Xi Xup

營業中

休息中

岩岩呢個weekend，話晒老公同我想搵啲新意，決定去大圍區搵個靚地方食lunch，順便感受下唔同嘅情趣！老公帶我去到呢間餐廳嘅門口，點知一到就勾起我嘅回憶——好似好耐以前有個小學同學喺附近教書咁！店主同我哋吹水時話，呢度嘅熟客多數係街坊、平日上班族同老師。餐廳嘅裝修好有格調，有淨色牆同一個超搶眼嘅大壁畫，色彩豐富得來又唔過火，成個地方有種好chill嘅氛圍，飲住杯越南咖啡，食個lunch，簡直係繁忙上班族嘅「回氣站」！店員推介嘅signature dish係大叻薄餅（Da Lat Pizza），可以揀雞肉定牛肉，薄得來脆卜卜，上面仲有豬肉鬆做topping，食落真是一個驚喜！口感同我同老公舊年喺富國島食嘅八爪魚炸米餅有啲似，攪到我食住食住有啲掛住旅行，差啲眼濕濕！另外我哋點咗一啲我同老公嘅越南菜必選：甘甜班蘭蜆湯，隻隻蜆都大得誇張又juicy，湯底甜甜地好開胃，仲配埋香噴噴嘅焗法包，完美！老公呢個「靚牛狂熱者」，每次出街食飯都要搵靚牛，見到有蜆嘅菜式佢都係照點不誤，哈哈！Weekend嚟到呢度，見到店主親力親為咁serve客，雖然忙到飛起，但同每個客人都keep住嗰份親切嘅互動，真心

今日黎到大圍呢間既越式小店餐廳真係大驚喜呀!!!唔單止環境舒適, 服務好, 食物質素仲非常高 食完讚口不絕, 好值得再黎食!!!除左餐牌上既餐點之外餐廳仲有offset menu......班蘭撞奶 $38一上枱就聞到超香班蘭味底層係濃郁嘅椰奶, 上層係班蘭汁, 撞埋一齊形成漂亮嘅漸層~~飲落先係班蘭嘅清香, 跟住係椰奶嘅滑溜, 甜度啱啱好越式炒蜆 $78鑊氣十足!! 炒到香噴噴~~~蜆肉飽滿冇沙, 最正係個汁, 鮮甜惹味豬腩蝦肉米紙卷 $48米紙煙韌透薄~~ 豬腩肉肥瘦適中, 蝦肉爽甜, 加埋紅蘿蔔絲, 青瓜絲同檬粉, 口感豐富點埋自家製醬汁, 酸甜開胃!!串燒雞肉$78雞肉燒到外皮微焦, 香口卜卜脆, 肉質嫩滑多汁蝦醬通菜 $98呢道菜非常惹味!!! 蝦醬落得夠多但唔會好咸, 通菜炒到翠綠爽脆順化扎肉牛尾湯米線 $98湯底超正超濃郁!! 啖啖都係蝦既精華牛尾炆到淋滑, 扎肉彈牙有咬口~米線索晒湯汁精華, 超超超好味

大圍總係有好多驚喜小店每次去探完親戚都一定要留喺大圍食飯，今次喺OpenRice搵到間比佢嘅名所吸引，一睇原來係越南菜，有得網上訂位，而且價錢都比較相宜決定一試餐廳位於比較隱蔽嘅位置，不過我哋book咗夜晚八點依然熱鬧，呢種人流令我更期待食物嘅質素 餐牌上有好啲係平時越南餐廳無見過嘅菜式，特別得來都依然保留住越南風味肉鬆烤茄子($68)茄子烤完依然嫩滑，同埋保留咗茄子嘅水份，配上醬汁，加埋肉鬆有多重口感魚露炸雞翼 ($78)魚露嘅鮮甜配以雞翼，為雞翼帶嚟天然嘅鹹味，薄薄炸粉雞肉汁，酥脆又Juicy順化扎肉牛尾湯米線 （$98）牛尾炆得好腍，湯底濃味而不油，加上米線嘅彈牙，吸收咗牛尾湯嘅鮮味，唔錯豬頸肉春卷撈檬 ($88)平時嘅檬粉感覺就係撈埋一堆，首先呢碟已經俾佢嘅擺盤吸引，外貌精緻，而且配料充足，份量偏多另外我哋仲點咗，炒通菜 ($78)雖然好飽，但因為好惹味所以都繼續食埋😅總結好食同有特色，果然隱世小店係生存之道

呢區餐廳小店多不勝數要突為而出真係要花點心思 。外面睇以為係一間酒吧，原來係一格好有格調嘅越南🇻🇳餐廳 。今日天氣超熱，高溫🥵天氣下好想食啲清爽午餐平日午餐有頭盤、主菜及飲品，免加一好吸引🤩頭盤係醬汁肉鬆茄子，大大件又爆汁，口感味道有啲似日式茄子，好特別🙌🏻豬頸肉春卷撈檬 $108大碗又多芽菜，我最愛😍豬頸肉入味，炸網紙蝦春卷好鬆脆，免治豬肉串很少係撈檬中出現，有誠意😋越南法包（扎肉肉鬆）$98法包🥖係少女粉紅色，好特別🩷鬆軟法包內夾雜扎肉及酸酸蘿蔔絲，加上特調肉醬，香口惹味👍🏻兩杯青檸🍋‍🟩梳打簡直係夏天解暑之選

場內有多個打卡位，一入門口就會見到黑熊同恐龍同你打招呼，牆身還有一幅牆畫，還有其他越南感覺既裝飾，不過當天滿座，未能一一打卡留念。🌸是日頭盤：肉鬆醃漬茄子🌟🌟🌟🌟🌟鹹香肉鬆，醃漬茄子夠入味。🌸PHO SPECIAL X河粉 $168🌟🌟🌟🌟🌟牛骨髓大大嚿，夠濃郁牛味道，牛骨還帶有筋肉，彈牙又juice既牛丸、嫩滑安格斯牛肉；牛骨湯超濃郁配埋河粉，超滿足。🌸BUN THIT NUONG 豬頸肉春卷撈檬 $108🌟🌟🌟🌟🌟天時暑熱吃個冰爽撈檬真係不錯，還有酸蘿蔔、爽脆青瓜、新鮮椰菜，再加埋酸汁，超開胃！豬頸肉燒得夠嫩滑、蝦春卷夠惹味，還有肉卷。🌸Viet Milk Coffee（cold）🌟🌟🌟🌟🌟豆漿咖啡口感特別，兩者配搭比較順滑。🌸Lime Soda （cold）🌟🌟🌟🌟🌟超Flash嘅感覺，還有話梅中和一下檸檬梳打嘅味道，口感有點似鹹檸七。

香港食過大大小小不同嘅越南菜最近嚟呢間餐廳．環境充滿格調品嚐到與別不同．充滿驚喜嘅越南菜式呢度好多客人都會點呢個招牌法包✨火龍法包法包口感鬆軟夾著扎肉同豬肉．上面仲加上肉鬆✨大叻薄餅薄餅都好有特式批底唔係一般麵粉製作咁厚薄脆嘅口感．沾上香甜嘅醬汁份外滋味✨越式炒蜆蜆肉新鮮飽滿滲出啖啖香茅味✨烤牛肉串燒牛肉質感軟腍．肉汁豐富非一般嘅傳統串燒✨班蘭撞奶味道香甜．滲出清新班蘭味今餐菜式特別．有創意一定有下次

喺大圍有好多小店，Xixup 算係喺外圍寧靜嘅一角，一入到去，已經好有越南feel，裝修好有特色，令人有舒服嘅感覺。Menu入面有好多特色越南小菜，叫咗啲我哋比較少食嘅冰鎮苦瓜呢個係第一個驚喜，苦瓜甘香冇苦澀味，仲有少少甜甜地，好清爽，啱夏天！食得出師傅用咗好多心機大叻薄餅用米子做餅底，雖然餅底好薄，但餡料好足，食落有外脆外軟嘅感覺，個人覺得如果唔鍾意太Heavy嘅pizza，食呢個會好滿足，但又唔油膩班蘭蜆湯配焗法包呢個蜆湯絕對係我呢一餐嘅Number 1，湯真係有班蘭葉，香茅嘅味道，忍唔住成兜飲晒。蜆肉都非常正，大大粒肉，一啲沙都冇順化扎肉牛尾湯米線豬腩蝦肉米紙卷順化扎肉牛尾湯米線湯底濃郁，牛尾超級腍，少少香辣，好味！雞蛋咖啡椰子咖啡兩杯都好正宗好好飲，雞蛋咖啡上邊層creama 好厚，層次very good！椰子咖啡啡味夠濃郁，唔會太甜，有驚喜！今次用餐感受好好，feel到係小店用心之作，啲人都好Nice，對食物又有要求，整體係一間啲嘢又好食，坐得又好舒服嘅餐廳！

今日同朋友去咗大圍積存街嘅 「Xi Xup」，呢間隱世越南菜餐廳真係好有驚喜！🚀 入門一幅手繪人像大畫已經夠吸睛，入到去成間店以 墨綠色 做主調，配埋 竹藤編織枱凳，型格得嚟又帶啲越南風情，打卡一流📸！ 🥗 必試菜式： 1️⃣ 冰鎮苦瓜 ❄️ - 夏天食超清爽！苦瓜切得薄薄，冰鎮後爽脆無苦澀，點埋特製甜椒醬同肉鬆，開胃首選！ 2️⃣ 烤雞肉串燒 🍢 - 雞肉嫩滑，炭烤香氣濃，加咗少少香茅同檸檬葉調味，越式風味十足！ 3️⃣ 越式牛肉 🥩 - 牛肉醃得入味，煎得剛剛好，肉質軟嫩，配埋特別嘅香葉夾住食，口感豐富！ 4️⃣ 班蘭蜆湯配焗法包 🥖🍲 - 全晚最驚艷！蜆肉鮮甜，湯底用班蘭葉熬煮，清香帶微甜，焗法包吸晒湯汁，超正！ 5️⃣ PHO SPECIAL X河粉 🍜 - 湯底清甜，牛肉片同牛丸都夠嫩，河粉滑溜，仲有一條大大嘅牛骨髓 係正宗越南風味！ 6️⃣ 班蘭撞奶 🥤 - 甜品控必試！班蘭香氣濃郁，撞埋椰奶，甜而不膩，完美作結！

大圍近青沙公路、積存街隔離，有好多小店同酒吧✨ 今次去探索吓，就真係發現到呢間越南驚喜餐廳！🎉 出面望入去已經見到高朋滿座嘅客人👥仲有啲綠植🌿同復古Feel嘅座椅🪑，好有格調！ 入面樓底高，裝修簡約又有越南文青風🎨仲有一幅超吸睛嘅壁畫🖼️，真係幾靚📸！望吓餐牌發現菜式都好有特色🍽️後尾同職員傾幾句偈💬發現呢一間真係好有heart❤️嘅餐廳佢哋絕大部份嘅食材都係由越南空運過嚟✈️例如椰子片🥥、椰子粉都係越南空運，用嚟整椰子咖啡☕火龍果汁🍉法包又係越南空運返嚟滿滿越南直送嘅誠意！必試推介🔥1️⃣ 生牛肉河粉（PHO BO）湯底真係清甜濃郁，最重要係冇味精味，牛肉鮮嫩！～🍜2️⃣ 火龍果汁焗法包配班蘭蜆湯呢個Combo真係驚喜！🔥法包係用火龍果汁整，帶住淡淡嘅甜味， 夾埋蜆湯一齊食，好味！蜆肉大大粒又鮮甜，班蘭葉嘅香氣亦好突出～🌿3️⃣ 雞髀肉串燒燒得啱啱好，外皮微脆，內裡Juicy得嚟唔柴4️⃣ 蝦醬炒通菜蝦醬味道啱啱好，鹹香得嚟唔會太over🥬飲品推薦🧋班蘭撞奶第一次飲到咁濃郁嘅班蘭味，仲有淡淡嘅奶香，超滿足！💚桔仔梳打清新解膩，尤其食完串燒飲一啖，超級refreshing～🍹

Xixup好朋友想食幾次食唔到，今次終於俾佢如願以償❤️個餐廳位置喺油站對面，一推門好有格調，好Chill。有啲加分位，我一坐到入去嘅時候有幾聲咳，原本佢俾咗凍水我，但係酒吧即刻問我要唔要暖水。第一次嚟唔知道條魚要咁耐，佢哋都主動問我哋食唔食魚，如果食就早啲整定俾我哋。整體感覺非常之好，已經book定父親節同屋企人嚟食，絕對係值得encore嘅越式餐廳❤️❤️

餐廳裝修得有東南亞風位，帶點復古和玩味，係大圍嘅餐廳來講，裝修算係好時尚舒適。餐牌有新鮮感，有唔少未試過或少見的菜式，算係好有誠意。👌🏼Pho Speical X河粉牛肉：質感好硬實，味道同質感都普通。牛骨髓：就咁食係非常之肥嘅肥膏味道。比較鍾意撈咗d 肥肉落湯度，令到湯多咗一浸牛骨髓嘅香味，整體湯嘅味道更香濃，提升咗層次。🤔生牛肉河粉牛肉味道同上，質地普通。湯底少左牛骨髓嘅香味，就係一般牛肉清湯嘅味道。大叻薄餅質地整得幾脆，味道偏淡，正正常常。肉鬆烤茄子：原本最冇期待，反而最好味。茄子整得好柔滑，味道唔錯。份量有點少。今次主力食牛河就覺得味道正常，唔算特別出色。反而茄子好味。佢嘅餐牌有唔少有新鮮感嘅菜，有機會都想試試其他。

我對越南粉係非常挑剔嘅人， 要數到香港好食嘅越南粉呢個絕對係我食過嘅最好嘅一間， 同埋佢哋嘅牛油雞翼都好出色， 雖然唔係平但係都值得， 更加估唔到一間酒吧 會整越南粉整得咁好食

夜晚諗住決定去試食呢間小店，去到同店員講兩位。佢回應話嗌我哋等10分鐘。咁好啦我哋等。之後等咗一陣之後。嚟咗一pair情侶入去。店員就招呼佢哋，完全忘記咗我哋嘅存在。呢樣嘢令我永遠決定Blacklist。可能你唔稀罕我哋啲小生意。我同店員講等咗好耐啦，你哋先恍然大悟。希望寫呢段評語會令到你哋改善你哋嘅服務態度。你都可以keep住呢個態度。祝你哋生意興隆。

阿仔出糧請食飯，帶我去咗大圍一間有酒吧feel 嘅越南餐廳食首先真係飲手工啤🤣服務員介紹連餐牌都未印上嘅蜜糖味手工啤，輕輕少少蜜糖味襯托出啤酒嘅麥味跟住食呢個火龍法包（豬腩肉醬），口感極豐富，麵包熱而脆呢個米紙卷連埋青瓜一齊食好爽口，個醬汁一定要點埋，少少辣帶出肉嘅鮮味豬頸肉春卷撈檬，大大碗好抵食，春卷好爽脆口感極佳，花生碎撈勻晒啲檬粉，加一個偏甜嘅檬汁，又幾唔錯喎，呢個味道嘅檬汁我之前冇試過多謝阿仔，多啲帶我食好嘢

豬頸肉春卷撈檬 [$88]撈檬份量很大 有薄切炙燒過的豬頸肉 吃着有煙燻香茅加肉乾的味道 很惹味厚薄度也剛剛好 不會覺得很肥膩 另外有扎肉 以米紙製作的炸蝦春卷 東南亞沙律菜必有的青瓜蘿蔔絲芽菜等 這個main足夠二人吃了 加上泰式酸辣汁 檬粉冰涼爽口 加上後勁的酸辣味 有種冰火交融的感覺🧊😋豬腩蝦肉米紙卷 [$48]裏面有臘腸般包着的醃免治豬肉碎 加上蝦米的鹹香 有點像XO蝦醬 外面再包着大量煙韌的芋絲 Q彈的米紙皮 吃起來很惹味🤤烤牛肉米紙卷 [$48]味道有點像韓式牛肉拌飯或包飯💖醃過甜甜的牛肉 加上Q彈的芋絲 味道是很不錯的🤍可惜略嫌餡料不夠多 芋絲份量太多 不能跟牛肉一起吃🥹火魔牛肉 [$68]吃法就是把牛肉放在蝦片上吃 牛肉及洋蔥在煲仔飯的迷你小鍋裏點火即場烤熟 賣相吸引 剛烤好的時候夾出來 味道有點像吃肥牛丼飯🐮肥牛的油脂頗重 吃得太多會有點油膩🧈建議可以用米餅代替會更好🥹魚露炸雞翼 [$78]有點像炸得更脆的土匪雞翼 份量很多(每隻都是大雞翼🤣) 吃下去有焦糖的味道 不會炸得太乾 炸皮香脆🧡