Steak Bar (已結業)

有時會諗牛其實係香港人心目中真係好重要。不論係和牛，神戶牛，又或者係肉既內臟，牛舌呀呢D。全部都係佢地既最愛。(當然包括自己)所以今日黎到位於蘭桂坊既Steak Bar，一邊飲酒一邊食牛。中環既Steak Bar有兩層，工業風。下層面積唔大，大概有三至四個張雙人既檯。上層既話一大班人會輕鬆D。都好乾淨。衛生水準唔錯。餐牌雖然叫做Steak Bar，但唔食肉既客人都可以揀魚。而小食類既選擇係比較少。只有小貓幾隻。不過始終人地叫做Steak Bar，主打飲野同牛肉，小食既功能唔多唔少都係要黎比你伴伴酒，所以呢點情有可原。我叫呢個係Steak Bar既招牌，石燒薄切牛肉$178，STONE GRILL BEEF。一個SET有飯有沙律凍豆腐炸蒜頭同牛肉。沙律非常開胃，用左柚子汁，酸酸地好醒神。我就麻麻地炸蒜頭，好點苦澀。非常非常建議唔係話好好牛既人食。因為佢呢個薄切真係好薄，雪花雖然唔係多，不過都平均。唔會太過油膩。自己燒都易控制，但牛油有點不足，燒到第二塊已經開始會痴底.........一痴起上黎唔夠快夾起仲要火勢變大! D牛真係，食到我一碗飯都唔夠，太正，咬落好重牛味，而且好嫩，小妹正在箍

一直以黎都知Steak Bar 食扒好出名 今次就豪食一下我地每人點左一個套餐 入而面除左扒 仲包括沙律 豆腐 同埋白飯 好豐富 沙律新鮮 淋上黑醋汁 酸酸甜甜好開胃 而綿滑既豆腐配上胡麻醬 又係一款好味既餐前小食 而白飯上仲有啲海苔 芝麻得等 好惹味黎到呢度當然要試下每日限量既招牌板腱牛扒 板腱牛係牛肩胛部分既肉 好厚切 揀左推驚既五成熟 一切開入面仲係紅色既 水準唔錯 肉質非常嫩 食落好有口感 而且有豐富既肉汁 牛味濃 亦可以選擇蘸醬油或鹽一起吃 又幾好味 雖然牛扒中間有一條筋 但都幾易切 唔影響口感 哈哈 另外朋友點左吉列炸牛扒 每件牛一開始都只有兩三成熟 可以用爐自己燒 自己調教合適既熟度 雖然係炸牛扒 但唔會太乾 仲保留到肉汁 外脆內嫩 口感豐富 好正 可以自己燒 有得食 有得玩 又可以打卡 另外見呢度居然有無酒精紅酒 真係好特別 啱曬我呢啲唔飲得酒但又想飲既人 Ariel 無酒精紅酒好易入口 口感好滑 味道酸酸地 好好飲而Eel River Acal Wheat 都好飲 好易入口 唔係普通既啤酒味 充滿著濃濃既berry味 好特別 

今日同女友去大館影下相，順道食個午餐。經過steak bar，見佢個menu吸引，而且餐境環境都唔錯，於是決定幫襯我地一人叫左一個set lunch。每個set lunch跟一份前菜、沙律、飯。前菜係麻醬豆腐，加埋沙律，非常開胃。佢嘅白飯上面鋪滿左飯素，出面好少見到我叫嘅係吉列炸牛扒，出面真心未見過有吉列牛扒，所以好想試下牛扒會幫你切好一小塊，而且仲提供小小嘅火爐比你燒，可以按個人喜好，決定牛扒燒到幾熟我覺得呢個設計好貼心，滿足鍾意食牛嘅人，自己決定牛扒幾成熟女友叫左香煎魚柳。魚柳好大塊，夠哂金黃同埋香口我地坐係近住窗口嘅枱，可以望到出面行過嘅路人與街道，一邊食野，一邊望住街景，感覺牀寫意。食完lunch，充足電，我地就出發去大館嚕

Steak Bar是以牛肉為主打項目的店子，水準唔錯, 在登龍街的店子長期人氣高企, 在短時間內已在中環開了分店, 這晚就來一看究竟。店子面積不大，可以容納的客人不太多, 在暖色燈的照射下，以淺色木為主調的舖面感覺是柔和的, 大約六時半來到，已坐了幾枱客人。 飲品方面, 先來枝樽裝朝日啤酒, 入口冰凍順喉, 感覺唔錯。好了，主角上場，侍者將頂級板腱牛扒拿上檯, 牛扒選擇了五成熟，牛扒烤得不錯,切開了後可見到粉紅色的肉質, 肉汁非常豐富, 有濃郁的肉味, 入口肉質細嫩帶嚼勁, 再配上白飯、沙律及豆腐, 整份牛扒吃完後真的滿足。在多種食材之中, 牛肉確實有一定的吸引力, 而靚牛肉就更加可以誘惑一眾食客, 以靚牛肉作招徠已經是收視保證, 這晚的牛扒有水準，在此區也算抵食, 加上環境和服務同樣滿意,是值得一試的。

今日係中環跑完步，就當然想食啲蛋白質補充下！第一時間就諗到一定要食牛，除牛之外的其他肉都唔考慮！最後選擇左位於蘭桂芳雲咸道的steak bar 食牛！餐牌奉上。見到石燒吉列炸牛扒🤤毫不猶豫就點左。Set 內有包飯、沙津、前菜外層只係輕輕地炸過，見到牛肉得三成熟都未必有。你想可以直接食，不過我建議石爐燒一燒好食好多🤤牛油可以多一點，好驚燒焦又可以享受炸又可以享受自已燒，想食幾熟都得🤤我自己就每邊燒幾至十秒，大概五至七成熟，係好好食，肉嫩口得黎又鎖住肉汁，再加外炸皮，真心正。我朋友就點了頂級板腱牛扒，都係set.一見到覺得好大份好足料🤤已經夠哂。好厚，好多汁。食肉獸必點👹。個人都係鐘意7成熟，5成唔啱我。每份set 跟的飯都有落拌飯素，香港比較少見。但拌飯素絕對無得輸！無敵好食！下次要再試下其他牛肉🤓今日好飽。

話說同朋友去蘭桂坊食飯，有間新開主打食吉列炸牛扒既餐廳，佢本身銅鑼灣都有分店。餐廳有上下兩層，咁啱我地被安排坐係下層，所以唔知上面環境係點🙉由於下層有水吧同廚房，所以就唔多枱~侍應好好咁同我地介紹下餐牌上個幾款牛唔同部位有咩特別，口感食落係點，或者邊啲款式係較受歡迎👍🏻🐮吉列炸牛扒套餐 $188 (4.5/5) 可以用鐵板爐自己燒既得石燒薄切牛肉同吉列炸牛扒。見到有石燒薄切牛肉，就諗住試下，點知賣哂😢就揀返吉列炸牛扒，套餐包括有飯素既白飯、沙律同麻醬豆腐。牛扒會先炸到一成熟先上枱，另外會有一個放左牛油既鐵板爐，然後自己就可以係鐵板爐燒到自己喜歡熟既程度，只要稍稍將兩邊燒大約30秒，就已經有外脆內軟既口感，再點少少鹽，已經好惹味😋😋.🥟雞軟骨餃子 $45 (4.5/5) 我地另外加左個雞軟骨餃子，未食過咁新穎既配搭😆應該啱啱整起所以好新鮮滖熱辣，個皮仲要煎到金黃色，咬落好脆口添👍🏻不妨試下.🐷珍寶德國腸拼盤 $168 (4/5) 點既時候侍應已經俾左心理準備我地啲腸都幾大條，話如果我地食唔哂可以拎走😂最後我地真係食唔哂，不過啲腸係幾好食既，個人覺得點芥末醬好食啲。如果多人食既可以叫黎sh

早排同屋企人去咗呢間位於中環嘅新餐廳食晚飯~ 呢間餐廳主打食扒，有提供唔同肉類俾客人選擇。 我哋一共叫咗三個set。 分別係安格斯牛扒、 羊扒同鱈魚扒。 安格斯牛扒肉質鮮嫩，牛味濃郁，而且係厚切，所以食落啖啖肉，口感一流。 可以點蒜鹽或者燒汁一齊食，味道更加惹味。 羊扒肉質亦都非常嫩滑 ，脂肪部分充滿臊香，鍾意食羊嘅朋友一定like!!! 可以點埋芥辣一齊食，就更加惹味啦 😋 鱈魚扒外皮煎得香脆，魚肉非常嫩滑，充滿油香，可配檸檬牛油醬一齊食，味道分外清新特別。總之三款扒都非常美味!! 每一個餐都配有白飯，白飯上面仲加咗飯素，增添和風味道。另外套餐仲有提供沙律同麻醬凍豆腐，可以響食完肉之後，可以降低食肉嘅油膩感，帶嚟一股清新~鍾意食扒嘅朋友一定要黎試下呢間餐廳，包你一定抵受唔住靚扒嘅誘惑哦~ 🤭🤫

香港的食肆更替速度真快，不過數個月前，我才在這餐廳所在位置吃過韓國炸雞，這一晚，我已在同一個地方，與老婆仔一起享受了一頓日式牛扒晚餐。 餐廳其實在銅鑼灣已有一間店舖，這間是它的分店，店子地方不大，卻有上下兩層，外望可看見藝穗會。而我就和前次一樣，在樓上一層用餐。 餐廳主打數款套餐，包括「石燒薄切牛肉」（套餐價 $178）、「安格斯西冷牛扒」（套餐價 $258）、每日限量供應的「頂級板腱牛扒」（套餐價 $215）、「吉列炸牛扒」（套餐價 $188）、「羊架」（套餐價 $248）和「香煎魚柳」（套餐價 $195）六款，雖然吃的多數是牛，都有羊和魚可供顧客選擇。此外，餐廳也有多款紅酒、白酒、日本清酒和啤酒供應，如果點選以上套餐的話，就可以 $58的優惠價加購一杯澳洲 Shiraz紅酒。而當然，不喝酒的話也有多款非酒類飲品可以佐餐呢！而且這兒還有一些套餐優惠小食，好像「雞軟骨餃子」、「吉列炸蝦」和三款不同口味的「薯條」等，可供愛喝酒的客人邊鋸扒，邊飲酒，邊吃小食佐酒，更加盡慶。 兩夫妻分別點選了「吉列炸牛扒」和「頂級板腱牛扒」做晚餐，分甘同味。 「吉列炸牛扒」先上，還有一個小火爐放在旁

女友考完試當然要同佢食餐勁，之前好多人向我介紹過steak bar，今次一於帶女友去食。餐廳位置係蘭桂坊，不過今日係閒日，未能一睹蘭桂坊瘋狂熱鬧嘅場面。餐廳樓底高，色調以黑為主。去steak bar當然要食牛，但估唔到餐廳行日本風格，以定食為主。每款定食都有前菜、沙律同味素飯。每一款定食都非常吸引，幾經掙扎之後，我叫左安格斯西冷牛扒定食。塊西冷夠曬大件厚身，切開後見到粉嫩既肉質。味道亦無令人失望，牛味香濃。味素送飯一流。女友叫咗吉列炸牛扒定食，鐵板上預先放上牛油，所以牛扒煎完特別香，肉味更突出，肉質亦相當稔滑。回想起上次體驗呢種味覺享受要二百幾蚊，但steak bar只需要$188左右。依家定食加$58就有一杯shiraz紅酒，紅酒加牛扒真係絕配！

今天去咗中環蘭桂芳近雲咸街果間Steak Bar 食晚餐！由於時間早，所以唔使等位，由店員安排坐上層，近窗位置，居高臨下，隔住窗落地玻璃，可以外望街景！依餐牌點咗個頂級板腱牛扒套餐，內容除牛扒外仲有蔬菜沙侓前菜，跟一碗飯！另外叫咗一客炸薯角！件頂級牛扒大大件，吩咐五成熟，肉質腍軟味道鮮美，咬落充滿豐富牛味肉汁，水準甚高！加少少海鹽更令味道提升！炸薯角份量好多，熱辣炙手！蘸些茄汁一齊食，好味道！一份餐，一個薯角，二人進食已經好足夠！一面食嘢，一面睇吓外面道熙來譲往人羣，又是一種享受！

閏蜜生日👯‍♀️帶左佢去食吉列牛慶祝❤️佢地喺中環蘭桂坊開左新分店🤤Dinner Set包括左：前菜、沙律、配上有飯素既珍珠白飯🍚前菜係麻醬豆腐😆😆 飯素絕不吝嗇啊！除左吉列牛，佢地仲有稀少部位頂級板腱牛扒🥰🥩吉列炸牛扒 $188預先炸好左牛既外皮，入面差不多係全生的店員幫手呈上石板爐😍再加一舊邪惡的牛油😝牛扒肉味超香呀！鬆脆有口感，而且有韌性😆仲有海鹽或秘製燒汁提供，令肉味更加突出🥩石燒薄切牛肉 $178呢款我都非常推介👋🏻因爲牛肉超新鮮☺️好juicy又軟腍🥰肉質超級嫩滑🤤環境氣氛都好好😆仲可以叫酒飲下🍻男仔唔夠飽的話可以追加小食～服務態度都好滿意😛大家可以試下

話說咁岩係中環又突然想食牛扒，就黎左呢間都算就腳既steak bar鋸下扒啦套餐$258 安格斯西冷牛扒套餐配有前菜、沙律、飯一黎到就聞到塊扒勁香，牛扒佢都算厚身，我就嗌左3成熟，切開左都幾嫩。佢一邊係肉，一邊係脂肪，聽店員講西冷就係食佢啲油脂香，加埋佢有蒜鹽同埋燒汁，真係好惹味！不過缺點係佢有筋，某啲位會比較難切同咬前菜係麻醬豆腐另外，飯上面有飯素，增加口感同味道！成件事即刻唔同哂，一啖飯，一啖牛扒，真係超級滿足！套餐加$58shiraz紅酒一杯

近年主打炸牛扒既Steak Bar 由中環一間小酒吧做起上年轉戰銅鑼灣,今年重返中環開設分店分店更大,有2層,有紅酒,有啤酒,雞尾酒真正可以又食又飲既好地方餐牌有招牌吉列炸牛扒 石燒薄切牛肉 香煎魚柳安格斯西冷牛扒,羊架每天限量供應既頂級板腱牛扒 $215  大大塊,肉汁豐富有彈性可追配小吃,有炸魷魚,枝豆,薯角,薯條,德國腸拚盤,洋蔥圈,雞軟骨有幾款紅酒可以選啤酒有朝日,青島,嘉士伯亦有白酒,清酒,威士忌,雞尾酒,非酒類飲品 (可口可樂,橙汁等)四款特色手工啤酒 吉列牛扒SET $188Dinner set 配白飯,飯上放滿飯素,拌勻吃不錯仲有麻醬豆腐一份,沙律一份飲品不包括在內炸牛扒用上一層很薄的麵衣包裹著,牛扒大約有3成熟左右配上一個小煎爐,爐板上已放了牛油,可自行將牛肉煎到想吃的熟度一般大約每面煎個3-5秒即可封鎖住牛肉既肉汁,外脆內嫩多汁,沒有筋,牛肉本身質素不錯配上店家的醬汁一起吃,味道更突出呢!頂級板鍵牛扒(限量) $215板腱位在牛隻的肩胛部肉質細緻豐富油花肉質嫩滑,但肉味更突出不輸西冷等其他部位一整片250克去煎煎至5成熟係最佳熟度切開肉質見到相當細緻咬下仍有滿滿的肉

話說星期六去了中環接朋友放工然後去了朋友想試嘅新餐廳呢間餐廳叫steak bar顧名思義主要就係食牛扒眼見份量不少，怕吃不完所以就嗌了一個套餐再加小食。。。。。。。。。。。。。。。Set C: 頂級板腱牛扒 (每日限量)(套餐已包前菜，沙律及飯)▸板腱牛扒非常厚身，嗌了五成熟嘅關係，切開還是粉嫩，肉質嫩腍得黎帶點咬口，而且牛味非常香濃，可配上旁邊好香嘅日本蒜鹽或帶少少甜嘅燒汁同吃，重口味一點可配上面頭好香嘅炸蒜同吃，更香更惹味🤤 唯一缺點就是中間有條筋▸前菜是麻醬豆腐，最喜歡這裡的飯加了飯素。。。。。。。。。。。。。。。。另外小食點了炸魷魚圈▸份量都唔少，炸漿不會好厚，炸到金黃色頗鬆脆，亦都炸得剛好，不太油膩，配上他他醬，不錯吃😊

好耐無食過石燒牛啦😍 就試佐想試好耐既steak bar.店面唔算好大，而menu有幾款牛簡🙈店員都有略略同我地介紹，佢話其實牛扒就係佢地既主打：鐘意食口感的話——安格斯西冷牛扒；鐘意食牛既濃郁肉汁——頂級板腱牛扒.頂級板腱牛扒 $215每個set都會配有味素飯同沙拉同麻醬豆腐，比較似日本既定食擺盤😎 牛扒仲有蒜片係面😚 個牛一切落去，肉汁慢慢滲出黎，食落好juicy，牛味香濃，肉感肥美嫩滑唔會un，可以配搭蒜鹽同燒汁食，令口感更加豐富😍.吉列炸牛扒 $188黎到點可以唔玩石燒😍 炸牛扒炸到半生熟而且好細心地會切塊上，鐵板細爐仔已經塗佐層黃油👅 兩邊各燒一分鐘就可以食得～ 熟度可以因應自己喜愛，生既就口感比較嫩滑，熟既比較香脆鬆軟，兩者都各有特色。如果配搭蒜同燒汁食味道更惹味香濃👅.+$58 仲可以配杯紅酒🍷+$48 芝士粉薯條🍟強推😍 比佐超大盤之餘 仲好大陣芝士味 薯條都整得好脆口 食極停唔到口🙈.總結，店員服務都好好，每一款都有同我地細心解釋，牛魔王又貪玩既話一定要試下黎食啖啖肉🧡 感覺薄切牛肉都好正👅 好細心既係有兼顧到唔食牛既朋友可以嗌魚柳或者羊架 就可以一齊去食😚