Xi Xup

營業中

休息中

位於大圍一間越式新派小店，店面裝潢行型格路線，菜式嘅味道令人感覺到有花心思去構思配搭同制作，店員亦都好親切好熱心介紹唔同菜式，值得支持！𓎯椰子咖啡咖啡底加上椰奶沙冰，沙冰溶左味道都唔會變淡，反而愈香椰奶味，面頭加上椰子碎片同香烤椰子乾，椰子碎片帶香脆口感，而香烤椰子乾帶相對較重嘅椰糖味，令到成杯飲品更香，同埋增加左煙韌口感！𓎰雞蛋咖啡𝗲𝘀𝗽𝗿𝗲𝘀𝘀𝗼 上面蓋上厚實嘅雞蛋吉士𝗰𝗿𝗲𝗮𝗺 ，𝗲𝘀𝗽𝗿𝗲𝘀𝘀𝗼 非常香濃，帶𝗿𝘂𝗺酒風味，配上香甜嘅雞蛋吉士層令到成杯飲品好似甜品咁，絕對值得一試！𓋝冰鎮苦瓜第一次食苦瓜加肉鬆呢個配搭，估唔到係幾夾，帶甜嘅肉鬆減低左苦瓜嘅苦度，帶出甘甜，而𝘀𝗿𝗶𝗿𝗮𝗰𝗵𝗮 醬辣辣地，更添惹味𓋋炸香菇蝦春卷酥脆飽滿嘅春卷份量十足，入面包住香菇豬肉碎同原隻蝦肉，春卷香脆惹味唔油膩𓋣烤牛肉串燒用上檳榔葉包住牛肉卷黎燒，檳榔葉散發獨特香氣，但可以放心唔係草青味，而牛肉因為被葉包住，所以仲保留到肉汁，保持肉質軟腍，幾特別𓎝魚露炸雞翼魚露汁帶麥芽焦糖甜味，外層炸得好香脆，邪惡度滿滿𓆝香茅焗曹魚制作時間需時三十分鐘，一上枱熱辣辣，香茅嘅香氣撲鼻，曹魚唔算多骨，幾易入口，魚肉幾滑

去圍方看電影前，到大圍鐵路站附近找小店，吃點東西。很久之前我來過這裡，覺得食物頗特別，於是今次帶他來試試。我們沒有吃湯河主食，反而選擇了小食和法包。Summer Roll 豬腩蝦肉米紙卷 $48即叫即製，米紙卷皮薄煙韌，餡料充足，口味清新。蘸上甜酸醬，成為開胃惹味的前菜。Grilled Eggplant 肉鬆烤茄子 $68茄子烤過但仍保持水份，帶點魚露味，與肉鬆一去吃，濕的炭燒香味和乾的肉鬆香味混在一起，美味可口。Caramelized Wings 魚露炸雞翼 $78佐酒良伴，雞翼外皮香脆，內裡肉汁飽滿，魚露味不會太鹹，反而帶點甜，連同雞翼上的炸蒜一起吃，滋味香口。火龍法包 （豬腩肉醬） $88我一定太掛念火龍了，在餐廳也要呼喚他⋯⋯非也非也，火龍法包是以火龍果汁製成的法包，店家從越南購入，包內可見火龍果黑色的核子，還帶有火龍果的甜味，十分特別。豬腩肉醬肥而不膩，與帶點甜味的法包，味道很匹配，值得一試。這裡裝潢有格調，牆上的畫作、椅旁的枱燈和動物的裝置，營造一個悠閑舒適的氣氛。下次時間充裕，要試試從越南入口的啤酒，再叫佐酒美食。以上價格需另加一服務費

大圍地鐵站附近其實有很多小店!這家看似咖啡店，卻是驚喜美味的越南菜氣氛悠閒，超級適合對一般cafe感到厭倦的大家🤣店員親切，大加分(≧▽≦)而且是寵物友善! ✿ 大叻薄餅 $88 (另加一)薄餅底其實是米紙，低碳水👍配料包括肉鬆、雞蛋、起司等，配上甜辣醬更豐富趁脆享用! ✿ 燒豬肉米紙卷 $48 (另加一)米卷包得超好! 滿滿餡料，咬的時候卻不易掉落配了鹹鹹甜甜的花生醬，更加美味想著如果分量多一倍都一定輕鬆吃完🤣 ✿ 燒牛肉米紙卷 $48 (另加一)很有心思，這份配了另一種醬汁，黑椒挺重，有種沙爹牛肉的感覺🤣 ✿ X河粉 $148 (另加一)單價不低，但真的是一大條牛骨😱湯底清甜；香草和檸檬令它非常清新想要牛香更重，把牛骨中的脂肪攪拌到湯中即可😝牛肉和牛丸的品質都好牛肉有一點厚度，不肥膩，但很軟嫩😳 ✿ 豬頸肉春卷撈檬 $88 (另加一)cp值超高😍春卷內有應該有蝦、蔬菜絲，鬆脆飽滿，但感覺輕盈豬頸肉調味甜甜，有燒烤的感覺🤤醬汁酸甜，滿足而清新 店內還有一幅很大的壁畫😍

Xi Xup呢間越南餐廳，型格裝修充滿異國風情，非常有情調。座位闊落，樓底又高，牆身一幅越南少女壁畫，非常吸睛。食物質素都唔錯，我們2個人點了以下食物：1）Pho Special X河粉大大條牛骨髓加生牛肉、牛丸等的越南招牌河粉，一試難忘。個湯有齊牛肉嘅精華，味道濃郁，河粉口感好爽滑，建議牛骨髓用匙羹與河粉拌勻來吃，因為實在太大條呢！2）越式箭葉烤雞2個人食半隻份量啱啱好，雞皮燒得香脆，配上特色越南檸檬Chilli sauce, 而伴碟的新鮮蕃茄生菜及青瓜都好鮮甜，用來解膩啱晒！3）越式炒螺用蠔油及香草特製嘅醬汁去炒，非常香口。我們還叫了2杯越式飲品，班蘭撞奶及桔仔茶，好好飲。職員殷勤服務態度非常好，每次上菜都會簡單介紹一下，食完收碟時都會問啱唔啱食，而且仲係一間寵物友善餐廳，大推！

係呢度食到高質又有特式嘅越南菜，餐廳好有Heart，好多嘢都係自家製，裝修亦好有特式，而且服務態度親切，值得推介～叫咗幾款小食、主食同飲品都好正！餐牌已另外Upload😊🔹炸香菇蝦春卷（$88）紙米卷系列都係全自家製，夾埋生菜同自家製醬汁食真係一流🤤🔹大叻薄餅（$88）用米紙做底好薄好脆，有蛋、肉鬆、芝士等等，啖啖都係料，而且醬汁帶甜味，好夾～🔹順化扎肉牛尾湯米線（$98）湯底好濃，有啲辣辣地好惹味，而且材料都好入味！🔹蔥油烤扇貝配花生碎，有4款菜式需要24小時前同餐廳Order，因為佢哋係當日即刻新鮮採購然後製作，呢個烤扇貝醬汁好特別，而且超新鮮，連佢嘅汁都可以飲～🔹餐廳自家製啤酒，叫咗Vanilla Cream Ale，味道清爽冇乜苦味，而且入口幾清甜，想飲咩口味都可以向店員查詢推介～🔹滴漏咖啡（$38）即點即製作，最底係椰奶，就算未攪拌之前咖啡都帶有淡淡椰香，個人幾鍾意飲越南咖啡！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 9/10環境： 8/10打卡： 8/10CP值： 8/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心

二次光顧，裝修唔同左🗺冇左bar枱，多左一啲越式風味💠🌟炸香菇蝦春卷🌟米網的炸脆面又薄又脆，餡料滿滿，有菇既umami香味。可跟埋生菜一齊食架~🌟大叻薄餅🌟第一次試越南薄餅，餅底好薄，材料份量亦唔少，有肉鬆、香腸、肉絲等等，味道較濃🍕🌟PHO 生牛肉河粉🌟不得不試❗除左生牛肉外，仲有牛𦟌同牛丸，配埋洋蔥同香草葉👍🌟大蜆配火龍法包🌟有蜆肉食已經好正，蜆肉仲係粒粒飽滿好juicy好新鮮❗法包添上紅肉火龍果汁烘焙，帶有淺紅色，好吸睛👀🌟雞蛋咖啡（熱）🌟用上生蛋再溝埋煉奶，好過癮呀。同咖啡搭埋有啲飲tiramisu 😋🌟椰子咖啡（凍）🌟野飲亦唔馬虎，椰子咖啡本身已經好夾，跟上椰子雪糕，溝埋一齊去左咖啡苦味，卻保留咖啡香味😌🥚☕➡️樣樣菜式都改良了不少，材料品質亦好好📝野食都係由越南人主理，夠哂地道

呢間鋪頭的特色牆好鬼靚係打卡位黎叫左個summer rollls米卷包住豬腩肉同埋蘿蔔生菜好清新的感覺一定要配埋個汁食Bo La Lot呢個牛肉串燒 用檳榔葉包住燒個味道好夾又唔會草青味Dala pizza beef呢個pizza你一定意想唔到😂佢個底係薄身脆脆仲有肉鬆雞蛋在上面越式風味pizzaLime Leaf grilled chicken half呢個雞 早一日預訂左 好嫩滑燒到啱啱好個雞皮仲有燒到脆脆好多肉汁好好味😋yuzu beer 呢隻啤酒好重花香味好啱女仔飲ice Vn.Milk Coffee呢隻野都帶埋越南帽😸😸😸

第二次幫襯，因為呢到坐得好舒服，有種避世嘅感覺~幅大壁畫打卡一流~野食都好食~唔似得啲連所店，好有越南風味！🔹是日頭盤🔹 今日有傳統網紙炸泰卷，我最愛！因為啲芋頭餡真係好香~🔹特色小食🔹魚露炸雞翼 - 以為咸嘅，點知甜甜~但又唔似蜜糖雞翼，睇返原來係caramel~未食過呢種雞翼嫁~炸香菇蝦春卷 -好大條呀~成隻蝦見到~入面好足料~🔹札肉肉鬆越式法包🔹呢個包食完有啲念念不忘，因為酸酸甜甜青瓜絲同其他配菜好開胃，仲食到骨膠原添，原來係啲越南札肉(好似燻䐎)，豬皮條邊好彈牙~仲有個包好似有陣香甜味，紅色外表，睇返menu原來係火龍果包，重點係個包唔會硬同乾，唔會食到個口損哂，哈！餐廳又好細心切開4份上，唔會食到好論盡~食到連一條肉鬆碎都無剩！🔹牛肉河粉🔹賣相好高級~有牛丸，牛肉同牛𦟌~全部都好有牛味~🔹雞蛋咖啡🔹我喺越南飲過，真係一隻生蛋打落咖啡到嫁咋，呢度呢杯好吸引，超級高級版，打破左我對雞蛋咖啡嘅壞印象，落單嗰陣老闆話係滴漏咖啡所以要等一陣，想講絕對值得等，成杯咖啡好有蛋香味，咖啡好香好滑~🔹椰子咖啡🔹係我喺香港飲過咁多間椰子咖啡，最似返越南嘅味道，雖然唔係100%似，但我反而覺得仲

可能係香港唯一一間食到呢啲特色地道越南菜式( ˘ ³˘)？講起越南菜 來來去去不外乎pho同法包大圍隱藏左一間行型格路線既小店 @xixup_hk 原來係食正宗街頭小食.ᐟ‪‪‪.ᐟ‪‪‪◦ 大叻薄餅多年前係大叻食過呢款街頭小食念念不忘終於比我係香港搵到啦(꒦໊ྀʚ꒦໊ི )烤過脆脆地既米紙 上面鋪上蛋 蔥花 豬肉醬 肉鬆 芝士原個上 自己用較剪剪開食極有風味即刻喚起當地食既味道 好惹味又獨特～◦ X河粉主食都叫番個pho先 係餐廳名物啊( ͡° ͜ʖ ͡°)大大條牛骨髓 仲有生熟兩款牛肉同牛丸 咩都齊哂特別欣賞生牛肉 唔會太肥又軟熟又有牛味湯底係清甜路線 唔會鹹/油好大負擔整體份量仲夠哂我同男朋友兩份分◦ 斑蘭蜆湯配焗法包睇menu時感覺係特別既菜式 湯底真材實料 濃濃斑蘭香加埋蜆汁十分之鮮甜蜆完全無沙亦都算肥美( ˶˙ᵕ˙˶ )教大家一個隱藏食法 可以用焗法包配上面既牛骨髓 當牛油咁搽( ˃ ᵕ ˂ )◦ 滴漏咖啡傳統越南咖啡 濃濃既咖啡配練奶 苦中帶甜既平衡冒住晚餐飲啡會成晚訓唔著都在所不惜lol◦ 雞蛋咖啡非常推薦大家一試(ˊo̶̶̷ᴗo̶̶̷`)原本諗係咪會好似茶餐廳滾水蛋咁原來係打成甜甜地又重蛋香既

雖然 OpenRice唔多食評，但應該係幾年前睇過介紹，一直知道大圍有間特色越南菜，今日過開嚟就去試吓，原來真心正🥰 Weekday既 lunch set包小食、主菜同飲品就好抵，Weekend冇set要單點，但以佢嘅質素嚟講都算值得豬頸肉春卷撈檬 $88豬頸肉一大堆，仲配店家自製嘅冬菇蝦春卷同一條肉腸。撈檬汁係新鮮特調，唔係長期放喺枱面嗰啲🤣 酸酸辣辣勁開胃。冬菇蝦春卷勁好味，強烈建議單點小食！肉鬆烤茄子 $68魚露炸雞翼 $78呢兩款都係”Saigon Street Food”，另外仲有特多吸引選擇！平時食開涼拌茄子，呢個就係熱食小食，茄子好腍用蔥蒜調味，但食落主要係肉鬆甜味，都幾特別雞翼用麥芽糖漿造成脆皮，脆皮係滿滿雞肉肉汁，仲有炸蒜片好香口椰子咖啡 $48越南食店既越南咖啡真係好高質！用椰子做底夠清甜就算飲唔慣咖啡都唔會覺得太澀，沙冰質地打到好滑，仲有椰子雪葩、椰子脆片同椰絲，成個配搭勁清新🥰ibiero craft beer - KING IPA $68麥味重，8.2%酒精啤酒來講算高但又有陣香甜味易入口，果然手工啤係更有特色！

大圍隱藏著好多高質數嘅餐廳呢間主打越南菜餐廳位置唔算顯眼叫咗幾款菜式即叫即製．有水準踏入餐廳見到牆身畫上越南少女嘅人像畫配上高樓底．原來樓上仲有雅座成個感覺好舒適✨班蘭蜆湯 配 法包煮蜆食得多配上班蘭同香茅味道嘅湯底原來可以咁正加上粉紅色嘅火龍法包輕輕沾上湯底，味道滲入麵包之中✨燒豬肉米紙卷半透嘅米紙卷，包著粉絲同燒豬肉伴著秘製嘅醬汁，令味道更突出✨大叻薄餅呢款越式意大利薄餅有別於平日嘅口感薄薄嘅批底．口感香脆加上與別不同嘅餡料．份外滋味✨生牛肉河粉幼滑嘅河粉，湯底好香唔油膩配上牛丸同半熟嘅牛肉．嫩滑唔靭最正係附加幾款嘅香菜同九層塔加少許辣椒同鮮檸汁．係完美嘅配搭✨椰子咖啡Menu有多款唔同配搭嘅咖啡當然要試試越南最出名嘅咖啡面層加上椰子嘅咖啡，帶點沙冰嘅口感椰味同咖啡好夾，比例控制得好好✨滴漏咖啡睇住咖啡一滴滴咁漏出，好療癒加入煉奶．輕輕搞拌浸出濃郁嘅咖啡味道為味蕾劃上完美嘅句號

難得老友聚餐就選一間特別小店。 走入小店會有女生喜愛打咭的一副特別牆身，有男生慕求優閒嚐啡隊啤小座。 🤓我哋先叫一個「豬腩蝦肉米紙卷」、「班蘭蜆湯配焗法包」黎開胃。即包米卷飽滿饀豐味道清新，醬汁少少酸辣剛好吊胃。班蘭蜆湯鮮味厚肉，法包外脆內軟。😃人齊再加叫「香茅焗曹魚」、「大叻薄餅（雞肉）」、「火魔牛肉」，男生多叫「香菇蝦春卷」、「魚露炸雞翼」送啤酒」。🐟香茅焗曹魚，不論喜歡不喜歡食魚一定要食，當你一打開會聞到見到香葉同配菜，再拉開魚身香茅及蕃蕃茄就增加了菜色，魚肉嫩夾香，我會形容色香味俱全。🍕大叻薄餅，戒食澱粉或少食澱粉嘅朋友就啱哂，餅簿脆口，雞肉增加口感，面上肉鬆野味，加埋就係無罪疚感的美食享受。😅🔥🐂火魔牛肉，充滿儀式感食物😄，牛肉嫩滑😋，我只略嫌太多油。🫔🐔春卷、雞翼，用黎送酒及把歌談心不可輸的小食。😃會再次幫襯，下次一定試吓主食湯河、火龍法包。😍期待。

斑蘭蜆肉湯配法包係味覺同視覺既衝擊！個湯睇落好清澈透明，未飲之前仲驚中伏驚會好稀無咩味，點知一飲味道勁濃郁😍😍😍好香既香茅同埋斑蘭味！送法包一流法式麵包賣相好得意，係紅色既，仲要有一粒粒黑色，好似火龍果咁！但味道就同普通法包一樣朋友叫左個套餐，餐飲加$38要左杯雞蛋咖啡，本身我聽到$38都覺得幾貴，但黎到之後覺得物超所值！！個層雞蛋好綿密杰taktak咁，仲有點焦糖味，配埋咖啡簡直就係流質既tiramisu，超特別😍😍😍

生牛肉河粉$98 推⭕️呢個係湯底同埋牛肉好食 半生熟 加埋啲肥膏 入口即溶 之後熟咗 肉質都軟熟 唔會好韌湯底 酸酸甜甜 微辣 會一啖接一啖飲河粉就平時食越南嘢嗰啲燒豬扒鴨蛋飯$98❌唔推可能真係河粉出色 豬扒鞋到阿媽都唔認得 又乾又鞋 啲飯又太淋！完全唔乾爽 唯一好嘅就係個汁好食 幾惹味 一定唔會encore 魚露炸雞翼 $78/5 ⛔️（覺得唔貴可以試）$15.6 一隻 完全性價比唔高但係味道唔錯 出邊炸到好脆 仲有啲炸蒜片個皮係有啲蜜糖喺上面 咬落去鹹甜鹹甜啲肉都滑 唔會炸過龍 會有肉汁咇出嚟 少油 不過唔係隻隻啲肉都咁滑椰子咖啡$48 推⭕️開頭飲係咖啡味出啲 上面啲椰冰融咗之後就融合得好好！椰子味出 好飲斑斕撞奶$38 推⭕️一路飲都有淡淡的斑斕味 幾香 可以試不過偏細杯依間係有加一㗎！！！環境係唔錯嘅 完全唔似越南嘢 暗暗地 氣氛幾好 但係嘢食真係貴 三樣嘢食+2杯野飲 兩個人食 每人都食咗$200 如果想食越南嘢/生日飯/想坐耐啲嘅話可能先會考慮食第二次

咁啱行開呢邊，所以再次幫襯這間以越南小食做招徠既餐廳。我依希記得幾年前嚟過。個打卡牆仍然好吸睛，所以成餐都係望住佢黎食，哈～先叫咗個「順化扎肉牛尾湯米線」，扎肉好味既，令我驚喜嘅反而係個牛尾，肉質淋身又入味，有三大件 $98，好可以但下次我會轉河粉，始終米線好似唔夠「越南」。本來想食過炒螺，但店員主動話依排螺唔靚，佢哋轉左炒蝦，所以就叫咗個 唔知咩「神秘醬炒蝦」，好似係$88。但佢個炒蝦嘅醬 甜甜地 又香口，入邊有啲炸蒜，好好味。餐廳乾淨企理，服務質素唔錯，chill chill 地好舒服。 正擔心佢 小店撐唔住，但七點幾開始多人，加油