Mr. Crab by The Captain's House (已結業)

今日去灣仔行街，好想食海鮮，但又唔想食平時食開既蒸炒之類。忽發其想曾經係尖沙咀食過一間海鮮袋，印象中係灣仔有分店，於是openrice search到， 叫Mr.crab by the captain’s house, 呢間分店裝橫好特別，海洋和船等主題，一入餐廳門口已好有置身於船上感覺，上樓梯,梯間好多唔同的船漿、燈塔等海洋裝飾。我地坐低order 左2人套餐$688，十分豐富，食到好滿足。1. 海洋袋：有多達九款海鮮可以任選3款，今次我地揀左海蝦、翡翠螺和馬尼搵蜆，另外醬汁三選一， 好辣的我一定選Mr Crab Cajun sauce, 侍應一端上午一定問我地要唔要拍照再幫我地搖一搖海鮮和醬汁，三款海鮮都好新鮮彈牙。2. 蟹肉卡邦尼意粉，新鮮火腿粒混合煎到脆口的煙肉粒好香口，卡邦尼醬汁也煮得稀稠適中， 配上彈牙扁意粉。3. 小食脆炸雞翼：揀左魔鬼辣汁，大大隻脆炸雞翼上面撒上特製魔鬼辣汁，真係辣到噴火。