人感到不舒服，而且菜品也不新鲜。首先，让我来讲讲食物的问题。我去这家餐厅点了麻辣锅，结果却被辣得无法入口。辣味过于浓烈，把其他食材的味道完全掩盖了。我非常失望，因为我本来期待能品尝到一道美味的菜，而不是一口辣得让人难以忍受的菜肴。其次，服务态度也是令人沮丧的。服务员的态度冷漠而不友好，完全没有关心客人的感受。不主动提供水，也不提供纸巾，还特别凶，我感到非常的不满，因为作为一家专业的餐厅，他们应该尊重客人。环境方面，这家餐厅也有很大的改进空间。桌子上摆放的餐具并不干净，墙壁上的油渍也没有得到有效的清理，整个餐厅给人一种不卫生的感觉。这种环境让我对他们的卫生标准产生了怀疑，也让我对他们的食品质量产生了顾虑。