Mr. Crab by The Captain's House (已結業)

平時都好少寫食評因為懶今次真係忍唔住要寫五百幾蚊的seafood combo 海鮮真係極之少八爪魚就黎細到搵唔到青口亦得幾隻而且唔新鮮我俾五百幾蚊，海洋份量實在太少個seafood bowl 冇烹煮技巧可言就係烚熟d海鮮加醬料 shake暈佢如此低煮食技巧嘅dish竟然仲可以俾咁少我非常不推薦大家去食！！

2021年4月30日 星期五今日係公司要OT遲左走，返到灣仔已經差不多七點，趕唔切買餸煮飯，唯有同老婆去食mr. crab，其實之前已經試過佢既午餐，感覺都唔錯，所以就繼續黎試埋個晚餐睇餐牌嘅時候發現有二人套餐，包括左餐廳嘅招牌海鮮袋，前菜同意粉，仲送兩杯餐酒添，由於費事嘥時間諗食乜嘢，所以好快就決定咗要呢個餐一點完餐冇幾耐店員就送上餐酒，係兩杯冰凍嘅白酒，用嚟配稍後送到嘅海鮮最夾，飲落去唔算太難入口，酒嘅濃度連老婆都可以接受之後有前菜黑松露薯條，熱辣辣新鮮送到，薯條咬落去好香脆，充滿黑松露嘅味道，再點埋黑松露醬汁，簡直係雙重黑松露滋味，好適合我呢一種重口味人士跟住有蟹肉卡邦尼扁意粉，上面仲有芝士鋪滿成碟意粉添！！扁意粉好掛汁，每一啖都食到濃郁嘅醬汁，加埋有咬口嘅意粉，食完已經開始飽飽地估唔到最期待嘅食物最後先登場，就係精選海鮮袋，我哋挑選左三款海鮮，分別係海蝦、迷你魷魚同蜆，配檸檬忌廉汁，店員打開袋之前先搖勻，令到每種海鮮都吸收左醬汁嘅味道，夠晒滋味蝦咬落彈牙，而且蝦肉冇痴殼，迷你魷魚就好飽滿，裡面都係醬汁，但食完唔會覺得膩埋單兩個人大約$750左右，雖然食物款式叫左唔係好多，不過食

我和蟹先生的一個午餐約會🦀1. 香脆軟殼蟹扁意粉 $118軟殼蟹炸得好香脆 意粉幾彈牙 仲有好多粒好新鮮嘅蕃茄仔 幾鮮甜 個醬汁都夠 酸酸甜甜 中和左啲炸嘢嘅油膩感2. 蟹先生全日早餐 $138好豐富 有包 蛋 煙肉 腸仔 薯餅 茄汁豆 菇 同crab cake 雖然個crab cake唔大份 但係蟹肉好多 再加上煎香左 真係一啖一滿足3. 餐湯 沙律 蘋果汁 （lunch set包）沙律正常 餐湯今日係忌廉湯 幾香濃順滑 蘋果汁幾新鮮 應該鮮榨 酸酸甜甜 唔錯Overall 推介指數：4/5Lunch set百幾蚊仲有啲海鮮食下 都幾抵食 環境都坐得舒服 幾多卡位 鍾意西式海鮮嘅朋友都可以試下

之前已經食過呢間，今次再encore ！依家仲推出咗二人餐👯‍♀️首先可以揀海鮮Combo，我揀咗3款海鮮:海蝦、海蜆、小墨魚仔！店員推介海蜆，因為佢話馬尼拉蜆比較細隻，想大隻啲、口感好啲就揀海蜆。另外呢個時候小墨魚仔係seasonal！所以都係佢highly recommend 嘅！當然要點Mr Crab Cajun sauce，signature sauce，mild spicy，食食下有少少後勁~一袋大大的包裹，靚仔店員即刻表現shake shake，令到每樣海鮮都平均地沾滿每一滴醬汁😋😋😋一打開袋，香氣四溢！前菜:蒜香蜜糖汁雞翼蜜糖味突出，唔太食到蒜香味🤣雞翼炸得幾香脆💕Risotto:蟹肉蟹膏南瓜意大利燴飯淡淡都係香濃嘅蟹膏，啲飯粒粒分明，sauce 吾會太膩，調得岩岩好~飲品方面，仲有2 glass house wine，用精選的酒配上美食，讓我的晚餐更精采！加分位:✔️店員嘅service非常之讚！話俾我知邊啲係當造嘅食材！食完又真係冇令我失望😇✔️

今日同朋友去咗灣仔食海鮮餐，喺灣仔地鐵站行出嚟好快就到。餐廳地理位置好方便，店員服務態度都好好。黎食海鮮當然唔少得叫一個shake shake海鮮袋啦，總共有10一款海鮮可以選擇，我哋揀咗海蜆，翡翠螺，小墨魚仔。另外仲有三款醬汁可以選擇， 朋友就想食，lemon dill cream sauce，酸忌廉嘅味道特別濃厚。海蜆好大隻，味道鮮甜冇沙， 翡翠螺，螺味重肉質彈牙有口感，個人最鍾意食小墨魚仔，鮮嫩又掛滿醬汁，令人覺得回味無窮。另外海鮮袋仲有薯仔同埋腸仔真係食過海鮮袋都已經好夠飽。小食方便，叫咗個水牛城雞翼，水牛城醬唔係好辣，雞翼炸得香脆，醬汁再多啲會更好。仲有蟹肉蟹膏南瓜意大利燴飯，每一啖都食到蟹膏嘅鮮甜味道，燴飯嘅飯粒都煮得幾正宗，偏軟身有口感。

朋友至理名言，用美食寵愛自己，是生活中的小確幸，忙碌的生活之餘，需要舒適的空間悠閒地享受愜意午餐，所以她挺愛去Mr. Crab by the Captain's House吃個brunch，美食輕觸味蕾的霎那，瞬間壓力都被釋放。簡潔有力的美國露笋黑松露野菇燴意大利飯蘊含無窮美味，黑松露香氣在上桌後瀰漫空氣中，還未吃進嘴裡，便溢滿口水。水嫩的大啡菇一咬下立即噴汁，嫩綠的露笋清甜無比，意大利飯裡的野菇豐富飯的層次，黑松露醬汁完全包覆飯粒，風味十足。最近我似乎有愛上Mocha的趨勢，這裡的Mocha第一口巧克力味蠻重，隨後咖啡香緩緩釋出，是杯口味多變的咖啡，推薦大家一喝。路易斯安那寶石非一般班尼迪克蛋，底下除有煙三民魚外，還搭配不常見的路易斯安那特色蟹餅，蟹餅炸得金黃香脆，絲絲蟹肉口感細緻鮮甜。班尼迪克蛋真是誘人又邪惡，刀子一切，蛋黃汁立刻汩汩流下，尚未開動，先讓眼睛飽覽一下。班尼迪克蛋，煙三文魚，蟹餅一同入口，各種滋味交疊在一起，好不過癮。雖然旁邊的雜菜沙律是配角，看起來不是特別華麗，但數種新鮮嫩綠的沙律菜混搭滑潤的牛油果，清甜的粟米，酸甜的蕃茄仔的表現優秀，清新開胃。路易斯安那寶石配上一

🔍Mr. Crab by The Captain's House🎈灣仔莊士敦道74-78號一樓及地下C號舖-----腸胃炎咗好多日，啱啱好返朋友仔竟然約我食海鮮，一向都為咗食好西豁出去嘅B仔，當然捨胃陪君子。.餐牌選擇好多，懶得細細研究嘅我地直接叫咗二人餐（$688），等野食期間可以先去吧檯隔離嘅大型洗手盆洗個手，再著上餐廳預備嘅膠圍裙，ready好之後，一陣一上菜就可以直接開始食。.🐟Seafood - 「11項選3項」海鮮選擇眾多，11款當中有3款要俾錢upgrade先可以揀，其餘都唔需要。B仔同友人揀咗海蝦、藍青口同埋墨魚仔。醬汁則在店員推薦下揀咗佢地最signature嘅Mr crab cajun sauce。一大袋脹卜卜嘅海鮮袋，內裡充滿熱騰騰嘅蒸氣，店員熟練咁攞起海鮮袋上下倒轉幾次，之後就幫我哋剪開，醬汁香氣瞬間散開在空氣中，令人不禁吞咗一下口水。調味神似沙嗲加沙茶再加埋蒜蓉嘅Mr crab cajun sauce令整袋海鮮惹味到令人欲罷不能，香香辣辣，濃郁而不掩蓋鮮味，一啖海鮮，一啖House wine，沉醉於美食當中嘅B仔，嘴巴忙碌得完全唔得閒同朋友好好傾計。（🦪個人海

平時經過呢間餐廳，以為佢只係賣一袋一袋既海鮮，好豪氣咁用手開餐😂😂原來並非如此早2日約朋友黎呢間食lunch, 中午都有set lunch 水準係意料之外地高👍👍餐湯周打蜆唔錯，正路我地叫左個medium rare牛扒，肉質都唔錯 以呢口價計另外仲叫左個牛肉黑漢堡😂😂呢個高質個包底又香又鬆軟，漢堡肉夠香 ，絕對可encore真係好好食，同朋友share都好飽仲要讚讚服務員服務態度好好～～👍👍👍👍

早排同朋友去開灣仔，之前見到網上有好多人推介呢間位於灣仔利東街附近專食蟹嘅專門店，今次黎食午餐，餐廳亦有提供brunch Set💜 味道都唔錯㗎😄_Brunch Set 統一$128，套餐有多款選擇亦會包飲品，亦可加錢轉飲品和甜品Mr.Crab All day breakfast全日早餐有多款配料包括蟹餅、薯餅、煙肉、腸仔、煙三文魚沙律、蘑菇、茄汁豆等等，另外蛋有三款煮法選擇，今次小編同朋友就揀咗炒滑蛋，味道不錯十分豐富，特別推介蟹餅，外皮香脆內裹充滿蟹肉🧡_流心芝士牛肉漢堡呢款漢堡有驚喜！牛肉十分厚切仍然保留肉汁，流心芝士食落去更加惹味，旁邊亦有沙律，有助解膩Rose Tin $58Sakura Tin $58餐廳有提供多款特色飲品和Cocktail選擇，今次叫嘅呢兩杯都係特色茶飲，飲品嘅擺盤非常靚打卡一流，兩杯味道都好清新，小編比較鍾意Rose Tin，玫瑰味較香濃

今日去灣仔行街，好想食海鮮，但又唔想食平時食開既蒸炒之類。忽發其想曾經係尖沙咀食過一間海鮮袋，印象中係灣仔有分店，於是openrice search到， 叫Mr.crab by the captain’s house, 呢間分店裝橫好特別，海洋和船等主題，一入餐廳門口已好有置身於船上感覺，上樓梯,梯間好多唔同的船漿、燈塔等海洋裝飾。我地坐低order 左2人套餐$688，十分豐富，食到好滿足。1. 海洋袋：有多達九款海鮮可以任選3款，今次我地揀左海蝦、翡翠螺和馬尼搵蜆，另外醬汁三選一， 好辣的我一定選Mr Crab Cajun sauce, 侍應一端上午一定問我地要唔要拍照再幫我地搖一搖海鮮和醬汁，三款海鮮都好新鮮彈牙。2. 蟹肉卡邦尼意粉，新鮮火腿粒混合煎到脆口的煙肉粒好香口，卡邦尼醬汁也煮得稀稠適中， 配上彈牙扁意粉。3. 小食脆炸雞翼：揀左魔鬼辣汁，大大隻脆炸雞翼上面撒上特製魔鬼辣汁，真係辣到噴火。

同小女友喺灣仔食飯，去左呢間食海鮮出名嘅Mr crab by the captain’s house。呢次叫左個二人套餐，佢哋包左一客海鮮袋，前菜，意粉同埋兩杯紅白酒。Seafood combo ：嚟得呢度一定要叫返個海鮮袋啦！呢個套餐嘅海鮮袋可以揀三款嘅海鮮，佢哋分別有海蝦，海蜆，馬尼拉蜆，藍青口，小龍蝦，翡翠螺，小八爪魚，小墨魚仔，如果仲想食豪啲嘅話仲可以加錢選擇埋原隻龍蝦，阿拉斯加蟹腳同鱈蟹腳添。我哋呢次就揀左藍青口，馬尼拉蜆同埋小墨魚仔，加埋lemon dill cream sauce 。佢哋用嘅海鮮夠哂新鮮，肉質口感都係彈牙爽口。而呢個醬汁同海鮮非常夾，可以更加突出左海鮮應有嘅鮮味。路易斯安那爆谷蟹餅：呢次我哋加左錢upgrade 左個前菜，而呢度嘅蟹餅賣相非常精美，蟹餅表面就煎到金黃色，香脆嘅外皮入面包含住滿滿的蟹肉，口感十足，味道極為鮮味。黑松露海蝦忌廉汁寛條麵：黑松露忌廉汁creamy，其黑松露味濃郁，香氣撲鼻海蝦爽口彈牙，加埋寛條麵熟度啱啱好，硬度適中，做到醬汁完美掛喺麵條上。Daily Tiki ：我哋決定加錢將套餐嘅紅白酒轉左呢個，我哋完全比佢嘅杯吸引左，用嚟影相

經常路過,未有光臨.網上扒文好似不錯,決定試試.叫了海鮮籃,選擇5款海鮮, 小龍蝦..不新鮮..松葉蟹一份(=半隻,加多一個鉗),尚可,小黑魚,約十顆,每顆好似粒麥提沙咁大...帶子三份有三片殼但只有兩粒肉..虎蝦,最普通的海產,算新鮮,合格.(仲有一款..忘了...)配Mr. Crab Cajon Sauce,，但女友不吃太辣，所以另上汁醬，拼起來算是惹味，但海鮮只是鹽水煮撈調味，沒烹調技巧可言。另點Louisiana Crab Cake, 解味豐富,像一粒魚蛋般乂,份量少了點. 黑松露海鮮忌廉汁寬條麵,味濃香,麵條彈牙,很不錯.最後點了萍果批,整晚最滿意的了.

灣仔利東街行過少少見到呢間食西式海鮮嘅餐廳，佢地個logo係卡通蟹都幾得意，同埋有2人餐，都唔太貴，所以就入去試吓。佢地入面嘅裝修都係以海洋做主題，d坐位都坐得舒服，唔會有侷促感。其實2人餐都有幾多選擇，佢地個海鮮袋，可以比我地選擇3種海鮮，我地選擇咗馬尼拉蜆，海蝦，小墨魚，而醬汁方面就係Mr,Crab cajun source，呢個汁都幾辣，配上海鮮又幾夾，等咗一陣終於上菜，佢係用一個大袋入住晒d海鮮，店員喺我地面前shake shake將d海鮮同醬汁mix勻，一打開袋，除咗見到海鮮之外，仲有好多配料喺入面，分別有薯仔、粟米、腸仔，d海鮮都好新鮮，馬尼拉蜆都係第1次食，原來都幾鮮甜，海蝦都彈牙爽口，而墨魚仔都好嫩滑，一d都唔韌。黑松露薯條，薯條炸得非常香脆，佢都有跟埋一個黑松露沙律醬比我地，個醬勁香黑松露味，配薯條食一流，除咗個醬香之外，薯條上面都仲有好多黑松露粒粒，真係好足料。蟹肉卡邦尼意粉，個意粉沾滿卡邦尼汁，非常creamy,意粉上面有勁多蟹肉，煙肉粒粒，呢個意粉勁好食。

#跟住我食唔中伏.早幾日帶寶寶去 #利東街 睇蝴蝶附近揀咗呢間 mr crab 食lunch寶寶遠遠見到招牌，指住係咁大叫「🦀蟹蟹」🙈.餐廳佈置都好有「船」＆「海洋」元素🌊寶寶入到餐廳非常高興，好似去咗主題樂園咁😆Set lunch 都幾多選擇，而且都好吸引，肚餓嘅我流口水🤤.［流心芝士牛肉漢堡］呢個勁浮誇🙈漢堡包係黑色已經夠出位包中間個開咗個大圓洞，爆滿芝士sauce！ #勁邪惡每一啖都爆芝士🧀勁難忘！不過塊牛肉如果再juicy啲就正🤤.［香煎龍脷卷配檸檬牛油］#suprise 比我想像中更好食！❣️龍脷卷煎得幾香，調味合宜👍🏻肉質實淨唔乾，唔錯～檸檬牛油唔油膩，亦唔會過濃👌🏻💞都幾岩寶寶食.餐湯＆沙律都唔錯✨咖啡普通😗...最開心見到寶寶開心❤️#ca師奶餐廳_灣仔

走進<Mr.Crab>，像置身於湛藍的水族館，沿著樓梯，大隻八爪魚壁畫，和牆邊掛上的水泡，色彩繽紛，打卡一流。餐廳以海鮮袋為招徠，二人套餐十分豐富，海鮮袋、小食及主食都一應俱全，週末要去品嚐海鮮盛宴。Signature Combo海鮮袋可自選3款海鮮: 海蝦、藍青口及墨魚仔，再配搭醬汁。等待期間，可以先戴上可愛的圍裙和手袋，吃得更盡情。店員幫忙搖搖脹卜卜的海鮮袋，讓海鮮及配料，充份吸收稠密的Lemon Pepper Sauce。海蝦晶瑩彈牙，沾上胡椒檸檬汁，鮮味加倍誘發，微微香辣，彈牙而惹味! 肥美青口，肉身軟糯，連同醬汁呷入口，鮮香柔滑。墨魚仔咀嚼時特別爽彈，鮮香、富嚼勁。豬肉腸圓厚，肉味濃郁，還有薯仔及甜粟米，薯蓉熱燙、綿密，沾上海鮮精華，吃到舔舔脷。粟米清爽多汁，滋潤解辣，令人回味。脆炸雞翼 配蒜香蜜糖汁雞翼外皮酥脆可口，表面油光亮麗，每吋都沾滿蜜糖醬，入口外脆內嫰，沾上酸忌廉，另有一番滋味。伴有西芹、蘿蔔條伴碟，在香甜中帶出田園風味。黑松露海蝦忌廉汁寛條麵每條寛條麵掛滿濃郁忌廉汁，表面鋪滿大蝦肉，拌勻忌廉汁，啖啖都散發滑溜奶油香。夾合滑溜雜菌，加上黑松露的幽香，