289
19
4
營業時間
星期一至日
10:00 - 22:00
以上資料只供參考, 請與餐廳確認詳情
食家推介
相關文章
有時搭巴士會經過呢間餐廳都比佢門面吸引咗，因為成間都係粉紅色牆，雖然我唔係粉紅色控但都覺得幾靚，餐廳入面裝修足滿玩味感覺，配色大膽，有時更有不同主題會更改場內佈置，係打卡cafe的好選擇SKY FLY 雲朵草莓伯爵奶茶 💓$55當時到訪咁岩餐廳同TWININGS品牌有合作，所以就推出咗一系列用茶底的飲品，外表超吸精打卡因為除咗飲品外上面有大大舊既棉花糖，底下的士多啤梨好清甜，配搭埋上面的奶茶幾freshMAYA’S SPECIAL 抹茶士多啤梨拿鐵$55就是牛奶抹茶的味道，仲加咗士多啤梨醬係底，味道不錯唯一就是份量太太少了EXECUTIVE SET $118一個套餐入面都幾多野食，每樣份量都小小的，岩晒可以share一齊食試多幾樣野，set入面包括鐵觀音茶葉蛋冷麵、芝士年糕、台意炸雞配炸饅頭，饅頭新鮮炸出夾住炸雞幾好食LINCH SET $128吉列黑毛豬日本米配炸豆腐香辣蕃茄酸醬，黑毛豬扒炸得有啲過火，比較乾身不過有豬扒醬搭救，另外LUNCH SET配搭的抹茶牛奶布甸都好好食
繼續閱讀
話說今日下午3:50我同朋友2個人第一次黎到呢間野walk in，無位，好啦咁我地就拎左號碼等位，等到中途見到其實有吉位但佢無叫我地入，直到4:15左右佢先叫我地可入座，我地唔洗5分鐘就㩒左食咩（掃code落單），咁我地叫左一個主食，一個甜品，個主食就大約15分鐘後黎，但個甜品就直到5:15都仲未黎，期間我地已經問左侍應3次（即係差唔多成個鐘，個甜品都未上），到我地唔等個甜品就埋單走人，個侍應都無向我地表示唔好意思，呢間野服務態度真係好差，永遠唔會再黎😡😡😡
繼續閱讀
呢間網紅Cafe最signature係佢嘅圓形窗口同粉紅色裝修吸引好多人注目👀但其實佢哋嘅食物都唔錯👍🏻尼間餐廳主要食多國菜亦可以話係唔同國家嘅fusion菜當日叫咗兩個lunch set其中台意炸雞配炸饅頭幾特別😝賣相好似漢堡咁🍔但因為炸饅頭比較硬好似burger咁食法係有少少困難🙃但係鹽酥雞非常酥脆🍗配上好西隊長最鍾意嘅炸饅頭☺️食完好滿足🥰另外鹽酥雞定食一樣啖啖肉非常香口😙呢間Cafe係寵物友善Cafe🐶所以都見到好多主人帶寵物過嚟打卡📷裏面嘅設計都好特別不過留意週末就會有好多人👭👫🏼所以最好早少少嚟排隊啦～🚶♂️🚶🏼🚶🏻♀️
繼續閱讀
最近又翻撻Trois Cafe，以Cafe 黎講佢地性價比好高，之前食過一碟意粉，超飽，先98，仲要有軟殻蟹。今次再去因為佢地又搞crossover 啦！！！今次係同Kuromi，其實本身係Melody 嘅Fans😂😂😂😂😂😂今次去個pops up都幾得意😍😍，有網球。食左佢地個cupcake，無食切啲朱古力牌。本人對朱古力牌不好，都係gimmick野😅😅。不過cupcake 體本身夠濕潤，抹茶味係超正！！！另外仲叫左買一送一牛扒😍😍😍😍超抵!!!!半熟，好好食！！！！仲有好香口嘅薯條同埋Cafe無限時，由下就坐到夜晚6點幾。帶埋電腦黎做，正！
繼續閱讀
我滿心期待咁去食，見到好多comment都話好味，又話靚，咁就訂位食晚飯，但係冇諗過，竟然可以咁差。首先嚟左個蘑菇湯，好多菇，但係成個感覺好奇怪，似汁咁。然後到2杯Kuromi飲品，一杯係紫薯，但佢冇紫薯味，有啲似飲奶水….另一杯係綠茶味，算比較正常，但入面既珍珠未煮熟，仲係粉嚟。之後到小食薯條，呢個薯條炸到透晒，全部都係脆既，但同時亦勁乾之餘又油，我真係唔明佢點做到…. 跟手到我朋友叫左既牛扒送羊架，嚟到個牛扒係全熟，然後個羊架係1成熟🥶，基本上個羊係切唔到亦食唔到….. 個牛就柴到唔想食….. 佢話連茶餐廳都好味佢100倍。最後到我叫既軟殼蟹牛油果意粉，我以為呢個會安全，點知都係唔得🥹🥹🥹佢個意粉又係唔熟架，硬同粉😵💫😵💫。原本我想食Kuromi既蛋糕，但係食完呢啲之後，我真係唔敢再叫，我實在唔想再浪費食物…..而我朋友食完佢話好餓，要再買嘢食….我其實最初都冇期待佢好味，但見到其他人講到咁好，搞到我好期待，點知係我入世未深，完全係伏中之伏。希望餐廳認真正視食物質素，唔好只係整嚟俾人打卡，咁做係好難有回頭客架…..
繼續閱讀