Shine (已結業)

Shine是朋友推薦我來的地點位於尖沙咀北京道12A號太子集團中心6樓港鐵尖沙咀/尖東站 H 出口步行約2分鐘新派Fusion菜式西餐廳隱藏在潮人旺區裡舖面集合十足十Disco裝置的「潮」氣格調餐廳內裡裝潢分成三大區域談情高雅的沙發雅座高枱高櫈的帥氣角落另類偌大的長形吧枱空間坐得舒服之餘更隱含多處「打卡」靚位格局空間設計都顯得格外大氣並帶有點歐式風格只要你想喝任何時段都有酒提供Brunch的第一道菜必須來點菜凱薩煙三文魚沙律 $78是最好的選擇沒想到就連前菜都好大一碟 兩個人吃完都飽了一半了在新鮮爽口的生菜上灑了好多芝士粉搭配上炸脆的煙肉乾和麵包粒 再加上淡淡的沙律醬 非常開胃之餘也能增加飽足感重點是*煙三文魚*超大一片 大約也有個100g吧Snack部分我就點了水牛城雞翼 $88份量大概有六隻對於一份Snack來說這份量也是多到不要不要的雞翼部分炸得剛剛好皮脆肉嫩有少許辣畢竟是牛水城超過癮的而且每一隻都好肥好飽滿Brunch Main course吃隻雞有點誇張兒呀可是 蜜糖香草春雞 $268好吸引人呀再加上J姐很喜歡吃雞當然也要來一客這雞之嫩的～雞皮有蜜糖的焦甜使得脆口肉汁包圍著雞

位於北京道太子集團中心，系一幢幾新既Ginza Style商廈，有唔少高質食肆，Shine系其中一間幾推介嘅餐廳，有食開午餐，環境好，價錢好平，大大份又幾好食。晚市人流明顯比午餐多出不少，相當有唔少人都鍾意放工與三五知己黎呢度Chill下，畢竟環境十分舒適，食物不錯，又有酒飲。SHINE小食拼盤 ($158): 有吉烈炸蝦、炸雞翼、洋蔥圈及炸粗薯條，普遍黎講都幾香酥惹味，炸蝦幾厚肉，炸粉又夠薄脆；雞翼只帶少量水牛城醬汁，唔夠惹味，但就炸得幾香脆，肉質亦好嫩滑多汁；炸粗薯條嘅薯味都比較香。明太子海膽意粉 ($188): 其實系三文魚籽海膽忌廉天使麵，忌廉汁濃度適中，包得實天使麵，而且三文魚籽同海膽都夠新鮮，唯一系天使麵質感稍淋，配意大利麵更為恰當。德國脆炸咸豬手 ($288): 建議影完相就叫餐廳幫忙切，因為皮太脆，而且太大件，難以切件。豬手皮極為香脆，脆皮派應該好鍾意，肉質唔洗講一定滑，帶微微咸香，唔會太heavy，好厚肉，食肉獸首選。

一兩年前黎過一次食brunch，對餐廳開揚既景觀最有印象今次夜晚黎，感覺更為暢快～凱撒沙律 $78 可以揀煙三文魚或巴拿馬火腿，我地就揀左巴拿馬火腿，味道芳香細緻，令人胃口大增～每塊沙律菜都均勻沾滿沙律醬，有煙肉碎同麵包粒伴襯。龍蝦湯 $88龍蝦湯味道較鹹，蒜蓉包幾香脆，兩者一齊食味道中和左就好好食。法式鵝肝 $138鵝肝多士比我想像中細咗少少 大概有一隻手指公嘅長度啦 ～但係鵝肝嘅味道十分之香濃！雖然微微油膩，但我就好鍾意呢一個質感啦。加拿大龍蝦意大利飯 $188 龍蝦大約手掌咁大隻，都肉厚，佢嘅鉗都有肉食～上面嘅芝士都好好味～而意大利飯所用既蕃茄茄膏就比較濃味。香脆炸魷魚 $68 本來滿心歡喜咁期待，但係食落去就真係一般。十分熱辣辣，但魷魚未經過調味，炸粉上面嘅調味料都唔係好夠，要靠點芝士沙律醬先至夠味。香辣蟹肉茄汁長通粉 $148蟹肉分量多，偏咸，長通粉很有咬口。香煎挪威三文魚扒配香草忌廉檸檬汁 $238 最滿意係呢個三文魚扒，煎得香，但不會overcook，肉質柔軟，配上香草忌廉檸檬汁，畫龍點精。

今日同個朋友去尖沙嘴行街，行到夜晚緊係要食埋餐飯先散啦，朋友推介一間不錯的上樓西餐廳，一於一齊去食下。地點位於地鐵站附近，位置都算方便，雖然要上樓，但冇乜人排隊，所以好快上到去。因為樓上餐廳，景觀好開揚，而且格調好浪漫，好適合情侶進餐。Buffalo wings 又脆又香，而且唔會好辣，啱哂我鍾意食小辣既人，而且雞翼好肥美大隻，啖啖肉，一流Rib eye呢個rib eye 非常值得推介，因為牛排質素好，價格不高，一入口，好香既牛味，一咬落，好多既肉汁，一吞入，好味仲留於口中，非常好食。原個焗蒜頭同牛扒好襯，焗得好香Tiramisu甜品既質素都好好，tiramisu帶陣陣芝士同咖啡味，入口好滑，成為呢餐一個美好的總結呢間餐廳食物質素好，位置又處於尖沙咀，景觀又開掦，環境又有格調，但價錢合理，性價比算高，值得一試

這個地方除了食西餐外，仲有不少酒水供選擇，是一個不錯的談天地方。我和朋友首先點了一杯Maple peach syrup, strawberry, lemon juice, soda $68，味道偏甜，但是底下有很多士多啤梨果肉，很好食呢！點左份田園沙律$78，平時食嘅沙律一係用黑醋一係用沙律醬，呢間用嘅係橙汁，酸酸甜甜，另外配上新鮮的沙律菜，明日確實開胃！黑松露雜菌湯$78，有少少雜菌粒粒，口感唔錯，味道帶有香噴噴嘅黑松露味。口感尚算奶滑，忌廉味比較重。我們的煮食分別點了一份意粉和漢堡我叫咗一份素食：蒜香彩椒意粉$108，燈籠椒炒得非常有鑊氣，香噴噴的！每條意粉都帶着淡淡的說入味，不會太濃，加上意粉的軟硬適中，分量足夠，給素食者一個選擇。朋友叫咗一份：特級安格斯漢堡$168，他說味道不錯，非常足料，可是牛肉鹹了一點，薯條香脆，分量又多。

上次黎Shine 都幾個月前, 梗係因為食過番尋味先再黎~~今次約友人黎食晚餐, 午餐同晚餐氣氛截然不同~加拿大龍蝦意大利飯加拿大龍蝦雖然是雪的, 但肉質仍爽口彈牙，蝦味濃而肉爽脆意大利飯以高湯熬煮，亦配以蕃茄的酸甜, 意大利飯味道濃郁，飯粒中心帶一點硬, 煙韌得黎又夠濕潤夠creamy特級安格斯漢堡特級安格斯漢堡厚度十足, 肉汁豐富得黎仲好juicy, 雖然係叫左7成熟, 但肉質幾嫩, 唔算鞋口。配埋新鮮生菜、蕃茄、半溶的芝士, 非常滿足。唯一美中不足的是漢堡調味比較咸, 重手左少少。至於粗薯條, 每條都炸到金黃色, 非常香脆。黑松露大啡菇意大利飯意大利飯有一點外軟內韌的感覺，感覺都幾Creamy的意大利飯口感香滑而且又有濃郁的黑松露味道, 大啡菇香滑得黎又juicy, 非常好吃。火焰雪山最後甜品我們叫了火焰雪山個雪山大大個, 店員送上黎之後會係客人前面淋上酒同火焰, 熊熊烈火當然要把握影相打卡的時機, 雪山表面係厚厚既蛋白, 都幾澎湃, 內層就有雪糕、士多啤梨,、馬卡龍、brownies同海綿蛋糕, 雖然係好大個, 但因為表面只係蛋白, 都唔會太膩!!

第一次黎呢度， 又幾好喎～凱撒沙律 $78 蔬菜新鮮～ 配上巴拿馬火腿， 好開胃～法式鵝肝 $138鵝肝煎得好香，佢既油香真係好吸引～龍蝦湯 $88味道幾好，咸左少少加拿大龍蝦意大利飯 $188 意大利飯用茄汁整成，略嫌over左少少龍蝦肉質結實爽口，好食！法式燒羊架配薄荷汁 $288大大件，燒得剛好！淡淡既薄荷汁同羊肉好match! 香脆炸魷魚 $68 無乜味道，要點醬先有味，有點失望。香辣蟹肉茄汁長通粉 $148味道濃得黎偏咸，蟹肉都幾多，仲車厘茄伴襯香煎挪威三文魚扒配香草忌廉檸檬汁 $238 原本叫左燒春雞，但係賣曬，所以我哋就嗌咗個三文魚扒～三文魚扒都幾厚肉地，唔會過份熟所以都好嫩口。外皮煎得香脆帶住帶點油香，魚肉稍微用鹽同黑椒去調味！而香草忌廉檸檬汁就好好味，配菜燒薯仔、蘆筍、蘿蔔都幾好食！

前幾日同朋友一齊喺尖沙咀行街，買左唔少野～血拼過後，我地都好肚餓，就決定喺附近食晚飯。有朋友提議去食西餐，有朋友就提議食日本菜，經過投票後，我地決定去食西餐 Shine~ 😋餐廳裝潢設計好有格調，有好多小燈泡吊喺天花板上面，亦有不同顏色既燈光。餐桌上仲放左一個小型燭臺，氣氛浪漫，好適合情侶或者三五知己一齊黎品嚐燭光晚餐🥂餐廳設計既餐牌精美簡潔 一張牌係食物，一張牌係飲品～ 食物方面，有餐湯、頭盤、主菜同埋甜品，每一道菜都非常吸引。至於飲品方面，佢地有沙冰、乳酪、酒精飲料，任君選擇😍龍蝦湯 $88龍蝦湯既賣相精緻，龍蝦味道非常濃郁，用左龍蝦頭同龍蝦膏黎製成呢道餐湯，每一口濃湯都富有鮮味。佢唔似有啲餐廳既龍蝦湯咁樣略帶苦味，反而係更香濃細滑。炸魷魚 🦑 $68呢道炸魷魚好好食，雖然係油炸，但唔覺得好油膩或者難以入口，反而充滿魷魚既香氣，而且肉質彈牙～再加上美味既蛋黃醬，真係香氣四溢。蛋黃醬一直都係我地既至愛 😍 大家黎到不妨試下呢道炸魷魚🦑 🤤加拿大意大利龍蝦飯 $188龍蝦係以半隻既狀態呈上，龍蝦身既肉已經起左出黎，另外附有一隻開龍蝦既鉗，方便顧客食用。龍蝦既質素好唔錯，一拆開龍蝦頭

適逢朋友約我去尖沙咀試這一間餐廳，無論環境、氣氛、食物等等各方面的質素都不錯，於是想寫這篇食評記錄一下，也順道推薦給大家。 一間餐廳能夠座落於尖沙咀漢口道的商廈，大家應該都會以為它的價錢是比較貴的，但其實這間餐廳的價格是婆為平民的。打開餐牌，會以為自己是在佐敦、油麻地、旺角等地方食晚飯。首先我點了一客蘑菇湯。蘑菇味道香濃，而且應該是落了一點點松露油和黑松露碎，因為很容易就聞到松露的味道。加上隨湯附送一片多士，感覺額外高貴。由於朋友喜歡吃薯條，所以點了一客黑松露薯條。薯條是新鮮炸出來，加上黑松露碎在上面，感覺香脆可口，而且不會吃出有油溢味。另外，想向大家推薦一道菜色，水牛城雞翼。首先它的醬汁是帶有些少辣味，為雞翼帶來一些點綴，但重點是這裏的雞翼炸得很好，師傅把油溫控制得很好，雞翼的外皮非常香脆，卻可以保留雞肉的肉汁在內。由於朋友喜歡吃煎炸的食物，所以我們也點了一客炸魷魚鬚。同樣，師傅一樣把油溫控制得很好，魷魚的外皮非常香脆，炸粉亦不會太厚。主菜方面，我們點了一客比較健康的意大利雜菌飯。首先，這刻意大利飯與蘑菇湯一樣，菇菌味道香濃，而飯粒的硬度亦適中，不回過硬或過軟，吃起來綿綿又有咬口的，

尖沙咀, 一個貴價地段。係得尖沙咀開的西式餐廳, 十居其九都係高價位的。因此, 要搵到一間CP值高的西式餐廳, 並唔容易。今次我就為大家介紹一間CP值高的餐廳。從相片可見, 餐廳裝潢係有點工業風的味道, 而加上燈光卻有種高級餐廳甚至Fine Dining的感覺。加上又有酒吧的位置, 即使唔食飯, 都可以上黎飲兩杯野同朋友吹吹水。但唔好俾佢的地點同裝潢嚇怕, 因為一打開佢本menu, 便會發覺幾抵食。蘑菇湯: 本人喜歡飲蘑菇湯, 香濃的菇香味, 另外加入了黑松露, 為呢款湯帶來一點貴價的味道。加上配了一件多士, 更顯得唔似係普通西餐廳的蘑菇湯。凱撒沙律: 新鮮的沙律菜, 配上西班牙火腿, 係清爽的前菜。法式鵝肝: 一間西餐廳, 賣$138就有兩件鵝肝多士, 真係好抵食。鵝肝新鮮香煎, 濃厚的味道, 好Rich!水牛城雞翼: 呢一款我非常推薦, 除了牆汁好味之外, 亦要讚下佢既烹調。我未食過外脆的水牛城雞翼, 仲要炸得香脆之餘又唔會肥膩, 真係難得。黑松露薯條: 作為薯條控, 又係唔會放過食薯條的機會。新鮮炸起的薯條配上黑松露, 香氣十足, 如果能夠再加點芝士係上面就更正啦~加拿大龍蝦意大

今日去太子集團中心搵食，我們決定去Shine 食。餐廳裝潢十分型格，而且地方好大，座位好寬敞。黑松露薯條（$78）炸得金黃香脆，而且仲要厚切薯條，未食已聞到很香黑松露味道，薯條除左黑松露味道還加了少少芝士和黑椒，令到黑松露味更加出，食到底都仲有好多黑松露，唔點茄汁都已經好好味黑松露大啡菇意大利飯（$148）大排菇，好大個，肉厚juicy ，煙韌的意大利飯配黑松露，香氣濃郁。香辣海鮮意大利飯（$188）整個味道太酸了，蓋過了其他味道 薄荷朱古力 （$52）透心涼的薄荷朱古力，薄荷與朱古力比例剛好，不太甜。牛奶朱古力（$52）

Lobster Bisque 去到Shine每次都渴望飲他們的龍蝦湯，真的很濃郁 好好味，配上一片烘得香脆的法包，每一口湯都感覺香濃鮮味，而且每一次都保持水準，值得一讚。Canadian Lobster Risotto 加拿大龍蝦意大利飯 也是很出色的出品，半隻龍蝦焗得很香脆，上面半溶的芝士滲入龍蝦肉中，龍蝦肉鮮爽、肥美、彈牙，意大利飯米粒圓滑，以高湯煑至八成熟，中心還有微微的硬度，還有小小的洋蔥粒，車厘茄及香草等 很好味。Grilled Angus Ribeye 燒安格斯肉眼扒，10安士分量足夠兩個人分享，因為同伴比較怕生，所以叫了七成熟，我過人比較喜歡吃五成熟的，比較鮮嫩。牛扒燒得少少焦香，𥚃面還很嫩滑，濃濃的的牛肉味還帶著肉汁，配上紅酒燒汁很和味。Mix Berry Yogurt 很濃厚加上忌廉很滑順，好味。這兒的咖啡很不錯而且好多選擇。

周六不用上班 晚了起床，是時候去吃個午餐。12時正 人家一開門我便入去用餐，我好享受那一刻的寧靜，又可以選擇自己喜愛的近窗座位😂，看看街景，發個白日夢，過一個寫意的下午。先叫了一個 Cafe Latte，1/5濃縮咖啡 2/5熱牛奶 其他是奶泡，享受一口已濃縮咖啡與牛奶為雙主角的咖啡牛奶， 細細品嚐兩者交融與平衡，他們做的非常好👍🏻清爽的 和風北海道帶子配魚子沙律非常清新 美味又健康，整碟的沙律色彩鮮豔，有雪白的帶子，橙色的小柑肉，卜卜脆的魚子 配上惹味的柚子汁，一邊看景一邊享受沙律的滋味。

今天帶波仔出省一家人吃下午茶順便做節（對...西式下午茶做節也非常不錯～）SHINE我來過幾次，覺得這裡的環境適合大小朋友，有良好的室外光，座位也很寬，私隱度高，不怕小朋友吵到別的客人。看來餐廳也有不少家長fans，看到小朋友已經架輕就熟，立即換了一套小朋友食具，非常貼心。最愛這裏的凱撒沙律，大大份，絕對是Share食的好選擇。醬汁比例不錯，最怕沙律太多醬浸住滿著生菜。麵包糠和煙肉脆卜卜，口感一流。煙三文魚要另加$15，合理抵食～炸魚薯條是小朋友最愛，不可以不點（還未坐下波仔已經不嚷着要吃魚魚和條條...）不料今天炸魚加了黑椒在炸漿中，所以波仔只可以吃魚肉和薯條了。老實說，對大人來說我覺得加了黑椒的確是非常美味（笑）所以既然波仔無緣，就「益」了我們一班大人（笑）呵呵～配他他醬超棒！火箭菜意大利飯，煮得剛剛好的意大利飯，汁和飯的比例剛剛好，而且份量還挺大的（碟子很深的）四個人分享都夠。飯粒外軟內硬，每一口也包著醬汁，完美配搭！一定要讚這裡的latte，必喝（尤其是熱飲～因為有拉花～）媽媽則點了一壺水果茶，可以添熱水，坐一個下午，有好環境又有美食，最重要是少爺仔吃得開心沒投訴，讓大人輕輕鬆

3號風球的星期，本來計劃將飯局取消，但眼見天氣又不算太差，倒不如繼續。Shine的大名，在尖沙咀區應該不會陌生！有幾次都想去的時候，身邊好友總有其他選擇就是偏偏不選擇西餐，害我一直等了又等再等，今次終於可以去試試啦。Shine是間restaurant & bar無誤，除左紅白酒、Cocktails 都一應俱全之外，食物款式亦夠全面，即使是happy hour抑或是與朋食飯都照顧得到。不過今次我們都未有品嘗美酒，留待下次吧。點了凱撒沙律配煙三文魚，沙律大大份份量十足，即使三四人分享都無問題！幸好，我們都幾乎每次沙律都會點凱撒沙律，所以份量再多都可以接受。明太子海膽意粉，兩者都是我最喜愛的食材，完全沒有理由不選擇吧？！不過忌廉跟三文魚子的味道過濃，幾乎都蓋過明太子跟海膽的味道，比較失望！看來是因爲三文魚子味道偏帶咸鮮！明太子份量可能亦偏少，可以咸鮮味蓋過明太子香辣味道。另外，醬汁亦是重要一環！忌廉汁質地杰身掛汁，意粉份量又頗多，吃多了也因為掛汁而覺得太膩呢。主菜有燒羊架配薄荷汁，本人絕對怕羊「蘇」味，不過再點下薄荷汁能將蘇味掩蓋卻不蓋過肉味！而且肉質軟腍又啖啖肉，今次對羊架絕對改觀了！最後