Le Viet (已結業)

上次食完這間越南餐廳，今日在旺角行到肚餓，心思思今天又上嚟食，明顯今日很多人，好彩還有座位，不需要等入到店舖店員很有禮貌地招呼我們座低，這裡空間寬敞，座位舒服細看餐牌有很多選擇，每樣都很好食這個生牛肉湯粉十分好食，湯底清甜，牛肉亦很新鮮，很有牛肉味一碗湯粉的靈魂就是他的湯底，他煮得很好這個豐盛陽光早餐＄108，十分豐富這個新鮮走地雞粥，粥底煲得很棉，食一口雞肉很有雞味，好食這杯椰汁紅豆冰飲一口很香濃的椰子味，也不太甜啱晒我蝦餅亦很好食牛仔骨亦煎得剛剛好，咬一口很濃郁的牛肉味，肉嫰味濃

一早到旺角上training ，至11點幾食個brunch，近近地去銀行中心一樓新開嘅Le Viet，叫左Le Viet All Day Breakfast 豐盛全日早餐，由早上8:00至下午5:00供應，等左20分鐘，一大盤食物放響眼前，有鮮橙汁（亦可選凍豆漿）、越式大蝦柚子沙律做前菜，牛油、煉奶可配菜脯煎雞蛋、厚烘多士，越南魚露、越式蒸粉飽，我自己就覺得碗越南鮮雞粥係成盤早餐嘅重點，雞有黃油，令碗棉棉粥底有雞香味，雞件亦多，單係碗雞粥已經非常飽肚，食左三分一原味雞粥後，放埋芫茜蔥花及豬肉鬆，另一番風味，咸點食完，仲有新鮮雜果杯及甜品焦糖燉蛋，最後慢慢嘆返杯香濃咖啡（可選普洱/香片）等落一落格；整整十四款all day breakfast 只係$108，抵唔抵就見仁見智，但無可否認非常飽，我成個晏晝都唔洗搵零食😆

今日又同朋友四人行，食泰國野開下胃，一行四人為揀係旺角開餐，隔離就係地鐵站方便走人。店面夠開揚，坐得幾舒適啲餸都上得幾快，一瞬間我地張枱已經無空位最愛的牛油雞翼，可算必點美食肉質鮮嫩飽滿，表皮炸得酥脆，散發濃郁牛油香味雖然牛油味重，但雞翼並不油膩，炸粉亦唔會厚蝦餅、春卷，每件都炸得黃金香口，係唔錯既餐前小食炸蝦餅，相當出色，外皮香脆、入面彈牙又有蝦味沙嗲牛肉串燒, 牛、豬和雞，可自由組合，沙爹醬好惹味，仲有花生粒，口感一流。沙嗲醬好好味，肉串一點都唔DRY，係一定要叫的，真心正，唔會輸既菜黃咖哩炒虎蝦~ 呢碟送一上枱,咖哩既香味就即時忍唔住叫碗白飯呢種咖哩汁係我最鍾意嘅，少少甜味， 撈白飯食一流，開邊虎蝦有十幾隻，都幾爽口呢個酥薄唔係普通既好味，又香又薄，跟呢個咖哩送的，用落點咖哩食一流，就咁食都好正海鮮冬蔭湯，酸酸甜甜料又多，唔錯 三色冰就係椰 奶味重,其他入面綠色呀紅色野好好味好煙UN價錢不貴，質量亦佳，大碟又好味，係唔錯既飯聚選擇。

之前行開The One見到呢間Le Viet好似好多人食已經想試 但礙於小胖男友唔想等位既原固最終都無食今次係旺角銀行中心遇返呢間餐廳 唔駛等位 當然二話不說要幫襯啦 生牛肉河粉 越南菜既 Signature dish 湯底燶郁 河粉夠滑 最特別係除左可以隨自己喜好加入辣椒同青檸外 仲有個杯迷你"盆栽" - 芽菜 畀你加落碗生牛河內唔食都睇得下蔗蝦大大件 蝦膠彈牙 甘蔗好甜 炸得唔錯唔油膩蒜蓉炒椰菜苗 味道同口感都好椰菜苗爽口非常 用蒜蓉炒就最惹味 炒得夠晒鑊氣 好味燒豬頸肉越南米紙卷 都係一個唔錯既選擇 唔會太熱氣 但又不失香口 加魚露食特別開胃另外仲叫左3串串燒可以揀三併 一次過試齊豬牛雞三個選擇 食飽飽 飲埋個椰青 小妹又感到好滿足

⠀⠀⠀⠀⠀⠀⠀⠀越南同泰國野通常都係無胃口既時候，會想食😆⠀⠀⠀⠀⠀⠀⠀⠀⠀⠀⠀⠀⠀⠀⠀因為d野食選擇夠多清新或濃味既都有😍⠀⠀⠀⠀⠀⠀⠀⠀⠀⠀⠀⠀⠀⠀⠀近日主打越泰菜既Le Viet就係旺角開左分店😝😝味道同尖沙咀總店係並無二致！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣「Le Viet」在法文中有我是越南仔的意思，早於5年前已經進駐尖沙咀The one，主打新派泰越菜，一向性價比都不錯。近月更於旺角銀行中心開設分店，以後就可更方便地食到！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣超載椰青焗飯💲103💭幾乎滿溢，材料都幾豐富💭青豆粟米提子剛好增添口感💭不過海鮮較少，除頂蓋之外💭內裡都係飯居多😢😢⠀⠀⠀⠀⠀⠀⠀⠀⠀⠀⠀⠀⠀⠀⠀2⃣LE VIET拼盤💲115💭一個拼盤試嗮4款😍😍💭有越式春卷&蝦餅&豬頸肉&粉包💭全部都好正，最愛蝦餅！⠀⠀⠀⠀⠀⠀⠀⠀⠀⠀⠀⠀⠀⠀⠀3⃣牛油雞翼💲72💭入口超香，皮雖然有d厚💭但都幾有口感，雞翼多汁💭好香牛油，十分邪惡😝⠀⠀⠀⠀⠀⠀⠀⠀⠀⠀⠀⠀⠀⠀⠀4⃣咖哩炒大虎蝦💲168💭虎

到旺角看電影前，先來到Le Viet吃午餐. 這間分店面積相當大，以四人桌為主，2人行我的我們也被安排坐舒適的4人桌，不用抱着手袋吃飯實在舒適~ 鹹檸疏打 (跟餐加$8) 鹹檸混疏打是低卡又解喝的凍飲，怕胖的女生要慎選飲品呢! 去骨海南雞飯 ($68) 跟餐奉送的清湯熱度十足，不會過鹹，內裡亦有一大件白蘿蔔，都幾有heart~ 海南雞飯 無骨海南雞雞肉相當嫩滑，沾上甜豉油更覺美味，至於油飯亦有咬口且富油香，也很有水準! 春卷札肉撈檬 ($64) 色彩繽紛的撈檬，配菜有胡蘿蔔、生菜絲等，再加上香脆春卷& 札肉，伴以清爽開胃的撈檬，作為午餐感覺均衡健康~ 椒絲炒通菜 ($62) 惹味的椒絲炒通菜，都頗有辣度，通菜嫩綠，午餐吃點蔬菜增加多一點纖維~ 精選甜品拼盤 ($108) 一客甜品拼盤已有齊我喜歡的香芒糯米飯、越南綠豆拉椰糕& 焦糖燉蛋，可以滿足哂我的甜胃了!! 芒果很香甜，再加上有咬口的黑白糯米飯，很美味; 拉椰糕也是熱辣辣的，甜度剛剛好而非常煙韌; 焦糖燉蛋脆糖片香脆，燉蛋嫩滑且有不少雲呢嗱，實在很有誠意~ 吃到飽飽又滿足，又是時候去看電影啦

First time there. Chicken wing and satay style skewers are delicious. We ordered the coconut rice. Looks and tastes good. Thumbs up 👍🏼👍🏼

之前食過尖沙咀嘅分店，之後當日晌旺角search openrice見到喺旺角開咗，就諗住再encore，首次去到銀行中心去搵食，旺角間分店都幾寬敞，入到嚟差唔多9成坐滿，好彩仲有位唔洗等之前都有飲過佢地個越南咖啡，今次就算係夜晚嚟都要再飲，事關的確唔差，水質好夠熱，未攪前先喝一口夠晒苦味，加埋甜味後咖啡味仍在，保持水準另外仲有甜品拼盤，都真係幾抵食，有我個人最like嘅忙果糯米飯，又有焦糖布甸同班蘭cake, 每樣都好好味，一次過食晒幾樣，最啱多人時分享主食方面試下金不換白酒煮蜆配法包，份量味道算係唔錯，首次用白酒煮蜆嘅汁點法包食，感覺幾特別，當然如果蜆大隻啲就會更好喇😂另外仲叫咗個特別火車站，呢個粉晌好多唔同嘅越南店都有得吃，包晒多種牛嘅配料：牛柏葉、牛丸、生牛肉等，食落湯底夠熱，粉滑身而且無煮到過淋，味道👍🏻👍🏻👍🏻

之前同朋友食過尖沙咀THE ONE既LE VIET，無諗過會喺旺角既銀行中心開分店，位置真係好方便！因為新開既關係，即使晚飯時間都唔會好嘈好迫～柚子海鮮沙律頭盤當然係要食健康既沙律，呢份沙律有好多柚子肉，味道酸甜開胃，仲有彈牙蝦肉同魷魚。咖哩軟殻蟹配法包咖哩汁係好似火鍋咁放喺爐上面，令到咖哩可以一直保持熱度，而軟殻蟹係分開送上，咁就可以保持香脆口感。咖哩味道帶椰汁香味，一點先都唔覺得辣，所以怕辣既人都可以開懷地食。另外配上既法包質感較硬，最適合放入咖哩汁中浸十幾秒先食。蒜蓉牛油雞翼雞翼隻隻都漲卜卜好大隻，每隻雞翼上面都有大量蒜蓉，而雞翼炸得金黃香脆，咬落啖啖肉。椰青椰青水好清甜，入面既椰肉清甜爽口

好像很久沒有到過銀行中心，記得這邊以前有得影貼紙相，又有得扭蛋，突然心血來潮，走入這個很久沒有到過的地方，發現這邊改頭換面了。多了賣精品的小店，少了留倩影的青春無限，還想念著中學時期跟好友們來這邊拍照，然後大家爭相奪取心儀貼紙相的一幕，那些時光已成追憶，相起依舊甜。 走著走著，見到這家很眼熟的越南餐廳Le Viet，原來銀行中心也開設了這家越南餐廳的分店，那我就來試試，看看跟尖沙咀分店的分別吧。這邊的地方大很多，而且十分寬敞。食物方面，這邊的菜式多很多，也許是土地問題的緣故吧，廚房大細絕對能影響一家餐廳提供的菜式的款式。 生牛肉湯粉 ($68) 越南菜怎麼能缺少一碗生牛肉湯粉？湯底略為清淡，但喝下以後不會感到很「味精」，要是可以在湯底上再花點時間鑽研一下，不是說現在的不好，只是想吃到更棒的味道而已。生牛肉薄薄一片，肉味也蠻濃郁的，不錯。湯粉煮完以後不會過淋，恰到好處的。 金不換白酒煮蜆配法包 ($158) 法包就夠香啦，而且暖呼呼的，對於我這個澱粉質女生來說，實在是最佳食品之一。金不換白酒煮蜆的份量充足的，而且也夠鮮味，加上少少白酒跟金不換的香氣，令蜆更為甜。個人覺得金不

同同事一齊慶功～就來了這裡🤤🤤🤤實在太好味啦⋯（回想起都在流口水⋯）來到這裡必要食這個串燒！因為真的好好味！😍肉質夠口感，唔會好難咬～味道濃郁 好入味超誇張的椰漿飯！超濃裂的椰香！口感幼滑，加上其他的雜菜粒粒同海鮮！口感層次豐富～好正丫！之後再來了個咖哩軟殻蟹！咖哩有少少辛口，好濃郁幼滑，都有重重的椰香味，配上外脆內軟的軟殻蟹 真係冇得彈！yummy!最貼心的是分開上～真的很好啦～咖哩配埋法包食，更加吸收晒咖哩的精華！真的是不得了仲有米卷～點上酸甜汁～感覺好清新呢～最後來多杯 紅豆冰！幸福～～～～🤤

今日晚餐食乜好？我就從來都唔會虧待自己嘅，所以呢同個同事走嚟旺角度食番個好好食嘅晚餐！因為成日行過呢間鋪啲分店都覺得有樣好想試吓佢，不過就怕佢會好濟，所以就仲未食，好彩今日呢個同事都幾大食先敢咁做！！😋呢個咁誇張嘅講法就當然係呢個超載椰青焗飯啦！！平常見人哋食就睇落唔多嘢但就好濟咁，點知今日到咗去叫佢番嚟食，就反而無喎！又唔可以話濟，而係真點究極超載！！！🤤好好食呀！！！又多料喎！！誇張到啲汁係流哂出嚟，就好似自己啲口水咁0.0哈！順帶一提一定要襯熱食哂佢，咪會無變得無熱咁好食呀！再叫多個咖哩雞鍋，嘩！呢個嚟到又搶一搶咗當時張枱啲味同焦點🤤好正呀！！呢個咖哩，又唔辣喎！真係好唔錯呀！再配合埋個法包就真係一流了！法包都要俾佢化軟再溶入其中，哇～～～～無得頂！！

早上已約定視光師驗眼配鏡，上到診所才知道擺烏龍，約期原來是下星期二早上，無奈只好離開到附近商場溜溜，逛逛吓不經覺已經十一時多，心諗不如早點吃過午餐才回家吧！經過永隆中心看見leviet門口有個大餐牌，我諗番起曾在leviet吃過牛油焗大頭蝦，那次是吃晚飯，美味的牛油焗大頭蝦想記都舐舐脷，不過，日光日白都唔會吃牛油焗大頭蝦，再細看.....有全日早餐喎！豐盛陽光早餐，早餐的款式豐富，决定品嘗！豐盛陽光早餐來了！實體和照片都咁漂亮和吸引！讓我由上至下、左至右分享一吓！凍鮮橙汁（自選）、越式柚子大蝦沙律、鮮雜果杯、焦糖燉蛋、豬肉鬆、熱檸水（自選）牛油、煉奶、芫茜蔥花、 越南魚露、越式蒸粉包菜脯煎雞蛋、厚烘多士、雞粥。趁熱，我先塗牛油煉奶吃厚多士，簡單却很滋味。非常好吃的菜脯煎雞蛋，菜脯爽脆雞蛋滑嫩。我喜歡將越南魚露添加落越式柚子大蝦沙律吃，有很滿意的味道，大蝦、柚肉還有爽口的木瓜絲，沙律內容很充實。 越式蒸粉包，包面有蔥粒、乾蒜片同埋半片扎肉，薄薄嘅的粉包皮包有肉碎、蝦米、木耳、味道有少少辣味，好味道，造型精緻！雞粥粥底綿滑有質感，不是稀釋釋的粥水，雞肉滑嫩有鮮雞肉味，無骨的雞肉有4、5件之

喺旺角食越南泰國嘢食，都幾多選擇！今次去左呢間係銀行中心一出記到既二樓餐廳！地點好方便！環境都唔錯！舒服乾淨！佢呢度都有唔少出名菜！我試咗呢都覺得正正常常係好食！但係又未至於一定要試！但係呢有個小食牛油雞翼係非常好食！做得好入味！好重牛油味！仲要我去都叫完呢個小食之後，我諗大約等左10分鐘先到！我相信佢係即叫即整嘅！ 嘢食到食落口係好熱㗎！ 非常嘢味！另外佢仲有個椰汁飯！椰汁🥥好香！好好味！個飯加配左提子乾食，更加食到佢個層次感😋😋😋😋😋

今晚同咗幾好朋友去咗旺角這家叫Le viet的越南食店。環境很大，坐位很舒服，冷氣又充足。晚飯時段，已坐滿9成客人，生意很好。店员好有禮貌，而且十分友善。看完餐牌，好多選擇。叫咗蝦餅，熱熱地，即炸，好好食。口感一流。又叫咗牛油雞翼，好脆，非常入味。至於串燒有雞、牛、豬選擇，尤其牛串燒，做得非常出色，無乜肥肉，好好食。很難忘。再叫咗香芧燒牛仔骨，牛仔骨好入味。再叫咗咖喱牛腩鍋配印式薄餅，薄餅配咖喱汁，好好食，牛腩也很好味道。另叫咗海鮮酸辣鍋，好多海鮮，酸酸辣辣，胃口大開。最後叫咗海鮮炒檬粉，份量好足，海鮮又多。非常好味飽滿的一餐。至於飲品方面，叫咗三色冰，賣相好靚，好冰凍，好好飲。另外叫咗越南滴滴咖啡。咖啡味好濃，好飲。綜合各方面，這家越南食店，絕對值得推介。