Le Viet (已結業)

Le viet本來只有the one那一間分店，之前食過好正，但實在太多人等位，知道旺角開左分店，試下黎多唔多人先！由於太新，應該仲未有太多人知新分店，所以直入完全唔駛等✌🏻門口有個精選推介餐牌，三樣都好吸引，但我地得兩個人，唯有三揀二相信過多幾個星期慢慢多人知道新分店，就唔能夠唔駛等就直入，想試就快來我地點菜都係偏濃味，所以一定要點埋飲品椰青，$42青檸梳打，$28牛油雞翼，$72牛油再加上蒜頭粒，脆仆仆又香口越式咖哩牛腩鍋配法包，$88咖哩係少少辣，迎合大眾口味牛腩淋夠入味越式海鮮酸辣鍋，$148鍋入面海鮮料好足，有蝦，蜆同魷魚等等，全部大大隻我地連湯底都飲哂清埋

從 Open Rice 推介內看見 Le Viet 越南菜，約了朋友試試但沒有什麼驚喜 😅先點了海鮮柚子沙律和牛油雞翼試試，邊吃邊叫！海鮮柚子沙律不過不失，但牛油雞翼就麻麻哋！油太多、脆漿太多 no good! 😑再叫了蒸粉包，同様哋都係太多油及放在蝦片上吾夾，剛蒸好粉包有濕氣另蝦片吾脆又癡住晒要用手將它分開 😐 都吾敢再叫咖哩🦐煲 😅 只叫咗個炒椰菜苗同甜品芒果糯米飯內黑糯米太少欠口感不過地點、環境、價錢及份量都 ok, 如果沒什麼要求嘅朋友都可以去一去，我就 .......

可憐今日星期六要返工做啲野，攪掂得黎都4點，就同個同事諗住食埋野先返屋企，就過左去銀行中心新開間Le Viet食。同事話之前喺the one 食過佢間分店都幾好食。難得佢4點仲可以叫lunch set😂價錢平啲啲仲有餐飲。所以就叫左個生牛肉湯粉。同事唔想食粉麵飯，就叫左個牛油雞翼同啤酒。呢個鐘數人流唔多同埋都有啲伙記落左場食野準備晚市，不過人少少坐得仲舒服，我地坐喺窗邊正正望住以前好多大媽唱歌既西洋菜街。生牛肉湯粉幾大碗，份量適中、辣椒仔、芽菜薄荷葉跟埋一齊上畀你自己落，好齊全！啲牛肉都切都幾薄同新鮮，配埋蔥花、生洋蔥同埋湯底，唔錯！最讚係個河粉夠薄，口感一流。雖然都係好standard既越南湯河，不過所有基本野都做足，good。我地仲叫左個椒絲炒通菜，唔算好油，除左辣辣地之外都食到有蒜香同少少蝦醬，都炒得幾用心。招牌牛油雞翼就好香，雞翼好大隻！不過我個人就覺得有啲油，佢面頭係炸完再放啲蒜蓉去提味。同事對呢啲炸既肉類就大愛，佢話送生啤當happy hour 一流，哈哈。臨尾加多個芒果糯米飯，雖然等左一陣先到，不過又幾妹好食。黑白兩糯米都熱熱地煙煙韌韌、椰汁甜度剛好，芒果都好甜，份量兩至

夏日炎炎，逛街逛到累了，休息一下吃點東西，要消暑開胃，越南菜絕對是個好選擇。天氣熱先叫一杯檸檬梳打，冰凍無糖的梳打水更加解渴。再來小吃沙嗲串燒分別有豬、牛、雞肉各一，牛肉脂肪平均，肉味濃郁，豬肉肉質結實爽口，沙嗲的味道香濃惹味。越式拼盤 十分豐富，包括有炸春卷、蝦餅、燒豬頸肉、扎肉蒸粉皮。炸蝦餅熱辣辣，吃下去十分爽口彈牙。烤豬頸肉油脂令人滿足，入口芳香。扎肉蒸粉皮內有豬肉碎、黑木耳等材料，豐富口感。 生牛肉湯河， 清香的牛湯底加上滑身的河粉， 蘿蔔夠甜。吃時擠點青檸汁，加入芽菜等一起吃，口感非常豐富呢！海南雞飯皮爽肉滑的海南雞，要配上油飯及雞湯，配黑豉油、薑蓉及辣醬，十分惹味。

我们在过去礼拜日总共26人到餐厅吃午饭。部长变通帮我们摆好位子使我们可以一起坐在餐厅的一边。这已经使我们对餐厅的服务态度感到很满意。餐厅新、干净、舒服；食物质素以价钱计数算是十分的好。我们非常满意！我不是习惯写食评的人，但这次餐厅给我们的印象和经历的确值得一赞！朋友们当来试试！！品评

同女朋友旺角行街，喊到晚飯時間見到呢間之前喺尖沙咀好出名嘅越南餐廳喺旺角開分店，於是就諗都唔諗即刻上去嘢食種類同尖沙咀嗰間都一樣，唔會有太大分別自己叫咗一個生牛肉河湯底非常濃郁，牛肉都好嫩滑，蘿蔔都非常甜呢條香茅燒木綿魚驚喜十足佢燒得非常香口，而且魚肉都非常juicy配上酸酸甜甜嘅醬汁真係非常惹味，完全比到東南亞嘅感覺跟住呢個牛油雞翼小食又係非常好味，有濃濃嘅牛油香味，而且因為新鮮炸起表皮都非常鬆脆，我同朋友都話很幾隻絕對唔夠喉

成日覺得係出面食泰越菜係最抵食，因為調味同材料實在太多，係屋企預備好麻煩。旺角嘅銀行中心原來開左一間越南菜，仲要係本身已經有D名嘅le viet!因為係新餐廳，裝修都好時尚又乾淨店內無咩人，所以有窗口位座，鬧市景都別有一番風味。好少見到米紙卷有煙三文魚料， 感覺好清新，煙三文魚的煙燻鹹香味能夠將呢味清淡菜式推向另一層次青木瓜蟹肉雞絲沙律，我自己幾乎食左三份之二碟，因為加左泰式魚露汁，好開胃， 青木瓜絲為主真好爽口好新鮮，撈埋蟹肉同雞絲非常好入口。雞牛豬串燒又係我至愛，尤其係燒豬真係剛剛好，仲有肉汁，面頭燒得焦脆無得輸咖哩炒虎蝦真係好足料，味道濃到化不開，虎蝦都幾多肉TIM，不過如果怕辣可能要嗌杯野飲中和下，我自己都頂唔順叫左個椰青，好大個超解辣。最後因為想要個飯黎送個咖哩，要左個大蝦菠蘿飯 D蝦都新鮮，不過真係飽到食唔落D飯但去到甜品又唔同講法了，焦糖燉蛋好好食呀!!最愛面頭個片焦糖，入面仲有好多呍喱拿籽，芒果配椰香糯米飯就唔使講，實係好食，反而最欣賞椰汁糕，好有咬口，而且又香甜，呢個拼盤大概一百蚊，但三樣甜品都好大份，都幾抵食

我去過一次越南短線旅行，最有印象就係佢悶熱嘅天氣同埋美食，因為我真係唔鍾意越南又熱又濕，所以冇再去一次旅行嘅衝動。但係香港我就久不久都會去品嚐一下越南美食。最近係旺角炒散，所以大把時間喺附近啲商場搵吓有冇平靚正好嘢食。同事話俾我聽最近佢哋都有一個好舒服嘅蛇竇，聽講係新開嘅，我哋一於去試吓。原來就係銀行中心旁邊嘅商場，上一層就見到啦！行到門口已經聞到香噴噴的美食香味。首先飲一杯冰凍三色冰，我成日都諗緊一條條嗰啲好似 jelly 是什麼，配合椰汁真係好好飲。越南美食一定要品嚐 米紙卷是常識吧！特色扎肉加粉絲同蔬菜，配合埋自家製酸辣汁，更加滋味。而我最有興趣就係辣椒膏炒大蜆，每一隻蜆都好大隻，肉厚而且肥美多汁，加上辣得惹味刺激的辣椒膏，唔想浪費一月追加一條法國包，吸晒所有醬汁的精華，而且夠飽肚。同埋我覺得這店的串燒特別好食、特別推介、而我自細就喜歡食燒雞翼囉！最後當然都要來一下甜品，芒果糯米飯不能錯過吧！鴛鴦糯米飯夠特別，黑白配上椰汁，芒果鮮甜，開開心心又吃到一餐美味的越南美食。

今日天氣好好，陽光普照，同朋友去左旺角中心呢間越南料理餐廳食晏，坐低之後叫左兩個午市套餐-生牛肉湯粉($64)，同埋去骨海南雞飯($68)。生牛肉湯粉裡面啲生牛肉夠薄夠大塊，最喜歡啲牙菜仔同羅勒葉用透明玻璃管present出嚟，玻璃管裡面仲放左清水，令人感到牙菜仔用羅勒葉都好似新鮮水種出嚟咁。去骨海南雞飯啲鷄肉夠滑，皮丶肉分明。餐飲要左即磨咖啡同埋椰汁紅豆冰，因為唔習慣越南咖啡太甜，所以叫左即磨咖啡，想不到有驚喜，即磨咖啡夠香，加埋奶之後仲變得更香滑，椰汁紅豆冰雖然紅豆唔諗，但係好香椰汁味。另外又叫左一客扎肉蒸粉包，上枱之後見到每個粉包都漲卜卜，裡面好多餡料，入口啖啖肉碎，見到啲粉包有生菜伴碟，一於整個生菜粉包食，一樣好味道。

呢間越菜係尖沙咀有分店，一直想試但次次都好多人，今日發現旺角有新分店就即刻試試呢個第一個要講，特別推介呢個特別火車頭湯河，真材實料牛骨湯，飲得出真正用牛骨淆，淨係個湯都抵。除此之外料同分量都十足，生牛肉好鮮嫩，絕對值得一試。仲有呢杯紅豆冰，睇落同普通紅豆冰一樣，但係佢唔係出面用糖水加椰奶開水，而係用濃郁既椰汁，飲落感覺非常濃厚滿足。除此之外，軟殼蟹係我見到必叫既一道菜，呢道既軟殼蟹材料都唔錯，唔算係第一，但係絶對係一個好食抵食既選擇第二就係雞翼，呢個雞翼既調味好特別好有特色，炸得剛剛好，有好香既牛油味，食一舊停唔到口

每次約朋友行旺角都係銀行中心等，但原來銀行中心唔止係一個等人地標，入面原來仲有正野食。今日朋友就帶我入去食佐間好正既越南餐廳店名叫做LE VIET，個名都好越南店面裝修好得體，坐位都相當闊落。黎到望下MENU ，諗得到既越南野都有，價錢都好親民，分分鐘平過好多無裝修既小店﹗我例牌必點一個海南雞飯，朋友就點佐個生牛肉湯粉，另外點佐個咖喱同埋米紙卷SHARE 食。先黎竟然係個越式咖哩軟殼蟹窩配法包，呢個價錢真係一D 都唔貴，113個大洋，佢係咖哩同軟殼蟹分開上，可能怕個軟殼蟹煮得太耐唔食會淋曬，都幾細心，而咖喱一路都有火去熱住。仲跟住一大條法包分量真係一D 都唔細，咖喱好香，唔算太辣，岩曬我呢D 唔係咁食得辣又鐘意食咖喱既人。軟殼蟹外層好鬆脆，入面都幾嫩幾多肉，咖喱配法包都幾正，其實食呢個可以唔食飯都得再黎係個生牛肉湯粉，呢隻粉其實好多越南餐廳都唔敢俾太生的牛肉，因為如果牛肉唔夠新鮮或者湯唔夠熱都幾大鑊﹗但呢度就唔同，淨係睇隻色都知D 牛肉有幾新鮮﹗如果真係鐘意食生牛肉湯粉，真係要黎呢間試下﹗海南雞飯都唔錯啊，我最鐘意食去骨海南雞，無骨，易食，最緊要係雞油真係好香，再配埋個油飯，真係無得彈

同男朋友做gym前當然要食翻個靚brunch先，見到呢度又韓燒變左越南野就決定入去試下😋❤️海南雞飯 $68雞肉唔算多，但食落好夠滑，亦唔會有雪味，幾新鮮😋油飯好夠香，粒粒分明，醬汁亦不錯另外仲有個湯🤪❤️生牛肉湯河 $64湯頭好夠濃味，唔會有騷味，加辣椒同青檸會更惹味。更值得推既係佢既河粉，真係勁滑身，份量亦算多，正！❤️青檸梳打 ❤️椰青❤️牛油雞翼 $72勁邪惡，但好香牛油味，雞翼亦十分大隻！真心正！值得一講既係，呢度既環境坐得好舒服，唔會迫🤝🎊Lunch set 價錢亦唔算太貴，會翻兜🤪

為左就朋友收工 就去左最就腳嘅旺角搵食上openrice先發現Le Viet喺旺角開左分店 之前去過尖沙咀 個印象已經好好 所以就去新店encore！環境好舒適 request左坐窗邊 可以望到西洋菜南街街景～<< 鮮蝦米紙卷 $42>>米紙卷係我食越南最常叫嘅清新前菜！米紙又晶瑩又透薄 加埋鮮蝦、青瓜、紅蘿蔔等 配合埋個醬汁點綴清爽又開胃<<越式咖喱雞鍋配薄餅 $105>>賣相非常給力呀💪🏻 咖喱汁好香濃薯仔、雞肉煮得好入味 同時夾雜住椰香同香茅味 惹味得黎又唔算辣怕辣嘅朋友都可一試！大家記住要襯薄餅～沾咖喱汁一齊食 簡直一流<<香茅燒木綿魚 $145>>魚肉能保持嫩滑魚入面放咗香茅、檸檬葉 再加上海鹽 所以非常入味之餘又不失鮮味再沾埋酸辣汁 美味十足～整體味道非常好 新分店都依然冇令我失望而且環境又舒服 係三五知己聚餐嘅好地方～值得推介

行旺角見到一間新嘢，咪捉埋大人上去食，去到門口睇個餐牌就知係食越南嘢，就排隊入坐啦，可能新開侍應有D生手但好有禮貌嘅。入到去先遞上水再等我慢慢睇餐牌，跟大人商量完後,我哋決定要個小食併盤，海南雞飯同埋一個越式火車頭酸辣鍋，因為我家大人係牛魔王無牛不歡。食物到啦，先嚟個小食併盤裏面有4款小食，個蝦餅就夠厚身又彈牙面又脆卜卜，豬頸肉味道ok，春卷都好好味係油咗少少，而個粉飽配埋個汁清清地裏面係木耳，紅蘿蔔少少肉碎，跟住就係個海南雞飯個雞夠滑又唔肥個油飯又香又唔好煲得太淋，最後就係個火車頭酸辣鍋，個鍋湯底用咗好多蕃茄同埋新鮮菠蘿同埋香料，鍋就有好多不同嘅牛，有牛腩，牛片，牛丸相當唔錯，而個湯好開胃個新鮮菠蘿熱食酸酸甜甜好爽，食完連大人就話再去甜品跟住又同佢去搵間甜品舖再食。

最近旺角多了一個新商場，商場內也有不少新餐廳、茶飲及美食廣場俱備。但沒想到銀行中心也有一個覓食新場地，餐廳地方夠大又舒適，座位充足還有觀景，以越南菜為主的Le Viet。Le Viet提供越南菜選擇不少，在尖沙咀店時已經人流滿滿，來到旺角新場地，開業也不算很久，所以人流還不多，相信日子久了，也會是人流滿滿，適合任何人仕前來吃飯的好地方。******************************來到Le Viet 的門前，放在很大的食物照片，餐廳位於銀行中心商場1樓，從電梯而至不點都不難找。Le Viet 座位非常充足，光線充足還可以欣賞窗外的街景，在繁忙的工作下班之後，前來吃個飯也感覺舒適又自在。柚子海鮮沙律 HKD78，沙律用上青木瓜絲加入柚子和海鮮調配而成。沙律口感非常清脆爽口，因為青木瓜絲很爽口。柚子又清甜，海鮮還有蝦、墨魚和蜆肉的鮮味，配上甜甜地汁，都幾清新。香茅豬頸肉紙米卷 HKD42，紙米卷內除了有香茅豬頸肉，還加入了檬粉，所以整體味道較為清啖，必須要配上醬汁而吃。豬頸肉味道有點略不夠惹味，但紙米卷口感都幾彈性，也算不錯了。椒鹽軟殼蟹 HKD148，軟殼蟹在越南餐廳都很常