Shine (已結業)

環境好服務好可惜食物質素欠奉，點了3個菜兩杯野飲，無一樣會想再點！炸尤魚一d都唔野味，係脆既不過得啲炸粉味(蒜蓉沙律醬都好差)，個豬肋骨完全無調味，入面啲肉完全白色唔入味，要額外要求俾醬我點至得！啲肉一啲都唔易切又痴住個骨，感覺浪費了成舊肉！個海鮮意大利飯非常一般。同平時樓上咖啡店相諾。個心太軟又唔冰火交溶(應該唔係新鮮焗)。而個兩杯Mocktail 完全不知所謂。。。飲到一半已經停哂手。呢個價一定有更好選擇！

同朋友係尖沙咀shopping 完，就黎左呢間好chill 又舒服嘅餐廳食飯同傾下計！主菜叫左燒安格斯肉眼排(10 oz)同埋香辣蜆肉意粉。牛排叫左七成熟，因為朋友唔食太生嘅牛排。牛排外表煎得唔錯，一切開係好靚嘅粉紅色，唔會overcook。有肉汁有嚼勁，略嫌唔夠嫩。配菜都唔錯，但醬汁味道較淡。至於意粉，香辣可口，辣味適中，加埋微酸嘅蕃茄仲好開胃。意粉都好入味。而且蜆肉份量十足，蜆肉處理得好乾淨，唔會食到沙！d蕃茄都好多汁，好食！不過如果整體可以再重口味d就更加好啦！小食又係叫左黑松露薯條。我同朋友都好中意食黑松露嘅菜色！黑松露薯條都食過幾間。呢間餐廳就係直接係薯條上面加上黑松露同調味料。整體唔錯！薯條好重黑松露味，香而且濃，唔洗配醬汁都夠曬味。上菜嘅時仲係熱辣辣嘅。不過再脆d就更好！重點推薦係餐廳嘅飲品！我同朋友嘅飲品都好好飲！我叫左香桃smoothie. 好香桃味，配上yoghurt 好清爽好正！中意乳酪嘅朋友要試下！叫左玫瑰荔枝梳打，都好清爽解渴。

Shine (尖沙咀)尖沙咀北京道12A號太子集團中心6樓味道：2 / 5首先講個香煎挪威三文魚扒香草忌廉汁 個賣相係唔錯既 但係件三文魚有d咸 反而d配菜幾好食再黎芝士南瓜意大利飯 好重芝士味 講緊啖啖都有芝士而且好多粒南瓜 不過唔夠淋 咬落重係實既最後係和牛薄切 反而呢個有驚喜做到入口即溶 不過d汁有小小酸同牛係生對於唔食生野既人就唔係太岩另外叫多杯蘋果汁 個甜度好似飛機果d咁你懂的 我都係飲番水算位置：4 / 5餐廳位於北京道 好方便尖沙咀站H出口 上地面右手邊過條馬路直行轉右就到餐廳入口 要搭lift上6樓係正Adidas正對面 環境：4 / 5鋪頭環境幾有feel 主要比人傾計多有普通餐廳枱 又有bar枱有時間可以上黎飲杯野 傾下計 望望香港既夜景價錢：2 / 5價錢方面 可能屬於西餐廳普遍都中上

一向係Shine嘅捧場客，但多數去食晚餐，今次第一次去試吓佢哋嘅brunch~ 原來有Brunch Menu, 亦都非常唔錯～ 而且星期日嘅下午比較少人，可以坐窗邊位一邊享受着陽光☀️，一邊享受着美食，慢慢嘆一個下午，都幾寫意💕☺️焗日式芥末芝士蟹棒多士$78有四件多士，芥末芝士同蟹柳嘅味道好夾，多士焗到好香脆，整體味道同口感都好好👍🏻巴馬火腿三文治配田園沙律$98有四件三文治，麵包外脆內軟，而且非常香，配上巴馬火腿同酸酸地嘅沙律菜，清新又好味～炸魚薯條$138炸魚份量大件，見到都開心😍 亦係炸得外脆內軟，配埋沙律醬，味道好好😋 薯條份量好多，味道亦都唔錯～墨汁海鮮意大利飯$188除咗Brunch Menu, 都有主餐牌，意大利飯保持一貫嘅水準，亦有好多海鮮，墨汁包滿每一粒飯，味道同口感都好好👍🏻咁樣就嘆左一個下午☺️ 以後除咗去食晚餐之外，又有另一個時段可以去嘆吓啦～

今日去左Shine同朋友慶祝生日因為甜品可以朱古力寫名(唔記得左影相-_-)性價比好高既一餐飯！叫左安格斯牛扒先$300左右仲要超大塊之前CWB食過都要$400幾。。。何況呢道尖沙咀跟住叫左豬肉絲burger真心係超超超好食佢啲豬肉絲係rib入面既肉 高質！超級香口 配埋薯條真係抵食$168之後仲叫左個蟹餅 又係好大塊兩個人食又係多左啲炸得好香脆同埋蟹味好出呀好食～最後甜品心太軟就係主角 寫左名既驚喜不過唔記得幫佢獨照個蛋糕如果再熱少少就好 不過都有流心

餐廳環境幾好 座位都算闊落 呢度燈光微暗 加上每張枱都有呢個「蠟燭」 好有情調餐牌選擇都唔少 先食個前菜沙律先呢份係和風北海道帶子配魚籽沙律  帶子好嫩滑 三文魚籽好新鮮 一啲都唔腥 加上新鮮既沙律菜 再配上酸酸地既醋汁 好開胃 最意外係有幾塊鮮甜既蜜柑  唔錯唔錯而飲品我地就點左兩款smoothiePeach Yoghurt Smoothie & Mix berry Yoghurt Smoothie 兩杯都唔錯 有水準 好味兩杯味道都偏甜 水果味出 而我就鐘意Mix berry 個杯多啲 因為會水果味再出啲墨汁海鮮意大利飯呢個墨汁意大利飯好有水準 濃郁既墨汁 加上軟硬度適中既飯 好香好有咬口 而海鮮份量都唔少架 有青口 蝦 魷魚 蜆 帶子 等等 全部都好新鮮 最鐘意都係帶子既鮮甜明太子海膽意粉意粉煮得啱啱好 軟硬度適中 明太子醬唔少 可以全部意粉都掛上醬 好creamy  而且又有好多新鮮三文魚籽 好鐘意咬開既感覺而海膽都唔錯架 成個配搭真係好好味 可以一次食曬我想食既野

今年的生日返飯， 來到Shine, 晚上7點來到餐廳，之前Book左位， 順利入座， 坐近水Bar的二人枱， 望住人流越來越多，十分旺場！點了一個小食， 三款主菜。小食先上黃金蟹餅， 蟹餅係現炸的，配素菜莎莎底層， 餐前開胃最適合不過！加拿大龍蝦義大利飯， 蕃茄味濃，義大利飯煮得出色，飯芯程半透明， 洋蔥切得細嫩, 食落爽身， 極有口感,  伴著香濃蕃茄醬，滋味豐富； 碟面的龍蝦， 係打卡之選， 龍蝦新鮮焗得透香！明太子海膽意粉, 意粉掛住濃厚忌廉汁，海膽加上明太子，極具海洋風情，配搭新鮮！西班牙豬肉絲漢堡, 西班牙醬，燒烤味濃，配豬肉絲，口感提升！薯條即叫即炸， 外皮脆香而透切！整體食物出品優質， 環境舒適， 亦沒有設交枱時間，Shine絕對係尖沙嘴食晚飯和慶祝的好地方！

約左朋友在尖沙咀食個lunch聚舊，找到了這間在鬧市中心的酒吧餐廳，地點便利，非常方便一出𨋢已是餐廳，餐廳的裝潢有格調，在下午時間也給人放鬆、悠閒的感覺一進店看到的是大吧台，坐位闊落，氣氛安靜，很適合三五好友聊天聚舊食物方面，點了這個煙三文魚凱撒沙律，$78份量足、材料新鮮，非常抵食！賣相也很吸引朋友點了一個brunch set, 芝士焗開邊龍蝦配奇津薯條，$168龍蝦多肉夠份量，焗得夠香夠乾身，薯條新鮮炸好，配合辣粉，非常惹味，本擔心唔夠食，但非常足料絕對能飽肚一邊傾計一邊食薯條非常合適再來一客明太子海膽意粉，$188，是餐牌上的推薦菜式也沒有令人失望！海膽香濃鮮甜，意粉醬汁夠creamy濃滑，絕對令人想再encore! 喜歡海膽的朋友對此意粉讚口不絕總括這家餐廳的水準不錯，地點便利、環境幽靜，食物有水準，服務用心，會有下次！

心血來潮同班女仔friend去食飯4個人香港食黎食去都係邊爐食到好悶 不如又再去Shine食西餐啦！4個女仔叫左5樣野食(連甜品)帶子三文魚子沙律、水牛雞翼、炸魷魚圈、墨魚汁飯同埋火焰雪山真心推薦個沙律帶子同三文魚子都好新鮮加左啲沙津醋啲菜唔會超淡口水牛雞翼正 夠熱辣辣 都真係啲汁辣辣地惹味炸魷魚圈就好香脆啊 份量都夠我地四個share墨魚汁飯見佢細細碟 食食下都飽哂好足海鮮：青口，蜆，魷魚，蝦，帶子 重點墨汁真係夠香！最尾火焰雪山係比起出面大份勁多我就鐘意重酒味嘅！ 裡面有brownies都有驚喜 有埋蛋糕做底 都幾特別埋單連加一$628左右都好fair!下轉再去過～

餐廳環境廣闊，樓底高很有空間感，酒吧餐廳的燈光亦是帶點浪漫與輕鬆之間，微黃燈泡以作吊飾，軟身大梳化令人坐得舒服。另一邊就有型格光管裝飾，氣氛同環境都好岩happy hour飲返杯，或者輕鬆食晚餐飲下雞尾酒。和風北海道帶子配魚籽沙律 $108帶子橫切成三片，微煮過令外層更有口感，帶子十分細嫩軟滑，加上魚籽提鮮，味道好好。沙律菜亦新鮮爽脆，配帶微酸開胃的醋汁，還有醒神帶果香的蜜柑，帶有日式風味。加拿大龍蝦意大利飯$188龍蝦有半隻，唔算好大隻，但肉質扎實爽彈，蝦身肉較濕潤美味，但鉗位偏乾，不過龍蝦加了芝士焗香，味道幾滋味。重點推介係意大利飯，煮得保持外軟飯心有咬口，仲吸哂蕃茄同上湯味，算是濃重口味的菜式。明太子海膽意粉$188意粉煮得剛剛好，口感al dente有咬口，而且掛滿creamy醬汁好順滑，味道濃郁帶海膽甘甜同忌廉的奶香，明太子咸香味唔算較出，反而喜歡三文魚籽添加的咸鮮味，令味道豐富。提拉米蘇$78，賣相精緻好看，份量亦算多，可兩人分享。旁邊的生果粒有數款，睇得出餐廳花心思同用料好。Tiramisu 有兩層餡料夾著中間浸過咖啡的餅，上面灑滿可可粉。有別於一般的Tiramisu，餡

餐廳設計幾靚，睇得岀有花過心思，令人坐得好舒服。Lychee Rose Soda荔枝玫瑰梳打，飲落好清甜，好適合女仔飲，一飲就愛上！Cranberry Juice小紅莓汁，出面比較少會有得飲。味道偏酸，甜到適中，好醒胃，岩晒配炸豬手同薯條。Caesar Salad凱撒沙律，我地揀左巴拿馬火腿，薄薄地一片，聞落已經好香，加埋新鮮蔬菜，味道好夾，仲有超多麵包糠timBuffalo Wings水牛城雞翼，真係唔錯。雞翼都幾大隻，同埋皮脆，面頭再配上辣醬汁，食到停唔到口！主角登埸，Schweinshaxe徳國脆炸咸豬手，都係一樣好大隻。皮同水牛城雞翼一樣都炸得好脆，食落唔會太咸。仲有芥未醬點，唔怕食到膩啦。Baked Alaska火焰雪山，絕對係一道相機食先既甜品，當甜品黎到既時間，佢會係面頭點火，場面都幾震撼，拍片放上網一定呃到好多like！打開雪山入面仲充滿驚喜，有雪糕﹑Macaron同Brownie等，好滿足！

朋友生日，在尖沙咀聚餐，見網上推介這間餐廳，有街景看，食品又好昧，價錢也合理，就選這間吧。地點易找，一出地鐡就到。在大廈6樓，一出𨋢，便感覺好有Bar 的氣氛，好Relax,。因一早已book位，有提及請盡安排窗口位，真係坐窗邊，可望街外，好舒服。先來杯啤酒，傾下先，叫了嗰小食拼盤，有洋蔥圈、雞翼、炸蝦，炸魷魚及炸薯條，用來送酒一流。雞翼是水牛城雞翼，小小辣好味，洋蔥圈好甜好好味。再來個鵝肝多士，細細件，D鵝肝煎得剛好，一放入口即溶，超正。跟住叫了黃金蟹餅，感覺好特別，好似D印度什菜餅咁。最後是龍蝦意大利飯，嗰飯好嘢味，有D辣，龍蝦好大只，抵食喎。我們一路傾計，一路飲酒，一路慢慢order食品，慢慢吃，我們差不多吃了兩個半小時，無被人䟉結賬，這點值得加分。希望朋友喜歡今晚的安排。

今日同朋友食生日飯，之前食過記得野食賣相唔錯就book左。餐牌都有唔少選擇！叫左杯凍朱古力，朱古力味幾濃，唔係溝左好多水個d。上面有d棉花糖，增加我對佢既喜愛度！係細杯左d，搞到有衝動想叫多杯，因為真係幾好飲小食方面叫左個黑松露薯條，份量多，薯條炸得幾炸，亦都有黑松露既香味。佢會配埋茄汁，我認為唔洗落茄汁都已經好好食。之後就論到我認為必嗌既野食，就係明太子海膽意粉。份量都幾多，原本以為海膽應該唔太多，但都有6-7舊，不錯！鍾意食海膽既人點可以唔叫哩個！一啖海膽一啖意粉，感覺好新鮮。我地叫左個bbq醬配燒豬肋骨，份量又係好大，差d食唔哂。切開大約都有8舊左右，燒得幾好，肉質軟身爽口，同埋真係有浸燒烤味，本人非常鍾意浸味。但係建議3人或以上先好叫。

小妹一直聽聞shine的威力友人都大讚食物美味今天我與男友一同試試究竟！餐廳大致分為三個部分下圖的是摩登加型格的部份～頗有feel的喔首先點的是凱薩沙律/Palma ham沙律菜非常新鮮 爽脆～加上多士脆脆粒和我煙肉絲咸香咸香 口感更加豐富點了個小食 單骨雞翼最適合懶人如我 容易吐骨而味道略帶甜味 不錯喔男友最愛的龍蝦湯濃濃的橙色 龍蝦味濃郁味道很不錯 但不會過咸龍蝦意大利飯最後才為意到全部點的菜都是橙色的喔龍蝦肉肉質鮮嫩 表面加上薄薄一層芝士令人回味無窮意大利飯加上蕃茄醬汁烹煮的時間剛剛好 口感非常棒最後一道菜是男友最愛的紅花煙三文魚忌廉意大利粉紅彤彤的 外表非常吸引混合一起吃 味道不錯

尖沙咀呢幢商業大廈嘅食肆每間都各有特色，之前試過幾間之後都好滿意，所以今次嚟食埋呢間特色西餐！《小食拼盤 $158》這家餐廳的小食款款都好吸引，又想吃雞翼又想吃炸魷魚又想吃薯條的我點了抵食的拼盤，份量最適合二人分享，又不會因吃得太飽而沒胃口吃主菜。炸洋蔥圈非常大件香脆，魷魚煙軔，最好吃的是雞翼，漲卜卜而中間充滿肉汁。《凱撒沙律配煙三文魚 $78》吃太多炸物時最好就點沙律平衡一下罪惡感！沙律菜爽脆開胃，不經不覺很快吃了一整碟！《明太子海膽意粉 $188》是晚的重點就是這份海膽意粉！！意粉上更有三文魚子點綴，顯得份外矜貴。意粉煮得恰到好處，保持該有的彈性，醬汁creamy而不膩，我同朋友都讚味道確實唔錯。而主角海膽就只有一大片，味道甘甜，食完真係有啲唔夠喉！最後當然係女孩子最喜歡嘅甜品環節啦！呢個火焰雪山真係幾壯觀，雪山中間有雪糕，即使面層經過火燒都唔會令雪糕溶化，視覺上的確係幾享受。