影片
更多
2017-08-02
4124 瀏覽
呢幾日，日日都三十幾度，酷熱天氣真係令人好唔舒服，小背心、短裙、熱褲都唔足夠幫我驅走悶熱。23/7海港城喺IG POST左一幅The Joomak嘅4°C冷麵，個冷麵好靚，仲要噴晒煙，一睇已經好吸引。今日終於約朋友嚟一試究竟︰夏日限定嘅4°C手拉冷麵，原來每個月只有一款口味，七月︰艾草味、 八月︰甜南瓜味、九月︰紅梅味、十月︰瑪黛茶味。我鍾意嘅粉紅色係紅梅味，要九月份先有喔。既然嚟到，點都要試吓，最多九月再嚟!!! 冷麵味道冇得揀，但配料可以揀甜腐皮$98、韓式辣豬肉$98、手撕韓式牛肋骨$108，亦可配一款冷麵汁﹕味噌杏仁奶或香草柚子汁。全素者仲可要求取消雞蛋，都幾貼心。食肉獸嘅我哋，揀左手撕韓式牛肋骨$108配味噌杏仁奶冷麵汁。冷麵一上枱就仙氣迫人，我地即刻喪影~影~影~啲仙氣湧晒出嚟︰等左一陣仍然仙氣迫人，暑氣全消︰要等好一陣先見到個全貌︰紫菜加幾多悉隨尊便︰影完就跟足五步曲去做︰冷麵食唔出艾草有咩特別味道，只覺涼快。味噌杏仁奶亦唔覺有好濃嘅杏仁味，聞落反而有啲似麥精味，但味道偏咸。 配料有泡菜、水梨、青瓜、糖心蛋，最驚喜係水梨，非常清甜。飲品叫左水果覆盆子紅醋$128，足夠2人
夏日限定嘅4°C手拉冷麵，原來每個月只有一款口味，七月︰艾草味、 八月︰甜南瓜味、九月︰紅梅味、十月︰瑪黛茶味。我鍾意嘅粉紅色係紅梅味，要九月份先有喔。
既然嚟到，點都要試吓，最多九月再嚟!!! 冷麵味道冇得揀，但配料可以揀甜腐皮$98、韓式辣豬肉$98、手撕韓式牛肋骨$108，亦可配一款冷麵汁﹕味噌杏仁奶或香草柚子汁。全素者仲可要求取消雞蛋，都幾貼心。
食肉獸嘅我哋，揀左手撕韓式牛肋骨$108配味噌杏仁奶冷麵汁。冷麵一上枱就仙氣迫人，我地即刻喪影~影~影~啲仙氣湧晒出嚟︰
等左一陣仍然仙氣迫人，暑氣全消︰
要等好一陣先見到個全貌︰
紫菜加幾多悉隨尊便︰
影完就跟足五步曲去做︰
冷麵食唔出艾草有咩特別味道，只覺涼快。味噌杏仁奶亦唔覺有好濃嘅杏仁味，聞落反而有啲似麥精味，但味道偏咸。 配料有泡菜、水梨、青瓜、糖心蛋，最驚喜係水梨，非常清甜。飲品叫左水果覆盆子紅醋$128，足夠2人用。覆盆子即係紅莓，韓國人用嚟製造果醋，再加上梨汁、新鮮橙汁、青檸汁、薄荷葉，同埋新鮮水果︰士多啤梨、紅莓、紅石榴、橙、菠蘿等，又香又甜，果味十足，仲可以消暑去滯。最重要嘅係上枱後放入乾冰，又一仙氣迫人之作。
成個瓶底好多紅石榴，正!
板燒安格斯肉眼排$228，真係超級驚喜︰
牛肉竟然有三層之多，仲要好好食。配有蔬菜、特製醬汁、岩鹽同芝士。
溶左啲芝士再包住牛肉食，真係大大大滿足。
缺點係個爐嘅原料係酒精膏，個火好快唔夠力，每燒完一轉就要店員加多粒，燒得唔夠暢快。青檸牛油果麻藥炸雞$138，份量十足。點解會叫麻藥？個牛油果醬加入左青檸汁，特別濃郁，特製粉末係甜甜的芝士粉，客人食過就會不自覺迷上，就好似麻藥一樣令人上癮。
外皮炸得香脆，雞肉依然保持肉嫩多汁。
甜品要左ICE CREAM CREATION嘅提拉米蘇同焦糖爆谷，兩款都用Mövenpick雪糕。
雪糕‧提拉米蘇$78，One shot espresso代替左咖啡酒，倒入杯中被手指餅乾吸收晒，算係好有誠意TIRAMISU 雪糕甜品。
雪糕‧焦糖爆谷$78，焦糖漿香甜，爆谷香口。
正當餐廳準備打佯時，客人漸去，先發現原來窗邊海景很美，同室內燈飾互相輝映︰
好食，我會再嚟，再會~
張貼
