Steak Bar (已結業)

跟得牛魔王朋友們食飯多，慢慢都開始鍾意食raw D嘅牛肉，朋友生日話想食精D，呢間餐廳主要係食牛，仲有得自己燒（睇開我D食評就知道我好沉迷DIY），無得輸！吉列炸牛扒 $188呢個set最特別之處就係有一個爐可以畀你自己燒熱D牛扒，其實師父事前已經整到五成熟，所以輕輕燒都已經可以。吉列部分好酥脆，但唔會掛油，咁就可以更專心品味牛肉，牛用上Prime grade牛頸脊，外層炸到鬆脆裡面肉汁依然鎖得住，口感方面佢係比較嫩口，點埋燒汁多一種微微咸甜味，配合得好好。安格斯西冷牛扒 $258我地叫咗五成熟，呢個熟成度好靠牛肉本身去帶味，牛扒超厚但都幾容易切，一切開就見到誘人嘅鮮紅色！牛肉紋理分明，所以厚成咁入口都好容易咀嚼，每一口都爆出肉汁，鍾意味道更豐富，可以點燒燒鹽或者燒汁，不過我覺得呢塊扒唔需要，加上上面日日即炸蒜片，牛肉就更加惹味。呢兩個餐都有跟前菜，沙律同珍珠米飯，咁食其實係超～～～飽！前菜小豆腐好滑大豆味濃郁，而個飯特別加上蔥花同飯素，需知道只要有飯素，真係幾多飯都食得落！飯煮得剛剛好，有咬口又唔會好乾，一口炸牛扒＋飯真係大滿足啊！！！ 和風紫菜薯條 $48店員推介要叫個薯條，視覺上

位於蘭桂坊的日式扒房, 以Prime flat iron steak跟吉列牛為主打, 亦提供其他牛類菜式如shabushabu等! 今次就試了Flat Iron, 聽說是每日限量供應, 可選配3成/5成或全熟, 我選了3成的,感覺有點太生,建議選5成會最好🤩 但牛味依然濃郁, 重點是沒有血水, 質感軟稔, 還是好吃的😋 亦相當喜歡這裡的飯,用水珍珠米再配上紫菜等配料於面,佐飯一流🥰 想不到牛扒跟白飯亦不失違和感🤣整體還是滿意的

一直心心念念既吉列牛終於唔使去日本都食到啦朋友叫左SetC每日限量板腱牛扒，而我當然係簡Set D吉列牛扒。唔講咁多，先比大家睇睇吉列牛扒套餐。吉列牛既外層已經炸到金黃色，但內裡依然係紅色，未熟透。先前食既時候，已經覺得有呢個諗法既人真係好有創意，而厲害之處係又整得咁好食。我自己就鍾意沾海鹽再煎到七八成再食，外層唔會因為再煎而變淋。而呢間既飯都好特別，係飯上面會灑上紫菜碎和調味粉，淨係飯都已經好吸引。中間換左一次爐，期間侍應好細心，提醒我牛油融左先開始煎。朋友點了五成熟既板腱牛扒，我有D擔心會唔會太生難入口，結果係岩岩好既。肉汁鮮甜而且嫩滑，不愧為頂級牛，都好彩我地係點五成，如果唔係就浪費左。套餐包含既沙律同豆腐都好有水準。沙律用既係黑醋，酸酸甜甜最適合飯前食。而麻醬豆腐所用既麻醬味道濃郁，配搭豆腐有種清新既感覺。加配既Shiraz紅酒口味偏甜，就好適合我啦。朋友不好酒，就叫左一杯蘋果汁。總體非常推薦，價錢適中，下次再黎會試埋SetB🤤

中環蘭桂坊新開左間Steak bar，專門食石燒吉列牛！周六嘅下午唔算好多桌食客，steak bar嘅 舖面共有兩層。我地就選左一個set a, 一個 set d!Menu全英自己劃，除左我選果兩個set 都係自己控制熟成度沒選擇之外，其他牛扒類均有3個熟成度可供選擇。吉列炸牛扒 set d $188 套餐均附沙律菜、麻醬豆腐。石燒爐已經準備牛油熱至半溶狀態，米飯亦加上飯素增加調味。吉列牛扒總共有10塊，據講重約200克！份量都算幾多下。兩邊大概共燒40秒左右，沾上附有嘅蒜鹽配飯食，真係食到外脆內嫩嘅感覺。石燒薄切牛肉 set a $178總共6塊。套餐同樣附上沙律菜、豆腐。放上石爐就聽到喳喳聲，超爽！薄切牛肉肉味比吉列牛扒仲更加濃，燒出黎嘅油脂配上飯十萬個滿足。午餐同晚餐套餐都一樣埋單飽飽$403～ 如晚餐黎食價錢都算可以。

夜晚在中環逛街，經過蘭桂芳，發現一間熟悉的店鋪，名叫steak bar。曾經幫襯過銅鑼灣分店，印象不錯，所以決定晚飯，就嘗試這間steak bar，位於中環的新分店。新分店，位於蘭桂芳內，門口比較細，幸好標誌夠搶眼，行入店內，發現店舖很細，坐無虛席，只有角落的一張小枱，心諗:好似坐得不太舒服，可能店員發現我的神色有點不對，立即對我說：先生小姐，請到樓上雅座。原來樓上還有一層，以且空間不細，客人不多，舒適很多。店員介紹，店內招牌當然是吉列牛，但亦推薦石燒薄切牛肉。二話不說，就要這兩款，再加一客小食，炸洋蔥。石燒薄切牛肉，將牛肉薄切，再放上附設的石燒上，輕輕一燒，每邊二十秒，便食得，由於石燒上一早已放置牛油，所以成品更香，入口充滿油香，肉質帶點韌，美味。吉列牛，再一次品嚐，不愧是招牌菜，牛經油炸，被吉列脆皮包裏，已經十分香脆，再放上石燒，輕輕一烤，不到一分鐘，牛香四溢，牛味不差。溫輕提示，如果中途，油香下滑，可要求待應，再給一份牛油，放上石燒增加香味。每份套餐，有沙律、前菜以及白飯，飯採用了日本米，以牛下飯，美味，真想再來一碗。炸洋蔥也不差，即叫即炸，熱辣辣，口感香脆，洋蔥也不會過老，值得

吉列炸牛在香港火紅了好一陣子，不過小妹還未有機會試過，講出來也覺得out out地。碰巧有天做完瑜伽，在街頭收到宣傳單張，得知這傢伙又出現了！俗語有云：打鐵趁熱，於是毅然走到蘭桂坊與牛大哥相遇。餐廳的黑色裝修很cool，不說還以為只在晚間營業，店子佔地兩層，樓上景觀開揚。店子主要供應6款套餐，分別是石燒薄切牛肉($78)、吉列炸牛扒($188)、頂級板腱牛扒($78)、安格斯西冷牛扒($258)、香煎魚柳($195)和羊架($248)，另外還售數款小食，例如芝士粉薯條($48)、吉列炸蝦($58)、珍寶德國腸拼盤($168)等。現時惠顧套餐，可以超抵價$58享用一杯紅酒。肚子餓得打鼓，首先喚來一客雞軟骨餃子($45)充飢。成品共有五件，外皮炸得金黃香脆，尤其是邊邊位，咬時發出卜卜聲響，美中不足是油份稍多。餡料除了常見的椰菜和豬肉，最特別是加入粒粒雞軟骨，倍添咬口。吃時不妨蘸些醋汁，酸咪咪的不但可以解膩，而且能令胃口大開。期待已久的吉列炸牛扒($188)出場喇！這份套餐還包麻醬豆腐和雜菜沙律。前者涼冰冰很醒神，配上日式麻醬，簡單可口。後者輕怡清爽，拌入酸度較高的醋汁，吃前記得要撈勻。個人

中環要找美味的牛扒，其實都唔太難。今次我就試了中環的Steak Bar，位置於外國記者協會附近。 我點了安格斯西冷牛扒，一上菜就已經覺得很香，這是很少地方可以做到的。牛扒一切下去，肉汁四溢，咬下去亦都幾乎沒有筋。份量亦相當十足。 每一份牛扒定食都配飯、沙律以及豆腐。這些配菜都做得唔錯，和牛扒十分配合，簡直是錦上添花。飯上面加了一些日式配料，單單食飯都感到很滿足。 最後提一提大家，這間的份量比較大，去吃飯之前記得記得記得要留肚哦。希望下次有機會試下炸牛扒，同其他野食啦！

難得有個空閒既開心星期六趁下午有空檔係中環食過late Lunch就最好不過蘭桂芳一帶雖然酒吧未開晒, 但亦有不少餐廳都會供應午餐,食肉獸見到有steak 字的餐廳當然唔會放過。Steak bar 餐廳唔算好大, 但有兩層, 人多都唔會無位坐。石燒薄切牛肉套餐包括意大利沙律、一小磚豆腐同日式飯素飯牛非常高質，肉汁同油份比例平均，牛肉每邊燒10-12秒, 散漫住一股強烈牛肉香氣, 半溶的牛肉肉質鮮美, 入口即溶, ，令人流晒口水！隨餐有3款調味品, Garlic、海鹽及鹽燒汁, 點少少可以將牛的鮮味提升,白飯係自日本入口, 食落帶米香我反而覺得飯素太多而至蓋過了牛肉的鮮甜。雞軟骨餃子雞軟骨餃子非常爽口，與雞肉剁碎晒嚟包，爽得黎有咬口, 唯一美中不足的是炸過後有點太油。和風紫菜薯條係厚身粗條薯條，和風紫菜粉勁多,讓薯條味道更上一層樓, 薯條炸得香脆, 放耐左都唔會怕淋。總括而言, Steak Bar 食物高質素, 店員姐姐見我地有排講唔得閒燒仲落手幫我地燒牛肉tim!!

見到中環新開咗一間steak bar，好多唔同款既牛扒，食肉獸一見到隻眼發哂光🤩🤩叫咗2個套餐，第一款係石燒薄切牛肉 ($178) 首先會用牛油塗滿個石板，牛肉一塊塊切到好薄，燒一燒就食得，牛肉幾嫩幾鮮🤤 一燒果陣香味已經傳哂岀黎~另一款特別少少，叫而家都好受歡迎既吉列炸牛扒 ($188) 牛肉質素都幾高，好冧好嫩口，岀面炸到脆一脆，燒2下就食得🤣 除咗牛肉，仲有加咗飯素既白飯，豆腐同沙律。感覺fresh 好多😆

由於大館一連幾日都有個spark event,所以去左大館幫手，咁岩經過見到呢間食牛既店鋪，作為牛魔王嘅我又點會放過呢。位於蘭桂坊附近的新開食店，其實就係原本係銅鑼灣開左而且聲明大躁既店。難得早早地大概6:30就到左，人流未算好多，我地被安排左坐樓下，但一坐落就開始多人入坐了。似乎除左食，飲酒都切合佢附近既地理位置架原本想食限量供應嘅頂級板腱牛扒，可惜已經賣晒所以我們最後點了吉列炸牛扒及安格斯西冷牛扒兩個都係套餐黎既，有飯有沙律仲有埋豆腐吉列炸牛扒需要放落去煎，你絕對可以按照自己既個人喜好煎到幾成熟肉質很嫩，而且牛味都幾重安格斯西冷牛扒我們點了5成熟，但出到黎其實比較似7成，連唔食太生既男朋友都覺得過熟了。再跟餐加了雞軟骨餃子配搭很是新穎，新鮮滾熱辣而且好脆口芝士粉薯條，好似食緊shake shake 粉咁，但好大份，兩個人食唔晒如果係鍾意食牛嘅朋友仔就千祈唔好錯過啦

Steak bar 搬左新舖當然要支持下～新舖有兩層，大好多呀！！！除左食返念念不忘嘅招牌吉列牛，今次就試埋其他正嘢～石燒薄切牛肉$178採用薄切牛板腱肉，平時厚切中間條筋會比較煙靭，薄切就唔會有呢個問題，石燒爐仔傳熱好，每邊輕輕煎2秒就最perfect！肉質嫩滑多汁～送飯食一流，唔係講笑，比我可以食到兩碗飯！！吉列炸牛扒$188吉列牛，水準完全保持到，炸粉薄而脆，肉汁豐富，食幾成熟可以自己燒自己控制

今日去完Fringe club , 見到新開嘅牛排店我總係會俾限量供應依D字眼吸引住，店員介紹板腱肉味濃，就佢啦係日式牛扒屋，套餐有飯，沙律同一小件豆腐作為前菜另外用優惠價可以加一客芝士薯條先上咗個薯條，全部都佈滿左芝士粉非常邪惡！終於上啦，擺盤簡潔吸引，佢份牛板腱係厚切根據店員所講，佢哋希望可以保持到肉汁同埋口感，所以原件厚切唔將中間啲筋位切走，五成熟肉味濃，但係如果鍾意要咬咁耐嘅話，就可能要西冷好D。

星期日的中午, 同朋友在中環行街shopping, 在雲咸街街口, 見到一間steak bar的餐廳, 裡面有唔少食客正在嘆午餐, 頓時都感覺好肚餓, 費事四圍搵餐廳醫肚, 不如就呢間啦!座低之後看Menu, 有牛扒, 羊扒, 魚, 等等的選擇, 仲有各類腸仔拼盤, 仲有, 薯條都是可以shake shake的, 仲可以加芝士在薯條上面, 哇, 樣樣都好吸引, 好多款都好想食, 但胃只有一個, 於是我選了個最想食的石燒薄切牛肉, 而朋友就選了吉列炸牛扒, 我們倆人行街行都勊, 可以一邊抖下一邊慢慢歎個午餐, 非常寫意.好快, 我個石燒薄切牛肉來到我面前, 仲有個用火韾住的小石爐, 上面的一小塊牛油正在慢慢溶化, 套餐當然唔少得主角薄切牛肉, D牛肉雪花均勻, 一片片鋪在碟上, 仲有一碗沙律菜, 裡面有番茄仔, 有羅馬生菜, 有火箭菜等等, 看上去非常新鮮, 仲有一塊很精緻的麻醬豆腐, 仲有一碗撒了七色味粉及紫菜碎的日本米飯, 整個套餐看上去非常吸引.首先當然是食咗個沙律啦, 放了少少醋的沙律酸酸甜甜, 食在口中索索聲, 很是開胃. 食沙律的同時, 我放了一片薄切牛肉在石爐上煎, 小小的

牛牛專門店又多一間了。位於中環蘭桂坊，裡裡外外西化，食物卻是意料之外的曰式，西日混為一體，果然係國際化的香港。話得牛專門店當然以最靚靚的肉呈現出來。餐牌簡簡單單的只幾款選擇。原來所有主食都會跟飯，沙律和前菜。點了頂級板腱牛扒，肉質緊實略帶嚼勁，混有脂肪富含油花，細嫰多汁，五成熟度煎得特別香。一碗白飯加了味素，增加味蕾的享受。沙律清新爽脆。前菜是小小的豆腐。簡單的一頓晚餐，水準頗高，服務貼心，值得讚賞。

知道中環開咗Steak Bar~咁近我返工～即刻帶朋友一齊去食～不過要食好嘢係要付出代價架～就係要爬上蘭桂坊最高處，咪話我老～幾經辛苦終於去到，不過咁好食係值得嘅～有兩層高，都幾多座位～店員安排我哋坐下層窗口位，可以望著出面街景～其實我食過銅鑼灣分店嗰次係食吉列炸和牛扒同香煎魚柳非常出色～今次店員推介我哋～安格斯西冷牛扒(五成熟)油分好均勻～連埋肥膏一齊食～好正啊～我平時會專登唔食啲肥膏嘅，但呢個唔食唔得～太好味了～頂級板腱牛扒(五成熟)相比起西冷好似好細舊咁，但好厚～佢唔肥～但好爽口～味道比西冷更加好味～店員話板腱比較多筋，師傅已盡量挑選啲小筋嘅比我哋～難怪每日限量啊～我就比較喜歡板腱牛扒～套餐配有前菜、沙津同飯，如果唔想食飯，店員話可以改食兩個沙律都可以～非常滿意今餐飯啊～咁近我一定會常去～