Le Viet (已結業)

行旺角見到一間新嘢，咪捉埋大人上去食，去到門口睇個餐牌就知係食越南嘢，就排隊入坐啦，可能新開侍應有D生手但好有禮貌嘅。入到去先遞上水再等我慢慢睇餐牌，跟大人商量完後,我哋決定要個小食併盤，海南雞飯同埋一個越式火車頭酸辣鍋，因為我家大人係牛魔王無牛不歡。食物到啦，先嚟個小食併盤裏面有4款小食，個蝦餅就夠厚身又彈牙面又脆卜卜，豬頸肉味道ok，春卷都好好味係油咗少少，而個粉飽配埋個汁清清地裏面係木耳，紅蘿蔔少少肉碎，跟住就係個海南雞飯個雞夠滑又唔肥個油飯又香又唔好煲得太淋，最後就係個火車頭酸辣鍋，個鍋湯底用咗好多蕃茄同埋新鮮菠蘿同埋香料，鍋就有好多不同嘅牛，有牛腩，牛片，牛丸相當唔錯，而個湯好開胃個新鮮菠蘿熱食酸酸甜甜好爽，食完連大人就話再去甜品跟住又同佢去搵間甜品舖再食。