宏興美食館 (廟街煲仔飯) (已結業)

朋友帶我宵夜時間落油麻地廟街小炒一番，叫咗豉汁蒸排骨、麻辣雞煲、蒜蓉粉絲蒸扇貝、豉汁蒸白鱔、椒絲腐乳通菜同炸蠔餅，估唔到最好食嘅竟然係豉汁蒸排骨。豉汁蒸排骨蒸得出乎意料嘅入味，雖然d排骨偏細粒同略肥，不過最緊要味道好。豉汁蒸白鱔嘅白鱔唔算好新鮮，不過可以接受啦。麻辣雞煲就唔太辣兼無乜麻，不過上枱出晒煙都幾香，d配料吸晒啲汁所以特別好味。蒜蓉粉絲蒸扇貝比想像中好，最正當然係d粉絲啦。蝦醬通菜都炒得幾好，好夠鑊氣，d通菜唔會太林，ok唔錯。廟街炸蠔餅當然出名麻麻地啦，最主要唔鍾意佢太炸，不過今晚個蠔餅d蠔又新鮮又大粒，值得一讚。