宏興美食館 (廟街煲仔飯) (已結業)

夜晚~~本來諗住去四季食煲仔飯點知傻下傻下坐低左原來係宏興既咁就算啦當試下叫左章魚雞粒煲仔飯同埋咸蛋肉餅煲仔飯不過黎錯左臘腸雞粒煲仔飯兩個飯都得好少"食送"咸蛋肉餅煲仔飯仲好咸添....可能唔o岩我口味不過我自己就覺得真係好難食...仲有d阿姐好忙...我地坐低左好耐叫左好耐都無人得閒理我地...下次要去食番四季真係好多人排隊不過我好唔肯定個位置哈哈...

原來都有講呢間宏興. 環境真係唔太好,女朋友每次都唔想去.但豬骨粥好味呀,粥底綿又夠味,d豬骨鹹鹹地夠腍好食,好多亞叔都叫豬骨粥多豬骨.我每次都係食豬骨粥和炒麵,炒麵都OK ar!如果覺得環境真係差,可以過對面宏興,環境好一d,都可以叫豬骨粥!明天再去過先!!!

連開幾日飯局後,點都要清一清腸胃的秩序,一個人在老廟,來個豬骨粥下一下火最適合.宏興算是繼興記煲仔飯後,另一老廟名店.其豬骨粥賣到街知巷問,另外還有蘿蔔糕,炒麵,炒米等麵食供應.一大窩豬骨粥煮定備用,客人落單即上.豬骨不算大大件,沒有甚麼肉食,最多是享受吮骨頭那種自得其樂.柴魚花生比例不算多,可能柴魚已經煲到與粥溶為一體.粥底很綿,味道夠.很有火喉.蘿蔔糕一劈劈,看來了無生氣,質感很sticky,蘿蔔份量不多,吃落當然沒有甚麼蘿蔔味.不吃也罷.興記煲仔飯已經失卻昔日的風采,宏興的豬骨粥,還有其他檔口的蠔餅,眾坊街後廟街的小炒檔,仍算是可人.寫到最尾,腦海諗起尹光首"廟街".老友記來到海鮮檔,吃東風螺齊齊搽辣醬,炒蜆炒蟹認真正,整碗雞粥大家心歡喜,有野吃話之你不須理.

在附近幫朋友工作，工餘也要找點吃的，見這裡的蘿蔔糕，一大底熱辣辣，剛剛蒸起，當然要試試，就拉了朋友坐了進舖。有一大煲豬骨粥，也要碗來試試，當然少不了的是蘿蔔糕，而她就要了碟炒麵。因不是太肚餓，已吩咐不用給太多蘿蔔糕，但也是送來一大舊的。蘿蔔糕幾「立」口，成份以粉佔了大多數，蘿蔔的成份不多，不太好吃。這一味，當以中環威記最好，那裡是吃得到一條條的粗條蘿蔔絲的。淋面的醬油味精幾重，又甜甜的，其實如果是好吃的蘿蔔糕，一點點普通醬油已不錯；豬骨粥夠熱，骨多肉少，花生就有幾多，但兩樣也不好吃，豬肉沒味而花生又太硬，反而粥底是不錯；朋友的炒麵份量夠多，但味道平平，熱度也不夠。我對街坊店子的衛生一向也不太介意，覺得就算差一點也是無可厚非，但這裡又真的是比一般更不濟。三樣食物，埋單25蚊有找，很是便宜，不過水準一般，沒有再吃的道理。

真係要一讚果幾個侍應-- 即係唔係好professional果d, 手腳仲有時會有少少慢(有個係阿婆喎, 體諒下啦), 但絕對係誠懇親切, 好好人. d食物有質素. 之前同朋友去食左個牛肉排骨飯, 一個豬骨粥同個菜心, 冇講明要炒菜, 所以覺得個菜爭d, 但係其他都好好味...夾埋都係39蚊, 抵!!今晚同阿媽去食，勁食果隻。首先有蠔餅, 炸得幾脆, d蠔仔又新鮮, 係稍嫌佢油左d...不過蠔餅係咁；佢上面舖左d芫茜食左, 加埋佢送既果碗湯飲左, 真係覺得冇咁油。跟住黎個炒白菜...好好味!! 有少少garlic味但唔大搶, 個白菜好腍, 夠火候, 又唔太油, 正!!最後黎個臘味飯...唔記得叫佢走膶腸(係呀, 係可以同佢講唔要乜, 或者加乜)美中不足。但煲飯都好香, 個精華係個飯蕉度...嘖嘖嘖....飯香中滲出點點臘味既香味(如果唔係條膶腸就真係perfect, 對我呢個唔like膶腸既人黎講), 好美味呀!!咁好味既一餐, 兩個人捧住個肚走, 都係54蚊...係個環境一般...都叫乾淨呀!!

因我一般是黃昏來，並不知午市賣飯。上星期日，下午三時進店，吃到了當天店內第一碗豬骨粥！難得柴魚、花生、士、豬骨樣樣齊！粥底厚而綿HK$8.-絕對超值!題外話：在這裡食粥，我必定選對門口的位置！因為好多公仔佬出入，以防沙塵滾滾殺錯良民！

見LI兄叫editor加左這食店,即管又入來講講.這食店位於廟街,環境如何大家心中有數,當然去得廟街食野,實唔會計較這少少的缺陷.這間食店日頭賣兩三送客飯,價錢十幾銀左右,雖然唔似西九龍中心的food court咁平(那裡包埋飲品),但都算經濟實惠.客人多是勞動階層居多,菜式選擇不算多,不過都有魚有肉有菜,大多都多油而濃味,始乎都唔太合乎大部分OL們的口味(包括我,所以未有試過買那裡的飯盒).午市過後,店裡會稍事休息,準備晚市.晚市那裡會改為賣炒米粉,炒麵,油菜,同埋主打-豬骨粥.記得兩三年前某次放工後,偶然試過一次,之後就一星期都要食兩三次先得!豬骨粥每日下午新鮮煲起,用上排骨同腩骨,配埋花生等材料,煲得極之入味之餘,豬骨亦好腍好軟,唔會死實實.豬骨粥$8一小飯碗,可叫淨粥水或多骨,想食多d肉,仲可以叫一碟淨豬骨(好似係$13).雖然d粥係幾美味,但每次食完後都覺有少少口渴,唔知係咪有'師傅'呢?而家講起都想再去食多次!