Le Viet (已結業)

為左就朋友收工 就去左最就腳嘅旺角搵食上openrice先發現Le Viet喺旺角開左分店 之前去過尖沙咀 個印象已經好好 所以就去新店encore！環境好舒適 request左坐窗邊 可以望到西洋菜南街街景～<< 鮮蝦米紙卷 $42>>米紙卷係我食越南最常叫嘅清新前菜！米紙又晶瑩又透薄 加埋鮮蝦、青瓜、紅蘿蔔等 配合埋個醬汁點綴清爽又開胃<<越式咖喱雞鍋配薄餅 $105>>賣相非常給力呀💪🏻 咖喱汁好香濃薯仔、雞肉煮得好入味 同時夾雜住椰香同香茅味 惹味得黎又唔算辣怕辣嘅朋友都可一試！大家記住要襯薄餅～沾咖喱汁一齊食 簡直一流<<香茅燒木綿魚 $145>>魚肉能保持嫩滑魚入面放咗香茅、檸檬葉 再加上海鹽 所以非常入味之餘又不失鮮味再沾埋酸辣汁 美味十足～整體味道非常好 新分店都依然冇令我失望而且環境又舒服 係三五知己聚餐嘅好地方～值得推介