Wagyu Ya (已結業)

呢間位於尖沙咀主打食和牛嘅餐廳、午市有唔不同嘅午餐，有燒肉有定食～ᴡᴀʏɢᴜ ʏᴀ ᴅᴏɴ超豐富☺️將我最鍾意食嘅嘢放埋一齊😍有和牛、鵝肝、海膽、三文魚籽、火炙左口魚～ 和牛好香牛味，好好食😋 鵝肝煎得夠香，超級邪惡😈 海膽幾鮮甜，左口魚入口即～三文魚籽用嚟撈飯一流！超級好食❤️和牛肉眼蓋粒定食和牛粒燒到剛剛好，好香和牛味，好Juicy!仲有蒜片及燒汁。和牛份量都算多，送飯食好味😋定食有前菜、沙律、麵豉湯及茶碗蒸～

取消了兩個日本旅行，當然要吃返一餐好的日本菜補償一下，今次到了尖沙咀的Wagyu ya！地點就喺尖沙咀金馬倫道，非常方便！風格和日本燒肉專門店很相近，每台一個獨立燒烤爐！抽風系統亦做得很好，吃完不會一身油煙味👍。先來一個特製鵝肝三文魚子丼用上炙燒過的法國鵝肝、油分十足，香氣撲鼻，中間鋪上炸得十分香脆的天婦羅，加上新鮮的三文魚子，天婦羅吸晒所有油份，沒有一點油膩感👍！和牛拼盤厚切牛舌，油脂豐富，牛味十足！特選牛肩肉內前三角肌肉，一隻500公斤只得幾公斤，肉味濃，油脂多，燒約1分鐘後，肉質仍然細嫩，入口即融。這裏的燒肉是JA全農旗下直營店，店內供應的和牛均是得到日本政府認可的純種和牛及牛肉，JA全農是由日本各縣的農業家組成，負責看管日本全國和牛的機構，每批和牛都由指定的合約農家定期提供，保證將最優質的和牛運到香港。

呢晚同女友嚟Wagyu Ya，呢間出餐出名用高級食材，而且賣相吸引，於是我同埋女友一齊嚟食飯，結果令人十分滿意。我哋嗌左三樣嘢食：.🥙「黑松露牛油果沙律」賣相吸引， 蔬菜新鮮爽口，黑醋同黑松露香氣怡人，好開胃。.🐮「肉食者」拼盤包括牛三角肉、牛肩、牛和尚頭，以及牛舌。牛三角肉多筋但油脂濃郁。牛肩油花密佈，口感恰到好處。牛和尚頭亦即是牛後腿內側，脂肪少但肉味純正。牛舌肉味濃郁又有嚼勁。.🍚「WAGYU DON」包含五種上等食材：海膽、拖羅、左口魚邊、和牛、鵝肝。海膽新鮮甜美，拖羅用魚油香郁，左口魚邊入口即溶，鵝肝香脆可口。值得一提嘅係，珍珠米飯粒粒分明，香醋提升丼嘅味道，呢個丼令女友讚不絕口。.💁🏻‍♂️餐廳環境舒適；食材同器具都係嚟自日本，質素有保證；店員態度有禮誠懇，用心介紹食品。呢次經驗令人好滿足，女友仲話過兩個月又要嚟多次。😊

今日我哋嚟尖沙咀食和牛!!WaGyu Ya!!我哋今次就食1) 日本鹿兒島A5牛肉眼（120g) 同埋2) A5和牛三文治A5和牛不得了！入口即溶，油脂分布相當平均！物超所值！😍😍😍😍😍😍😍😍😍😍😍😍😍😍😍A5和牛三文治，係夾住吉列厚切和牛！中間嘅和牛切超厚，啖啖肉！好滿足！再配上香脆既麵包皮，一個字，正！又唔會太油膩，依家諗返起都想食😍😍😍😛😛😛😛😛😛😛😛

今日張寶仔嚟到尖沙咀食一間和牛專門店，個名簡而潔，WaGyu Ya即係和牛屋。店舖入邊嘅裝修簡潔時尚，有吧枱、卡位，但係枱數不多，有心嚟食就最好book定位啦。我哋今次就叫咗兩款，日本鹿兒島A5和牛肉眼（120g) 同埋A5和牛三文治。果然係A5和牛，油脂分布相當平均，每一塊肉都好似雲石狀。燒好之後放入口，唔需要點咀嚼，就已經喺口裏面溶化。淨係食肉又好似唔太飽肚，所以我哋叫咗A5和牛三文治，始終都係要食啲澱粉質先安樂。三文治原來即係吉列厚切和牛三文治。中間夾住嘅和牛切得比肉眼更厚，更有口感同飽足感。油香濃烈的和牛肉配上香脆的麵包皮，中和了整個味道，為成道餸帶來平衡。和牛上面仲有金箔同魚子醬，豪華感Max!雖然今次唔算食到好多款，價錢亦都唔算平，但係每道餸都食得出佢價值所在，而且亦感受到店舖對和牛嘅專注。就好似日本嘅匠人精神；只做一件事，並將佢做到最好。

作為食肉獸的我聽說這裏有高水準的A5和牛，急不及待跟朋友去試試。有消毒紙巾提供，感覺乾淨企理。桌上放著三種調味，有日本燒汁、海鹽等。先來了A5和牛拼盤，油花分佈平均密集且雪白，瘦肉的部分是桃紅到鮮紅的範圍，可見品質很好。燒和牛開始！燒烤爐火力十足，不用一會兒和牛就熟了可進食了。果然沒有令人失望！和牛肉質很嫩很軟而且多汁，入口不用多咀嚼即化，味道鮮甜。和牛的油花鬆軟，所以咬一口和牛已感到香甜濃厚滋味，入口即化的口感，太美味了，令人再三回味！另外還有吉列和牛三文治，麵包烤得香脆，配合厚切吉列和牛，每一口都令人感到幸福。非常滿意，會再光顧！

A5和牛三文治 ($388)個和牛係炸左 好似食緊吉列豬扒個隻咁 但入面就係A5和牛🤣 炸完出黎又唔會過熟同埋又唔會太油 好好味 😍 但係得4小舊 好快就食完, 搞到心思思, 好彩叫左個食肉者😂-食肉者 ($688)顧名思義, 食肉者入面當然有好多肉啦 仲有得自己燒 但個火時大時細 好驚😂😂 入面包左4款牛, 包括 西冷 牛舌 肩胛骨 肉眼 - 仲有D粟米同洋蔥 店員好好咁樣講解左食既次序,牛舌好厚, 所以最好燒耐D, 燒完出黎好重牛味, 好正😋 西冷就比較肥少少, 仲要食脂肪既一定要試下！肩胛骨就要燒耐少少, 肉身比較實,同重味,記住唔好貪快呀,中間可能未熟😂 肉眼未燒果陣已經見到D雪花係肉上面 睇到都流口水, 呢塊好快就熟 所以唔好燒太耐！

最近因為疫情，呢幾個月都冇得去旅行，令人尤其掛住日本嘅美食，朋友就向我推薦左呢間位於尖沙咀嘅燒肉店，話可以食到同日本一樣咁高質嘅和牛，果然冇介紹錯！我地叫左呢個拼盤份量唔算多，有牛舌，牛西冷等4款和牛，就咁一望啲肉已經知係靚野，油脂分佈平均，非常吸引！食法係由我地自助咁去燒，除左牛舌建議燒至全熟外，其他都可以根據個人喜好去控制生熟度。每款牛肉都非常好食，非常嫩滑，入唔亦溶，比起係日本食到嘅和牛有過之而無不及。最後呢個鵝肝牛肉飯亦非常出色，啖啖都食到美味嘅肉汁，同樣值得推薦。整體而言，雖然餐廳嘅價錢唔算係平，但味道同食物質量都物超所值，想過下和牛癮嘅朋友不妨一試。

鹿兒島和牛貴為日本和牛界一哥，勇奪和牛能力共進會第一，而呢間以鹿兒島和牛作賣點，我呢個愛牛之人當然不能放過！餐廳行簡約風，頗有小店的味道🤩🤩肉食者拼盤(688)侍應介紹我哋順序食用，分別有牛舌、大脾肉、肩胛及西冷。以日式燒肉形式自助煮食，可以自行控制熟透程度🥰一放落去香氣四溢、牛嘅油脂同肉汁四濺，牛舌質地本身比較厚實有彈性，非常有質感牛脾肉紋理好靚，油脂分布平均，肉同脂肪比例一半一半，油香味重肩胛肉味較重，而且相對有厚度，味道香濃之餘好有口感此西冷不同彼西冷，因為西冷係牛嘅腰脊部位，一般嘅都相對肉多脂肪少，但和牛西冷帶嚟新體驗，肉味重之餘亦有和牛入口即溶嘅感覺，衝擊住我嘅味蕾，非常上乘A5和牛三文治($388)另外點咗個和牛三文治一試，非常精緻，以吉列和牛作餡，外面以微烤過嘅香脆麵包夾住，賣相、味道、口感都一流，雖然比較細份，但好食嘅嘢從來都貴精不貴多😋

今日終於到我食和牛三文治啦！平時係社交平台見到朋友試和牛三文治，自己一直蠢蠢欲動，今日藉著拍拖三周年半同女友去左Wagyu Ya。Wagyu Ya 採用鹿兒島和牛，質素有保證。獨立抽油煙系統唔會令周遭環境變得煙霧離漫，身上亦唔會成浸油煙味。- 和牛三文治🥪小弟第一次品嘗和牛三文治，和牛表面放上金萡突顯高貴。麵包夠脆，加埋厚切既吉烈牛，可謂脆上更脆，但同時和牛仍然保持入口即溶既口感，無論賣相同味道都係一流。- 肉食者一盤有齊四款和牛部位，包括牛脷、和尚頭（即牛後腿內側)、牛肩胛同西冷。和牛顏色比較淡色，不過大理石狀紋相當細緻分明，四款肉味道各有特色。牛脷最爽口，而且厚身，不過要燒耐少少。西冷油脂最豐厚，口感特別柔嫩，肉質最甜。和尚頭比較有韌勁。肉食者拼盤既西冷同牛脷味道突出，和牛三文治令我同女友既三年半週年紀念更加圓滿。

又唔係太肚餓又想食燒肉 見到有間小店有和牛食 入去試下先 除左有吧枱仲有卡位 氣氛舒適Menu選擇唔係話好多 不過見到每枱都有個拼盤 我地都叫番個先 肉食者拼盤 有4款牛肉 每款有3片 包括牛舌 牛肩胛 西冷 肉眼 塊塊都好厚切 見到d雪花紋好靚 好新鮮呀 就咁擺上個爐燒一燒 d油好搶火 大火一陣轉中火燒就最好 和牛唔洗落太多調味 就咁點少少鹽嚟食就已經好好味 有幾款牛食落去入口即溶咁 好林好易咬 重拾日本食燒肉嘅感覺呀跟著叫左個A5和牛三文治 原來和牛配三文治出奇地夾 面包好脆 表面有d魚子醬同金薄 感覺好矜貴 和牛有吉列炸過但都唔會過火 2啖就食哂啦 如果大食嘅話就可以試多d其他款嘅野食 除左燒肉都有沙律個d ga 我同朋友想滿足下食和牛嘅願望就叫左2樣嚟試下

疫情嚴重到開始要有限桌令，每檯只限4個人，仲要每檯隔1.5米。不過呢間鋪依然係有咁多人，可以比人坐嘅檯都坐到滿晒。當中我仲見到有一組5人嘅，要分開兩檯坐。講番食物，呢間就係高級和牛燒肉無誤架喇，少少地叫左個和牛燒肉拼盤同一個和牛三文治。侍應好貼心，會教你燒肉嘅順序，同埋大約燒到咩情況會比較好食（雖然有時佢地企埋一邊望住我地燒都有少少壓力）和牛入口一入即溶，而且十分新鮮，燒到medium rare食都無問題！

#日式燒肉 無肉不歡既我，今次自私食去食燒肉。之前係台北食過A5和牛三文治，失望已回，今次完全改觀。一坐低，侍應會呈上熱茶及醬汁，茶味濃郁，係玄米茶黎。醬汁有3款味道：岩鹽、醋汁及燒汁。A5和牛三文治用長竹簽串起烘過既麵包及吉列和牛有鋪了金箔係面，賣相好精緻勁靚，感覺好矜貴。麵包烤得脆脆，和牛夠厚身，外面由吉列包著，大概7成熟肉質嫩滑。A5和牛肉眼 有6塊和牛好新鮮呈現粉紅色的，雪花紋分布平均。個爐貌似炭爐，但其實電爐黎！肉眼比較重油脂，燒左一陣好搶火🤣🤣🤣 幸好侍應及時幫我攪細火！記得唔好攪太猛火。一塊靚既和牛，不輪燒到10成熟，仍然係入口即溶，肉味濃而肉汁嫩滑juicy。

好耐無食日式燒肉 想同一大班朋友食都難，索性同男友兩個人去一解燒肉之思，早幾日去左依間餐廳食日式燒肉晚餐，裝修好似日本燒肉店格局，一坐低就好有日本感覺而佢地出售既牛肉係用鹿兒島和牛我地叫左個和牛拼盤 肉食者，一共有四款精選部位各三片，有牛舌、肩胛、西冷同牛大肶肉我地先燒大肶肉，雪花紋好靚，燒到半熟就食得，油脂分佈平均，牛味濃郁又夠出，咀嚼個時完全係啖啖肉跟住就到牛舌，見到佢爆油燒個下好正，厚切之餘，厚實帶爽，仲要入口多汁又無牛酥味，好好食肩胛比大肶肉同西冷瘦少少，入口有咬勁，牛味亦相當之濃而西冷係咁多部位之中油脂最高，燒到係咁搶火，而油香比牛味更強烈，幾乎入口即溶食完燒肉半飽，另外我地再叫左個鵝肝和牛丼，全晚最驚喜就係佢，亦係我個人真心推介，一大片鵝肝放飯面，外皮煎到帶少少脆香，唔會過熟啱啱好，和牛同洋蔥拌埋燒汁咁一口食，超級無敵好食，完全係食唔停口，勁邪惡既丼飯食埋個飯飲杯茶滿足哂!

今晚晚餐黎到尖沙咀食高級日式燒肉！呢度係地舖，非常方便。我地就點左一個和牛拼盤叫肉食者（$688），另外怕唔夠飽就點左一個鵝肝和牛丼($248)。和牛拼盤有四個牛肉部分－－牛舌、和尚頭、肩胛、西冷，擺盤非常賞心閱目，令我地食指大動。我地快快手影完相就開始燒牛肉，因為係自己燒，可以自己調較生熟程度。廚師非常細心，叫我地由牛舌開始順序食，牛肉味又淡至濃。每塊牛肉又嫩又多汁，入口簡直齒頰留香！唔好見每部分只有三塊就以為唔夠喉，其實和牛油脂豐富，比較適合淺嚐。差唔多食完燒和牛，廚師就送上鵝肝和牛丼。丼飯都幾大碗，兩個人食就啱啱好。珍珠米飯面舖滿牛肉，牛肉上面有一塊煎香嘅鵝肝，再配上紫菜絲，絕對係邪惡嘅最佳配搭！整體黎講我地非常滿意呢一餐，雖然唔可以話平，但食物質素同分量對得起呢個價有餘。如果大家想食到高質嘅和牛，呢間餐廳係唔錯嘅選擇。