MGB by Manhattan Grill & Bar (已結業)

幾日前約左幾個好姊妹提早過聖誕節，我地揀左之前食過既曼克頓餐廳，鍾意呢度好有氣氛，坐得又夠舒服。聖誕節當然要一齊慶祝，食好嘢同交換禮物喇首先，我地叫左個海鮮小食拼盤，入面有炸蝦、炸魚、炸魷魚、炸洋蔥圈同炸薯條。每樣食物都有少少，岩曬我地呢d鍾意多選擇啲既女仔。經理推介左2款蠔俾我地：美國同法國. 法國蠔比較肥美亦較滑身，容易入口。而美國蠔海水味較重，味道比較濃。根住呢個係和牛漢堡包。薯條炸得好脆，好香口。沙律好新鮮，好fresh好開胃。和牛好有牛肉味，加埋芝士煙肉，十分惹味呢！呢個係半隻燒雞及燒排骨，雞肉外脆內嫩，雞皮十分脆，而且入面嫩滑多汁。至於燒排骨，佢整得好軟熟，一切就食得，鎖住曬d肉汁。到左甜品方面，叫左個朱古力心太軟。外層朱古力十分濃味，加上流心朱古力汁，整個朱古力係口腔徘徊，真係朱古力迷最愛。另外，雲呢拿雪糕可以減低朱古力既濃味。蘋果批。呢個蘋果批上面有個雪糕，但係下面就係熱辣辣嘅蘋果批。令人感到有冷熱交集嘅感覺。後面蘋果批整得好脆, 又有蘋果粒，十分有口感！另外，我仲見到聖誕節同除夕倒數既special menu. 見到聖誕節既menu, 每人都係$398，就有咁豐富嘅嘢