MGB by Manhattan Grill & Bar (已結業)

幾日前約左幾個好姊妹提早過聖誕節，我地揀左之前食過既曼克頓餐廳，鍾意呢度好有氣氛，坐得又夠舒服。聖誕節當然要一齊慶祝，食好嘢同交換禮物喇首先，我地叫左個海鮮小食拼盤，入面有炸蝦、炸魚、炸魷魚、炸洋蔥圈同炸薯條。每樣食物都有少少，岩曬我地呢d鍾意多選擇啲既女仔。經理推介左2款蠔俾我地：美國同法國. 法國蠔比較肥美亦較滑身，容易入口。而美國蠔海水味較重，味道比較濃。根住呢個係和牛漢堡包。薯條炸得好脆，好香口。沙律好新鮮，好fresh好開胃。和牛好有牛肉味，加埋芝士煙肉，十分惹味呢！呢個係半隻燒雞及燒排骨，雞肉外脆內嫩，雞皮十分脆，而且入面嫩滑多汁。至於燒排骨，佢整得好軟熟，一切就食得，鎖住曬d肉汁。到左甜品方面，叫左個朱古力心太軟。外層朱古力十分濃味，加上流心朱古力汁，整個朱古力係口腔徘徊，真係朱古力迷最愛。另外，雲呢拿雪糕可以減低朱古力既濃味。蘋果批。呢個蘋果批上面有個雪糕，但係下面就係熱辣辣嘅蘋果批。令人感到有冷熱交集嘅感覺。後面蘋果批整得好脆, 又有蘋果粒，十分有口感！另外，我仲見到聖誕節同除夕倒數既special menu. 見到聖誕節既menu, 每人都係$398，就有咁豐富嘅嘢

又到聖誕又到聖誕…昨晚提早和朋友慶祝聖誕順便交換禮物，再次選擇了曼克頓餐廳。無他，只為餐廳的環境情調好適合大家聊天和為了再試試這裏的生蠔。美國泰勒太平洋石蠔及法國神聖之蠔，前者有點兒海水味，後者則很鮮甜。經過上次的經驗，今次吃得比上次還多還好吃！肉，全部都係肉！我們叫了個和牛漢堡配薯菜還有肉眼扒，肉質都是嫩滑易咬不“un”，配上特製醬汁使肉的鮮味突出，配上每條都炸得金黃色又脆又香的薯條，這餐都吃得很飽很滿足了！最後指定動作當然要吃甜品，我們叫了心太軟，一切開暖暖的漿流出，即使飽了也有胃口再吃。看了看聖誕節及除夕的餐牌好像還挻吸引，價錢尚算實惠，而且有龍蝦可惜今次提早慶祝了

年尾公司特別忙，難得一日不用OT，快快相約男朋友去撐檯腳，也當是提早跟他吃冬至飯! 今次來到Manhattan Grill & Bar，朋友推介這裡的生蠔非常正，其他食物也不錯，所以我們就訂枱來試一試。 生蠔4隻，先有口味較淡的澳洲哥芬灣蠔，海水味不重，但口感好creamy，而另一款則是美國泰勒太平洋石蠔，海水味濃郁，口感爽口實在，兩款肉質都好肥美! 香蒜白酒煮藍青口，蒜香味濃郁，青口不算大隻但好入味，肉質爽口又彈牙，不錯呀。 BBQ燒雞全隻，燒雞預先分成兩邊，方便我跟男友一人一半。 伴碟有粗薯條，熱辣辣好香脆有薯香，沾一點BBQ醬吃夾到不得了。 燒雞大約是八成熟，中間位置還有點未熟透，不過肉質真的非常嫩滑，就算雞胸也不會鞋，而且肉汁豐富，整隻雞塗滿BBQ醬好惹味。 夏威夷pizza ，餅底好出色，不會太厚也不會太薄，吃起來外脆內軟，配料以波蘿及火腿為主，雖然很簡單但配上我最愛的千島汁實在好好味。 聖誕套餐也非常抵食，一位只需398起。 新年套餐一位只需438起。

聖誕聚餐第3擊，今晚來到觀塘，朋友已一早定了這間西餐廳，店外有聖誕裝飾，氣氛不錯。menu 上的選擇很多。海鮮拼盤是即叫即炸的，一入口熱辣辣，有洋蔥、蝦、魷魚圈和薯條。炸蝦好味，肉質爽脆。魷魚厚肉，不過就有少少韌。洋蔥爽甜。和牛漢堡的漢堡包脆得有聲，上下兩塊面包均塗上一層牛油，很香。和牛漢堡的肉質鬆，油份少，預設5成熟，中心紅紅的。生菜和番茄新鮮，爽甜，有助解膩。配上粗薯條，外脆內軟的，薯味濃。16oz安格斯肉眼一塊很厚，約3-4cm,，肥瘦適中，牛味濃，肉質鬆軟，點了五成熟，不過更似七成熟。甜品的apple crumble有一球白雪雪的雲呢拿雪糕配上新鮮士多啤梨和藍莓賣相吸引。蘋果暖暖地，配上雪糕，又凍又熱，又軟滑又爽脆，口感豐富，甜度適中，肉桂味不重。

同朋友諗住交換禮物，一諗就諗到呢度，貪呢度唔太多人又可以坐耐d!首先梗係食蠔啦，我地叫左美國泰勒太平洋石蠔同法國神聖之蠔，先食美國既，淡口d，而法國既味道重，海水味濃再黎個龍蝦湯，離遠都聞到既龍蝦味，一撈就睇到好多龍蝦肉!到主菜啦，呢個燒雞+ribs，個醬好特別，比蕃茄醬多左d bbq風味，雞肉亦算嫩滑！再黎16安士肉眼扒，個醬都係特別，淡淡地唔會搶到牛味，而個牛唔使講啦，唔黏牙，牛味重，好岩我呢個牛魔王再黎和牛burger，個包外脆內軟，和牛就生生地，煙肉都比較乾，但加埋蕃茄d配菜剛剛好！甜品方面，叫左心太軟同apple crumble，心太軟唔使講都係不段流漿，最特別係個雪糕，好'湮韌'！而apple crumble面既白色一球又唔似雪糕，應該cream黎，淡淡奶香，配上少少酸既蘋果，不錯臨走時待應仲比左聖誕節同除夕menu我地睇，幾有心，而且有好多都係普通menu冇既，好想試下！

難得同家人一齊出去食飯，專登book左間睇落都唔錯嘅餐廳食蠔，book左好快有得入座，menu有得分開嗌小食，頭盤，主菜，亦有兩人套餐，因為我地多人食就緊係分開叫黎share啦😀叫左total四種蠔 分別係美國 法國 澳洲x2個人認為法國蠔係最最最好食👍🏻 可能佢係咸淡之間平衝得岩岩好！肉肥美又鮮甜！好滿足🤗水牛芝士伴蕃茄 水牛芝士淡淡嘅味道係連平常唔好芝士嘅家人都覺得可以一試，有微妙嘅芝士味係口中慢慢散發出黎，加埋蕃茄酸酸地可以中和，作餐前小食好正👍🏻接住就係經典曼克頓海鮮周打湯，味道就還好啦，唔夠濃同埋有d似罐頭湯味，冇咩特別。不過勝在夠多海鮮料😍都叫做有d海鮮食下～西班牙伊比利黑豚扒 配薯條薯條熱辣辣送上🌞厚切嘅黑豚排，中間嘅肉仲好嫩，食起黎非常重嘅肉味，外加嘅調味料唔重，點埋酸酸地嘅蘋果蓉可以將味道提升！甜品係鮮果拿破崙

食物一般，人手不足，叫左野食，等左半個鐘都唔到，三催四請先上住一樣比你先，坐得迫，同隔離枱好近，隔離傾咩都聽得一清二楚，所以環境會覺得好嘈。埋單又話無錢找，唔明咁大間餐廳點解會無錢找囉

餐廳氣氛都唔錯，幽暗得黎d燈飾又帶點浪漫，好岩情侶黎浪漫一下☺️首先就嗌左一打生蠔😋分別係美國泰勒太平洋石蠔，法國神聖之蠔，澳洲哥芬灣蠔同澳洲煙霧灣蠔。講到食蠔其實我都比較少食😂唔太識分邊隻好，店員就建議我地先由淡味食起，即係美國蠔同法國蠔，兩隻澳洲蠔都係偏重味嘅～我就揀左最淡同最濃黎試😋美國蠔個形比較圓同扁身一點，食落有淡淡嘅海水味，味道真係較淡但都易入口d, 食到蠔嘅鮮味～另一隻就試左澳洲哥芬灣，一食就分到明顯咸好多，不過肉質比較肥美！不過覺得可以唔加醬凈係加檸檬汁就更可以食到蠔嘅鮮味喇😛食完生蠔就上湯，我嗌左法式洋蔥湯，自從飲過一次之後每次食西餐見到都會啦黎飲，呢個湯真係好甜好好飲～塊包好似棉花咁吸曬d湯，仲有拉芝！！！次次飲完都勁回味😭仲有暖碗添呀，好貼心，唔會怕倒到落碗凍左👍🏻👍🏻個湯有配麵包同鬆餅，鬆餅好好食，鬆軟得黎又唔太甜，有好香嘅牛油味！砵酒汁煎鵝肝鵝肝真係令人又愛又恨嘅食物，呢度鵝肝唔算大但就有入口即溶嘅口感，個種酥軟甘香嘅味道足以令我回味好幾日。砵酒汁同鵝肝好夾，令鵝肝帶小小酒香味Seafood Jambalaya 新奧爾良海鮮飯有好幾種海鮮而且完美咁樣同飯mix埋

之前黎觀塘都無留意到apm隔離有呢間餐廳，係朋友提議黎呢到食dinner環境好靚，有好多燈飾侍應推介生蠔，每人就隨意揀左2款其中一款係澳洲Coffin bay，之前都食過Coffin bay，但食過咁大隻既Coffin bay，海水味較重和偏咸另一款係貴少少既法國 O'strac，肉質較厚和鮮甜，比較鍾情呢款生蠔主動遞上的麵包和蛋糕叫左個水牛城脆辣雞翼，個醬可以選擇另上雞翼炸得幾香脆，原來除左有原味辣辣地既醬，仲有一款芝士醬，隨你喜歡叫左半份 美國燒排骨肉很厚，比外面的ribs 偏向無咁乾，不過我比較喜歡燒得燶一點，但食無咁燶既ribs都有另一番感覺另外個燒烤醬同外面一般既有分別，不過味道都幾好德國肉腸拼盤，有3款不同的腸，細條既係辣肉腸，下層分別係豬肉腸和牛肉腸辣肉腸味道幾好，辣辣地但豬肉腸和牛肉腸既味道係ok，但味道比較似， 食落有d悶，如果多幾款種類既腸會比較好甜品係鮮果拿破倫賣相吸引，不過食落唔方便，好難share, 結果變成逐層食 ，無左拿破倫幾層一齊咬既口感另外叫左杯Somersby cider，2個人飲都夠

一直都好想試下去高級餐廳据下扒，食得好一點，咁岩又行開觀塘呢邊，所以就上openrice睇下有咩食評推介，結果我同男朋友選了曼克頓這間餐廳☺️☺️佢個廚房係open kitchen形式，可以俾客人睇到廚師的功架，好有存在感，亦感到美食在準備的惑誘，相當吸引❤️️❤️️餐廳入面既layout都好整齊好有情調💕💕 特別適合情侶夫婦等來慶祝一下☺️☺️我地見其他人都點左生蠔食，所以我地教點左4隻試下😛😛4隻生蠔都係來自唔同地方，濃淡味都不一樣，可以一試😎😎都ok，好有海水味✌🏻️✌🏻️另外，我地都點左一個小食拼盤：裹面有雞翼，焗著，炸芝士條，有filling既煎薄餅... 最岩咩都想試少少既人，絕對可以滿足你，而且味道不錯～ 我特別中意食芝士條，一口咬開，條芝士絲一直拉不斷，haha，正呀😆😆再黎我地叫左個龍蝦湯，佢幫我地開成2碗，真係超濃郁呀，超重龍蝦味，仲食到龍蝦肉，果然真材實料呀😍😍😍我男朋友叫左呢個12oz既肉眼扒，好濃牛肉味，又嫩滑😋😋😋我就叫左呢個西冷扒，同樣好juicy好有牛味😚😚😚我叫左7成熟，外面煎到剛剛好封住左肉汁，面裹面就你鮮嫩既粉紅色，超鬆軟，同時又保留到煎封牛既香味... 一絕呀😎😎😎

小弟過左幾個月空中飛人嘅生活，12月終於可以唔洗出差，梗係即時約朋友仔出黎食飯吹水啦～今次呢間餐廳係經係觀塘返工嘅朋友仔介紹，餐廳地方夠大，又有露天area，唔洗坐到好逼咁，幾好幾好～我地首先點左小食拼盤同凱薩沙律小食拼盤入面我最鐘意係個水牛城雞翼，啲汁夠惹味，啲肉又夠嫩，正個焗薯皮好香口，而且啲芝士味唔會過濃，唔錯唔錯啲沙律菜夠新鮮，而且好多煙肉碎，份量而都好多，抵食啊之後我地點左牛肝菌忌廉湯，生蠔同燒排骨個湯嘅味道唔會死咸 清清地但有牛肝菌嘅香味。生蠔夠新鮮，澳洲哥分灣生蠔個邊好爽口，我幾鐘意呢隻燒排骨係我同朋友嘅最愛，我地點左半份。上菜見到份排骨好開心,有成8條骨咁多～燒排骨啲肉質好嫩，唔似有時會食到啲燒到好似柴皮咁嘅排骨，而且個汁夠濃，食完4條我仲想食啊！我地點嘅飲品，仲有somersby 防水袋送～哈哈成晚我地不斷吹水 係咁細聲講大聲笑～真係好耐無同呢個朋友仔見面啦，所以唔經唔覺坐到人地差唔多收鋪點嘅我呢篇食評嘅標題係服務熱情嘅餐廳呢？係因為呢到嘅侍應就係好細心，一留意到我地隻碟污糟即刻幫我地換，水杯冇水即刻添水，又會主動行埋黎問啲野食好唔好，夠唔夠～呢一點小弟我真係好欣賞臨

在 Blue Monday 返完工，要吃頓好的來「喂」勞自己！之前在觀塘工作的時候，就知道附近有間格調高的餐廳，一早已經想來試試，適逢今次有同事到觀塘見客，那我們就相約到位於觀塘亞太中心3樓的【曼克頓餐廳】聚腳。餐廳位於的亞太中心就在觀塘APM商場附近，在觀塘鐵路站A2出口大約行2-3分鐘就到。一入餐廳，先是有一片以曼克頓夜境作背景的燈飾映入眼簾，甚有格調。之後經過長長的Bar枱，枱後的酒櫃放滿各色各樣的酒，喜歡坐Bar枱飲返兩杯的人一家會被吸引住。再深入餐廳，以黑色為主調的枱櫈，黑色的天花上有低垂而下的吊燈，高雅的氛圍加上空間感十足，甚有氣派。職員示意我們往前走就會到餐廳的露天雅座。有時食到悶悶地，或興之將致，還可以到露天企位飲兩杯啤酒。露天的環境比較空擴，空氣都份外清新，雖然附近大廈林立，但在香港地難得有一個露天的高級餐廳，難能可貴。每張枱都有一棧會變色的燈，雖不是燭光晚餐，但看得出來餐廳的心思。來到這裡必定要食蠔，餐廳生蠔的種類甚多，由中價產自澳洲Coffin Bay的生蠔，到有生蠔界Hermes之稱的Gillardeau都有，而且食生蠔的最佳季節在9月至4月，所以我們在點主菜前

✿╮❤╭✿ ✿雜感女生 好味日記✿ ˚*•✰。曼克頓．享受優質浪漫。✰•*˚ ✿✿舌尖上的觀塘✿✿ ❤餓底飯聚❤ ❤ 在觀塘區，一般吃飯的朋友會選工廈尋寶 而亞太中心(OPC)就是少見的西餐食廈 和好姊妹飯聚，當然選在apm附近最就腳的OPC 品嚐來自曼克頓的好味道 喜歡這餐廳的牆壁設計，亮亮的燈光呈現出曼克頓的風貌 提高了整體的欣賞指數與浪漫指數 Mocktail: Virgin Daiquiri 選了芒果做主角，非常sweet的果汁氣息 是非酒精類女生最愛 Mocktail: Chocolate Banana 厚道極強，香甜香蕉味，LOAD勻朱古力 即時將蕉的香氣與濃情朱古力結合成Perfect Match 法國黃金蠔 鮮甜的法國氣息！肉厚而滑溜，帶輕微海水味，非常新鮮出色的味道 美國泰勒太平洋石蠔 肉質肥美而爽脆，海水味較濃，適合熱愛海洋滋味的朋友 蟹肉釀白菌 愛菇者與愛蟹者必點！可愛的粒粒上台 內裡蟹肉多而鬆化，帶著濃烈的燒菇香氣味，蟹的甜汁與菇汁..WOO 傳統紐西蘭燴羊膝 羊膝肉質香軟而充滿羊肉的香氣，醬汁帶有強烈細滑質感 入口香軟又保留了一

真心被所有所謂ge食評 fake 晒：(1) 好唔好食好個人，但對我嚟講完全唔值，價錢屬於中上、未到 fine-dining，但quality 就真係中下，我覺得比其他舊式西餐廳還要差，但價錢貴一倍；(2) 服務特別到你唔信，明明未食完啲野佢都會走埋嚟收走你啲野...例一: 有個餐包未食，waiter 問都未問就想收左份野，我望住佢佢先話以為入面冇野，呢單都算，因為有塊布包住左個包；例二: 有兩份薯條響檯，個 waitress 竟然走埋嚟想收走一份、跟著就話「兩個人一份得啦」...整！你係咪玩野呀，你啲薯條又唔係 free refill.... (3) 我經 tablemap book 檯，經理竟然話因為我係經 online booking、又送左甜品、佢哋要俾 admin fee，所以冇得儲 asiamiles (因為都要收 admin fee 喎)...如果係咁你either 推一個 promotion 出嚟算啦.....總括嚟講：堅可以 blacklist 呢間餐廳，因為附近仲有太多選擇，而唔係乜都冇!!

2016.12.06【12.6 觀塘改觀之旅（下集）】好姐妹早早約定今日，要為佢個Project嘅完滿成功而慶祝，佢話時間地點由我定， 開定位等佢， 佢個人過來就得啦。所以又Openrice靚餐廳食Fine Dinner。Openrice App 啲相好靚呀，好就呢間。 學張家輝講：宜家冇，將來會有。 暫時未去美國曼克頓， 未住曼克頓山， 將來會去美國曼克頓， 會住曼克頓山， 宜家去曼克頓食住等。 好靚嘅裝飾牆，用燈光勾勒曼克頓。 仲有室外座位，方便飲嘢同食煙人士。 做嘢果時唔識餓，放工之後就會特別餓，加上工作過後，行咗一陣APM。坐低馬上睇Menu,嘩呢個Christmas Menu,好吸引噃，有M6和牛食可以提議老闆Annual dinner同Christmas Party一齊攪。呢個兩人餐都幾抵，心諗一陣就要呢個。 呢間餐廳都經細心，專門一個蠔Menu,介紹吓唔同蠔嘅特點。老闆係愛蠔人士，有時都聽吓佢講蠔經。記得佢成日講果幾隻，佢最鍾意嘅，所以我又試吓。不過，真係好餓，所以先叫幾隻蠔同扒皇帝大蝦，食住等。 澳洲塔斯曼尼 好似介紹講，佢係奶油味，冇海水味，肉質豐富