The Joomak (已結業)

1. 牛油果醬炸雞牛油果醬是酸的，完全沒有牛油果的味道。炸雞很乾，一點都不juicy, 表面的皮又厚又鞋，仲要唔脆。KFC炸雞仲好食。2. 吞拿魚飯卷一開始上錯左個素菜飯卷。吞拿魚飯卷的紫菜是淋的，啲飯又乾又硬，冇乜味，都唔知食緊啲乜。3. 羽衣咁藍餅我哋加左蝦同芝士，但好奇怪，照片和網上食評明明是綠色，我們的竟然是啡色。食落口又係冇乜味，一pat野咁，睇見都無胃口。4. 人蔘素雞湯（全份）呢個簡直係難食之中嘅難食，首先個湯味道古怪，又咸又甜仲有啲調味醬嘅味道，但完全沒有蔘的味道。素雞入面有糯米飯，但一pat野淋啤啤，食咗兩啖就冇食。5. 牛肉拌飯呢個唔係難食，放得入口，但真係普通到不得了，係我食過嘅牛肉拌飯入面最唔好食嘅一個。6.熔岩芝士包因為入面嘅炸物實在是太難食，所以最好食的竟然是個包。包的表層是脆的，入面充滿芝士，但係芝士是冇乜味，但也能接受。但炸物的皮真的是又厚又鞋口，入面的東西仲要冇味。我哋一行六人都有點野飲，嘢飲的售價普遍偏貴。我點了一個$129 給二人享用的飲品，視覺效果ok, 有乾冰冒煙，但飲落去竟然是普通罐裝橙汁加冰，再加幾片葉和士多啤梨，每人才能分到一杯半（係好細

同識咗十幾年嘅朋友慶祝生日,要諗食啲咩真係有點難度..今次選擇Joomak係因為見佢環境靚,望曬海咁,又以健康韓食為賣點,好似幾特別,就試一試佢!因為未人齊嘅關係,我哋首先叫咗個芝士紫薯粟米止吓肚餓先!雖然紫薯味不是太突出,但係濃濃芝士再加上香甜嘅粟米已經可以好好味!我哋仲encore咗一次😆頭盤我哋仲有韓式素肉飯卷,本人真係好鐘意飯卷上配襯嘅杏仁片,口感大增,加上像真度100嘅素雞,值得一試!餐牌嘅菜式多到我哋都唔知點揀,相嘅賣相樣樣都咁吸引!芝香雞上嘅豆苗令到整個菜式添上一點嘅清新,味道恰到好處食韓國菜當然唔少得我最愛嘅芝士同炸雞啦😆味道一流,如果啲芝士可以熱啲更好而飲品方面,原本好想試土耳其蘋果茶,好可惜當晚售罄😭不過之後叫嘅洋金菊黑杞子茶都ok,菊花味甚濃,加上蜜糖係另外配上,可以自己調校甜味而另外幾位朋友都點咗一杯名為「巔峰狀態」嘅飲品,其實係一杯近期好流行嘅羽衣甘藍飲品,仲有濃度可供選擇最後除咗食物好味之外,值得一讚嘅係侍應生嘅服務>>>一開始安排我哋嘅枱太細所以我哋要求轉枱,雖然有小小爆場,但係佢哋都好樂意,係而家啲餐廳好少會做到

呢日同朋友行街行到餓餓地，跟住大家都俾呢個噴曬煙既冷麵吸引住......依家八月做緊南瓜味既冷麵，其實紅梅味，但要九月先有！如果今次試左係正既，下個月可以帶女皇黎食下冷麵三款選擇，我地就揀左“手撕韓式牛肋骨冷麵”HKd$108+10%我同朋友都好中意食牛油果，所以見新口味既炸雞有牛油果就既刻點埋“青檸牛油果麻藥炸雞”HKd$138+10%一齊食我地被安排坐喺窗口位，相信晚上黎食有個靚景咁對住會好正個4°c冷麵好快就送到黎啦，同朋友都快快手影左先我地揀左配柚子汁，而冷面當中除左有手撕牛肋肉之外，仲配有雞蛋、青瓜絲、泡菜同雪梨條雖然麵條既南瓜味唔出，但混合左啲配菜同油子汁食落真係好清新而呢個“青檸牛油果麻藥炸雞”更加令我地好驚喜！個雞炸得唔油膩之食，雞肉都好滑加埋個酸酸地既青檸牛油果醬黎食真係無得輸食完要解解渴，睇完晒meun之後.....我地決定飲品都要試新野，點左個都係夏日推出既“水果覆盆子紅醋(二人份量)”HKd$128+10%望落有咁多生果都已經覺得好fresh雜果既甜加埋果醋既酸，味道唔錯好解渴，的確好岩夏天飲坐下坐下，見到隔離兩枱都食緊甜品，我同朋友最終都係受唔住誘惑.....

一定不再來，又難食，係我食過最不好吃又貴的韓餐，收加一冇service, d waitor 又唔識收碟，又臭串話1.5 hr 後趕人走，會幫我打埋包請我走，1.5 hr 後咪又係冇人，垃圾

朋友上次同我食完依間係海港城嘅韓國菜之後，成日都同我講想食多次，今次我地又再黎啦！呢間餐廳成日都有唔少期間限定嘅菜式，冬天就會有人蓼雞鍋。夏天就有新出嘅冷麵，切合每個季節。一打開Menu點返七月至10月都有唔同款嘅期間限定冷麵選擇。我哋就揀咗牛肋肉冷麵試一試！餐牌上有圖文並茂教你食手拉冷麵嘅步驟，唔使怕唔識食！4度手牛肋肉手拉冷麵分別有三個手拉冷麵，我哋三個女仔一人一個啱啱好！另外佢都有俾指定嘅冷麵汁同紫菜俾我哋撈黎食，比較特別嘅係，白色嘅唔係醃蘿蔔而係梨黎，甜甜地。冷麵汁會有酸酸甜甜嘅夾感覺好清新同好開胃。呢個冷麵喺韓國菜來講都會比較清淡又有新鮮感！牛油果青檸麻藥炸雞可能因為夏天關係，成個Menu嘅菜式都係比較開胃。呢個炸雞就會有青檸汁同牛油果醬，炸雞會比較脆口，加埋少少芝士粉，味道好特別，別於一般炸雞！水果柚子茶茶入面有唔少新鮮生果，士多啤梨、鮮橙同菠蘿片。柚子好出色，茶味偏淡，另外，份量岩岩好兩個女仔飲！另外個位就要另外叫野飲啦🙈

呢幾日，日日都三十幾度，酷熱天氣真係令人好唔舒服，小背心、短裙、熱褲都唔足夠幫我驅走悶熱。23/7海港城喺IG POST左一幅The Joomak嘅4°C冷麵，個冷麵好靚，仲要噴晒煙，一睇已經好吸引。今日終於約朋友嚟一試究竟︰夏日限定嘅4°C手拉冷麵，原來每個月只有一款口味，七月︰艾草味、 八月︰甜南瓜味、九月︰紅梅味、十月︰瑪黛茶味。我鍾意嘅粉紅色係紅梅味，要九月份先有喔。既然嚟到，點都要試吓，最多九月再嚟!!! 冷麵味道冇得揀，但配料可以揀甜腐皮$98、韓式辣豬肉$98、手撕韓式牛肋骨$108，亦可配一款冷麵汁﹕味噌杏仁奶或香草柚子汁。全素者仲可要求取消雞蛋，都幾貼心。食肉獸嘅我哋，揀左手撕韓式牛肋骨$108配味噌杏仁奶冷麵汁。冷麵一上枱就仙氣迫人，我地即刻喪影~影~影~啲仙氣湧晒出嚟︰等左一陣仍然仙氣迫人，暑氣全消︰要等好一陣先見到個全貌︰紫菜加幾多悉隨尊便︰影完就跟足五步曲去做︰冷麵食唔出艾草有咩特別味道，只覺涼快。味噌杏仁奶亦唔覺有好濃嘅杏仁味，聞落反而有啲似麥精味，但味道偏咸。 配料有泡菜、水梨、青瓜、糖心蛋，最驚喜係水梨，非常清甜。飲品叫左水果覆盆子紅醋$128，足夠2人

約了很久的生日飯, 終於落腳在尖沙咀的THE JOOMAK, 這裡最近推廣的是韓式素食, 看著餐牌也吸睛, 尤其那杯可以選擇不同濃度的羽衣甘藍, 下次一定要品嚐; 今晚一就坐就見旁邊的客人點了會噴煙的冷麵當然即叫 (其實只是乾冷效果, 三個半百歲老人卻裝小孩扮驚奇反應 ) 另外再點了酥炸芝士魷魚魚桶, 韓式素肉卷及香辣年糕, 另加兩杯柚子可可雪沙及紅棗草莓雪沙韓式素肉卷($98)及香辣年糕($68) 只是三分鐘便上枱, 是預先做好了的吧?! 素肉卷配菜調味好像有點不足, 淡淡的 (吃過其他店的素飯卷, 配料調味都可以做得很香很美味, 至少這裡的素肉卷沒有麻油的香) 香辣年糕不夠熱, 只是微暖, 味道還可以因為旁邊客人的冷麵噴煙的很誇, 但當我們的冷麵來到卻只有三成剛才的效果, 難免即時興致降溫 (來吃飯還是吃興致的呢?) 點的是火辣豬肉冷麵 ($98), 配料不算多, 豬肉不夠辣 (而且份量有點少), 放在大大的木盤上顯得有點空盪盪, 我們選了柚子汁, 吃下來也沒有太特別的味道, 有點失望最後來的酥炸芝士魷魚魚桶 ($68) 味道也可以, 不過如果芝士味可以濃一點則更完美了; 兩杯飲品

LCX內既一間新派韓式餐廳，好有氣氛，環境又好，對住海景啊😍雖然明知係韓國菜，但係餐牌款式又多，好似好多食物都好特別同吸引，樣樣都好想試🤔*溫馨提示* 每枱只可用膳90分鐘，如果想坐低同朋友傾耐啲計，時間就唔係好夠用啦！餐廳職員話粟米同炸雞係佢哋嘅招牌菜，就即管試試佢啦！有炸雞梗要整番杯凍飲😝卡邦尼x年糕😳真係夠特別，雖然醬汁唔錯，但係加起年糕就覺得怪怪地，不過試吓亦都無妨。烤豬肉通常都係韓式主菜，好穩陣嘅菜式。雖然係新派菜，但係都不失韓式味道，辣味好夠，所以我喜歡😋

芝士炸雞$138: 賣相幾好, 有cream cheese, 牛油果醬, 不過唔熱, 唔脆, 味道唔突出, 啖啖肉, 食到有D漏, 竟然食唔晒牛肉炒粉絲$108: 甜甜地, 都算可以原味煎餅$88: 除咗兩片菇, 基本上冇餸, 可加1-4樣餸, 每款$8, 有煙肉/魷魚/蝦/芝士等, 塊餅好冧, 可能韓式係咁, $88蚊塊餅再俾錢加餸有點兒那個, 加咗三樣餸, $112啤酒$78: 餐牌啤酒有冰蓋, 即係啤酒沙冰喺頂嗰種, 都唔諗住真係有冰蓋啤酒, 黎到真係冇, 咁餐牌張相係咩意思?服務: 有待改善, 斟水水太猛, 瀉咗半杯喺枱 / 另外好似有個女仔新員工到步, 俾人拉咗去後樓梯換制服, 行到半路又話唔使換, 我望一望, 個女仔都係白衫黑褲同其他職員一樣唔會再幫襯了

素食日漸普及，不少餐廳也推出素食的菜式，早前經過LCX 的 The Joomak ，發現也有加入有韓式素菜餐目。巔峰狀態 - 羽衣甘藍飲品 $58內有近期熱門食材羽衣甘藍，還有新鮮菠蘿、意大利PANNA礦泉水、薄荷葉、杞子及韓薑，味道非常清新，清甜帶微辛。CHOCO MILK MILKSHAKE $55朱古力不太重，口感很creamy。酥炸芝士魷魚魚筒 $68炸得很鬆脆，一咬開便見條條芝士絲，芝士味濃但沒搶掉魷魚的鮮味，而魷魚口感夠軟稔，不錯。韓式素肉飯卷 $98這是素菜餐目其中一款，用素肉做成的飯卷，味道絕不遜色，加上爽脆的青瓜及醃蘿蔔，口感味道一樣豐富。翡翠韭菜煎餅 $88我非常喜歡韭菜，一見素食餐牌上有這個，就決定要點，煎得夠薄夠香口，煎餅漿弄得不錯夠煙韌，加上超級多韭菜豐富了口感，且啖啖韭菜味充斥口腔，韭菜迷一定會愛上。卡邦尼年糕 $68賣相不怎麼好看，但一向都覺得韓式年糕用上卡邦尼的煮法是頗適合的，而這裡亦真的處理得不錯，年糕也夠煙韌，只是個人覺得醬汁多一點會更好。芝香.雞 $138芝士和醬汁不少，完全吃得出芝士味，雞算是外脆内嫩，但可能味道較濃，多吃幾件會有點膩。TIRAM

某剛開幕既台灣餐廳己經爆到無得等位，我地一行四人就去左The Joomak 拎ticket啦。先行開一間收到message話得反5張台咪由盡頭個邊行返過去。點知去到又已經叫過左！原來門口個位小姐每一個號碼係會肉3秒99讀兩次就叫next 不過唔緊要啦。我地行得慢啦咁就睇住menu等下就終於到我地。叫左個Carbonara年糕，黑蒜炸雞，魚糕湯，芝士盒拼盤同最推介同意外嘅: kale pancake with cheese and prawns ! 年糕一般，魚糕湯本身就最期待點知又貴又難食。芝士盒好特別，炸物高質，用料好，有魷魚，有炸年糕，有雞，翠肉瓜同菇。麵包盒本身都好食炸雞上面有黑色既沙律醬，好食但係無蒜味，而且就唔suggest 約會中既情侶叫最後個kale pancake 真係無得輸！本身己經特別，個pancake 唔會好粉，脆口又唔乾，配料可以自己揀。真係必食丫！

This is an interesting place for fusion Korean food. They have rice cake with spaghetti, chicken rice with ginseng soup etc. Food is not bad. Their service is quite unusual. We had a special request to not have certain ingredient in the meal. It took them 15 min to come back to say that without that ingredient, the meal would be too small. So they are quite rigid about their menu - they can't put more of other ingredients to make the meal a reasonable size. When the meal is served, they put it

病左一個星期，感恩胃口慢慢回復，至少有肚餓的感覺！今日食清d，食下韓式素菜！和好朋友的飯聚，再一次的韓國菜，我地常常的聚會都係以韓國菜為中心。今次去左尖沙咀LCX的The Joomak! The Joomak除左個無敵大海景之外，我最鍾意就係呢大半年都有推的韓式素菜, 又健康！又特別！羽衣甘藍煎餅好香口，幾乎每枱客人都有叫，可見都好受歡迎。加埋我今次的新寵兒，健營藜麥沙律，材料有牛油果，菠菜苗，火箭菜，藜麥，驚太過青仲有芒果添，配上海量的綠色，腸胃大人表示好正！為左不要令朋友無癮，都叫左一碟韓式烤牛肉。都好嫩，又香口，送飯一流！

成日出街食既我，真係吾多健康🙈 食下養生既菜式又ok wo ! 當清一清腸胃，除左有幾款養生菜式，仲有好多平時食到既韓國菜，迎合吾同口味既朋友仔😁加上，賣相真係有心思！📷✨.韓蔘素雞湯 $198 一份 $138半份，蔘味幾濃郁，有兩大舊素包雞，外面係厚既腐皮，包住素雞同糯米飯，浸滿蔘湯味，幾特別，好食呀！岩晒湯王既我，算就食飽飽都忍吾住繼續飲😍.韓式甜辣素炸雞$118個醬幾開胃，外面係炸豆卜，不過一般般。.韓式素飯卷$98幾足料，細細舊，輕鬆一口ko, 不過味道較淡。.健營藜麥沙律$128 (菠菜苗,火箭菜,羽衣甘藍,芒果,牛油果)好大碟！好健康，牛油果同芒果都夠熟😋 不過都係味道較淡🙈.韓式魚糕湯$128三大支魚糕，好厚身，幾好食，湯好清甜，我又想飲光光😂.馬格利(菠蘿) $68cocktail $58mocktail我揀左mocktail😌 賣相好吸睛！😍 藍色好靚呀！菠蘿汁味道特濃，略嫌甜左些少。.土耳其蘋果茶$68又係靚靚賣相！💕 酸酸地，感覺幾消脂😏

Joomak主打健康韓食，另外更有唔少素食選擇，啱唒追求健康飲食的女士們這杯kale係Joomak的主打飲品，根據佢嘅描述，材料主要有羽衣甘藍，菠蘿，杞子，韓蜜等，但呢杯野真係唔推介，味道淡冇蜜糖味冇甜味冇菠蘿味，得草青味，調味做得比較差另外嗌左芝士炸雞，份量唔少，兩個人食會食到好濟，但雞肉都算嫩滑，芝士味濃，唔錯！煎餅可以自選配料，我嗌左原味煎餅配磨菇，唔脆冇調味，九十幾蚊性價比低！總括黎講，食物質素唔高，性價比低，唔推介！