One More Hotpot 來一鍋

近年興手工火鍋，老實說，我唔太個定義係咩，不過以我觀察，就係半任叫式火鍋，而無得任叫、以人頭上既果部分係以手工制作既火鍋配料，質素比外間任食火鍋平均為高。
講番正題，依間One More好似新開張無耐，有朋友帶我去食先識去但發現佢論食材材、食物款式、質素以至服務都真係唔錯
佢提供兩款火鍋set，我地就揀左以下依款：

依款set係包埋海鮮拼盤架食豪啲

上面依張係飲品紙，任叫既。

花膠螺頭雞鍋

佢既火鍋湯底選擇係好多，而且有別一般湯底，佢既湯底湯料好豐富，有啲仲似有啲藥用價值添結果我地揀左花膠螺頭雞湯，係好清甜

手拍青瓜及四川麻辣木耳

上面依兩樣係餐前小食，都幾開胃

手切安格斯Prime Grade牛頸脊肥牛肉片

重點之一黎啦，係安格斯肥牛片依碟係每兩位先送一碟架，係同西班牙黑豚肉對揀既，鐘意食肥牛既梗係揀牛啦佢真係比一般既牛片有彈性同咬口得多架，而且牛味濃得黎唔會太穌，好食

手工拼盤（位上）

依碟就係手工火鍋既重點，上面每一樣咁精緻既配料都係手工製作，賣相都幾靚，其中最令我深刻印象既係手工牛肉流心芝士丸同埋手工豬肉釀鮮冬菇依啲精緻既配料放入鍋熟左之後，都唔會爛左散左，不錯可惜只係上一碟啦

即炸響鈴

即炸魚皮

火鍋常見既炸響鈴同埋炸魚皮佢都做得好出色主因係店舖自家新鮮炸起既，真係脆到不得了

海鮮拼盤（位上）

跟住就係重點啦，就係海鮮拼盤每隻都好新鮮乾淨，而且都唔算細隻包括有扇貝、鮑魚、青口、大蝦、蠔同埋象拔蚌可惜只係一盤

其他火鍋配料（任食）

其他火鍋配料係任叫任食既，一般火鍋成日叫到成枱都係碟，搞到無位放，依度就好好，放定架車仔係桌旁邊，同你將食物放得好好地，睇起黎都好整齊驚喜既係任叫任食既配料質素都好唔錯架

黑豚腩片及羊肉片（任食）

咁多樣任點任食配料入面，我最推介黑豚肉同埋羊肉

心太軟

最大既驚喜係，依度既甜品竟然係心太軟而且質素仲很不錯，係有香濃既流心朱古力，而且size 岩岩好，食完火鍋都仲食得落
整體來講，店舖格調都幾舒服，好似Cafe 咁架，而店員服務亦好好，食物上枱速度快，質素亦好，值得一試