Le Viet (已結業)

今日陪朋友去旺角買波鞋, 買完波鞋去搵食係街望上樓上發現左呢間好似幾正所以就黎幫襯下就下正唔正正子 MENU選擇好多,D圖片都好吸晴! 小食太多選擇喇 , 為左唔想選, 所以我決定要哂!黎個精選拼盆!有蝦餅、春卷、豬頸肉、扎肉蒸粉包, 咩都有哂岩哂我哈哈我想講呢個飯真係好正!!佢叫超載椰青焗飯!真係人如其名!多到咁超級抵食! 仲要好好食! D椰汁甜甜地好好食不過實在太多喇,下次叫多個FD黎一次食先食得哂哈哈哈再黎多個特別火車頭, 大大豌好抵食, 同FD SHARE 岩岩好又發現左一個旺角新好食店!下次再黎旺角既話, 會成為我飯堂之一!正! 非常推介超載椰青焗飯,念念不忘也~

嚟到旺角就算你冇諗定食乜都唔使驚冇嘢食，今晚同朋友諗住坐得舒服啲傾吓計，咁啱行過銀行中心，抬頭望上去見到有一間落地玻璃嘅餐廳，原來係Le Viet旺角分店，之前係The One分店食過都覺得好味，一於去Encore!餐廳環境開掦仲睇到旺角街景，比起尖沙咀分店，這𥚃空間感十足、坐得舒服！Menu依舊係選擇繁多，二人最後叫咗串燒半打、海南雞飯、炒椰菜苗、辣椒膏炒大蜆。燒香後嘅串燒配上又香又惹味的辣汁， 即時變得更惹味雞髀嫩滑有彈性， 唔鞋口，皮肥而腍。例牌份量也頗多，足夠可以Share~如果鋪頭Menu有椰菜苗，我一定會order，椰菜夠新鮮爽口記得上次個炒蜆好好味，所以今次同朋友介紹翻再食過，水準依舊如果唔係已經飽飽哋真係好想叫個法包蘸來吃呢！食食吓飯傾傾吓計差不多兩個多小時都無人趕我地走，服務員又好Nice，我同朋友都話呢度好好。開得分店嘅餐廳，真係少D實力都唔得。

今日係旺角睇完戲之後去左銀行中心食越南菜。食越南菜最好就係可以選擇簡簡單單食一餐，又或者豐豐富富咁盡興。而且食物美味之餘價錢又合理，是不錯的選擇。柚子海鮮沙律：一絲絲的青木瓜酸酸微辣，是開胃的沙律菜！蔗蝦：蔗蝦香脆彈牙，食到中間仲可以啜下蔗汁，幾得意。香茅豬扒湯河：簡簡單單點左一個香茅豬扒湯河lunch set已經很飽足，另外加了$8三色冰特飲，於夏日炎炎中爽一爽！越式咖哩軟殻蟹配法包：另外點左個軟殻蟹咖哩鍋同朋友開心share，軟殻蟹炸得香脆，沾上熱騰騰香濃的咖喱，幾惹味！

呢排連場暴雨，攪到無心機去街，但早成個月前已約好朋友飯聚，無理由為左場雨放飛機咁衰仔既，約埋朋友係地鐵站等再行出地面，地鐵一出就係銀行中心，既然係咁就近近地上去搵間餐廳坐低先，上一樓已見呢間新開越南餐廳，地方坐位闊落，裝修舒服乾淨，就二話不說坐低叫野食，食物款式不少，但兩個人都細食，所以點左唔係太多野食，有蒜蓉牛油雞翼、蒜蓉抄椰菜苗、咖哩軟殼蟹鍋配法包、青擰梳打及咸擰梳打，各款食物味道都唔錯，但特別推介蒜蓉牛油雞翼，即炸熱辣辣上枱，蒜油牛油味極香濃野味，外皮炸得脆口但內裏雞肉汁卻滿瀉，真係不得了

星期五既旺角周圍食飯都好多人，行開銀行中心新開左呢間越南野決定就試下！一上去行入小小就見到，侍應好親切咁幫我地帶位，所有野都好新，第一感覺已經好舒服。我好鐘意食越南米名紙卷，所以一定要叫個試下～所以選擇左豬頸肉米紙卷。另外仲叫左咸魚炒芥蘭，咖哩大虎蝦（仲叫左個飯）同埋咸檸梳打同椰汁綠豆冰。先黎個咸魚炒芥蘭，岩岩好唔會太咸，d芥蘭又新鮮，夠爽脆，不過份量就少左d豬頸肉米紙卷，個汁好正啊！個皮又薄包住濛粉豬頸肉仲有d菜，最緊要係有九層塔！好香！正啊咖哩大虎蝦，好多蝦啊！d汁又好味，撈飯一流！d洋蔥同菜都唔放過，全部清哂！咸檸梳打，有成樽梳打比你，夠哂氣，d咸檸又夠味～好飲！椰汁綠豆冰好似好少有，所以特登叫黎試下，d綠豆好多，椰汁好夠椰味，一d都唔淡，好好飲.！

嗰日放假喺旺角行完街 無意中畀我發現有一間餐廳喺銀行中心商場一樓 而且地方都幾大 喺旺角好少有咁寬敞 環境幾舒服我哋坐喺窗邊 望返落去西洋菜南街 下面人來人往 個view唔錯Order咗牛油焗大頭蝦 雖然都要等咗一陣先有得食 這個整得不錯 碟餸上枱嘅時候我同朋友都有啲驚喜賣相係十分靚嘅而這隻蝦真的是非常大隻 就好似食龍蝦咁 因為係牛油焗 所以係超重牛油味 鍾意食嘅朋友應該會覺得幾香 蝦頭嘅膏好多 蝦身都好肥美 我連槓都食埋 不錯 而且價錢都唔貴牛油雞翼都整得唔錯 幾香口 我覺得最重要嘅係食完唔會覺得好腻講真行街真係好少會去銀行中心商場 冇乜嘢行 但係如果過嚟食個晚飯反而幾好 坐得舒服啲 啲嘢又幾好食

早前一位朋友從澳洲回港，說特別掛念香港的東南亞美食，得知旺角新開Le Viet 分店的口碑不錯，決定帶佢嚟一試~這間店的環境整潔，寬敞闊落，特別值得一讚是服務態度專業，有禮貌，朋友一反映冷氣凍就即刻替我們換枱，又會自動自覺加水。我哋點了2個餸加2杯飲品。精選拼盤：一盤4款，包括越式春卷，蝦餅，香茅燒豬頸肉，扎肉蒸粉包。 香茅燒豬野味香口，肉軟而不韌；蝦餅外脆內軟，啖啖蝦肉。另外點了一個越式海鮮酸辣鍋，海鮮量算多(大蝦，細八爪魚，蜆...)，海鮮鮮甜，因為加咗菠蘿同蕃茄的原因，個湯酸中帶甜，非常開胃，加埋啲香茅，與冬蔭功湯底非常相似。大概5至7分鐘後開始滾起飲品：椰汁紅豆冰，椰汁比一般的多，好夠椰香味。

我去過尖沙咀嘅分店食過非常之好食，今天在旺角行街知道他開了旺角新店所以過嚟試下旺角新店地方比尖沙咀店舖大，地方寬敞舒適，入到店舖店員很有禮貌地招呼我們坐低看一看餐牌和尖沙咀的差不多一樣這個生牛肉湯粉，飲一口清湯非常之清甜也帶有牛肉味，他的牛肉也十分濃郁，蘿蔔也很林，食一口河粉很幼滑超水準這個豬頸肉炒河還可以咖喱軟殼蟹配印度薄餅，咖喱香濃印度薄餅加咖喱汁來食十分滋味，軟殼蟹剛剛炸起就這樣食已經不得了，外脆內院蟹肉鮮甜牛油雞翼我最喜歡食，香濃的牛油味加上蒜頭咬一口雞翼，皮酥脆肉嫩滑有汁，簡直一絕，我又多一間餐廳飯堂，一定有下次

約了家姐一齊去食越南菜，這間在銀行中心新開不久的Le Viet有開揚光猛的窗口，對住彌敦道方向。我們兩個人點了幾點小食及推廣的特價菜。先點了一個椰青兩份飲，味道清甜解渴。蝦餅表面沾上炸粉，炸得香脆，裏面啖啖蝦膠肉，結實彈牙。扎肉蒸粉包粉包外皮有點煙韌，裏面夾著些肉碎及木耳等，上面舖上扎肉片及香葱，味道比較清淡健康。咸魚炒油芥蘭芥蘭苗炒至翠綠爽脆，除了有咸魚香味還加了點薑汁燒酒。越式咖喱牛腩鍋配薄餅咖喱味道濃郁帶點辣，還有些椰汁香味，帶點微甜，牛腩炆到很入味而且夠腍，入口鬆化，薯仔炆至入口即溶，配上香甜薄餅，十分惹味。

次次出開旺角搵嘢食，都好難諗到食咩好！因為好多時都係，係咁趕你走， 一係坐得好迫好唔舒服！所以真係好難搵到啲坐得奈又舒服寬落既餐廳！今次見呢間越南菜 ，好似係新開就試下啦又估唔到佢坐得幾舒服！仲有兩道菜都幾出色㖭！而家就介紹畀大家！牛油雞翼呢個雞翼當佢上茶嘅時候，已經好香！係真係啱啱炸起嘅！ 食落去外脆肉嫩！好味！椰子飯（唔記得佢真名）呢個飯好出色！好好味！個汁重椰子得黎又唔會太多！海南雞啲雞肉好嫩好滑！一定唔似得啲急凍雞！真係唔錯！

好耐之前係尖沙咀分店食過一次，今次黎到旺角既新店，環境地方寬敞舒適夜上人流唔算太多，唔會太嘈。我地一行幾人被安排坐係店內較靜既位置，方便傾計，我地點左串燒半打、馬拉盞炒芥蘭、蒜香雞中翼、鹽燒烏頭魚、椰青等。先o黎串燒有六串分豬肉同雞肉，配上沙o爹醬都幾好味燒完都唔太乾，仲有肉汁，好快已經比我地消滅左。馬拉盞炒芥蘭，馬拉盞夠入味，唔錯唔錯蒜香雞翼大大隻，有5隻，外皮脆脆地又有濃濃蒜味，雞肉都好嫩滑。好味鹽燒烏頭魚外要包住厚厚既粗鹽，燒完熱辣辣上枱，切開仲出o黎煙架，魚味鹹鹹地仲好嫩滑，配上少少檸檬汁同香草，鮮味又開胃，魚油又夠香，值得一試。大大個椰青，夠凍夠青甜，飲完仲要食埋旁邊d椰肉先收手，哈哈哈Le Viet算得上價錢合理又親民

下雨天，在旺角處處都人山人海，剛巧又帶著小朋友，就在附近找到一家新開的越式餐廳晚膳，侍應姐姐殷勤地招待我們，又細心的安排我們坐到店內安全及寧靜的位置，還問我們需要嬰兒椅嗎？感覺誠懇又親切。一來到小孩子便嚷著要吃蝦蝦，好的，就叫了大蝦菠蘿炒飯，上面配了幾隻大蝦，一望已經大滿足，整個菠蘿上桌視覺效果不錯。菠蘿炒飯用上半個新鮮菠蘿，味道酸酸甜甜，大蝦爽口彈牙，十分開胃，小朋友搶著搶著便整個吃掉。簿餅：小孩最愛，剪開一小塊一小塊，用來配海南雞飯的甜豉油，也吃得津津有味，小孩子自己一個全部吃掉，一點點也不分出來。牛肉湯金邊粉：牛骨湯底好喝，金邊粉滑度不錯，配上香草提升了味覺無骨海南雞飯：海南雞很滑很嫩，沒有骨，吃起來大口大口的，很有情威，不用吐骨頭，所以不失優雅，哈哈

今晚同屋企人去mk dinner , 平時食飯佢好有要求 估唔到今次竟然有讚冇彈 我搵岩好西😎之前係tst 食過 搵食咩果陣知道旺角新開 就食佢啦個人好鍾意食炸軟殼蟹 係餐廳見到有通常都會order咖哩軟殼蟹鍋配法包個軟殼蟹炸得岩岩好 夠脆唔好粉又多肉個咖哩鍋仲燒住比你食 夠哂熱 配法包都正 我覺得配飯會更正 但叫左個金邊粉就唔叫飯啦 會太飽 咖哩好惹味 偏辣 屋企人就食得辣 我就要飲水先食到 但正嘅香矛豬頸肉炒金邊粉都幾大碟 又多肉同配菜 味到重胡椒味多過香矛 有小小美中不足牛油雞翼超正即叫即炸 我食左3隻🤤🤤really good有時出開去食野叫過 冇味太厚粉 炸太耐 呢度完全冇 本身冇諗住叫驚伏 但見格離枱叫 睇落好正 跟住叫🤣焦糖燉蛋x2想叫芒果糯米飯 但staff話芒果唔靚 唔建議我叫 咁就揀左呢個唔錯喎 好過好多糖水鋪 兩個人食左咁多野 好勁😍最鍾意叫到一枱都係不過食得哂 不浪費食物👍🏻

自從冇左大媽喺旺角唱歌🎤我先敢黎返行下街，今日趁未打得成風就諗住早早地食埋個飯先返屋企。上來銀行中心行個圈見到新開既Le Viet就入黎試下啦！😌由於黎既時候5點零，人少少咁，難得佢地唔落場，店員就帶我地坐窗邊位、坐得舒服😌😚好難得5點仲可以食lunch set! 即刻抵食左好多🤣而且都好多選擇👍🏼男友話既然仲有lunch set 食咁抵，就可以叫多個main dish試下🤤🤣🤪先來左湯，同泰式一樣有啲清雞湯，有舊瓜或者紅蘿蔔🥕食下，清清地濕下咀，餐飲就連罐連樽既海南雞飯餐份量適中，雖然啲雞🐥有少少肥，但都好滑好香。我特別欣賞個油飯🍚，飯既質地黏黏地但又硬身，有少少甜椰油香但本身又唔油，食落口好香！男友個 Le Viet招牌飯都唔錯，大大份啱男士食💪🏼有豬扒、串燒雞翼、札肉同煎蛋🍳香茅豬扒肉質好嫩同埋調味得唔錯、串燒雞翼有啲甜甜地燒得香口👍🏼我地仲叫多左個椒鹽軟殻蟹🦀，賣相係幾樣野之中最吸引🤤😋個蟹用椒鹽先炸起再加左啲蔥、洋蔥、炸蒜同紅椒仔炒埋一齊爆到好香，唔錯😋鍾意濃味既一定要試下！而且個蟹又唔會炸到好油，如果叫埋咖哩嗰啲點汁食應該唔錯🤤👍🏼雖然今晚揀既野食好似唔係好越南🤣🤪但係佢啲

我一向都早收工, 約朋友食飯是正好, 越南野就最好不過我6:00就已經到, 不用等位, 坐得舒服, 地理位置勁方便一坐底先叫杯青檸梳打, 我要唔甜, 檸味夠, 仲要唔係用平時泰國餐廳那款紅色梳打, 夠特別我食越南野必點生牛肉河, 因為生牛河代表住餐廳的食物係未新鮮, 湯底代表餐廳對食物的追求(最重要是我好鍾意食生牛河)講返食物先生牛河---真係必食, 唔食真係跌左個優惠海鮮椰漿飯---勁多飯，滿瀉同深不見底，我同朋友兩個人其實真係食個面嘅一半已經飽咗，仲要係勁好味，勁椰漿小食拼盤---豬頸肉：最好味，爽脆、越南春卷、越南*粉果、蝦餅：另外三樣都正通菜---正常口味, 不會太油青檸梳打---夠特別