Walter Bistro (智選假日酒店)

營業中

休息中

觀塘愈起愈多商廈，好多大公司都搬左過黎呢邊做OFFICE，有好多配套都陸續出現，HOLIDAY INN就係其中一間新落成酒店，有酒店就多數有自助餐食，咁近我公司點可以唔黎試一試採用半自助餐形式，頭盤、甜品都係任食自己出去拎，而主菜就一人揀一款，有素食亦有不同肉類，滿足不同人需要我慣左食飯之前會飲碗熱湯先暖一暖胃，外面有中西湯任飲之餘，侍應仲會呈上一人一盅燉湯，係蟲草花花膠燉雞湯，小小的一碗有好多材料除左燉湯，每人仲會有半邊龍蝦，細細隻龍蝦估唔到有好多膏最吸引我的一定係即開生蠔，每次排隊每人只可以拎最多3隻，我都出左去好多次排隊一於食盡佢，生蠔SIZE不大不小，入口鮮甜，由於係即開仲有海水味架另外仲有唔少冷盤，COLD CUT、沙律、壽司，一應俱全，每樣食少少，食完頭盤都已經飽飽地話就話得頭盤同甜品係任食，其實都有熱食都係自助餐項目入面油封法國鴨脾伴南瓜蓉及法國玉豆鴨脾用刀輕輕一切已經離肉，經長時間烹煮好入味，襯托番唔太濃味的南瓜蓉就岩岩好香煎帶子伴野菌黑松露醬意大利飯意大利飯係應有的軟硬度，帶子煎封得不錯，煮到五成熟岩岩好，黑松露醬香氣逼人甜品項目極豐富，雪糕有我好喜歡的MOVENPI

睇左傳媒介紹同好評推介訂左位散水飯食豪D諗住食好D留意番佢本身FB都有講明「1. 午餐是全自助餐 ❌無包主菜 ❌無海鮮生蠔 l有熱食🥘有沙律🥗有壽司🍣有即切燒牛肉🥩有甜品🍰每人包一杯飲品☕️如有興趣可另加$30-60加主菜一份💰價錢係218加一 ⏰時間12:00-14:30無限時」>>午市BUFFET記得不要錯誤期待有生蠔海鮮<<三大中伏區1. 食食下被人收左個位2.  酒店價錢快餐店服務  3.  食物選擇之少(食兩輪就夠)兼奇奇怪怪︰洗潔精味布甸, 白飯擺麵包布甸隔離BOOK左22位去到分4張檯都真係有22個位6 / 4 / 4 / 8唔知點解食食下8位果張檯變左得7個位係有兩個同事遲黎，空左兩張櫈，但係都唔代表可以收走張檯變成咁?俾足22位錢變左得21張櫈而果張櫈前面碟都擺唔到怪只怪我個同事太好人，縮埋同我地逼梳化都讓張檯俾佢地做多檯客?我同事唯有拎住杯野飲企左係梳化隔離你D客都坐低左我地都唔知可以點樣攞番張檯冇咁多CAPACITY就唔好接咁多客最後都係攞黎搞到自己唔係茶記搭檯冇可能問個客食完係咪可以搬走買單反應番俾經理定侍應，話當時問準左我同事&#

見到網上訪問講到咁巴閉所以就Book了Lunch Buffet，網上訪問話半自助餐好多嘢食但原來只有晚上供應，咁都算啦，諗住兩舊幾水可以有正正常常嘅嘢食，去到話12：00開始，佢關門關到12：05都未開門，所有人喺門口到等呀等，唯有勇者無敵推門，佢哋先恍然大悟時間夠，不得了！嘢食方面無冷盤，前菜得啲沙律都算，熱葷7-8款有4款係粉麵飯，其餘精選推介係雞翼同炸魚，我諗同早餐分嘢係多咗個切牛扒，無刺身得大大舊飯壽司同太卷，甜品佢夠膽死封咗甜品櫃，得三款甜品放出嚟，訪問講到好正嘅雪糕又只供晚市享用，即係兩舊幾水嘅Lunch Buffet只係咁多嘢食！唯一讚嘅係侍應都叫盡心服務，但本身其實無乜好做，因為無乜嘢食！奉勸大家唔好再睇到報導誤會晚市正午市有三根釘！

今天朋友生日，我地收工走左Walter Bistro. 好像是新開的位於觀塘地鐵站後方,我們一行三人。這間新餐廳晚上也很full,buffet 食物五花八門。蠔不過不失，還有蟹腳.但最驚喜是主菜，三文魚扒同牛扒好好味呀還有龍蝦，同埋花旗參雞湯，值得必須回頭👍🏻👍🏻服務也不錯，侍應勤於倒水。蛋糕也很好，下次生日再來。各位讀者，過年我想訂已經都冇位了，要定看來要預早，不過下次有機會還是試一下午餐。正

朋友生日一行四人慶祝，一早到比想像中人少，蠔不需排隊其他長腳蟹，蝦沒有鮮味，就首先試每人限三隻的蠔老實說沒有鮮味一般，壽司差，唯一值得讚是紅酒牛尾，甜品除了有入口杯裝雪糕其他不值一試。最後說主菜，叫了乳豬，羊架及意大利飯一齊分黎吃，個人覺羊架最好，推介的乳豬皮不脆不過有肉汁。總括黎講，呢個價錢有好多選擇

最近，聽朋友、同事講及 Openrice 飲食誌的「港飲港食」介紹，才得知觀塘 APM 附近有間新酒店，屬於 Holiday Inn 旗下的智選假日酒店 Holiday Inn Express，有間餐廳 <Walter Bistro> 供應半自助晚餐！向來！尖沙咀 Holiday Inn 的自助晚餐質素不俗！所以，我都會推介！那麼！要看看新酒店的出品如何？！Openrice 飲食誌的「港飲港食」介紹https://www.openrice.com/zh/hongkong/article/觀塘新開酒店半自助餐-任食即開生蠔、長腳蟹-a5362一於約8年前，在觀塘參加 Single party 認識的好街坊一齊去，慶祝相識8週年吧！由於，酒店停車場唔公開嘅！所以，可以去隔離大廈停車場泊車 $24/小時 (平日)或者 APM泊車！湖水藍色的法式裝潢，高貴優雅！看到 Openrice 資料，店內只有140個座位！比預期少！可以想像得到餐廳面積有多大！勝在空間感充裕！我們被安排到自助餐區附近的 4人桌子！夠哂就手又快人一步呀！如果去洗手間，要走到餐廳出面並需要匙卡，另外，有個不用

咁今次就試試哩間啱啱喺上年新開嘅三星級但係好靚嘅酒店，入面嗰間餐廳嘅早餐自助餐啦。🤗⁣咁首先講下餐廳嘅裝潢設計啦，好明顯佢係走少女風格嘅。💁 咁就係入面主要嘅呢都係用一啲白色嘅雲石同埋tiffany blue嘅凳。😍 就算係餐具都係白色之外，有啲金色嘅邊邊加啲少女風字體，呢啲真係幾細心，所以不論食物質數呢間餐廳係冇得頂⁣。👍⁣但係食物選擇，我就覺得唔夠多啦其實拎食物嘅地方就係一張相睇到晒，就係一張圍住嘅吧枱外圍同隔離嗰張枱仔，就係咁嘅啫冇其他嘢啦。😓 不過都夠齊全多元化，中式西式都有，仲有三星級酒店比較少見嘅芝士拼盤，都ok。🤨⁣食物質素而言我就覺得係得過且過。🙁 講下一啲我覺得好食㗎啦，最好食食嘅係一定係煙肉又唔太肥又太瘦又夠肉汁，好鬼balance，好正。😋 我食咗好多塊，肥死。😭 沙律菜亦都係好，完全冇苦味，夠爽脆清新。😌 驚喜地， Pain au chocolat 竟然好好食，可夠多層，又夠朱古力。🤩 順帶一提就係個方包烘完個樣好靚，本身唔好想食，但係見到人哋嗰快咁靚，作為foodie梗係要烘一塊出嚟影相啦！😂 其他嘢就冇乜特別啦，同平時出面茶記嘢食都差唔多或者自己煮差唔多啫。

近日賣了很多廣告的酒店餐廳吸引了我和朋友去一試當日我們準時到達 已經有客人比我們更早到達餐具擺設簡單，完全不像是在酒店內進餐而且自助餐範圍還未準備好感覺像普通樓上高級餐廳環境設計簡潔服務員先會每位送上半邊龍蝦及中式例湯味道則見仁見智，我個人認為龍蝦不太好吃，像放了雪櫃很久的感覺外面自助餐位置分別有海鮮檔、中西湯、多士爐自製麥方包或白方包等多士、壽司及刺身(三文魚及八爪魚)檔、沙律方面只有一款結合沙律菜、幾款芝士及凍肉除了甜品之外，特別之處是有一兩款熱食及白飯當日自製了煙三文魚沙律當晚點了烤澳洲羊架伴新薯及新鮮時蔬 及 香煎帶子伴野菌芝士黑松露醬意大利飯份量適中，不會太大份羊架有少少羶味，意大利飯則似白汁芝士，味道普通甜品方面算是最好蛋糕味道不錯，但不想是自家製，感覺是工廠交貨最有保證一定是movenpick 杯裝雪糕有兩三款選擇雖然有即開生蠔，不過兩位結帳約800多在觀塘競爭較大的地方，這個質素不值得再來

觀塘新開咗間holiday inn, 入面Walter bistro環境好舒服，乾淨得黎，光線都好舒適☺️ 今次夜晚黎試下呢度既dinner buffet，平岀面酒店既buffet少少，但食物質素都拍得住👌🏻 唯一少少分別係，呢度係有main course 可以叫，所以自助區既熟食比較少。食buffet梗係由海鮮，魚生類開始食起🤤 有龍蝦，生蠔，長腳蟹，東風螺等。海鮮同魚生都好新鮮👍🏻 龍蝦仲要好多蝦膏😻😻食下食下都好快飽，仲要留肚食叫咗既main course😆 叫咗串燒三文魚伴炒薯仔及意大利瓜 (2人份) 擺設好精緻，三文魚串住再掛起，好特別🤣 三文魚食落好滑，外面就帶脆，燒得好香，唔點汁已經好岀色。仲有不得不提係呢度既蛋糕甜品，係真係前所未有咁高質，冇誇張，未試過攞完一碟係會食得哂😂😻 我會因為呢度既甜品再去過🤘🏻

今晚一嚐觀塘新開酒店半自助晚餐, 主打海鮮包括龍蝦鉗，蝦，蟹，螺，青口與及新鮮生蠔。另外刺身包括三文魚，八爪魚，帶子等等，每位另外附贈龍蝦半隻及花旗參雞湯。甜品種類雖然唔係好多，但細細件可以全部一一品嚐。雪糕亦是一賣點，採用Movenpick，食兩杯已經番本。主菜有羊架，鴨脾，帶子意大利飯等，做得頗為出色，鴨脾非常嫩滑，配上南瓜汁非常配合，不會太過濃烈而且可以充分特出鴨脾的香滑。現在惠顧仲附上八五折，絕對超值。

這間新開不久位處觀塘的Holiday Inn，晚市提供半自助晚餐，每位都是$468。沙律有多款，有薯仔蛋、長通粉、希臘沙律，當然少不得普通的沙律菜，新鮮爽脆，清新開胃。前菜有莎樂美腸、雞肉火腿、風干火腿及煙三文魚等，款式都十足，火腿味道不會過咸，煙三文魚不斷refill。海鮮有蟹腳、蝦、青口、生蠔及龍蝦，生蠔細細隻不算肥美，但味道都幾鮮甜；龍蝦每人都會送一隻，保証每個客人都有得食，最後就會一次過放出去任食，爽口彈牙。花旗參燉雞湯每人一盅，參香味足，湯鮮且甜。刺身有三文魚及帶子等，另外還有壽司，三文魚都算肥美，油脂豐富且鮮甜。還有三幾款熱熏，有娃娃菜、紅酒牛尾等，款式較普通。主菜要了烤乳豬伴薯蓉，乳豬為二人份量，每人有四件，肉質嫩腍，保留了乳豬肉汁，但表面不夠鬆脆。最後食埋個甜品及貴價雪糕，比任食更抵食。

早兩日肥雞知道咗喺觀塘工業區新開咗假日酒店 入面有一個dining area 係食半自助餐 所以肥雞特登揀尋晚去試下 入到去光線都好充足 全部都係雲雲石做裝修所以幾高級 野食方面有唔同嘅main course畀你揀 有魚有羊架有牛扒 施肥雞就搞咗燒乳豬 等主賽期間肥雞出咗去啲自助餐區度攞嘢食 作為一個半自助餐佢都食物既豐富 首先港海鮮類 有生蠔 生蠔嗰條隊幾款係冇停過成晚都 有長腳蟹 皇帝蟹 蝦 等等 但係啲長腳蟹同埋皇帝蟹就比較瘦 肉都鮮味嘅 湯品方面有中湯同雞湯 佢個西湯蘑菇湯幾高級 中湯就係蘿蔔雞腳湯 好似肥雞媽咪煲嘅 肥雞不斷encore 沙律方面就有山新鮮沙律菜 有唔同嘅46款例如粟米粉 熱盤方面有紅酒燴牛尾 鹵水豬腳 雖然選擇唔多 但係水種都唔錯 雪糕有movenpick 呢樣嘢肥雞要讚下

之前聽同事講話holiday inn express進駐觀塘，仲有半自助餐食，講既就係我哋今晚去既walter bistro! 位處於holiday inn 1 樓，今晚老闆帶我去，正好係佢哋正式開張大日子！ 就等我同老闆食下係唔係咁高質，將來見客又可以多一個選擇！餐廳空間闊落，樓底高，感覺休閒，充滿英倫風味，有各式各樣既坐位組合都有供應！ 啱晒三五知己嚟下野，傾下計，我覺得傾下生意都唔錯！餐廳係半自助形式，即係點一款主菜，再加出面自己揀食物，其中有單人份同雙人份既主菜選擇，要留意返餐牌！我同老闆都不約而同揀左法式香烤乳豬，呢個就係二人份既主菜！自助bar睇落唔係太大過，但應有盡有，生到熟，前菜小食沙律，甜品都有得揀！幾整齊幾乾淨！凍盤有刺身，壽司，生蠔等，壽司同刺身都無限供應，有帶子，三文魚，吞拿魚，八爪魚等件件都係厚切，份量十足，而且都幾鮮甜！凍盤都唔係講笑，有龍蝦，大隻蟹腳，翡翠螺，蝦等！估唔到半自助餐都咁豐富！肥美既生蠔都係即叫即開，喺您面前洗好，感覺好乾淨，食落都幾鮮甜，加少少檸檬汁就好了！龍蝦都好大隻，唔係一般龍蝦仔，我拎左隻鉗嚟食，都幾新鮮，有咬口既蟹肉甜甜地幾實淨！另

自助餐有刺身 生蠔 蝦同蟹腳等鮮味十足 仲有不同選擇既芝士 main dish 既南瓜蓉十分出色 帶子意大利飯creamy得嚟唔會太膩 串燒三文魚賣相有趣 忌廉焗薯非常高質 好有層次感 食到真係一層層薄嘅薯仔 甜品方面非常推薦朱古力蛋糕 極濃朱古力味一次食左兩個！

新開期間做緊8折優惠，食物睇落都吸引決定試試。結果係期望愈大失望愈大，食物種類少，質素平平，勝價比低。一坐低每人送上半隻開邊龍蝦同燉湯，龍蝦幾多膏，肉質尚可都幾難切。燉湯係花膠雞湯，不過不失。先食海鮮，生蠔即開每人每次限3隻，因為閒日關係無乜人排。生蠔係愛爾蘭黎，幾細隻味道不過不失。長腳蟹唔錯，龍蝦鉗就煮得太熟，肉質好實。刺身主要有吞拿魚、三文魚、帶子，唔算新鮮但可接受，處理刺身既師傅刀工同刺身質素係Neway水平。處理刺身/生蠔既係同一人，雖然有戴手套但唔會換，而且每次出入開門都用戴手套隻手，衛生有待改善。網上見到有吞拿魚腩、海膽軍艦、佛跳牆、法國生蠔、movenpick雪糕通通唔見， 同實際好大落差。主菜叫左黑松露帶子意大利飯同南瓜汁油封鴨。前者唔錯，帶子大小同意大利飯質感適中。油封鴨肉唔嫩滑，可能油封時間不夠，鴨皮煎得尚算香脆而不油膩。甜品有不知名Gelato，味道一般。麵包布丁可配朱古力同雲呢拿醬，雲呢拿味唔出唔夠香。果撻同藍莓芝士蛋糕唔錯，撻皮香脆而味道甜度適中。總體黎講係無乜野好食，每樣都普普通通。晚市半自助餐8折後要$420，未折連加一$520，呢個質素唔值。