One More Hotpot 來一鍋 (已結業)

西式裝修打邊爐嘅地方，個門口真係完全唔似食店，唔好話打邊爐嘅地方，我開頭以為去錯地方入面坐位幾舒服，因為早去到，所以無咩人，7點幾8點就坐到幾滿主要分2種價錢，一個係海鮮$368，有10款湯底選擇，除了位上的主菜同牛之外，其他所有都係任食任飲2.5小時另有藥膳火鍋套餐$288，都係任食任飲2.5小時，湯底有6款，主菜就無咗海鮮部份，蔬菜配料都係任限追加前菜有2款，每款一小碟- 四川麻辣木耳- 手拍青瓜湯底，揀咗鴛鴦湯底，加$68- 冬陰公海鮮湯底- 唔會太辣，都幾香，有幾隻蝦，都幾多蜆，魷魚，只係略為咸咗少少- 花膠螺頭雞湯底 - 好多料，有紅棗，好多雞件，仲要係雞脾位多，滾好耐都唔鞋，大大舊花膠，有5舊呀，仲有螺頭響鈴 - 真係勁勁勁大條呀，隻半手掌咁長，仲勁要即炸，熱辣辣，勁鬆脆，好好味，連平時唔食響鈴嘅我都食晒！魚皮 - 都係好大塊，有沾薄薄炸粉炸，都幾香脆以下海鮮手工丸係每位人頭上1）有殻鮑魚 - 好彈牙，好味2）象拔蚌3）有殻扇貝4）有殻青口5）有殻蠔 6）珍珠蚌7）大蝦8）手工豬肉丸9）墨魚丸10）墨魚釀豆卜- 吸咗d汁好味11）豬肉釀鮮冬菇 - 呢個好味12）流心芝士牛肉

呢幾日凍左好多，最好就係打邊爐啦。收工約左同事打邊爐，同事話穩到呢間，於是一齊去試下。位置唔難穩，係鵝頸橋附近。呢間係半任食火鍋，我地點左花膠螺頭雞鍋，安格斯牛頸脊一份。前菜係拍青瓜，同埋麻辣涼拌木耳。好好味，味道同四川餐廳食噶一樣。花膠螺頭雞鍋好足料，花膠都有五六件，雞仲好多舊添。海鮮是按位上的，今次有鮑魚，生蠔，珍珠蚌，扇貝，海蝦，好豐富。全部都好新鮮，不過有d蜆有少量沙。手工丸類2人份都幾多，最驚喜係有芝士牛丸，好好味。豬肉丸同墨魚丸都唔錯。其他手工雲吞、水餃都唔錯，特別係羊城水餃，好有特色。呢個牛頸脊好好味，有牛味之餘，一d都唔鞋，我同同事都大讚呢個牛頸脊。如果可以再食多一碟就好啦。我唔食魚皮的，但同事話呢個魚皮唔錯，炸得夠脆。響鈴夠大，炸得夠脆，擺入湯度淥幾下即食，正。皇帝菜係我的最愛，呢度噶都唔錯。我地有叫左豬腩片同羊肉片，羊肉片夠曬so，豬腩片有驚喜，無雪味之餘仲有小小豬肉噶甜味。最後每人會附上一份甜品，呢個心太軟一d都唔欺場，唔係好甜，但流心朱古力好滑，好香，食完甜品真係勁滿足。

今晚凍冰冰 同阿爸阿媽出街打邊爐。經過見到新開既來一鍋，餐牌好似唔錯幾好食，一於係度開餐！原來呢度開左一個月咋～入面環境唔錯，感覺好自然舒服，地方都好寬敞。仲有唔少裝飾設計，睇得出裝修有花心思。我地點左個冬瓜白肉蜆湯底。大大個冬瓜圈，相當足料！！加埋豬肉片br大蜆煲既湯，啖啖鮮味，好甜好入味。我地每位加左$38,有大龍蝦半邊. 賣相已經夠吸引，食落仲啖啖肉，肉質彈牙，鮮味十足。我第一次打邊爐用龍蝦，原來好岩火鍋食；煲左龍蝦既湯底鮮味到難以形容，真係食到lam lam脷！！我最愛既響鈴～～仲要係鮮炸呀！！仲要好長好巨型～～哈哈雖然咁長有點漏，不過鮮炸真係好鬆脆好香口，依然係我最愛！自己食哂成條～呢度既牛奶公司豆腐真係豆味十足，又香又滑嘟嘟，輕輕淥一淥就得，正！最後竟然仲有甜品食～～簡直係為呢餐火鍋畫上完美句號！係朱古力味心太軟喔，流心一般，睇黎可能焗耐左。不過味道好好，唔太甜，朱古力味香濃補番數！阿爸阿媽食得開心，飽到抱住個肚走。凍冰冰打邊爐真你永遠都唔厭，暖笠笠哂。

表妹話公司附近剛剛新開左間火鍋店叫我陪佢試下。今晚就同妹妹去接佢收工，三老表一齊去食好西一上到2樓就見到好亮眼既門面全店採用柔藍色調裝修，感覺高尚得黎好舒服。店內有3個房間，有最低消費，不過相當合理；只要訂位時說明就可以享用。我地點左胡椒豬肚濃湯鍋我地揀左海鮮火鍋套餐，一黎就上左盆好豐富好新鮮既海鮮好大隻鮑魚仲有幾款唔同既貝殼類，竹蝦，鮮蠔等等幾款海鮮都好鮮甜彈牙，而我最欣賞既係象拔蚌仔，特別煙韌彈牙手工拼盆-包括手工牛肉流心芝士丸，手工墨魚丸，豬肉丸同各樣餃類，雲吞等。其中牛肉流心芝士丸係最特別的，流心芝士原來同牛肉好襯！另外餃類同雲吞皮薄餡料，值得一讚鮮炸響鈴同魚皮，超級激讚新鮮熱辣炸起，香脆可口。就咁食或者輕輕用湯煮一下，兩個食法都咁掂！食物質素好，環境舒適，服務好貼心。員工主動同我地傾計，我地話冷氣吹住個頭，經理馬上幫我地調較，呢點細心真好

親戚黎香港玩要招待佢地就卜左來一鍋打邊爐貪佢夠多湯底揀同價錢合理野食方面都好多選擇 而且份量都唔少都幾適合一大班人既聚會環境方面都唔錯架 坐得幾舒服唔會迫黎迫去又或者周圍痴笠笠 所以都會再去既！

首先講下食物，其實前菜都已經好岩我胃口，係麻辣青瓜同木耳，質素同專食麻辣菜既餐廳有得揮！我地3個人食叫左海洋套餐配花膠螺頭雞湯底，非常入味，就算普通淥條菜都好好食！湯底啲料好夠，愈煲就愈好食！佢個魚皮同響鈴都冇得輸，一開始見到咁大舊有啲驚訝，職員話係岩岩炸好，試完真係覺得好鬆脆！未食過咁鬆脆既魚皮同響鈴，放去個鍋2秒之後都仲有啲脆但又有湯味真係好正！海鮮一大盤都好令人震驚，鐘意海鮮野人岩哂。雖然我唔係好識分貝類既野，但全部食落口都feel到幾新鮮，其他既配料都唔錯，值得一試！另外要讚下佢既裝修，一入去完全唔似火鍋店而係似西餐廳，似係花過心絲設計，例如燈飾係設計成地球儀同單車，而且放食物既碟用個好似英式甜點架既野拎出黎，感覺好可愛，用一般見到亂既火鍋店唔同，感覺好舒服乾淨。最後不得不讚佢地服務，真係冇得輸！一入黎職員就好親切問係咪第一次黎，主動同我地介紹個套餐同湯底比我地有啲認識。到見到我地想填野飲寫都主動話叫我地同佢講就得，唔洗寫，比我地覺得好貼身心。而且每次黎啲野食個陣都會講埋建議淥幾耐，唔會令我地濛查查咁。雖然之黎愈來愈多客，佢地都好忙，但都唔會忽略左我地依枱就黎食完既客，簡唔中都

天氣又開始凍，又係打邊爐既好時機！今日黎到來一鍋打邊爐，任食兩個半小時，可以慢慢食！愛好海鮮既我地，就揀左每位$368果個餐！前菜有四川麻辣木耳同手拍青瓜，木耳幾得好爽口， 辣得黎好惹味！鍋底有辣有唔辣，都幾多選擇！我地揀左鴛鴦兩湯底，女性恩物花膠螺頭雞湯同辣人之選既四川麻辣野菌鍋（少辣）。四川麻辣鍋唔係好辣，可能我地叫左少辣既關係，但就辣度適中，唔會辣到好辛苦，輕輕鬆鬆的！ 佢個鍋都幾多野菌，入晒啲麻辣味，幾好味😉花膠螺頭雞湯鍋，幾足料，湯底奶白色好鮮甜，啲雞餐廳預先調過味，就咁食都好正！仲有好補既花膠，有幾大舊，配埋呢個湯底，吸晒啲湯既香味好入味，正！ 飲品方面全場汽水/果汁任飲，選擇有廿幾款之多！　海鮮出場喇！有大蝦、殼蠔、鮑魚、扇貝、貴妃蚌、象拔蚌、大蜆, 呢個海鮮併盤係跟人頭上， 人人有份永不落空唔駛爭， 鮑魚爽口彈牙， 象拔蚌、珍珠蚌灼一灼就食得，鮮味可口！西班牙豚肉: 薄切既豚肉，幾鮮嫩, 灼幾下就食得, 好方便. 岩晒我地班餓鬼. 手切安格斯: 牛味濃郁，入口嫩滑即炸響鈴即叫即炸，豆味香濃， 真係幾脆， 灼一灼食更加滋味，好粗壯，食一舊都覺飽肚各種手打丸和餃同樣出色，尤

今日黎開SOGO，知道呢度附近有啲樓上鋪有好嘢食，又唔鍾意係商場同人迫，所以就嚟咗呢度試吓呢一個來一鍋。呢度啲座位好歡寬，用嘅顏色亦都好醒神！仲偷偷地見到有兩間房可以容納到十二、三人ge大圓枱，最啱一家人開party，閂埋房門用就最正喇。呢度係任食形式，鍋底都有10款俾你揀。其實有好幾款都想試，不過要就埋其他屋企人，所以最後揀咗人人都啱食又滋補又養顏嘅花膠螺頭雞鍋濃湯。個湯一嚟到即刻試飲，真係超濃，完全飲唔到有味精，好鮮甜。我哋揀咗安格斯牛頸脊肥牛片超新鮮好嫰滑！除咗牛肉之外，梗係唔少得超級豐富嘅海鮮拼盤啦好新鮮㗎！啲手打丸都好爽口彈牙值得一讚。個人好鍾意食餃子～正！飲品係任飲ka，整體來講呢個價錢有咁好嘅質素，值得再來！

天氣突然急降，咁凍的天氣之下最好的預寒方法之一當然要去打邊爐啦，仲要係一班朋友熱熱閙閙先至最開心！朋友就訂左係係時代廣場附近的一間樓上餐廳打邊爐，位置方便，又可以慢慢地任叫任食又任飲! 坐底後侍應姐姐好爽手地先黎兩碟餐前小菜: 手拍青瓜 & 雲耳. 同樣地都係四川麻辣風味, 够香又不太麻辣, 非常開胃; 跟住點左個雙併鍋: 花膠響螺頭雞鍋 併 四川麻辣野菌鍋  前者的湯料非常之足，除左有花膠，響螺頭同醃過嘅鹹雞外，仲有鹹豬骨。初時湯底比較清淡，但後來就越滾越濃郁, 感覺當然係好滋補養顏啦；而後者就係素食的野菌四川麻辣野菌鍋，初時大家都唔覺得太香辣，但一樣地後來就越滾越麻越辣，令人食得好過隱，停不了口; 手切安格斯牛頸脊肥牛  牛肉色澤紅潤, 厚度適中, 白色油脂分怖整齊又平均. 只需灼幾秒鐘就可以食得, 口感幼嫩多汁又冇渣, 而且牛味十分濃, 唔錯! 西班牙黑豚肉  切得非常薄身, 灼一陣間已經全熟, 入口非常軟腍易嚼; 跟住就黎到主菜: 巨大海鮮併盤 ! 分別有扇貝, 大蝦, 鮑魚, 生蠔, 珍珠蚌 & 象拔蚌.  扇貝 – 都幾大隻,彈牙鮮嫩; 大蝦 - 非常爽口

今個星期氣溫急降，當然係火鍋最佳時辰！ 朋友介紹來一鍋，就喺鵝頸橋附近，抵食又就腳。店內地方寬敞，有卡位，亦有 party 房，坐得都幾舒服。有兩種 menu 選擇，一種係海鮮，368一位，任飲任食。另一款藥饍火鍋，288一位。我就揀咗海鮮鍋，湯底就梗係花膠螺頭雞湯啦，螺頭令湯底鮮甜，都好足料，雞脾肉都有兩件，養生火鍋是也。前菜有拍青瓜同木耳，辣嘅，正。飲品就有韓式 soft drinks，十幾種，應該實揀到你想要嘅一種。首先出場嘅有海鮮拼盆：扇貝、青口、大蝦、鮑魚、蝦、珍珠蚌、象拔蚌。 食材新鮮，湯底亦無搶去食物嘅鮮味，隻象拔蚌都幾大隻，爽口，當然旋風狗出動，呢round 一定係15分鐘內KO 啦。再嚟！首先講一講佢個響鈴同炸魚皮，係即炸嘅，極鬆化，好耐都未食過剛炸起嘅響鈴，雖然佢成半隻手臂咁長，食完都唔覺得too much!餃子類有三款，我就覺得三款都好味，主要係佢個餃皮，有少少鹼水味，好正。同埋細細粒，唔會好滯。 丸類有四款，墨丸爽口，推介！再點左d 自選項目。個膽就梗係粟米、蘿蔔、豆腐啦，打邊爐must have， 要講一講個豆腐，好滑冇渣，一定要叫！仲有菜，居然有豆苗！！！

近年興手工火鍋，老實說，我唔太個定義係咩，不過以我觀察，就係半任叫式火鍋，而無得任叫、以人頭上既果部分係以手工制作既火鍋配料，質素比外間任食火鍋平均為高。講番正題，依間One More好似新開張無耐，有朋友帶我去食先識去但發現佢論食材材、食物款式、質素以至服務都真係唔錯佢提供兩款火鍋set，我地就揀左以下依款：依款set係包埋海鮮拼盤架食豪啲上面依張係飲品紙，任叫既。佢既火鍋湯底選擇係好多，而且有別一般湯底，佢既湯底湯料好豐富，有啲仲似有啲藥用價值添結果我地揀左花膠螺頭雞湯，係好清甜上面依兩樣係餐前小食，都幾開胃重點之一黎啦，係安格斯肥牛片依碟係每兩位先送一碟架，係同西班牙黑豚肉對揀既，鐘意食肥牛既梗係揀牛啦佢真係比一般既牛片有彈性同咬口得多架，而且牛味濃得黎唔會太穌，好食依碟就係手工火鍋既重點，上面每一樣咁精緻既配料都係手工製作，賣相都幾靚，其中最令我深刻印象既係手工牛肉流心芝士丸同埋手工豬肉釀鮮冬菇依啲精緻既配料放入鍋熟左之後，都唔會爛左散左，不錯可惜只係上一碟啦火鍋常見既炸響鈴同埋炸魚皮佢都做得好出色主因係店舖自家新鮮炸起既，真係脆到不得了跟住就係重點啦，就係海鮮拼盤每隻都好新鮮

依到既裝修主調色用左藍色同白色,令人感覺好舒服好新派,完全有別於一般火鍋店,唔講以為係食西餐呀服務又有禮貌同細心!!依到有兩個模式,一個係有一次性位上海鮮既放題($368),一個係無海鮮既放題($288),任君選擇!每位$368有海鮮食,有前菜小食,鍋底多至有十款選擇,配菜配料重無限添加,飲品任飲,而且食物質素高,尤其重點既海鮮夠新鮮,真係超抵食!!生蠔新鮮有光澤!扇貝大大粒!象拔蚌同貴妃蚌大大隻,超鮮甜,重有花甲!鮑魚波士頓龍蝦,每位加$38就有半隻,灼一陣就夠唔係過老食落會韌!食落爽彈啖啖肉!我真係無打錯,係只要$38蚊,咁計起上黎重抵過自己係街市買!所謂有圖有真相,海鮮的確新鮮,依點好重要,如果唔新鮮真係送比大家食都唔想食,對嗎!羊肉片豬肉片依到既手工餃真係好食,做到皮薄餡靚,特別鐘意雲吞同豬肉釀冬茹,前者咬開全部係蝦肉用料十足,後者釀冬茹有心思!

天氣開始凍啦❄️❄️⛄️⛄️啦又係打邊爐既日子🍽🍽男朋友好貼心 ❤️❤️即刻book好枱 二人世界💏💏今次黎到「one more來一鍋」開餐🤗環境好闊落 座位好寬闊 坐得好舒服 👍🏻👍🏻絕對唔係好迫 好有私人空間 值得一讚好多醬汁任你選擇😘😘湯底選擇好多 今次揀左「花膠雞湯」好滋潤 特別好適合女仔打邊爐前 特登杯左一碗湯黎飲 試下個原味先個湯底好鮮甜 係雞湯既甜 加埋有花膠 口感好「漿」好好飲😍😍食物方面 主打係海鮮亦係本人既「賣非佛」😝😝海鮮真係好新鮮 🦐🐠🐟兼夾好大份 擺設亦都好精緻 睇得出有花過心機💕💕龍蝦好鮮甜 好爽口 仲要好多膏 超級正😍😍鮑魚好爽口 彈牙 好大隻絕對新鮮👍🏻肥牛好濃牛味 入口即溶 店員亦都好nice 會講解下 海鮮種類 食法 ⋯⋯執枱好快 有時店員仲會主動問我地洗唔洗加湯 d野食黎齊未 真係要拍掌鼓勵👏🏻👏🏻飲品方面好多選擇 汽水種類好多 點知原來仲有咖啡 韓式飲品揀 點都會揀到一樣你鍾意飲既野💪🏻甜品方面 有心太軟一人一客即叫即制 上枱時仲係流心㗎😚

咪睇小樓上小店，one more 來一鍋試過要encore!餐廳行西式格調，以糖果藍為主色，侍應有禮服務好。火鍋有兩個plan，最大區別係價錢、湯底、同跟餐配搭，食海鮮會貴啲。另有多款任選任食配料。第一讚係湯底，我選了花膠螺頭雞湯，落足料！第二讚即日自家炸響鈴同炸魚皮，卜卜脆，兩三秒就食得！此乃店員推薦並引以自豪，我覺得係實至名歸既，真係好食。響鈴薄同脆，魚皮就酥脆。睇圖有真相，響鈴顏色比食開既淺，唔係番炸。第三讚有甜品我叫餐果時都無留意原來有甜品送，好少火鍋店有！仲要係西式，朱古力心太軟！細細粒容易食，質素不錯，非常圓滿！

一到冬天就好鍾意打邊爐，知道依間餐廳開咗冇耐而且裝修都幾吸引，所以我哋就去咗試吓依間餐廳嘅火鍋到嚟好唔好食。因為我同朋友都非常之鍾意食海鮮火鍋，依依間餐廳嘅套餐就係有1分海鮮拼盤，然之後任叫其他唔同嘅火鍋配料，感覺上都幾抵食所以我哋就去咗試吓，一入到去餐廳比我嘅感覺就係非常之新淨同埋舒服，所有嘅枱凳都係用咗Baby Blue嘅顏色，俾人一種好舒服嘅感覺。然之後湯底方面我哋就叫咗椰子雞湯底，因為覺得清清地嘅湯底先會食得出海鮮嘅鮮味。然後海鮮拼盤真係非常足料，有我最鍾意食嘅飯立貝鮑魚大蝦同埋生蠔，其他海鮮都非常之新鮮，而且生蠔都幾大下，鮑魚嘅味道都幾鮮甜，所以對於海鮮拼盤來講我都幾滿意其他火鍋配料就叫咗一啲手工製品，有菇肉丸等等，味道都幾特別唔係平時出面食開嘅味道。響鈴嘅份量真係非常之大，而且非常之香脆食落口好香，然之後就叫咗一份牛肉，牛肉嘅味道都唔錯而且望落去都靚，然之後就叫咗一啲炸魚皮，炸魚皮口感非常之好而且好脆。食到最後已經好飽，估唔到仲有甜品，甜品係朱古力心太軟，本身對心太軟嘅期望唔大，點知食落去有驚喜喎，朱古力嘅味道非常之香濃而且係非常流心嘅，諗起都想再食多次。