144
0
0
港鐵尖沙咀/尖東站 B2 出口, 步行約3分鐘 繼續閱讀
電話號碼
29822522
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
付款方式
Visa Master AlipayHK 支付寶 現金 AE 銀聯 JCB Apple Pay Google Pay 微信支付
其他資料
Wi-Fi
酒精飲品
自帶酒水
切餅費
外賣服務
加一服務費
食評 (146)
呢日同朋友去尖沙咀食晏,牛魔王嘅佢帶咗我去食靚牛。不過餐廳幢大廈裝修緊,唔顯眼嘅門口更加進一步被遮蓋,行過都爭啲Miss咗🙈。餐廳有做午市套餐,都叫做相對平啲🤭。由於朋友之前喺度食過晚餐,所以我就交俾佢發板。佢話嚟到點都要食燒肉,🔥開爐先啱數!無幾耐,店員就為我哋奉上熱茶🍵,雲石花紋嘅茶杯好靚!之後食個餐前沙律🥗開開胃先,但我略嫌醋汁酸咗少少。主角出場喇,🥩和牛薄燒西冷120g($398),齋望個樣已經睇得出塊肉好靚😍。雖然只得兩塊,但一塊都超大呢,鋪滿成個爐面。店員服務好好,仲會幫我哋燒埋,佢介紹和牛本身帶有秘製醬汁,偏濃味少少,所以點蛋漿食中和一下就係最佳組合。佢果然無介紹錯👍。和牛真係好食到一個點😋,脂肪分佈均勻,每啖都勁勁勁Juicy,超嫩,帶點入口即溶嘅感覺,無得輸。由於太好食,所以一人一塊都唔多夠喉,但其實一塊都已經等如平日四小片!另外,我哋嗌咗鵝肝和牛丼($248),套餐仲包兩款前菜、蒸蛋同湯物,超豐富呢🤤。前菜分別係牛蒡漬同蘿蔔炆牛腩,前者好夠味、夠酸,後者都唔錯,有啲似媽媽料理嘅味道,幾好食😊。茶碗蒸亦都相當惹味,水蛋滑滑的🥚,而且高湯味道濃郁,一啲都唔淡。麵豉湯就無乜特別,但起碼夠熱。食完一大輪先入正題,丼飯份量好多呢,我估有成兩碗白飯🍚,我哋Share都夠食。牛肉多到蓋過哂啲飯,中間夾咗唔少洋蔥,每啖飯都爆哂餸。鵝肝方面,佢亦都係巨無霸Size😎。又肉又飯真係勁飽,超滿足✌🏻。題外話,餐廳嘅抽氣好厲害,熄咗之後即刻涼咗好多,證明佢好有效,冷氣都抽埋,食完都唔驚有味!總括嚟講,我仍然對嗰塊🐮和牛薄燒念念不忘,好想再食!餐廳定價貴就貴啲,但呢塊牛肉都已經值回票價,間唔中或大時大節大魚大肉一下慰勞自己吧❤️。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-20
78 瀏覽
好朋友生日,作為美食搜尋器嘅我當然要肩負起搵食呢個重任,左揀右揀最後決嚟呢間喺網上有唔少人推介嘅新餐廳,主打日式料理同燒肉。餐廳用嘅係電烤爐,而且每個都獨位配置抽油煙機,唔怕食到成身燒烤味。點菜後店員先為我哋送上燒肉用嘅醬料,分別有喜馬拉雅鹽、牛肉汁同洋蔥汁。燒肉方面我哋揀咗大熱嘅肉食者拼盤,有牛舌、西冷、肉眼同三角腩各三片,加上日本粟米同菠蘿,份量都唔少。上菜後店員為我哋簡單介紹燒肉嘅先後次序,首先由油脂較少嘅牛舌開始,然後係西冷同肉眼,最後係油脂最豐富嘅三角腩。牛舌厚度適中,齊合擺喺爐中央,燒到邊位微微焦香,牛香四溢,入口爽脆彈牙而且唔韌。西冷油脂分佈均勻,牛味好香濃,肉味同油香非常平衡,恰到好處。肉眼嘅油脂相對較多,入口肉質亦較幼滑多汁,齒頰留香。三角腩係牛前腿對上嘅腩位,每隻牛只能夠取出好少份量,所以零舍矜貴。三角腩油脂含量好高,呈粉紅色,有少少似大拖,秀色可餐!由於油脂含量高,燒嘅時候要小心啲,好容易搶火,比較適合放喺爐邊慢燒,個人比較喜歡香口嘅口感,所以先放喺爐中央略燒一下,再轉到外圍慢燒。三角腩果然名不虛傳,口感細膩軟嫩,近乎入口即溶,油香醉人,與此同時牛味亦唔輸蝕,質素極高!店員特意提點日本粟米本身可以生食,只需要放喺爐上面畋烤一下就可以食,味道清甜而且多汁,正好清一清味蕾。菠蘿同樣係稍為加熱就可以享用,非常清甜多汁。燒肉當然唔能夠滿足到我哋兩個大胃王,WAGYU DON份量唔少,而且材料豐富,有左口魚邊、三文魚子、吞拿魚蓉、熊本和王和牛、海膽同鵝肝,鋪滿哂成個飯,絕對係落重本。海膽極度鮮甜,味道香濃,口感豐腴細緻,而且份量唔少,相當大方。鵝肝非常大件,厚切後煎香兩面,表皮微脆,咬落去口感細緻綿密,滑膩即化,非常邪惡。和王和牛稍為烤過,半熟更能夠食得出佢嘅甘甜鮮嫩。餐廳嘅食物質素非常高,朋友亦相當滿意,雖然價錢唔算平,但亦未至於令荷包重創,偶然獎勵一下自己亦唔過份。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-10
115 瀏覽
早幾日約咗個朋友食lunch,咁啱佢喺附近返工,佢就話呢間餐廳食咗幾次覺得唔錯所以今次帶我嚟食雖然呢間係日本餐廳,但係枱面嘅擺設同埋杯都好北歐風好少日本餐廳會用呢啲杯招呼客人,但係小弟就超級中意喇lunch set都有好多選擇,有選擇困難症嘅我真係好難選擇豆腐沙律豆腐好滑同好香,淋係上面嘅汁有啲合桃味,幾特別。沙律菜亦都好新鮮,開咗個胃預備食個主菜Wagyu Ya Don - $498呢個丼有:熊本和王和牛、鵝肝、海膽、三文魚籽、左口魚同埋吞拿魚蓉海膽超級鮮甜再加上三文魚籽嘅咸香真係好正和牛入口即融雖然呢個set要成$500,但小弟同朋友都覺得物超所值鵝肝和牛丼 - $248鵝肝好香,唔會食到成口油咁~牛肉肉味香濃,加埋鵝肝一齊食真係一流而且個飯仲加咗牛肉汁,好好食兩個set都包咗有燉牛肉、茶碗蒸同埋麵豉湯~燉牛肉好淋,甜甜地幾好食!而個茶碗蒸就好滑好足料!面仲好特別咁有一層好似醬油味嘅啫喱,唔錯 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
100 瀏覽
朋友揀嘅呢間日式和牛燒肉店,好有驚喜!✨日本蕃茄沙律 $108燒肉之前先嚟個沙律頭盤,日本蕃茄果然唔同!好清甜多汁,冇生蕃茄嘅腥咩,比平時食開嘅好味!沙律菜新鮮爽脆,整體好清新!✨肉食者拼盤 $688和牛拼盤😍包括有牛舌、三角腩、西冷、肉眼,各有三片。店員教路,和牛拼盤,味道由最少油脂嘅部位開始,由淡味食到濃味。牛舌厚切,入口爽脆,好有質感。西冷/肉眼,油脂分布平均,肉質軟腍,肉味租濃。三角腩油花豐富,一咬開,全個口腔都充斥住油脂嘅甘香,而且牛味濃郁!入口即溶好正呀!肉食拼盤除咗四款牛肉之外,仲有幾片粟米,放爐邊慢慢燒熟,味道清甜,可以中和翻肉食嘅肉滯感。✨Waygu Don $498超足料豐富,見到都流晒口水,賣相極吸引。面層有熊本和王和牛、海膽、鵝肝、左口魚、三文魚籽、吞拿魚腩蓉,鋪滿整個飯面。和牛油脂甘香,牛味香濃;海膽鮮甜creamy,份量仲好多!鵝肝面層燒得焦香,好邪惡好好味;三文魚子鹹鮮味濃,脆卜卜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-28
352 瀏覽
返工咁辛苦,HAPPY FRIDAY要食好D!今日LUNCH黎到Wagyu Ya,位於尖沙咀金馬倫道,一開店我就入內,時間尚早,獲安排坐寬敞舒適既卡位。店員熱情推薦各款招牌菜式,而我一早就揀好想試Wagyu Ya Don。餐牌寫有熊本和王和牛、鵝肝、海膽、三立魚籽,實在令我超期待!!今日要好好獎勵自己辛勞工作~熊本和王和牛口感極致,肉質鮮嫩,油花遍佈均勻,脂肪味道濃郁,入口即化。鵝肝香氣細緻幽微,口感細膩肥腴,味道濃郁,芬香醇厚,實在令人回味無窮。海膽鮮美,嫩滑口感極豐腴。三文魚籽光澤亮麗,甘甜飽滿。吞拿魚蓉口感油潤,綿滑細緻,充滿脂香。左口魚肥美爽口,濃郁帶甘香。前菜有醃菜、超入味既蘿蔔炆牛腩、濃郁麵豉湯同滑溜清甜既茶碗蒸。超滿足!!!食飽飽又再努力工作~ 繼續閱讀
(以上食評乃用戶個人意見 , 並不代表OpenRice之觀點。)