881
48
31
港鐵尖沙咀/尖東站 H 出口, 步行約2分鐘; 尖沙咀H出口Isquare地面出口大堂, 步行約2分鐘; 餐廳位於漢口道及北京道交界(入口在漢口道Starbucks旁) 繼續閱讀
電話號碼
53288480
附加資料
最低消費:每位$300 , 限時兩小時(訂座時間起計)
營業時間
今日營業
12:00 - 16:30
18:00 - 22:30
星期一至日
12:00 - 16:30
18:00 - 22:30
付款方式
Visa Master 現金 AE 銀聯
座位數目
80
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
泊車 詳細介紹
電話訂座 詳細介紹
賞訂座積分
加一服務費
有關獎賞計劃
食評 (994)
等級4 2019-03-19
2523 瀏覽
星期日係紅日,但我仍然要OT~返工前,朋友話帶我去食個Lunch~Relax吓~去咗呢間位於尖沙咀嘅Shine~環境都幾高級幾靚~店員安排咗我哋坐窗口位~座位好寬闊~好舒服,一啲都唔逼~咁靚咁大嘅地方,裝修佈置又唔差~食物價錢都應該乘正比,但又比我想像中平喎~第一次食,我哋全部都揀廚師推介~北海道帶子明太子意粉賣相吸引~三文魚籽同帶子都多~每一粒帶子都煎到金黃色~意粉個汁好Creamy,同三文魚籽相當配襯~害得我成碟食晒咁濟~特級安格斯漢堡配脆炸薯條~好豐富嘅漢堡~近睇仲見到肉汁正在流出~牛肉較為濃味,要同生菜同蕃茄一齊食中和返~麵包好軟熟~薯條好脆好好味~墨汁海鮮意大利飯同樣都係好多海鮮~唔係單單表面睇到得青口、蝦同帶子咁簡單~黒汁意大利飯裏頭其實仲有隱藏魷魚在內~可以話食每一啖都有海鮮陪伴住~意大利飯軟硬度都好合我心意~果然係廚師推介~飲品我揀咗Peach Yogurt好好飲啊~勁鍾意飲呢杯~有淡淡桃味,帶丁點酸酸好開胃~刺激食慾~朋友見我飲得津津有味~佢都唔執輸叫咗第二杯推介嘅~Mix Berry Yogurt~幾靚女喎又~我怕會影響到我飲緊嗰杯嘅味道~所以無試到佢嗰杯~但朋友話ok好飲~攪勻上面啲忌廉一齊飲味道更佳~非常美滿嘅一餐啊~地方方便又舒適,價錢合理~係不錯嘅選擇~朋友介紹得真好~所以我都推介比大家~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-15
2203 瀏覽
Shine係幾常同朋友係尖沙咀聚腳食飯點,食物每次都可以食到好好味唔悶既菜。今日星期三都8成坐哂,好彩仲有張枱啫。芝士西西里蕃茄煙肉焗薯皮$78Baked cheese & bacon stuffed potato in tomato sauce薯皮好脆,蕃茄醬多而不過酸。係滿口蕃茄醬,芝士帶拉絲。煙肉唔好以為少,每口都有!依個有少少驚喜,佢咁足料!蕃茄大蝦闊條麵 $198Prawns & tomato tagliatelle兩隻大蝦係去左殼,好細心比我地一咬就啖啖蝦肉。蕃茄醬滿滿,香料重。之外,仲有6隻以上既中蝦係麵當中!闊條麵硬度適中,最緊要夠熱又夠量又有硬度。香煎太平洋鱸魚配普羅旺斯燉菜 $268Pan fried sea bass steak with ratatouille擇依個想食魚之外,之前食過依度燉茄子覺得唔錯。蕃薯蓉做底唔太甜幾好,茄子蕃茄蔬菜好多汁,少少酸味開胃仲唔會太軟。魚皮香酥脆。煎既魚油香口,就算鱸魚肉唔算好嫩,但都濕潤唔會乾巴巴。心太軟 $80Chocolate lava cake with ice cream雲尼拿雪糕配流心朱古力濃度適中,唔會太甜!第一次係度食甜品,都唔錯。有機會可以食下其他,見到有人食火焰雪山好霞氣。Sparking water $58佢有室溫同冰選擇。有青檸配上,有青檸梳打水咁。menu仲有野想食嫁,好多款。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-20
5108 瀏覽
星期六下午同男友黎到位於尖沙咀既SHINE,環境舒適又高雅,裝潢設計幾有情調,而且仲有落地大玻璃既卡座,真係好適合情侶黎食呀!原來呢度星期六日都有午餐,全部都是百多元仲包飲品,可惜唔係好啱食,所以都係決定散叫明太子海膽意粉$188每次見到明太子意粉我都忍唔住想試下,試完覺得呢間既明太子意粉的確抵贊!帶有咸鮮味的明太子混合忌廉汁令成個意粉好creamy濃郁,每條意粉都佔滿了明太子忌廉汁,加上新鮮的海膽同爆汁既三文魚籽,真係令我地讚不絕口!特級安格斯漢堡 ($168)呢個漢堡包非常巨大,除左漢堡扒之外仲有煙肉、蕃茄、生洋蔥生菜等等材料,一啖都咬唔曬。漢堡扒很厚但都係好嫩,每一口d肉汁都湧出黎,好正啊。不過我覺得如果可以有更多醬汁就會更出色。另外最令我驚喜係薯條,非常好食,無論味道定係質感都好好,就算食到最後都仲係好脆。OMG$88呢杯名叫OMG既cocktail睇餐牌介紹係荔枝、橙汁、玫瑰同士多啤梨加vodka,雖然酸酸甜甜係好飲既,但同我期待有點唔同,因為橙味太突出,飲唔係好到荔枝等味道。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-17
3378 瀏覽
週末難得個女肯陪我去行新景點,星光大道,仲帶我去試潮流 brunch,簡直是新春最好禮物🤩🤩地方闊落, 有長枱和梳化枱人唔算太多, 比咗一張近窗的四人枱,2個人坐,非常舒適,又可以有街景看👏👏天氣回暖,先叫了一瓶樽裝水解渴, 其餘全部個女發版 龍蝦湯creamy 滑口,伴碟有胡椒乾和香草, 烤焗多士, 真係有龍蝦碎㗎小拼盤 大大洋蔥圈、 雞翼、 魷魚圈、 薯條和炸蝦,全部都是脆脆口,絕對 適合年青一族, 炸蝦和雞翼覺得最好食, 粉薄蝦新鮮, 似日本的天婦羅,點 茄汁味道, 雞翼醃得夠味, 皮脆肉嫩, 帶少少辣味yummy yummy芝士焗開邊龍蝦配奇津薯條這個啱我食, 芝士多龍蝦肉爽, 薯條灑上香辣粉, 辣度剛好仲有半個大蕃茄, 可以清下喉嚨,冇咁熱氣 這個用電線構成的字形既環保又有創意 個女請,當然抵啦 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-01
5552 瀏覽
係呢頭行完街想搵開餐地方,突然間好想食好西,就二話不說同友人上左去呢間餐廳由於仲早時間,客人唔算太多,但之後坐坐下都陸續多客!呢度嘅燈光昏暗,設有卡位及梳化位,坐得都幾舒服慢慢望下餐牌有咩食先 :習慣開餐前食個沙律,多一份"綠色"嘛,呢客田園沙律 ($78)就岩晒心水,顏色繽紛,引起人食慾!材料除左有爽口沙律菜外,仲加入紅蘿蔔片,車厘茄及橙,淋上少少醋汁,成件事簡單得黎又清新!係主菜未上之前,食住呢客黑松露薯條 ($78),放底已聞到好香炸野味道!每條炸至乾身外脆,用手指拎住食都唔會油淋淋!  熱辣辣入口先感受到黑松露嘅獨有香味,再咀嚼就有薯仔嘅綿感,無論單食或點茄汁都好味道!食完個炸薯條,要飲返D凍飲中和下,呢度既係Bar,又係Restaurant,多種類酒精/非酒精飲品都有供應,呢杯Iced Fruit Tea ($58),外型可愛,入口香甜,仲有少少生果粒,無加冰粒,飲到尾都唔會變淡,誠意推介!係飯/意粉類當中,點了呢客香辣蜆肉意粉 ($148),材料一眼睇晒 : 大量蜆肉/辣椒/意粉估唔到都幾有辣度,但我接受到; 蜆肉全部無沙,食得放心又開心; 意粉係有口感嘅,個人偏愛有D硬度,尤其係無醬汁款式,呢碟岩我心水,味道帶有蜆嘅香味,配合辣度,相當滋味!另一客係燒安格斯肉眼扒 (10安士/$318),擺盤顯心思,安格斯肉眼扒上有條燒露荀,白色嘅係薯蓉,啡色嘅係紅酒燒汁柯打要五成熟,用刀切時已感覺到佢嘅彈性及鬆軟度,輕輕切開見到內裏仍然有嫩紅色,肉質相當鬆軟,就咁單食更顯肉味,配埋個紅酒燒汁就更惹味啦!  食晒成件都真係相當滿足!服務侍應反應主動,呢餐相當滿意 繼續閱讀
(以上食評乃用戶個人意見 , 並不代表OpenRice之觀點。)