Xi Xup

營業中

休息中

門口女店員態度惡劣，聲稱政府要求，強迫客人下載最新版本安心出行。由於同行朋友已到，被迫屈服。食物方面點了2份法包（札肉/豬腩肉），越式炒蜆，春卷，撈檬，焗曹魚。除了越式法包可以接受，其他份量少，味道普通。總結：貼錢買難受，沒特別，唔抵食。

之前有朋友大力推介佢個大叻薄餅，所以特登過嚟試吓！ 大叻薄餅： 餅底勁脆，味道特別，個人覺得偏甜。 燒豬腩肉： 燒得幾香，肥瘦適中，但係個汁都係偏甜。 蒜香雞翼： 香脆可口，炸得一啲都唔覺得太油嚟，不過面頭果汁都係偏甜。豬腩肉法包： 好味！不過最好叫咗即刻食，因為如果唔係啲汁就會滲到個包變淋。 煮蜆湯：呢個有驚喜！個湯好好飲！啲蜆亦都好鮮甜。 所有食物嘅份量都係偏細碟嘅，所以可以嗌好多一齊share食。 最後追加咗個香茅豬扒鴨蛋飯。都唔錯，如果隻煎蛋係窿邊就會再好啲。飲咗杯斑斕撞奶，叫咗佢少甜，所以味道啱啱好！有好香嘅斑斕葉味。

🔸️Xi Xup 🌍 越南菜📍大圍積存街70-72號景星樓地舖朋友黎大圍，竟然係佢地搵間甘有style既餐廳。餐廳樓底高，仲有裝修都有啲藝術味，加分既！🗨️ 火魔牛肉 $68上枱侍應點火，幾有特色。啲牛食落好嫩，放係蝦片上，一齊食，真係幾好味。🗨️ X 河粉 $148呢個甘多人推介，叫黎試下，個牛骨髓唔算好重油膩味，反而入面啲河粉同配料好普通，失望。牛丸都好一般🗨️ 大叻薄餅（雞） $88個底係米餅薄薄地，好脆，食落好特別既。🗨️ 豬頸肉春卷撈檬 $88豬頸肉份量多，但春卷得一條，味道一般🗨️ 雞蛋咖啡 $58朋友話好好飲，值得一嗌🗨️ 班籣撞奶 $38無咩味，失望整體一般，份量偏細，都算貴，只係裝修比較cool同埋任座唔嬲，仲係寵物friendly ，臨走前有一對男女帶左兩隻狗狗入黎，好cute 呀❣️

鋪頭係吾起眼角落，裡面座位不多，牆上裝飾挺有越南feel，環境寧靜，係一個可以同朋友相聚傾計好地方。魚露炸雞翼 雞翼沾了炸粉，炸得非常香脆，入面保持有肉汁，肉質嫩滑。火魔牛肉超級特別，有少少gimmick，職員會點火燒一燒牛肉等你影相，入面牛肉再配埋蝦片食，可以點少少酸酸地嘅汁食，牛肉咬落去吾會太韌，有香濃牛味。X河粉 比生牛肉河粉多咗個牛骨髓，一上枱先飲一啖湯，清甜有少許牛骨味，我哋將牛骨髓上面脂肪放埋落湯度，令湯既牛骨味更加香濃，湯配料牛丸非常彈牙爽口，河粉滑溜。非常推薦呢間越南小👍🏻

BBQ Roll 豬肉米紙卷 $48咦，米粉卷？米粉佔一半以上，食完都唔記得原來當初係叫豬肉米紙卷。Pho Bo 生牛肉河粉 $98湯底牛香，香料味淡淡，味道唔夠層次感。配料有牛肉片、牛展、牛丸，肉片半生熟，唔會太韌，牛展有厚度有咬口，但肉味未算濃。河粉滑但過腍，一夾即斷。Banh Mi w/ Pork Roll 火龍法包 (豬腩肉醬) $88法包烘到脆卜卜，但麵包唔會過乾，放咗一陣仲脆。最底係扎肉加蛋黃醬，然後就係滿滿嘅豬腩肉醬，充滿鹹香肉香油脂香，醃青瓜紅蘿蔔絲增加咗一層爽脆感。最有驚喜係有炸豬皮，脆卜卜又有油香，係encore之選。

一年前睇VIUTV 節目後山長水遠🚌🚝過嚟幫襯過一次，當時覺得正宗兼好味😋😋，而且有小店風味，一年後一心再山長水遠🚌🚝再過嚟回味一下，可惜有啲失望😕😕星期五下午打電話📞book 7點半都仲有位，其實都有少少心知不妙😅😅7點過啲嚟到，店內得兩三枱人，星期五晚上算係好冷清，朋友話靜靜地都幾好，咁👌🏻啦，好在早到左佢都比我入場，望望餐牌，可能氣氛冷清關係，覺得餐牌食物種類小，望好耐都冇咩心水想食，最後要左兩個粉同一個小食

呢間真係我食過最好食嘅越南法包！由大圍火車站大概行七八分鐘就會到小店座位雖然唔多 但係樓底高 所以空間感尚算舒適 店內亦有一些越南風格嘅壁畫首先試吓佢個生牛肉湯河 湯底都算清甜 生牛肉質感都好好 即使食緊河粉嘅同時 牛肉係湯裏面放耐咗 都依然係好味😋跟住試咗佢嘅越南炸蝦春卷 外型幾靚亦都好酥脆 入面嘅餡食落唔知點解覺得有少少似臭豆腐味都幾特別😆但講到最令我驚喜嘅都係個越南法包入面嘅豬腩肉餡料同醬汁真係好惹味！一啖咬落去好有滿足感呀！我已經好期待下次再去試埋其他菜式!

老友聚聚盡情享樂，無所不談盡情放鬆、放空，一切活好當下。💃🏻🕺🏻大圍覓食立即開個 OpenRice 找來XIXUP 環境同美食都正評，是食相約老友共聚果然大驚喜，西式酒吧餐廳，越式美食，食得盡興，坐得舒適。🥂要盡慶當然要有酒水，又點少得我至愛，氣味清香入口香甜。🍴班蘭蜆湯配焗法包 $108呷一口湯底馬上有驚喜，鮮甜咸香微微帶點酸，隱約又有點班蘭味融入一起時又互不搶味，這道班蘭蜆湯令我十分驚喜，蜆肉肥美鮮甜不過間中有一兩隻有沙。🤣🍴豬頸肉春卷撈檬 $88豬頸肉春卷份量非一般的多，而且豬頸口感超爽，春卷香脆不油膩，生菜絲青瓜絲配同撈檬加入越南魚露，在炎炎夏日是一道多好主食。😋👏🍴大叻薄餅 $88第一次食到用越南米紙代替麵粉餅底有創意，加入肉鬆味道可口，雞肉肝、雞蛋同豬肉鬆使餡料都算別緻，是一道佐酒超好小食。食到飽飽飲得盡興，每人都係 $160 👏👏抵 Deal

大圍越南餐廳，話多唔多話少唔少， 大概有三間啦， 呢間係我覺得價錢雖然貴少少，但係質素同埋環境係真係好唔錯，仲可以帶埋寵物去。佢嗰幾時有頭盤係蒜香雞翼，有好香嘅炸蒜頭，配上即炸嘅金黃色雞翼，唔係好多間餐廳做得到。豬頸肉春捲撈檬 豬頸肉炸得外酥內軟，春捲又香脆，成碗麵都好正宗。越南法包我哋揀咗豬腩肉醬，因為平時其他越南餐廳定係可以揀到扎肉，或者豬扒包之類， 呢個包定係粉紅色係因為佢用咗紅色火龍果去整。有少少fusion的感覺。 

朋友聚舊, 介紹吃越南菜和親身去餐廳book 位, 好有情調, 別樹一格越南餐廳菜式,味道特別和好味. 價錢抵食, 菜式選擇不太多. 幾個女仔食就一定飽(男仔唔敢包) 餐廳老闆好好, 喺門口種咗一啲好特別嘅花, 我哋要求佢比我哋剪少少返去種. 下次去大圍一定再試. 👍😊

所謂的寵物友善餐廳，原來只係得一張枱可以同寵物坐，絕對配唔上友善寵物餐廳。本來特登去試下，結果不歡而散，而家要再搵過真係寵物友善餐廳。環境睇落唔錯，食物方面冇機會可以試到

預先電話訂位， 唔怕去到要等位。 （訂星期六2位12點）環境真的清靜（如果冇好嘈吵又大聲的客人）， 仲可以帶動物去， 預先講及訂位， 餐廳會預留位子比狗狗。2人點了1） 火魔牛肉上菜會點火， 好像睇表演。牛肉配醬油汁， 夾蝦片來吃。有特色， 不過牛肉少d, 得6-8小塊， 覺得多4塊好d, 太少。感覺像食小點前菜。2）大叻pizza 薄餅絕對是必吃之選。薄餅底完全不像外國pizza, 不懂形容， 大家自己試試。我覺得好特別， 好脆口。3）越南法包， 配札肉及肉碎包焗得好香脆，配上札肉及肉碎， 仲有肉鬆在包面， 又是必食之選。4） bbq豬肉米紙卷 卷內粉絲好槳， 好像浸水發漲左好耐咁， 感覺好像食糯米飯卷咁， 好槳。完全唔爽口， 佢配花生醬更唔夾。槳上加槳， 總之就像槳的糯米飯點花生醬食。好失望。寧願佢比越南檬汁好過。5）雞蛋咖啡有水準及特別的咖啡， 面層好像蕉糖布甸， 非常香滑。亦是必試。😍總評： 食物～7分 （米卷扣1.5分）環境~8分 (如果冇食客大聲嘈， 可以加0.5分)服務~7.5分^本人意見~ 必須改善越南米紙卷質素^

我特登開Account專誠嚟俾食評你哋嘅。莫講話大圍，全香港都唔敢收百幾蚊一碗牛河，加上你哋個生牛河係難。食。得。好。緊。要。我係牛河怪，返香港呢十幾年港九新界幾乎每一間越南嘢我都食過，其他嘢唔敢認叻，但呢間嘢根本唔識煮Pho Bo…仲差過貴過用牛油打假波沽名釣譽嘅「米芝蓮銅湯匙」-個湯香菜味多過牛味，唔香-個湯牛味亦欠奉，唔鮮甜之餘仲落蒜頭同大量白糖九唔搭八-外賣將是拉差辣醬就咁擺係河粉上面，離譜-河粉無沖好水，煮粉兜水用完再用，導致個河一陣粉味，話個粉滑果啲人有無真係食過真個越南河？？？難食都算 得三塊名貴牛肉，牛肉我食得出係好嘢嚟，但其他嘢係負分，我唔知你哋以前好唔好食，依家我就覺得你哋不如摺咗佢啦。再講一次，百幾蚊碗粉，客人唔係俾你擺碟費，個餐砌得靚有乜用，根本呃錢唔正宗。

PHO BO $108w/ Raw beef, bean-sprouts, pho herbs自從上年年頭去過越南就對佢哋啲pho一試難忘🥰 呢間都做到七八成 冇得去旅行就頂住先喇🤣 生牛肉浸咗湯大概8-9成熟 食落有牛味之餘唔會好韌好鞋 都夠淋身🥩 而個湯吸收哂牛肉既精華 味道濃得黎唔會太鹹 加上河粉既口感好好 感覺唔錯🤤評分: 8/10🌟BUN THIT NUONG $108w/ Grilled pork neck, Viet’s pork skewer. spring roll, rice noodle salad呢個即係豬頸肉撈檬 成碗既份量多到1.5個人食都冇問題😆 豬頸肉食落好有咬口 而且整得好香唔算太油👍🏻 春卷炸得好脆 入面仲有勁大隻蝦肉🦐好足料 椰菜、蘿蔔絲、青瓜絲得配料加埋酸酸辣辣既汁同檬粉好夾😋評分: 8.5/10🌟Lime Soda $0呢杯飲落真係超重青檸味🤪 唔鐘意酸野既人千奇唔好叫！🤓 除咗酸仲要梳打既氣超多😂 本身唔太鍾意飲汽水既我都接受到 係幾清爽同埋啱哂解膩😚評分: 8/10🌟 Calamansi Tea $0Lunch set包咗一個前菜同飲品 前

因為唔識讀xɪ xᴜᴘ呢個字，所以對呢間餐廳印象特別深刻😛 平時對食冇咩主見但又有要求既朋友難得拍板提議食呢間，就去左試下喇💁🏽‍♀️幾乎每個foodie都會提一提幅越南味道超重既大壁畫，不過我掛住食，就唔記得左影😂➿ 順化扎肉牛尾湯米線($108)以為牛尾會熬喺湯入面食唔到，但原來都有幾舊，肉質好軟冧😋 米線唔係好掛湯，所以湯底既辣度可接受 🌶 相對油膩d，同埋食完有少少渴～➿ 生牛肉河粉 ($108)湯底牛味濃郁，整體中規中矩～➿ 桔仔茶 ($33)酸度幾高，解膩一流👍🏽相比起其他食Pho既餐廳🇻🇳 呢度既定價係高d既，但係環境確實係靚d又乾淨d既，想同朋友坐得舒服d咁食下越南野，可以試試呢度啊！