Trois Cafe (已結業)

唔知有無人同我一樣 唔鍾意飲咖啡但好鍾意聞咖啡香味👃所以去咖啡店食野就啱曬我啦🤣 聞到餐廳內周圍都瀰漫著咖啡香☕因為唔飲咖啡所以我就點左一份主食👅青脆雞腿🍗外皮唔厚炸得酥脆唔會過火🔥雖然佢叫青脆雞腿但都唔係淨係得塊肉嘅最底部係一片酸種麵包 麵包體口感濕潤都幾煙韌外邊麵包皮就脆脆地又有口感👍兩層中間夾左幾片青蘋果薄片 味道酸酸甜甜可以解到炸物嘅膩感🍏頂頂有一扎火箭菜 口感爽脆🥬帶微微苦澀味配菜係最近備受愛戴嘅蕃薯薯條 味道比薯仔薯條🥔多左份鮮甜🍠

林家謙新歌同Troiscafe合作嘅第二彈 doodoodoo✨上次miss咗之後 估唔到咁快又有pop up🤩最後一日嚟到 等咗一個鐘 不過慶幸可以坐到打卡玻璃位🌼🍝Carbonara HKD98Lunch set 送蘑菇湯 超多蘑菇 味道濃郁 不過湯就偏稀 意粉圓扁身 坊間較少見 配上炒香咗嘅煙肉 洋蔥 等 醬汁足夠每條意粉掛汁 份量都足夠兩個人share 🍔惹味青醬烤雞包 HKD60麵包用牛油先烤過 做到外脆內軟嘅效果烤雞用上醃製好嘅厚雞扒 咬落啖啖肉得嚟又juicy 伴碟嘅炸洋蔥 應該都放咗一段時間 所以偏乾同油 希望可以改善吓🕶Doodoodoo ice cream HKD50士多啤梨雪糕配黑醋呢個甜品應該係最打卡食物📸因為士多啤梨雪葩上面放咗一副超迷你眼鏡 令人聯想起林家謙signature 眼鏡🫣甜品外層用粉紅色糖皮包住 士多啤梨味雪葩酸酸甜甜 加埋黑醋又意外地match 🫶🏻食完透心涼 好適合夏天嘅一道甜品☕️Pineapple coffee HKD58Cold brew 加上新鮮菠蘿 味道偏酸 比較適合中意酸味咖啡嘅人仕💬今次Doodoodoo聯乘嘅食物都係偏酸酸甜甜

上一次popup去唔到今次終於去到🥳餐廳主題係<doodoodoo>主題既裝修，而且入面仲會播放林家謙既歌🎶就算冇主題，餐廳入面嘅裝修都係偏粉紅色，少女心爆棚🤣Classic all day breakfast $85cafe既全日早餐來講都算平😂材料好色彩繽紛好養眼😂而且煙三文魚卷成花花形狀超靚的haha蕃茄仔炒蘑菇好fresh既配搭好特別！Crispy Chicken $80原本以為有蕃薯條食，點知變咗普通薯條有少少失望🫠成個多士都幾有層次感😂由上至下分別有火箭菜 炸雞 一片片既青蘋果同少少開心果粒同埋酸種麵包，火箭菜同青蘋果大大減低左炸雞油膩嘅感覺，唔洗怕食完好肥🤰🏻doodoodoo ice cream $50呢個先係主角🤣賣相粉紅色雲石feel 好QQ其實入面係士多啤梨雪糕，食落去偏硬身，似綿綿冰個種質地。另外有兜醋可以淋喺上面，不過個人黎講唔建議加落去食😂Cappuccino $42普通Cappuccino唔算太差又未到好特別，不過因為配合主題加咗粒神奇的糊塗魔藥-合桃😂個人黎講就算之後無左主題都值得再去！因為cafe黎講唔算超貴但野食高質！打卡值又唔錯🥰

呢間咖啡店好似從開業開始到依家都人氣高企吸引到好多女仔甚至男仔都慕名而來影相打卡📸超級有少女心💗 裝修以湖水綠色同埋粉紅色做主調 配合橙色同埋綠色嘅椅子 風格可鹽可甜😆店內座位都好寬敞 有沙發卡位 椅子都有沙發厚墊所以都坐得好舒服👌平時去餐廳打卡都好怕店員或者旁邊食客會用唔太友善嘅目光望著🙈但因為呢度周圍啲食客其實都打盡卡 而且侍應應該都習慣左🤣所以擔心嘅嘢都無發生到😆食物叫左個全日早餐盤同埋兩種味道嘅薯條🍟分別係酸忌廉同黑松露美乃滋醬🍄 兩款味道都好突出

叫咗個雙味薯條 分別係番茄粒粒同埋黑松露炸薯條兩款味道🍟番茄粒粒係薯條上面放咗篤酸忌廉 番茄同埋少量肉醬🥫味道有酸有辣有鹹 雖然肉醬味道幾濃味但因為份量唔係佔最多而且加入咗番茄粒粒同酸忌廉所以感覺都幾清新另一邊嘅係黑松露薯條🍄 黑松露沙律醬有沙律醬嘅酸香味又有黑松露獨特嘅菇菌香味🖤兩者相比較我更鍾意第一款嘅番茄粒粒配酸忌廉🍅跟住都叫咗個同屬番茄系列嘅墨西哥軟殼蟹意粉🍝軟殼蟹炸得好透 徹底地脆🦀配搭牛油果都幾新奇又好味🥑整體都好飽肚👍

墨西哥軟殼蟹意粉嚟到嘅時候我哋都有少少嚇親因為比我哋想像中同埋出面一般咖啡店份量大🤣雖然份量大但都無阻佢擺盤精緻 賣相依舊好靚好吸引📸意粉選用嘅係比較扁身嗰種 比一般食嘅天使麵扁同埋粗身啲啲墨西哥醬汁係番茄醬加啲番茄蓉🍅食到番茄酸酸甜甜嘅味道但又唔會剌喉嚨🥫軟殼蟹係完整地原隻上 唔會一忽一忽咁 成隻都炸到超級酥脆都會食到少少一絲絲嘅蟹肉🦀旁邊有小半個排得好靚圍成圈圈嘅牛油果🥑另外想介紹下杯抹茶特飲🍵係混合左抹茶 士多啤梨漿同埋牛奶漸層效果明顯 好吸睛之餘味道都好夾👍

一片厚厚嘅素豚肉經過油炸 炸到偏淺咖啡色🤎外皮超級酥脆 係咬落會索索聲可以拍asmr嗰種🤣我覺得炸嘅時間啱啱好因為外皮酥脆得黎入面豬肉都唔會過乾🐽罩眼睇可能會以為夾住吉列素豚肉嘅係普通漢堡 但其實佢係炸饅頭黎架😍睇過介紹都話要整到好味嘅炸饅頭其實都好有學問😤如果油溫太低炸饅頭會上唔到色；如果油溫太高就會一下子炸上色但就做唔到酥脆嘅口感 重可能會吸哂啲油😵呢度就炸得恰到好處👍都跟左3個洋蔥圈 炸皮同素豚肉一樣超級脆🤩配搭糖漬洋蔥甜甜地超級無可抵抗❤️

韓式all day breakfast幾得意，但食物piggy都係私心鐘意上環分店多啲 😝😝😝𝔸𝕝𝕝 𝕕𝕒𝕪 𝕓𝕣𝕖𝕒𝕜𝕗𝕒𝕤𝕥 𝕚𝕟 𝕂𝕠𝕣𝕖𝕒 𝕤𝕥𝕪𝕝𝕖 韓式全日早餐 HK$148𝔽𝕝𝕒𝕥 𝕎𝕙𝕚𝕥𝕖 馥芮白咖啡 HK$42食物💛💛💛💜💜 環境💛💛💛💛💜 服務💛💛💛💛💜 打咭指數💛💛💛💛💜 回頭指數💛💛💛💜💜

復活節連假去咗早前好hit嘅打卡cafe 嗰日4點幾去到 竟然冇人！全場任影🤪 粉紅狂熱的我當然狂影😌呢間cafee原店喺中環 超好坐置地嗰邊難得的良心cafe🥰去cafe當然要飲咖啡可惜佢嘅咖啡就真係好麻麻🥲奶啡還好 冇入鏡嘅long black好酸🥴可能係佢嘅咖啡豆品種問題？如果為飲啡去呢間就真係唔值得了總括而言呢間cafe不論環境同食物都好出色係咖啡有大大進步空間🥲

另外都好高評語嘅絕對係杯酒精飲品“離地”究竟點解叫“離地”其實我都唔太清楚🤣但佢確實靚到有少少“離地”📸味道係茶味金酒加蜜糖加士多啤梨同埋貴妃烏龍茶 烏龍茶茶味醇厚有蜜味同埋果香味 入口齒頰留香👅配搭清甜士多啤梨🍓 清淡嘅甘酒香🍷就咁調配出一杯睇得又好好飲嘅雞尾酒👍齋飲酒更容易醉 所以我都叫咗個吐司 香烤雜菜麵包🥬雜菜包括咗紅燈籠椒 黃燈籠椒 茄子同翠玉瓜🫑吐司就選用左酸種麵包 口感煙韌都好似比較健康🍞最緊要係色彩繽紛 味覺享受之餘都有視覺享受😍

今日終於到我放假啦😭係屋企做嘢咁耐都真係好少有機會可以出街慢慢咁樣享受午餐 今日 終於到我啦～～～難得去cafe又點可以唔叫埋好朋友黎打卡呢🥳我地一人叫左個食物同埋一杯野飲 價錢都好合理👌叫左雙色炸薯條🍟 炸嘅素豬肉包包🍞 抹茶士多啤梨拿鐵🍵 同士多啤梨梳打🍓個人認為個炸嘅素豬肉包包真係好出色成日都會想試素肉但又怕自己唔鍾意食會浪費😓呢款完全無呢個問題😍首先你唔會食到令人難以接受嘅黃豆味道 素豬肉同饅頭都炸得好酥脆🥩 抹茶士多啤梨拿鐵🍵配搭新奇好味

最近去左TROIS同林家謙聯乘嘅doodoodoo主題Cafe。Menu非常豐富，有doodoodoo雪糕，薯片，又有個好搞怪老婆餅。喱間Cafe不嬲都要排隊，Event期間仲多人，排左成2個鐘。夏天排到咁熱，食雪糕真係岩哂。個雪糕會配醋。好特別！！！然後仲叫左個就意粉，成隻軟殻蟹上，配埋湯，先98蚊，性價比極高。個意粉辣辣地，好惹味。個場地佈置好靚。氣氛好好，好開心。不過全日loop住林家謙嘅歌可能會有小小悶😂😂😂😂期待下次再黎！

📍灣仔 TroisFans嚟朝聖🤩之前林家謙（又稱林嘟嘟）喺到搞唱片簽名會💿 Cafe不斷播家謙嘅歌🎶但無播doo doo doo😂Cafe內外每個角落都以MV出現過嘅元素佈置，例如海馬同Doodoodoo🔴店內以屋邨為主題，中間長餐枱同地板都用上籃球場線條🏀，兩邊用咗對比色，一邊係粉紅牆身加深藍色櫈，另一邊係湖水綠牆身加橙色櫈，顏色鮮明。𓇠 墨西哥軟殼蟹意粉 $98 𓇠用QR code落單，估唔到星期六都有Lunch Set (11-6)，平日仲包埋甜品🍮每條扁意粉都沾滿辣椒粉，有少少辣🌶醬汁用番茄同洋蔥整成，好惹味🍅但偏乾，可以落多少少汁。軟殼蟹炸得酥脆唔油膩🦀有沙律菜同牛油果花伴碟🥑跟餐嘅蘑菇湯濃郁Creamy同帶牛油香🍄 加$25有一杯咖啡，唔包Matcha Latte/其他飲品，叫咗一杯Cappuccino☕️唔好咖啡嘅我只係飲咗一啖，聞落好香，但有少少苦，可以配琥珀核桃一齊食。另外，”Doodoodoo Menu” 的Doodoodoo Icecream 上有林家謙「本體」👓 麻糬Doonut同開心炸薯都幾特別，大家有興趣可以試吓～PS 最低消費每人一杯飲品，進食時間60分鐘

本人貴為懶惰星人同埋終極選擇困難嘅代表 通常見到有全日早餐點都會毫不遲疑地揀佢😁呢度嘅全日早餐包括嘅材料都頗高質平時多數見到配搭茄汁豆但呢度就用左煙三文魚片代替🐟本人表示超級滿意🥰三文魚片經過煙燻所以海水鹹鮮味更加突出🌊另外仲有牛油果 炒滑蛋 細番茄炒蘑菇 兩條早餐腸仔同埋兩塊分別搽左果醬同埋牛油嘅脆麵包🍞 其中最鐘意個細番茄炒蘑菇🍄簡簡單單用胡椒粉同鹽調味就已經好好味好多汁🖤都幾豐富㗎 女仔食就好夠飽啦😍另一款叫左炸豬排酸種麵包🐷同水果梳打🧊

見呢間餐廳咁人氣，食物方面同樣無令我失望😬首先上菜嘅係吉列豬排酸種吐司，酸種麵包因為選用左天然酵母發酵 所以可以鎖住麵團嘅水份，食落麵包體口感比較濕潤而且好有嚼勁👅吉列豬排已經好細心咁幫你切開左五塊平均嘅大小，肉質鬆軟外層炸皮就香脆可口 都會食到啲豬肉甜味🐷最頂鋪左啲混合千島醬嘅沙律菜 爽脆之餘又酸酸地，味道好開胃 上面亦有少量味增醬 味道偏鹹黃豆味都幾突出💓所以呢個份量啱啱好 味增醬唔會蓋過左其他食材嘅味道，反而做到相輔相成 如虎添翼嘅效果👍