宏興美食館 (廟街煲仔飯) (已結業)

朋友帶我宵夜時間落油麻地廟街小炒一番，叫咗豉汁蒸排骨、麻辣雞煲、蒜蓉粉絲蒸扇貝、豉汁蒸白鱔、椒絲腐乳通菜同炸蠔餅，估唔到最好食嘅竟然係豉汁蒸排骨。豉汁蒸排骨蒸得出乎意料嘅入味，雖然d排骨偏細粒同略肥，不過最緊要味道好。豉汁蒸白鱔嘅白鱔唔算好新鮮，不過可以接受啦。麻辣雞煲就唔太辣兼無乜麻，不過上枱出晒煙都幾香，d配料吸晒啲汁所以特別好味。蒜蓉粉絲蒸扇貝比想像中好，最正當然係d粉絲啦。蝦醬通菜都炒得幾好，好夠鑊氣，d通菜唔會太林，ok唔錯。廟街炸蠔餅當然出名麻麻地啦，最主要唔鍾意佢太炸，不過今晚個蠔餅d蠔又新鮮又大粒，值得一讚。

打完風後，好想去食煲仔飯，豪餅，次次都記錯係佐敦，其實係油麻地，攪到屋企人風雨中行左 20 分鐘，下次一定唔會錯，最後都搵到呢間仲有開，而且環境俾想像中好，立刻叫左一個雞煲及曼魚煲，仲有豪餅，有令人懷念的味道，煲仔飯底仲有飯焦，我太太很喜歡飯焦，這才是真正的煲仔飯，好滿足。

疫情開返堂食，同男朋友再次光顧地道大排檔超推介咸豬骨椒鹽蝦超脆口煲仔飯依舊好味人情依舊溫暖，幫襯左好多年舊鋪食到新鋪...抵食推介，兩個人4樣野加埋$200一諗唔到食咩就會去食煲仔飯

椒鹽鮮魷$65椒鹽瀨尿蝦$65好食！好脆！唔會太油！唔會有油益味！油鴨脾煲仔飯$80+田鷄$10（雙拼～）外面食見到煲仔飯成百幾蚊真係唔值依間價錢同份量成正比一開始以為啲飯濕濕地，點知撈完完全無依回事，係啱啱好！而且有得自己落豉油，好好！（成日食到太鹹油鴨好香田鷄滑，真係大推服務都好，好有禮貌，冷氣溫度適中，唔會太凍太熱咁好嘅舖，反而咁少好評喺依個app食啲多like反而中伏多真係建議大家親自去試依間小店（我好少會讚舖頭讚到咁（非打手

今晚晚飯無得頂好耐無試過坐外面，我哋點咗出名蠔餅，椒鹽鮮魷，豉椒炒蜆，蠔餅好脆而且同外面唔同，啖啖都係蠔仔蠔仔又大粒又肥美仲要食唔到有殼，因為外面好多都有殼鮮魷真係好食，推介！不過炒蜆就差少少，好多殼無乜肉

呢間餐廳我哋由細食到大，位於油麻地廟街地標雞記麻雀館對面。話明係地踎 ，就唔好expect有咩服務，就好似去澳牛食lunch，你會唔會去考究個服務質素呀😂 不過，放心喇老闆娘和一眾伙記都只係大大聲咁講嘢，性情中人係咁㗎喇🤣今次我哋就叫咗：蒜蓉粉絲蒸蟶子(時價)對我地黎講可能蒜蓉先係主角。一上台到勁多蒜蓉鋪面，已經即刻加唔少分。蟶子鮮甜，襯埋蒜蓉、粉絲和豉油熟油，直情可以食一碗飯🤤潮式煎蠔餅呢個有大細兩款，自己決定喇！炸野最忌炸粉厚，依個煎蠔餅嘅外皮炸得夠哂薄，食落完全唔會有麵粉喺口入面嘅感覺蠔仔量多飽滿，而且炸得香脆，一上到枱仲感覺到股熱辣辣嘅熱氣😌再沾埋個豆瓣醬，一口食落去，再飲啖啤酒，麻甩味出哂嚟🤫白灼東風螺食東風螺我哋最怕就係唔新鮮，聞落有陣怪味🤢好在，呢到嘅東風螺尚算新鮮，食落爽口彈牙，加埋個麻油甜醬，成個感覺好夾原諒我哋今次唔記得記底個價錢，不過放心唔貴嘅😌等再涼啲時，我哋就去試埋個煲仔飯 🤤

店員服務熱情友善，值得一讚👍🏼 食物味道整體嚟講係OK嘅。我覺得最好食係臘腸潤腸煲仔飯，臘味嘅油香配埋豉油送煲仔飯一流！反而田雞飯就好淡冇咩味道。豉汁蒸白鱔味道唔錯，但份量太少。煎蠔餅同腐乳通菜就一般茶餐廳水準。

呢間煲仔飯真係好出名 一到秋冬天超多人食,係一間煲仔飯名店去完旺角 行過廟街例排去食個煲仔飯 今次我地就過黎試下呢間宏興啦窩蛋牛肉煲仔飯都幾正,D牛肉正常,有隻雞蛋捞下黃鱔煲仔飯都幾正,不過唔係詰好驚喜,D黃鱔都幾新鮮既潮式煎蠔餅，蠔仔新鮮、份量亦不算少，炸得香口，不過容易覺得油膩！

早幾個月，天氣仲凍嘅時候同朋友突然間好想食煲仔飯咁梗係去油麻地廟街食啦點知最出名果幾間都因為農曆新年假而無開得返呢間有開抱住難得都嚟到就食下啦嘅心態意外發掘到美食😍—————————————————————嗌咗個滑雞飯 ($43) 再加$10有臘腸🤤(圖中未落豉油😗)話明即叫即製，真係勁新鮮熱辣辣！📍食落去超有炭火味！最緊要仲有飯焦🤤啲飯仲要粒粒分明，唔係一pat野咁！好好食！📍啲雞勁嫩滑，又啖啖肉，份量又多🤤📍臘腸都好食，唔會乾爭爭咁！💡雖然名氣無其他喺廟街煲仔飯高，但味道更勝一籌！之前試過其他煲仔飯，反而就失望而回，兼且價錢都幾貴，但呢間就唔算好貴仲要好好食🥺冇比較冇傷害！整體而言，食過最好食嘅煲仔飯！無誇張！

Temple Street in Jordan is famous for its claypot rice. It is always a scene with long lines of people waiting to enjoy claypot rice in Temple Street. Since me and my boyfriend are locals and we didn't want to waste too much time caring about how the travel books and the internet rank the restaurants,  we went for one that we didn't have to wait.五香肉丁臘腸煲仔飯Boyfriend loves the Hong Kong signature canned food-Spiced Diced meat. It's a bit odd to include this canned food into claypot rice but it tast

「煲仔飯」 對於我個人而言，本來屬於只適宜在冬季享用的菜式，因為「煲仔飯」實際製成品溫度都是熱呼呼的狀態，最好在天氣寒冷的環境下，吃完熱呼呼的「煲仔飯」保溫過冬。正如我上次光顧這間主打「煲仔飯」食品的「廟街」食店，享用「宏興美食館」的「煲仔飯」，香港當時正值三月中，天氣仍然寒冷，最適宜前往「駿發花園」看電影前，食個「煲仔飯」作為晚餐。結果我的第一次的「宏興美食館」的食評，最後不幸遇上手提電話報銷，上手「開飯喇」戶口也因此被迫停下來，我被迫在換上新戶口之後才光顧「宏興美食館」，食多一次「牛肉煲仔飯」。不過我再次來到「廟街」，發現原來「宏興美食館」在「廟街」裡面，還同時擁有至少兩間舖位，所以當我發現其中一間「宏興美食館」舖位裡面，原來設置了電視機和播放節目，我管不了電視播什麼，立刻轉往另一舖位。我轉往另一個舖位的「宏興美食館」舖位裡面之後，雖然再看不到電視機跟新聞報道，但是卻換來發現另一個「宏興美食館」舖位，空氣沒有我上次光顧的「宏興美食館」舖位那麼流通。但是「宏興美食館」在「廟街」裡面的舖位數目比較多，又是鐵一般的事實，結果我還是因為上次光顧的「宏興美食館」舖位裡面有電視機，最後被迫放棄

突然想食煲仔飯，係油麻地旺角，唯有去廟街搵下食。上網seach下呢間好似好勁，一條友咪試下。叫左個細蠔餅，都真係比出面舖頭細，味道就不過不失，佢隻碟太兒戲，不停企唔穩360度係咁自轉，又無醬汁跟，其實感覺不太好。煲仔飯黎講佢既選擇係幾特別，同出面舖頭㨂既餸係好唔同，唔同到其實我只係想食臘腸滑雞飯都搵唔珒餐牌有。叫左個牛筋腩，太鹹，無飯焦，太大件唔夠淋唔入味。都唔知仲可以點俾評論。環境唔在講，一人要搭枱都算，張枱根本細到裝唔到兩個人。然後睇到佢地係台灣同大陸有分店，其實⋯⋯點解會有分店？

廟街煲仔飯有幾家 我感覺煲仔飯不可能太快的！食煲仔飯要耐心一下！宏興之前常點排骨/滑雞+潤腸都非常好味！今天再去 或老闆認得下我 問要不要試切碎臘味？是將潤腸臘腸臘肉切碎混合 上枱前加蔥花 效果十分之好 香味十足！

誤打誤撞入左去幫襯。食左排骨煲仔飯同蒜蓉炒通菜。兩樣都好好味！炒通菜夠曬鑊氣！價錢都算實惠！兩個人食左$103.00。老闆同老闆娘既服務態度都好好！（大排檔好少有咁好既服務態度架！XDDD）會再幫襯！

好耐無行過廟街shopping,無意之中發現有間歷史悠久的豬骨粥店，唔止靜係食粥、炒河粉、米粉、蘿蔔糕和菜之外重有小炒，試過以上幾款都好好味，原來重有好多熟客都知嘅煎蠔餅，可惜我哋食完先知，下次再嚟廟街一定要試啲味煎蠔餅。